اذهب للمحتوى


اهلا بكم فى مكتبة الأغنية السودانية

اهلا بكم فى مكتبة الأغنية السودانية, مثل جميع المواقع على الانترنت يجب عليك التسجيل للمشاركه في الموقع ولا تقلق فهى عملية سهلة , اشترك هنا or ان كنت عضو سجل دخولك من هنا وانظر بالاسفل للتعرف على مميزات الاشتراك.

  • وضع مواضيع جديدة والتعليق على مواضيع الاخرين
  • تشترك فى المواضيع والمنتديات لتعرف اخر التجديدات
  • تضيف احداث جديدة للتقويم الخاص بك
  • تحصل على ملف شخصى خاص واصدقاء
Guest Message © 2014 DevFuse

الألحان المتشابهة في الغناء السوداني


  • لا يمكنك الرد على هذا الموضوع
19 replies to this topic

#1 alfaroug

alfaroug

    اصدقاء المنتدى

  • PipPipPip
  • 50 مشاركات

تم الارسال 11 April 2006 - 07:26 AM

شباب الربة :
الموضوع ده مهم شديد وبالجد عايز ليهو أذن موسيقية شديد وناس تكون متابعة و عندي مقترح إنو الموضوع ده إذا نجح نرشحو عشان يبقا منتدى لي حالو ..
واملي كبير في إنكم تجتهدوا وتورونا الألحان المتشابهة في الغناء السوداني ..
لأني لاحظت زمان في اغاني الحقيبة بتلقى اللحن وااااااااااحد مع إختلاف الكلمات للشعراء وربما ده كان بيسموهو المجاراة لكن انا ما عارف ما هو سبب تكرار اللحن لي اكثر من أغنية !!!
هل السبب مكايدة الشعراء؟؟
هل السبب إعجاب شاعر بلحن شخص اخر فنظم قصيدة تجاري اللحن ؟؟؟
ام هو صراع على لحن غير معلوم من لحنه فصار الكل يتمسك به ؟؟؟



ابدأ معكم بملاحظة ثلاث اغاني متشابهى تماماً في اللحن وليت من عنده التفسير يلحقنا ..

1- أغنية برضي ليك المولى وفيك لازم الصبر الجميل (يغنيها المرحوم خضر بشير)..
2- أغنية (رغم بعدي برسل سلامي يحوي شوقي وكل إحترامي) يغنيها المرحوم محمد احمد عوض)..
3- أغنية من علايل ابروف ويا محط امالي السلام (أغنية للمرحوم خليل فرح ) ..

اها رددوا الأغاني دي ولاحظ زي الكأنك بتردد في أغنية واااااحدة ..

ولا شنو ؟؟
سمك :)

#2 bergkamp

bergkamp

    عضو مستمع

  • Pip
  • 3 مشاركات

تم الارسال 15 April 2006 - 03:58 AM

فعلا كلامك صحيح 100%
ممكن اضرب ليك أمثلة بعدد من أغاني الرطانة النوبية والتي تم اقتباس الحانها بكلمات لأغاني أخرى منها الجهادي و منها العادي ومنها المديح
سأحاول البحث عن اغاني الرطانه هذه وسأضعها جميعا لمساعدتك في هذا الموضوع الهام و الحيوي

#3 جميله

جميله

    نائب مدير الموقع للشئون التقنية

  • PipPipPip
  • 2390 مشاركات

تم الارسال 26 April 2006 - 03:50 PM

من اغاني الحقيبة ايضا اغنية العبادي برضي ليك المولي الموالي وفيك لازم الصبر الجميل وقد تمت مجاراتها في كثير من الاغاني مثل


