26 replies to this topic

[قبانى]

أهدانا اليوم الأستاذ الشاعر مصطفى ود المأمـور وحصرياُ ...من كلمـاته.... ومن ألحان الأستاذ نزار الحميدى ...أغنية أبقو عشرة على الوطن من قصيدته الرائعة يا وطن سِتْرِي و غُتَايّْ ... والتى تم تسجيلها بالأذاعة مساء اليوم بتوقيت السودان...ولم تذاع بعـد ...ولكن أبت نفس شاعرنا العملاق إلا و أن تذاع لأول مرة و حصــرياً بمكتبة الأغنية السودانية...

لك التحية و الأحترام أستاذنا ود المأمور....

تقول القصيدة...

جيد ليّا إِتْفَشَّ الغَبَنْ
ولدوك و هَدْهَدْتَّكْ غُنَايّْ
يشهد صديري الليك حَضَنْ
ياولدي يا ستري و غتاي
واهْنَه و حملتك في وَهَنْ
و الجنه اتكتبت معاي
و مدادا أقدامي الحِفَنْ
و أنا مارعيتك تَبْ براي
أُمَاتْ كتيره معاي رَعَنْ
غنوك أصدق من غُناي
و سقوك من جُوفِنْ لبن
ربوك من يوم السِمَايّْ
تاتوك و رجلينك حَبَنْ
أبواتي كانوا زمان قُوايّْ
و أماتي أصلاً ما قَرَنْ
ما فكوّا حرفين في الهجاي
ربونا حابين للوطن
خَلُوهو يسطع فينا ضاي
زاهي و خدار جنة عَدَنْ
ومن يوما داكا وكان مُنَاي
أولد وليد حَابَّيْ الوطن
يجزيني ما صَنَعَتْ يداي
في مُقْبِلْ أيامو الأتن
و أوصيه يسمع لي وِصَايّْ
لازم ترد حق الوطن
الشالك الرباك معاي
شلناك ولو ليناك معاً
وكيف أَعْفَي مِنَّكْ ياجناي
لو أنت أغضبت الوطن
ياهو الوَقَفْ سَنَدَكْ معاي
بلدان كتير زَحَّنْ أبَنْ
و أقولها ليك آخر وَصَايّْ
أبقي عشره علي الوطن
و تاني عشره علي الوطن
و عشره تالته علي الوطن

ملف مرفق(ملفات)

•  _________________________________________________________.mp3   5.36MB   1534 عدد مرات التحميل
•  manar2.mp3   5.11MB   627 عدد مرات التحميل

تم تعديل هذه المشاركة بواسطةجميلة: 15 February 2010 - 05:58 PM

[قبانى]

منار و ود المامور أثناء تسجيل الأغنية مساء اليوم ...

ارفق صورة

• 
• 
• 
• 

[مصطفى ود المامور]

ياباشمهندس قبانى انت بحسك الاعلامى بتدى اى حاجه نكهة ولون وطعم فى الصوره الثالثه ملحن الاغنيه الموسيقار الشاب نزار الحميدى يمسك الكمان وفى الصوره الرابعه عازف السكسيفون المبدع شوقى ابو الشوق والتحيه لك ياقبانى واعضاء مكتبتنا الحبيبه مكتبة الاغنيه السودانيه

[قبانى]

لك التحية دائماً أخى و صديقى باشمهندس ود المأمور... والتحية للرائع نزار الحميدى و المبدعة منار صديق و العازف الرائع شوقى...عمل مميز يستحق الوقوف عنده و تامل جميل الكلمات و بديع اللحن و المغنى به....إحترامى لكم جميعاً....

..

[ماجد مبارك]

حصريا...لأول مرة ... قبل أن تذاع ... وفي نفس اليوم الذي سُجِلَت فيه.....كلمة شكرا لا تكفي يا أستاذنا الغالي ود المامور....المفروض الوطن هو "الإبقي عشره عليك"...سلمت لنا، لسوداننا ولمكتبك وكل محبيك ومعجبيك.
كلمات في غاية الروعة ومنار، كعادتها، أضافت رونق جميل للكلمات بأدائها الدايما مميز وصوتها الرائع...نزار الحميدي ولحنه الرائع أكمل الصورة الجميلة للأغنيه.
القومة لكم جميعا وبالذات لأستاذنا القامه ود المامور

[الزبير محى الدين محمد على]

منتهى الروعة
لكم منى كل التحية والتقدير ، وووفقكم الله وإلى الأمام

[عبد المنعم عثمان]

استاذنا مصطفى ود المأمور لك التحية والشكر العميق وانت تخص هذه المكتبة الغالية على أنفسنا بهذه الهدية القيمة وهذا السبق الإلكتروني وهو شرف لنا جميع إدارة ومشرفين وأعضاء فكلمات الشكر تقف عاجزة امام تخصيصك هذا ولا نملك الا وان نشكرك مرة أخرى ايها المبدع الجميل فوجودك بيننا فخر لنا وجمال.

