• إعلانات المنتدى

    • Gamiela

      ضيوفنا الكرام   21 يون, 2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/
Gamiela

الشاعر مصطفي ودالمامور "صانعة القهوة"

عدد ردود الموضوع : 1



إلي صديقي الحاج / حسن عجمي

البُنّهْ كيف ؟
والصانْعَه ليكا براها كيف ؟
شَفَتَاهَا بُنَّىْ كما الَلَعَسْ
و الجو نَدِيْ مَاطِرْ هتون
بَرَّاقُو يُومِضْ في العيون
و تشوفو في النُجُلْ القَبَسْ
و الصانعه كيف شَعَرَا الحرير

لاماهو يِلْمَعْ في الضفير
يتهادي زَيّْ عُرْفَ الفَرَسْ

أحسب فناجينك تِنِيْ
لمان تناولك و تِنْحَني
تنسي أنك في السِدِسْ
ضِمْنَ الطقوس طلقوا البخور
هَابِنْوُّ ليك يِنْضَحْ عطور
زاكي التَكَنُّو بخور عرس
***
القهوه تَعَنِي الراس عديل
زادوها قِرْفَه و جنزبيل
و الصانعه تفتح للنَفِسْ

مُنْسَابه في الجلسه اللحون
من ناي يشق صمت السكون
و صداهو في الليل يِنْعَكِسْ
و الصانعه أَحْلِفْ فيها لون !
التبري لابد أن يكون ..
(تلياني ) أصلاً من ( فِنِسْ )

من لونا طار مِنَّي الغُمادْ
القمحي شفتو مع الحصاد
و سَنَابْلُو تَلْمَعْ في الشَمِسْ ؟
منْ وين أتي هذا الجمال ؟
غير المليك صاحب الجلال
وَهَبْ الجمال هذا الجِنِسْ

الصانعه جيدا تقول غزال !
ملفوت ملوع في الرمال
في الحزه و الجيد المِلَسْ
و صديرا يادوب في الصِبِا
ليمون أضاليا مِغَلِبَه
نافر يناتل في الحَبِسْ
كيف تَحْبِسْ الوزين يقوم
المويه جنبو أكيد يِعُومْ
و يِفْرَّدْ صديرو و يِنْغَمِسْ

و الصانعه خصرها كالغويش
هو الخَلَّي عقلي يكون مَطِيشْ
يِتْضَارَي و يتكلم هَمِسْ
لزومو آيه ربط الحزام ؟

في خصيرك الضامر الهُلاَمْ ؟
بي أصبعينك بِينْحَبسْ
الأمهريه كلاما حِلُّو
و بيها يظهر ليكا دَلُّو
و يرطب القلب اليبس
لما أسأل فيها تَشْهَقْ
ما عارفه (هيق) أنا ليها بعشق
و شان تَكَرَّرْ أَلْتَمِسْ

تجازي ( يا حسن العجيم ) (1)
حارسني خايف ما أهيم
و الزَيَّ قايل بِنْحَرِسْ
حليلو صاحبي غِلِبْ معاي
و هواهو (أمهري) زي هواي
و كلانا مُغْرَمْ بي (أَدِسْ)

وديتنا لي بلد الجمال
غزلان مَفَلَته ريمه جال
وسوي للقَلِبْ الهَرِسْ
حليلو صاحبي الكان فصيح
و لسانو نَاطِقْ بالصحيح
الليله إتْبَكمْ خِرِسْ
في سَفْرَتُو صابو السهيم
من عين غزال وَادِعْ وسيم
و صابو في مقتل حَسِسْ
بعد الطواف و كمال سعيك
و الحجَّه لي بيت المليك
ليه تاني جيت تَطْمُسْ طَمِسْ ؟؟
ابليس رميتو مع الجِمَارْ
و ايقنت أنو خِتَاكْ و طَارْ
إبْليسَكْ المَاردْ نَجِسْ
عَكَسْتَ سفرك ياصديق
ضَلَّيتْ هُدَاكَا الفي الطريق
مفروض تَّحِجْ أول ( أدِسْ )

gahwa.jpg

____________.wmv

صانعة القهوه استديو.mp3

شارك هذه المشاركة


الرابط الخاص بالمشاركة
مشاركة المحتوى على مواقع أخرى

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .


سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.


سجل دخولك الان