في التمدن
و في الضواحي وطرف المدائن يلا ننظر فلق الصباح "خليل فرح"
وايضا احرموني ولا تحرموني سنة الاسلام السلام "سيد عبد العزيز"
وايضا من محاسن حسن المحاسن في جبينة النور والهلال
وايضا في الفؤاد ترعاة العناية بين ضلوعي الوطن الحبيب "مصطفي يوسف التني"
ومن محاسن حسن الطبيعة تلقي هيبة وعظمة وجلال "مصطفي بطران"
والبريق العاتم سماءه
ويا مناي وذاد بي ضناي
ويا اماني وجار بي زماني
وبي غرامك وتنفيذ غرامك
وماهو عارف قدمة المفارق "خليل فرح"
متي مزاري اوفي نزاري وجهو هذا البلد المصيف "ود الرضي"
وايضا اسعفوني ولا تصرفوني
وطال سهادي
وطال هجري يا امدر امان في بعادي وحكم الزمان
وفي الضواحي وطرف القضارف يلا ننظر صوفي البشير "محمد بشير عتيق"

ودة جزء من بعض المجارة لنفس الاغنية وبجيك راجعة بالمزيد

232.jpg

 

واااحي من جرحك الدامي
وفتر حيلك
واااحي من ضلك الرامي
وحمل شيلك
تموت متل الشدر واقف
تموت واقف علي حيلك
فيا حليلك
ياحليلك

 


#4 waddah

waddah

    عاشق الكاشف

  • PipPipPip
  • 127 مشاركات

تم الارسال 26 April 2006 - 05:00 PM

لو لاحظتو في اغنيه "كيف لا اعشق جمالك" لعثمان حسين و "يوم الزياره" للكاشف في تشابه بسيط.

لمن عثمان حسين يغني كلمه "جمالك" و الكاشف يغني كلمه "الزياره" هم نفس اللحن. لو استمعتو للاغاني اكيد حتلاحظو تشابه في اللحن.

و كمان لاحظت تشابه قريب جدآ في اغنيه"الليل ما بنومو" و "حجبوه من عيني" للكاشف.

"الليل ما بنومو كانيييييي....." نفس لحن
"من عيني الا من قلبي لااااا......"

"قت ليهو الوداع يا حبيبي الوداع" نفس لحن
"حلوهو حلوهو يا ناس حلوهو"

استمعو و ادوني رايكم.

#5 kote

kote

    أصدقاء المنتدى

  • PipPipPip
  • 57 مشاركات

تم الارسال 29 April 2006 - 04:41 AM

الاغاني السودانيه في مغظمها متشابه في الالحان حتي ممكن بي ايقاع واحد تغني مجموعه من الاغاني والكلام ده ظاهر في الاغاني الشبابيه بتلاقي الفنان بدمج مجموعه من الاغاني في ايقاع واحد مع اختلاف بسيط جدا

#6 mohed yousif ali

mohed yousif ali

    عضو مستمع

  • Pip
  • 3 مشاركات

تم الارسال 01 May 2006 - 02:26 AM

B) ازيدكم من الشعر بيت
التطابق الصارخ (ود سلفاب (مصطفى سيد احمد)= يا جميل يا مدلل(؟))


#7 yoyo mix

yoyo mix

    عضو مستمع

  • Pip
  • 2 مشاركات

تم الارسال 05 May 2006 - 07:01 AM

والله الحكاية دي بقت حاجة ظاهرة
يعني عندنا باقي الجنسيات بقلو انا نحن السودانيين اغانينا متشابهة

#8 alfaroug

alfaroug

    اصدقاء المنتدى

  • PipPipPip
  • 50 مشاركات

تم الارسال 08 May 2006 - 01:26 AM

جميلة الجميلة ...
مشتاقون ..
وشكراً كتيييير لي مساهمتك الثرة واللي شلتيها من طرف كيبوردي (على وزن طرف لساني ;) )..لأنو فعلاً من اكثر الالحان مجاراة هو لحن برضي ليك المولى و تحرموني و و و و و..
لكن يبقى السؤال من هو اول من قام بوضع هذا التلحين ولأي اغنية ؟؟؟؟ وما هو سبب المجاراة في اللحن ؟؟ وهل يعتبر هذا سرقة لحن ام انه الملحنين في الزمن الماضي كانوا يقبلون بهذه الامور ؟؟؟؟

أيضاً من الأغاني التي تتشابه في اللحن أغنية الحقيبة يا ليل ابقالي شاهد على نار حبي وجنوني مع الأغنية التي يتغنى بها الراحل الفنان ابو داؤود في أغنية يا عين بتخافي مالك !!!!!!!!!