تحياتي وعميق محبتي

[زول طويل]

و أقولها ليك آخر وَصَايّْ

أستاذنا الجميل .. ود المامور

أبقي عشرة علي رقبتك !
بيك وش الوطن ناير .. وبرضو حَيران لافي داير
مأمور يفتش في محاسنك .. مُشتاق لي غُناك .. ودَاقي نَوبه
وتاني عشرة علي رقبتك !
من قِليبك بِنشيل مَودة .. وتاني رَيدة .. وبرضو جَنه
واقفين صُفوف .. نَختف حَنانك .. مُحَالَه لفتة .. ومافي آوبه
وعشرة تالتة علي رقبتك !
بي عُيونك بِنشوف أهلنا ..في كل جُملة .. في كل حتة .. في كل سَوبا
بيك الجمال إتشَايل .. فيك الحُسن شَايِل .. مِن فِيكَ غَني الشعر دوبه
يا أمير يا خي .. وباختصار .. آدي قومه .. وليك حوبه

[عادل خليفه]

أستاذنا الجميل .. ود المامور

أبقي عشرة علي رقبتك !
بيك وش الوطن ناير .. وبرضو حَيران لافي داير
مأمور يفتش في محاسنك .. مُشتاق لي غُناك .. ودَاقي نَوبه
وتاني عشرة علي رقبتك !
من قِليبك بِنشيل مَودة .. وتاني رَيدة .. وبرضو جَنه
واقفين صُفوف .. نَختف حَنانك .. مُحَالَه لفتة .. ومافي آوبه
وعشرة تالتة علي رقبتك !
بي عُيونك بِنشوف أهلنا ..في كل جُملة .. في كل حتة .. في كل سَوبا
بيك الجمال إتشَايل .. فيك الحُسن شَايِل .. مِن فِيكَ غَني الشعر دوبه
يا أمير يا خي .. وباختصار .. آدي قومه .. وليك حوبه

الله يحفظك ياود المامور... ياود الرُضا..

قباني.. ماجد .. منعم و زول طويل... شكراً لكم لقد كفيتموني مشقة الكتابة ...

فمنذ سماعي لهذة الاَهزوجة اَصابت الاَصابع شلّل والخاطر خْدّر.

ويلا نغني... ونبقي عشرة علي الوصية .......


و أقولها ليك آخر وَصَايّْ

أبقي عشره علي الوطن

و تاني عشره علي الوطن

و عشره تالته علي الوطن

[Tahir Subahi]

إلى إبنى مصـطفى و اللـه من أجمل الهـدايا و لا سيما و أنت من رحـم طيبـة الاخـلاق و لك كل حـبى (خالك الطاهر صباحى)

[نزار الحميدى]

لك التحية دائماً أخى و صديقى باشمهندس ود المأمور... والتحية للرائع نزار الحميدى و المبدعة منار صديق و العازف الرائع شوقى...عمل مميز يستحق الوقوف عنده و تامل جميل الكلمات و بديع اللحن و المغنى به....إحترامى لكم جميعاً....

..

الشوق موصول انتم بقلوبنا اهديكم هذا العمل حتى نحتفى بهذا الوطن الجميل من خلال تلك المفردة القوية لكم حبى وتقديرى

[nader magrabi]

لك التحية أستاذى ودالمامور
كما عهدناك حروفك الندية وزهورك اليانعة والمشرقة أبداً بالشاعرية وبالتلقائية والعلمية والاحترافية المهنية العاليــا
واليوم يا أستاذنا المبدع أنت تبصم بحسك الوطنى على جبين الوطن الحبيب عبر هذا العمل الفنى والمفردة القوية
والتحية عبركم للمبدعه منار صديق والمسيقار والمٌلحن نزار الحميدى واسرة مكتبة الآغنية السودانية والمهندس قبانى خاصة للتوثيق
ونحن سعيدين و فخورين بكم...ومتفائلين جداً جداً بعد سماع هذه الاغنية وألف مبروك
والى الامام وبالتوفيق وما نوصيكم
وابقو عشرة على الوطن وتانى عشرة على الوطن
لكم حبى وتقديرى

[مصطفى ود المامور]

الاخ نادر والخال الطاهر صباحى والسبلوقه والزول الطويل الجميل الاخ عبدالمنعم والاخ الزبيرمحى الدين ودكتور ماجد والمهندس قبانى نيابة عن منار ونزار وشخصى الضعيف بى والضخم بكم وبمودتكم وحبكم وانيق حرفكمنقدم شكرنا وتقديرنا لوصلكم الدافى الحميم ودمتم لنا ولمكتبتنا

[قبانى]

.

