مكتبة الأغنية السودانية

هِديمك يا ولِيد

مَقدود

وصابـِحنا الفـَقـُر

والجوع

صِبح باب التـُكـُل

مسدود

كِمِل حتى الملح

في البيت

وشِن همّ

المِلِح في البيت

وكِت مِلح

الدموع موجود؟

دحين يا وليد

هو ديل

موُ قالوا ناس

"إنجاز" !!؟

وشن سوّولنا

ممّا جونا

غير حَرقوا

الفضَل بالجاز!؟

كُل شيتاً

صِعِب في السوق

من الكبريتة

للطايوق

وكان جانا

البخِت تموين

رطيل سُكّر

وصابونتين

نجيب من وين!؟؟

اخوك مرفود

وعدمان الشهر

مِلـّين ؟


هاشم صديق - صالح عام