تحياتي ..وراجينك بالمزيد

اخونا وداعة :

لو لاحظتو في اغنيه "كيف لا اعشق جمالك" لعثمان حسين و "يوم الزياره" للكاشف في تشابه بسيط.

لمن عثمان حسين يغني كلمه "جمالك" و الكاشف يغني كلمه "الزياره" هم نفس اللحن. لو استمعتو للاغاني اكيد حتلاحظو تشابه في اللحن.

و كمان لاحظت تشابه قريب جدآ في اغنيه"الليل ما بنومو" و "حجبوه من عيني" للكاشف.

"الليل ما بنومو كانيييييي....." نفس لحن

في بعض الحالات يفضل الملحن إستعارة جزء من جملة موسيقية في أغنية ليضيفه لأغنية اخرى وهو امر يحبذه الكثير من الشعراء عشان كده بتلقى إنو في لحظة من اللحظات وانت بتسمع في الأغنية وكأنك بتسمع في أغنية تانية لكن بعد شويتين بتلاحظ الفرق في اللحن ..
يعني انا زمان كنت بتلخبط في أغنية يا نور العين وأغنية يا ناسينا للفنان محمد وردي بالرغم من إنو اللحنين مختلفين لكن فجأة كده بحس بيهم بيتشابهو ...

تحياتي يا حلو ..

اخونا بيركامب :
ياخ الرطانة دي والله انا بشوف اللحن كلو واااااااااااااااحد وغايتو قاعد افرز كلمة ( أسمر اللونا ) في كل أغنية !!! قلت يا ربي دي تكون على وزن يا ليلة هوووووووووي يا ليلة في الحقيبة !!! :D
محبتي...

#9 majda

majda

    عضو مستمع

  • Pip
  • 1 مشاركات

تم الارسال 10 May 2006 - 03:15 PM

ween alagany de ?

#10 الكوبي

الكوبي

    عضو موثق

  • PipPipPip
  • 1032 مشاركات

تم الارسال 11 May 2006 - 01:21 PM

تحيه لكل الشباب الذين شاركوا في هذا الموضوع المهم
وتشابهه الاغاني كان قد بدأ في اواخر العشرينات وبدايه
الثلاثينات وسببه انشقاق الشعراء الي فريقين اثر خلاف
نشب بين العبادي وابوصلاح واصبح الفريق الاول بقياده
العبادي ومعه من الشعراء سيد عبدالعزيز وعبيد عبدالرحمن
وودالرضي وكان فنانهم سرور والفريق الاخر بقياده ابوصلاح
وفيه من الشعراء الامي وعتيق وعبدالرحمن الريح وكان فنانهم
عمر البنا واثر هذا الخلاف كان كلما جاء احدي الفريق باغنيه
قام الفريق الاخر بمجاراتها باغنيه وظل هذا الحال الي ان اصلح
بينهم السيد عبدالرحمن المهدي وفي ليله تلك المصالحه جاءت
اغنيه بنت ملوك النيل وتوقفت تلك المجاراه وبقيت الاغاني موجوده

اتمني اكون قد وفيت

#11 ضيف_Elmosley_*

ضيف_Elmosley_*

تم الارسال 12 May 2006 - 03:34 PM

شباب الربة :
الموضوع ده مهم شديد وبالجد عايز ليهو أذن موسيقية شديد وناس تكون متابعة و عندي مقترح إنو الموضوع ده إذا نجح نرشحو عشان يبقا منتدى لي حالو ..
واملي كبير في إنكم تجتهدوا وتورونا الألحان المتشابهة في الغناء السوداني ..
لأني لاحظت زمان في اغاني الحقيبة بتلقى اللحن وااااااااااحد مع إختلاف الكلمات للشعراء وربما ده كان بيسموهو المجاراة لكن انا ما عارف ما هو سبب تكرار اللحن لي اكثر من أغنية !!!
هل السبب مكايدة الشعراء؟؟
هل السبب إعجاب شاعر بلحن شخص اخر فنظم قصيدة تجاري اللحن ؟؟؟
ام هو صراع على لحن غير معلوم من لحنه فصار الكل يتمسك به ؟؟؟
ابدأ معكم بملاحظة ثلاث اغاني متشابهى تماماً في اللحن وليت من عنده التفسير يلحقنا ..

