• إعلانات المنتدى

    • Gamiela

      ضيوفنا الكرام   21 يون, 2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/
Gamiela

الشاعر مصطفي ود المامور "سوزان"

عدد ردود الموضوع : 3

سوزان

شعر مصطفي عبد الماجد المامور

اسكندريه يناير 1976م

 

فَرَضْنَا أبوكِ ( ياسوزان )

أسَاسْ أجداده فى اليونان

ايه اللَمَّه واشنطون

ودَخَّلْ فيها وادي السين

وشال من طِينُمْ الإتنين

وخَلَقِكْ إنتي (ياسوزان)

دى حكمة رَبِّكْ المَنَّانْ

عايزكْ تَبْقِى (مصريه)

وتَقْرِى زراعه ..

شَانْ ما تْقَابِلي إنسان

والله عشان بِرِيدْ بلدك

جَابْ مَسْمَاهَا في القرآن

و جابك إنتي مصريه

و خلاّكْ مَفْخَرَةْ أوطان

وناس (سوزان) عشان تهجين

قوامُنْ جاى زىَّ البان

شفتو النيل ..وكت فى الدلتا حبَّه يميل

ويزيدا حلاوةْ الوديان ؟؟؟

دى ميلة البانه في (سوزان)

و ( سوزي) الليْنَه يوم ما تميل

تخلِّى عقولنا فى طَيَشَانْ

وناس (سوزان) عشان تهجين

عيونهم ماخْدَه من النيِّل

وظَاهرْ فيها أثَرْ السين

مِخَدِّره زى عيون ( ديستان)(1)

جوز عينيها زيتونتين

وَكِتْ ما تجيها إنت قريب

تشوفِنْ يلالو فى فنجان

أولْ مرَّة فى التاريخ

تُزْرَعْ فاكهه في انسان

مناخك نَجَّحْ العُنْاَبْ

وقَامْ في صدرك الرُمَّانْ

وفى وَجَنَاتِكْ التفاح

نَجَحْ في وَشِكْ إنتى نجاح

يفوق الجاىِّ من لبنان

 

( سوزان) لوحه تجريدى

مزيج من أَبْدَعْ الالوان

مرَّه تشوفها جنِيِّه

ومرَّه رقيقه حُوريه

أصلاً (سوزى ) مصريه

و بيها إتْكَامَلْ السودان

( سوزى) الرقَّه والجبروت

مجازر دَمْ في عين جالوت

و(سوزى) الملكة حتشبسوت

و (سوزى) وداعة الغزلان

نغمة صوتك المنغوم

آهه نغمة في (أم كلثوم)

وقولة حىَّ في الأذان

ودائما ( سوزى) لما تفوت

تسيب في قلوبنا رَنةَّْ صوت

صوت الكلمه والألحان

ولو كان ترضى حتشبسوت

أريت كان ترضى حتشبسوت

نشيل من صوتا حَبَةْ صوت

تَبُثُّه إذاعة ( أمد رمان)

شارك هذه المشاركة


الرابط الخاص بالمشاركة
مشاركة المحتوى على مواقع أخرى

الاستاذه جميله ابراهيم السيد لك تقديرى ومحبتى للجهد الكبير والابداع الذى قمتى به فى تقطيع ومونتاج القصائد وهذا جهد كبير يستحق التقدير وقد وصلتنى اشادات انتى اولى بها غايتو ياناس المكتبه يوم شكركم مايجى مع تحياتى لربان السفينه المهندس قبانى وصديقى دكتور ماجد والسبلوقه وزول طويل وعبدالمنعم عثمان وكل العقد الفريد

شارك هذه المشاركة


الرابط الخاص بالمشاركة
مشاركة المحتوى على مواقع أخرى

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .


سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.


سجل دخولك الان