• إعلانات المنتدى

    • Gamiela

      ضيوفنا الكرام   21 يون, 2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/
Gamiela

الشاعر مصطفي ودالمامور "الزهرة الجديدة"

عدد ردود الموضوع : 1




الزهرة الجديدة
مصطفي عبد الماجد المأمور



( أثيوبيا) تحفل ( بالملينيوم )
و نحنا نحفل بالوصايل
لقينا زهره جديده ناديه
و الندي في الخد هطايل
الخدار ممتد وزاهي
و الحسان طَرَفْ النجايل
بعضهن رَفَلَنْ يِقِدْلَنْ
و بعضهن قَعَدَنْ عدايل
و كلهن غنن بلكنه
كانهن في روض زجايل
القوام راشق متني
و في الصدير خوخات قلايل
يِرْقُصَنْ رقص الحمايم
و الخصير قسمين و مايل
وصيد أديس الشفنا داكا
القليب خلوه وأجل
خاصه لما الظبيه ترنو
غامزه ليك في غفله كاحل
أو هوينه عليكا تدنو
زي قديم قمريه خاتل
و السحاب فوقن يضَاري
تاليَّّ ايده ورِدْفُه شايل
لابروق تومض وتخبو
لارعد صابي الوبايل
لاعصار زعزع مهبو
ولا هبوب سوي العمايل
البجيك هنا كله بنعش
و النسيم لي دعاشو شايل
و السحاب أب لون رمادي
ظلل اللون في الأصايل
و أينع الزهره الجديده
وطَلُّو زان خد الشتايل
وخلي موية (سبتا) شايله
زي لجين نازل جدايل

من تلال بخريرا تبكي
مويتا وسجع الهدايل
هل حياتك شفت مويه
فضه تنساب كالحبايل ؟
أو مطر ناثر لالئ
من سحاباتو الشوايل ؟
أو حسان تمرح تغنَّي
في الربا ترقص أرايل ؟
غير (أديس ) ملكت شعورنا
و عَمَقَّتْ فينا الوصايل
ما ملام لو ليها تحنو ..
وهل يلام شاعر مغازل ؟؟
و عدنا بالذكري الجميله
مع صحاب للروح خلايل
ودعتنا (أديس) بشوقا
رغم أيامنا القلايل
و كدنا نَرْجَعْ بي نسيما
معانا في داخل فتايل
ينفعنا في الصيف و الهجيره
و تنعش الجوف العلايل
وهل بعيد مُشْ جانا نيلهم ؟؟
من زمان أهل الفضايل ؟؟
مالو لو ادونا نسمه
و كملوا باقي الجمايل
لو كمان أدونا صيدم
أمانه ما فيهم غزايل !!!
* * *

مصطفي عبد الماجد المأمور

______________.wmv

شارك هذه المشاركة


الرابط الخاص بالمشاركة
مشاركة المحتوى على مواقع أخرى

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .


سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.


سجل دخولك الان