1- أغنية برضي ليك المولى وفيك لازم الصبر الجميل (يغنيها المرحوم خضر بشير)..
2- أغنية (رغم بعدي برسل سلامي يحوي شوقي وكل إحترامي) يغنيها المرحوم محمد احمد عوض)..
3- أغنية من علايل ابروف ويا محط امالي السلام (أغنية للمرحوم خليل فرح ) ..

اها رددوا الأغاني دي ولاحظ زي الكأنك بتردد في أغنية واااااحدة ..

ولا شنو ؟؟
سمك :)


عزيزي معليش انا لسه ضيف معاكم لكن يبدو ان الامر أختلط عليكم فاغنية محمد أحمد عوض تشبه الاخريات في البداية فقط أي مانسميه المذهب فبي الغناء عموما المجاراة لم تكن كلها مكايدات فالبعض منها اعجابا وبرضاء الاطراف الاخري

#12 39steps

39steps

  • PipPipPip
  • 1143 مشاركات

تم الارسال 07 January 2008 - 12:53 AM

نبشنالكم الموضوع تاني

كدي هاكم الحاجات دي :

يا ظبية البص السريع همت بيكي وخايف اضيع

يا ربيع في روض الزهور

الشويدن روض الجنان

السلام يا روح البدن

لحنها تقريبا واحد

#13 صديق الموج

صديق الموج

    أصدقاء المنتدى

  • PipPipPip
  • 21 مشاركات

تم الارسال 07 January 2008 - 06:42 AM

من اغاني الحقيبة ايضا اغنية العبادي برضي ليك المولي الموالي وفيك لازم الصبر الجميل وقد تمت مجاراتها في كثير من الاغاني مثل
في التمدن
و في الضواحي وطرف المدائن يلا ننظر فلق الصباح "خليل فرح"
وايضا احرموني ولا تحرموني سنة الاسلام السلام "سيد عبد العزيز"
وايضا من محاسن حسن المحاسن في جبينة النور والهلال
وايضا في الفؤاد ترعاة العناية بين ضلوعي الوطن الحبيب "مصطفي يوسف التني"
ومن محاسن حسن الطبيعة تلقي هيبة وعظمة وجلال "مصطفي بطران"
والبريق العاتم سماءه
ويا مناي وذاد بي ضناي
ويا اماني وجار بي زماني
وبي غرامك وتنفيذ غرامك
وماهو عارف قدمة المفارق "خليل فرح"
متي مزاري اوفي نزاري وجهو هذا البلد المصيف "ود الرضي"
وايضا اسعفوني ولا تصرفوني
وطال سهادي
وطال هجري يا امدر امان في بعادي وحكم الزمان
وفي الضواحي وطرف القضارف يلا ننظر صوفي البشير "محمد بشير عتيق"