ارفق صورة

• 
• 
• 
• 
• 
• 

[قبانى]

بالترتيب... الأستاذالملحن و عازف الكمان نزار الحميدى... عازف الأورج سلامة... عازف الساكس شوقى ... عازف الكمان زرياب برعى محمد دفع الله...

...

ارفق صورة

• 
• 
• 
• 

[ود كترة]

كلام رائع
ولحن اروع واداء مقنع
تسلم يا سيدى
عندى بعض الملاحظة عن الأغنية (فى رائى المتواضع)ان النص الشعرى عشرة على عشرة
ياريت لو اتغنى كاملا وبالنسبة اللحن بدل ترديد البيت مرتين يدخل النص كامل وبدون ترديد
اعتقد حاتكون اغنية كاملة الدسم
على العموم عمل يستحق تصفيق حار جدا

[مصطفى ود المامور]

الاخ ودكتره اشكرك على رايك واتفق معك وسوف انقل رايك لملحن الوطن استاذ نزار وحقيقة كان اتفاقنا الثلاثه ان نقدم عمل وطنى للتاريخ واعتقد انه سياخذ برايك

[نزار الحميدى]

كلام رائع
ولحن اروع واداء مقنع
تسلم يا سيدى
عندى بعض الملاحظة عن الأغنية (فى رائى المتواضع)ان النص الشعرى عشرة على عشرة
ياريت لو اتغنى كاملا وبالنسبة اللحن بدل ترديد البيت مرتين يدخل النص كامل وبدون ترديد
اعتقد حاتكون اغنية كاملة الدسم
على العموم عمل يستحق تصفيق حار جدا

شكرا على الملاحظة الجميلة لكن ابى الاستاذ ودالمامور الا ان يهدى المكتبة ذلك العمل قبل ادخال الكورال والموسيقى النهائية لذلك العمل واامل ان يتم تحميل النشيد بصورته النهائية

[مصطفى ود المامور]

اخى نزار ارسلت النسخه النهائيه للمهندس قبانى بالباندوقبل ثلاثه اربعه يوم والباشمهندس مهتم ولكن لعله مشغول

[قبانى]

الأسف كل الأسف يا شاعر يا فنان.... والله يا باشمهندس فاتت على تماماً....لعن الله الكبر قبل المشغوليات...

ده العمل الأنت أرسلته...حولته من wave file ل mp3
المعذرة مرة تانية...لك و للفنان الحميدى...

...

ملف مرفق(ملفات)

•  manar2.mp3   5.11MB   245 عدد مرات التحميل

[مصطفى ود المامور]

شكرا قبانى شكرا نزار

[ماجد مبارك]

أستمتعنا بيها في الأول واستمتعنا بيها أكتر وهي مكتملة
القومة ليك يا أستاذ نزار لإبداعك اللحني. لقلمك الرائع أساتذي ود المأمور، وللفنانة الدائما وأبدا مبدعة، منار صديق.

[عبد المنعم عثمان]

زادت الروعة وبقت روعتين ما شاءالله ده شغل سمح بالحيل ربنا يديكم العافية أستاذنا ود المامور- نزار- منار والى الأمام.

تحياتي وودي

[ود عطا]

والله العظيم شى بديع ويديكم الفى مرادكم

[مجدي الساحر]

<DIV><table border="15" align="center" width="380" id="myexample" style="border:8px groove #00FF00; "><tr><td align="center">منار و ود المامور أثناء تسجيل الأغنية مساء اليوم ...</td></tr></table><script language="JavaScript1.2"><!--myexample.style.borderColor="green"}setInterval("flaXXX()", 500)//--></script></DIV>

[مجدي الساحر]

انت الزول البقولوا ليهوا حباب ود عشاى يا ود المأمور وفت حد الروعة بى هناك والقصيدة مشت لى منار الصديق نسبة نجاحها عالية جدا ...شكرا ود المأمور ...شكرا نزار ...شكرا الرائعة منار وربنا يزيدكم ويوفقكم .

[ود الشيخ ريبا]

شكرا قبانى شكرا نزار

الأخوه .. الرائعون .. ود المامور .. قباني ...
وجه الشبه .. الروعة في كلٍ (الابتسامة) .. وأبقو عشره عليها .. تعلو .. ما تختفي ..
لم تتركو لي حرف حتر أصف مدى الإعجاب والروعة .. وكل الذين سبقوني في ذلك ..
دوماً متعكم الله بالصحة والعافية .. وان شاء تتعلو ما تتدلو .. ودمتم لنا ..