• إعلانات المنتدى

    • Gamiela

      ضيوفنا الكرام   21 يون, 2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/
Gamiela

الشاعر مصطفي ود المامور "نجمة سهيلة "

عدد ردود الموضوع : 1

سهيل نجم يمانى عندما يظهر ياتى معه الخير

سبب النزول لاثيوبيه مسلمه من اصل يمنى جمعت بين فتنة العرب وسحر الحبش وجمال المكان فى اديس اببا

لم تدهشها القصيده بقدر ماادهشها كيف يكتب شعراء السودان دون تخزين القات وكيف ان العاميه السودانيه اقرب للعربيه؟

 

 

 

نجمة سهيله

 

مصطفي عبد الماجد ود المأمور

 

 

قلبي نال نجمة سهيله

وهل سهيله ينالا نايل ؟؟

كَمْاَ واحد راضيه أمه

عليه معدوم المثايل

وداعيه ليهو وَكِتْ إجابه

في الضحي ووقت الاصايل

و من حلال كانت لقيمتو

و راضع الَلبَّنْ الحلايل

حتي ما يِستوفي قُرْبِكْ

أو يكون لسهيله نايل

و لما شَبَهْتَكْ بنجمه

انت سَاهِلْ عندي قايل ؟؟

ومهما تِدَثَّرْ بغيمه

ما بحول بيناتنا حايل

و الزيك إنْتَ ُقلال و قِلَّه

و النفيس في الناس قلايل

مره مره تلاقي طفره

حايزه خِصْلَه من الخصايل

إلا إنتي الكنتي شامله

اتعددت فيكي الشمايل

الجمال و الخفه روحك

و التُقي وَ صِفَاتْ جلايل

سِرْ جمالك إحتشامك

و الخمار الفيكي خايل

و كنتي تاج في راس قبيلتك

و أنتو بِتْشَهُّوا القبايل

القبيله الجود بطانا

مابتلد تنجب بخايل ؟

و البشتلو في الفضيله

ما بَحِصَّدوا غير فضايل ؟

ديل كرام كل القبيلة

و بالكرم سبقو القبايل

كلهم أسياد جميله

وعندهم في الناس جمايل

الغني مادد ذراعه

فرحة الكف يدي سايل

و الفقير ينحر و يحيتو

يكرم الضيف عَنْزُو شايل

ياكريم شَطْرَّ السحابه

الندي و كفك عدايل

ياكريم اهديتني حنك

و طوقت نفسي الجمايل

انتي تهدي جميل صفاتك

و أهدي ليك درري الخلايل

شفتي كيف الجات خريده

زفوا بيها الناس طبايل

أصلي صادق في مشاعري

و الصدوق ما بجيب دلايل

في المحافل صاهله مهره

سَاَوَّهْ في المضمار صهايل

لما تحفلي ليكي هاله

تجهر الناس في المحافل

يشوفو (أكزورا) و جميله

لم تَمِسْ هَدَبَا الأنامل

ورده (كوكسينيا) و بديعه

حازت الكاس في الخمايل

الورود رشفت رحيقا

و عَشْرَقَتْ حَلِقَا العسايل

ايه علاقتك بي ورودي

غير تَمِيسْ ليها و تمايل

ناس كتار مكتوله بيكي

بس أنا المقصوص فصايل

غارزه نصلك في كبيدتي

و الكبيد فاتكه النصايل

باليمين تفتك تَوَدَّرْ

و بالشمال تبري النحايل

ياجميل باهي و موهج

فيك سلاح ساوي الهوايل

سيبنا ننعم بي وصالك

و بيكا تكتمل الوصايل

و صالك الحَيَّرنفورك

ليه نفرت مع الارايل ؟؟

خليتنا نسأل كل ظبيه

في الصعيد نَفَرَتْ و سافل

ظبيه كانت عارفه عنك

و عارفه ميزة الكاحلو عاسل

و شان تشابه في عيونك

قاموا ساقوك ُفتَّ راحل

سَوَدَّتْ دنيانا بعدك

وُفتَّ سِبْتَّ قمرنا آفل

الظَبْيَّ كلما أرنو ليه

يقوم يِفَّزْ من عيني جافل

و لما أبعد عَنُّه مُجْبَرْ

الاقي طيفو أمامي ماثل

إحترت قربو أم بعادو ؟؟

البخلي حمامي ثاكل

الجميل دنا وليّ أَبْعَدْ

راحتو مهما يبقي فاعل

لو نأي فوق لي سهيله

برضو داني معاي مواصل

دي الدنيا كيف ما تبقي حلوه ؟

و ماليه أيدك بت قبايل

ناس بتحفل ( بالملينيوم )

و ناس معيده عيده حافل

لقينا زهره جديده ناديه

و الندي في الخد هطايل

الخدار ممتد وزاهي

و الحسان طَرَفْ النجايل

بعضهن رَفَلَنْ يِقِدْلَنْ

و بعضهن قَعَدَنْ عدايل

و كلهن غنن بلكنه

كانهن في روض زجايل

القوام راشق متني

و في الصدير خوخات قلايل

يِرْقُصَنْ رقص الحمايم

و الخصير قسمين و مايل

و السحاب فوقن يضَاري

تاليَّّ ايده ورِدْفُه شايل

و السحاب أب لون رمادي

ظلل اللون في الأصايل

و المياه في (سبتا) سايله

زي لجين نازل جدايل

و السحاب داني و مِضَاري

مره مره يصب و بايل

و المياه بخريرا تجري

فضه تَدْعَكْ في الجداول

و صيد (أديس) الشفنا داكا

القليب خلوه واجل

خاصه لما الظبيه ترنو

غامزه ليك في غفله كاحل

أو هوينه عليك تدنو

زي قِدِيمْ قمريه خاتل

ما ملام لو ليها تحنو

و هل يُلَامْ شاعر مُغَازِلْ ؟؟

و عدنا بالذكري الجميله

مع صحاب للروح خلايل

ودعتنا (أديس) بشوقا

رغم أيامنا القلايل

و كدنا نَرْجَعْ بي نسيما

معانا في داخل فتايل

ينفعنا في الصيف و الهجيره

و تنعش الجوف العلايل

وهل بعيد مُشْ جانا نيلهم ؟؟

من زمان أهل الفضايل

مالو لو ادونا نسمه

و كملوا باقي الجمايل

و برضو لو أدونا صيدم

أمانه ما فيهم غزايل !!!

* * *

__________1.wmv

شارك هذه المشاركة


الرابط الخاص بالمشاركة
مشاركة المحتوى على مواقع أخرى

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .


سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.


سجل دخولك الان