ودة جزء من بعض المجارة لنفس الاغنية وبجيك راجعة بالمزيد


ياحلات نضمكم يا وليدات
اولا ده شغل داير ليه منتدى لى حالو
لكن نسوى بعض الاضاءات اول شى المجاراة هى نوع من التحدى ومن شروطها ان يتطابق البحر واللحن والقافية احيانا وتختلف الكلمات وهذا ما يزيدها صعوبه على فكرة ..بعض المجاراة كان تحدى بان يبز كل واحد الاخر
لاثبات مقدرات ،وبعضها تحدى با ستهوان القافية،وبعضها مكاواة لى الله ،
وكلام بتنا الفوق ده ممكن نضيف ليه اول شى الاغنية التى تمت مجاراتها هى فى الضواحى ونظم الباقون على نسقها ،اما برضى ليك المولى الموالى فجاراها اخرون ببعض الالحان ويمكن ان نرجع ليها فى بوست اخر كان طول ربك فى العمر:
مجاراة فى الضواحى وطرف المدائن يلا ننظر شفق الصباح ،غير ماذكرت الاخت جميلة يمكن اضافة:
فى التغزل بين المسارح ليلنا اليل والفجر لاح.... للشاعر عبد الله العشوق
من محاسن حسن الطبيعة ......للعبادى وليست بطران
احرمونى ولاتحرمونى..... لود الرضى وليست سيد عبد العزيز
محاسن حسن المحاسن،.... عبيد عبد الرحمن
الغوانى البارع جمالا ام غصون الهبهب امالا ،.......لود الرضى
القمارى الظهرت جديده حافلة بين القمر المنير،......... ابوصلاح
يا امانى وجار بى زمانى لو اراكم اصبح سعيد .....سيد عبد العزيز
نور جنانى وقبلة حنانى يا جواهر عقد القصيد ....ود الرضى
واخريات سوف اعود لهن فى وقت اخر...

بعدين قصة انقسام الشعراء الى قسمين تصحيح لاخونا الكوبى المعسكر الاول كان فيه سيد وعبيد وعبد الرحمن الريح وود الرضى والعبادى وكان فنانه سرور والفاضل احمد اما المعسكر الاخر ففيه ابو صلاح وعمر البنا والفنان كرومة والامين برهان وعمر البنا نفسه وانحاز اليه عتيق والدليل عبد الرحمن الريح كان يجارى اى اغنية لعم عمر البنا فمثلا
عم عمر عمل انا صادق فى حبك لو قلبى يتصل بى قلبك هذا مقصودى،عبد الرحمن عمل انا خاضع لى امرك طول عمرى وانت ليه طول عمرك قاسى يا حبيبى.
عم عمر عمل زدنى فى هجرانى فى هواك يا جميل العذاب سرانى، عبد الرحمن الريح عمل غبت عن انسانى يا وحيد الكون السقام مسانى لو فراقك طال ابقى لاتنسانى..واخريات
اهنئكم على هذا البوست والتوثيق كله فقط احرصوا على كتابة اسم الشاعر صحيح واستوثقوا وايضا كلمات الاغانى واسمحوا لى بتنصيب نفسى مراجعا عاما وماذلك الا حرصى مثلكم على هذا الارث ودمتم،،،


#14 الكوبي

الكوبي

    عضو موثق

  • PipPipPip
  • 1032 مشاركات

تم الارسال 07 January 2008 - 07:15 AM

العم صديق موج لك التحايا مثني وثلاث ورباع
مرحبا بك اولا في مزيكا دار الجميع وقبل ان نهنئيك بانضامك الي هذا الصرخ
نهنئ مزيكا وانفسنا اولا بوجودك بيننا وبالمناسبه اسمك سبقك وقد قرأتك
لك كثير من المداخلات في اونلاين في مواضيع اغاني الحقيبه وشهدت لك
بحرصك عليها وانا بدوري كاحد المشرفين انصبك مراجعا عاما وامينا لاغنيه
الحقيبه علي نسق عمنا الراحل الفنان بابكر حمد " امين الاغنيه السودانيه "
الذي كان يلقب بهذا اللقب .

