• إعلانات المنتدى

    • Gamiela

      ضيوفنا الكرام   21 يون, 2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/
Gamiela

الشاعرمصطفي ود المامور "خديجة" أو "الكل بيها افتتن"

عدد ردود الموضوع : 1




الكل بها إفتتن

إلي ابنتي / خديجة مصطفى
في عامها العاشر
المحيريبا ديسمبر 94

( خديجه ) في الجمال
الكل بها افْتَتَنْ
زانها النبوغ
من عقلها الفَطِنْ
الصادقه فى الحديث
وفى الفعال معا
سنينا عشره سنين
ولسه ما انْتَهَنْ
مواظبه فى الصلاه
من أوَّلِ الزمن
مجوَّده القران
حافظه فى السُنَنْ
ولدوها فى مكان
من أطْهَرِ المدن



مدينة الرسول
قلوبنا وَلَهَّنْ
صلاه وسلام ألوفْ
فى السرِّ والعَلَنْ
(خديجة الرسول)
إسمك الحَسَنْ
سميته لى بِتِّى
سميت متفائلاً
ولأنو إسم امى
دسيتا في عيني
غطيتا بالجفن
كتير من أمهات
زيهَّا إشْتَهَنْ
يجيبوا زى ( خَجّوجْ )
بأيما تَمَنْ
محال على الأمات
زى ( جُوجَا ) يِوْلِدَنْ
كتير من البنات
تشابه ظاهرن
لكن فرق كبير
لو قاسوا جوهرن

( خديجه ) فى الجَمَالْ
الكُلْ بها افتتن
وداعة الحَمَامْ
يقوقى فى غُصُنْ
رِقَّةْ الأنسام
لطافة المُزُنْ
عيونا ساحرات من نظره يأسِرَنْ
ما شفنا نوع عيون
ناعسات ويجْهَرَنْ
خدود موردات
فى الشمس يِلْصِفَنْ
ما شفنا نوع خدود
وَرْدَاتْ ويرهبن
سِنُونَا لؤلؤات
فى الضَلْمَه يِبْرُقَنْ
ما شفنا نوع سنون
بياضن كاللبنْ
لونك الأصيل
صَفَارْ سَمَارْ معاً


ماشفنا زَيُّه لون
ألوانه تْمَازَجَنْ
جِيِدِكْ النظام
فصوصه أربعاً
ما شفنا زيه جِيِدْ
ما شفنا لا…. ولن
شَعَرْ طويل وليل
سوادو كالدُجَنْ
ما شفنا فيه كريم
ولا مَسُوْح دِهِنْ
سبايبك الحرير ..
غطيها بالحرير بالطرحة حَجِّبُنْ
اصابع اليدين ..
بالله حَصِّنُنْ
قارنيهِنْ بالعنب
تلقيهنْ ألْيَنَنْ
ما شفنا فى الزمن
يدين يِكَهْرِبَنْ ..
أقدامك الحَمام
انشاء الله يِسْلَمَنْ
لايِمْشَنْ فى حَفَا
لايهينِنْ الزمن
إلا فى طَوَافْ
حافيات يِطَوِّفَنْ
ولىَّ يوم عروس
بالِحَّنة يِرْقُصَنْ
لو جالك العريس
بقدومه مرحباً
بَسْ يوزنك دهب
ويِدْفَعْ التَمَنْ ..
( خديجه ) فى الميزان
تَرَجِّحْ الوَزِنْ ..
شفتوها فى الدروس
صافية الذِهِنْ
إنشادا للقصيد
إنْشَادْ سليم بِفَنْ
طلاقه فى اللسان
لاَلَكْنَه لاعَجَنْ
تلقاها والبنات
فى الفصلِ يِدْرُسَنْ
رايقاتْ مؤدَبَاتْ
إشْهَّدْ تَسْحَرِنْ
شطاره وإهتمام
مُمَيَّز خُلْقَهِنْ ..
( هندويه بت الهادى
أولة فَصْلَهِنْ ..
الهاديه فى الطِبَاعْ
الرايقه عَنَهِّنْ ..
وأختهن ( هدى )
أخلاقا زَيَهِّنْ ..
مجموعة العقيد
فى سادسه كُلَّهِنْ
أستاذن ( عز الدين
المُلْهَمْ الفَطِنْ
تَرَكْ اساس متين
لى الجامعه يِنْفَعِنْ
خَلاَهِّنْ البنات ..
فى العربى يِبْهِرَنْ
أدَاهِنْ الإعْرَابْ
خلاهِّنْ يِعْرِبَنْ


وحَبَبْ القَصِيدْ
حَبُّو ودَنْدَنَنْ ..
أستاذن الحصيف
بى سفينو أبْحَرَنْ
خديجه ياسلام
ألقاكِّى وَسْطَهِنْ
نُوارة البنات ..
الزهره جَنْبَهِّنْ
لو شفتى ريدى ليك
ما كان ولم يكن
ما حُبْ أَبُو وخلاص
ده اسْتَشْرَى فى البَدَنْ
وأتْلَفْ القليب ..
لى كْلاَيَا لَيَفُّنْ
نيران على الصدير
بى حبى يُوقِدَنْ
ولما تَكْبَرْ لىّْ
بنيتى تَخْمِدُنْ
( خديجة ) يابتِّى
قصايدى بَفْرِدُنْ
كتبتَّ للكتير
وشِعْرِى خَلَّدُنْ
وما كتبت ليك
وإنتى سِتَهُّنْ ..
مرات تجى الحروف
فى المهجه أكْتُمُنْ
لأنه راجى ليك
حروف ما قُتَهُّنْ
وما أظِنْ أقول
لى غيرك زَيَهُّنْ
دعواتى مُخْلِصَاتْ
اقولها مخلصاً
تزدانى بالجَمَالْ
وعقلك الفَطِنْ
وكلانا يِفْخَرْ بيك
أبوكى والوطن
أبوكى والوطن

________________.wmv

شارك هذه المشاركة


الرابط الخاص بالمشاركة
مشاركة المحتوى على مواقع أخرى

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .


سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.


سجل دخولك الان