واشكرك كتير علي تصحيح وضع الشاعر عبدالرحمن الريح
ولك التحيه والتجله مره اخري


#15 ماجد مبارك

ماجد مبارك

    نائب مدير الموقع لشئون الاعضاء

  • PipPipPip
  • 4294 مشاركات

تم الارسال 08 January 2008 - 03:24 PM

اهنئكم على هذا البوست والتوثيق كله فقط احرصوا على كتابة اسم الشاعر صحيح واستوثقوا وايضا كلمات الاغانى واسمحوا لى بتنصيب نفسى مراجعا عاما وماذلك الا حرصى مثلكم على هذا الارث ودمتم،،،

ده إكون شرف لينا قبل كل شي....شكرا لك للتصحيح فيما سبق....ومع الف تحية

#16 محمد الرشيد الزين

محمد الرشيد الزين

    عضو موثق

  • PipPipPip
  • 76 مشاركات

تم الارسال 09 April 2011 - 09:02 PM

في زول كاتب ود سلفاب يا ميل يا مدلل ابو السيد تحياتي ليهو ذكرني بياصديقي الاول للرائع كلماتا لحنا واداءاً وفعلا تتطابق تماما مع يا جميل يا مدلل
يا هدهدى المهدود

مين هدهدك .. نمت

كل الطيور غنت .. منك يجينى سكوت

مين الهداك للناس

أو هدّ فيك الموت؟

يا أوسم الجايين .. أنا قلبى حِلّة حنين

والشوق فتحنى بيوت

#17 محمد الرشيد الزين

محمد الرشيد الزين

    عضو موثق

  • PipPipPip
  • 76 مشاركات

تم الارسال 09 April 2011 - 09:09 PM

من اغاني الحقيبة ايضا اغنية العبادي برضي ليك المولي الموالي وفيك لازم الصبر الجميل وقد تمت مجاراتها في كثير من الاغاني مثل


في التمدن
و في الضواحي وطرف المدائن يلا ننظر فلق الصباح "خليل فرح"
وايضا احرموني ولا تحرموني سنة الاسلام السلام "سيد عبد العزيز"
وايضا من محاسن حسن المحاسن في جبينة النور والهلال
وايضا في الفؤاد ترعاة العناية بين ضلوعي الوطن الحبيب "مصطفي يوسف التني"
ومن محاسن حسن الطبيعة تلقي هيبة وعظمة وجلال "مصطفي بطران"
والبريق العاتم سماءه
ويا مناي وذاد بي ضناي
ويا اماني وجار بي زماني
وبي غرامك وتنفيذ غرامك
وماهو عارف قدمة المفارق "خليل فرح"
متي مزاري اوفي نزاري وجهو هذا البلد المصيف "ود الرضي"
وايضا اسعفوني ولا تصرفوني
وطال سهادي
وطال هجري يا امدر امان في بعادي وحكم الزمان
وفي الضواحي وطرف القضارف يلا ننظر صوفي البشير "محمد بشير عتيق"

ودة جزء من بعض المجارة لنفس الاغنية وبجيك راجعة بالمزيد



تحياتي بس لفت انتباهي انك قلتي احرموني ولا تحرموني كلمات سيد عبد العزيز وهي كلمات محمد ود الرضي
يا هدهدى المهدود

مين هدهدك .. نمت

كل الطيور غنت .. منك يجينى سكوت

مين الهداك للناس

أو هدّ فيك الموت؟

يا أوسم الجايين .. أنا قلبى حِلّة حنين

والشوق فتحنى بيوت

#18 د.سارة ميرغني

د.سارة ميرغني

    Dr: Milani

  • PipPipPip
  • 1079 مشاركات

تم الارسال 12 April 2011 - 04:18 AM

مرحبا..



أول مرة أستمع لأغنية (الحب و الثورة) للموسيقار وردي, خلتني أستمع إلى أغنيته (يلا و تعال يلا).. فتفاجأت لذلك.. اللحن من وجهة نظر (أذنيّ) شبه متطابق..



تحياتي...

فليتكَ تحلو والحياةُ مريرةٌ *** وليتكَ ترضى والأنامُ غِضابُ

وليتَ الذي بيني وبينكَ عامرٌ *** وبيني وبينَ العالمينَ خرابُ

إذا صحَّ منكَ الودُ فالكلُ هينٌ *** وكلَ الذي فوقَ الترابِ ترابُ

 

يا الله

 

cc0a3ae4ee.gif

للتبليغ عن رابط لا يعمل، للتبليغ عن أغاني مكررة، كيفية فتح موضوع جديد وإرفاق أغنية، فيديو أوصورةذ
الاقتراحـــــات، الاعلانات، و الدعم و المساعـــــــــــدة ، كيف توصل جهاز تسجيل بالكومبييـــوتر
لارسال رسالة داخلية


#19 almansury

almansury

    عضو موثق

  • PipPipPip
  • 71 مشاركات

تم الارسال 12 April 2011 - 07:59 AM

دا موضوع فى غاية الدسامة وغاية الإمتاع والإفادة
لكن فى الاول اسأذنكم وأطلب من الموسيقيين المحترفين التغريف والتفريق بين الإقتباس والتأثر والسرقة؟؟؟
يعنى متين ممكن نقول الملحن إتأثر باللحن الفلانى أو الموسيقار الفلانى
ومتين نقول إقتبس من الأغنية الفلانية
ومتين نقول والله اللحن جدا مسروق من الأغنية الفلانية
انا طبعاً كلامى دا بعيد من المجاراة الكانت سائدة فى فترة من الفترات لأنو ديك كانت مجاراة مقصودة تماماً
شخصياً عانيت شديد لوماذلت أعانى لما أحاول أعمل حاجة خاصة لأنى من غير ما أقصد بلاقى روحى دخلت على أغنية مسموعة
وممكن كمان دا يكون مبحث تانى إنو كيف نعمل لحن جديد من غير ما نتأثر بألحان قديمة مسموعة؟؟؟
الموضوع كبير جداً وفرصة عظيمة للإستفادة من أراء الخبراء الموسيقيين البذخر بيهم المنبر
ياأيها الناس البحبو تعالو جاي
انا ما بتوب وما بسيب في الريد غناي
انا للحبيب رسلته اشواقي وهواي ومناي
وانا من مشيت الريدة راس مالي وغناي

#20 almansury

almansury

    عضو موثق

  • PipPipPip
  • 71 مشاركات

تم الارسال 12 April 2011 - 08:10 AM

كمان نقطة تانية مهمة جداً وماعارف اذا ممكن تتناقش هنا ولا محتاجة بوست منفصل
وهى قلة أو إنعدام الألحان الجديدة المميزة رغم إنو الإمكانات المتوفرة الآن من أجهزة مويسقية على أحدث مستوى ومجموعة كبيرة جداً من دارسى الموسقى و وإنتشار الثقافة الموسيقية وسهولة الإطلاع على أنماط موسيقية مختلفة بواسطة النت
طبعاً فى ألحان جديدة واعمل جديدة راقية جداً لكن انا بتكلم عن إنو فى فترة من الفترات كان فى كثافة إنتاجية عالية جداً وتنافس على إنتاج شئ جديد ومختلف
على عكس الندرة الحاصلة حالياً
والموضوع مخيف جداً لأنى بقيت أشتشعر إنو الأذن الموسيقية أتعودت على سماع المسموع وتقبلها للجديد بقا من الصعوبة بمكان ودا بسبب التكرار الشدبد للأغانى المسموعة
والأدهى إننا ممكن يجى يوم نلاقى قلة من الناس الممكن تسمع أغانى سودانية وممكن دى تكون من الحسنات الفليلة للفنانين الشباب إنو رغم تكرارهم لأغانى قديمة أو جديدة ضعيفة المحتوى الموسيقى وضعيفة الكلمات إلا انهم قدرو يجمعو عدد كبير من المعجبين الشباب الصغيرة أعمارهم
عموماً نحن فى إنتطار الخبراء للاستفادة والمتعة

ياأيها الناس البحبو تعالو جاي
انا ما بتوب وما بسيب في الريد غناي
انا للحبيب رسلته اشواقي وهواي ومناي
وانا من مشيت الريدة راس مالي وغناي





0 عضو(اعضاء) يشاهدون هذا الموضوع

0 الاعضاء, 0 الزوار, 0 مجهولين

Site supported By GazaSoft.com