49 replies to this topic

[مهيدعوض]

اجمل ما قيل في العيون في الغناء السوداني

طبعا كلنا عارفين جمال العيون وروعة العيون وسحر العيون وبريق العيون وما تحمله العيون من أسرار ،،،،، ياريت كل واحد يكتب قصيدة أو مقطع من قصيدة بتتكلم عن العيون بشرط انها تكون سودانية سواء كانت من أغنية أو بيت شعر ودي واحدة من الاوصاف الجميلة للعيون:


البتوحي الناس العيون ياحبايب .. هن أساس الريد والفتون

العيون البيض لو صفن .. يجرحنك ويتلاصفن

مرة نظرن لي وقفن .. شالوا نومي وما أنصفن

العيون السود كاحلات .. في دلالهن متهاملات

يجرحنك ما سائلات .. يتركنك متجاهلات

العيون الفيهن نعاس .. هن أساس معنى الجناس

هن بثيرن في الناس حماس .. هن بقودوا الزول للجنون

جنني يااخي العيون ياحبايب .. هن أساس الريد والفتون

[wadjoseph]

هاك دي مني:
يا عيونك زي سحابة صيف تجافي بلاد وتسقي بلاد
عويناتك ترع لولي وبحار ياقوت
عيوني هم السبب في اذاي وهم العيوني
امسكي عليك عيونك ديل امسكيهن
في عيونك ضجة الشوق والهواجس
عينيك سفر مكتوب اعيش في غربتو و ليلو الطويل
العيون النوركن بجهرا غير جمالكن مين السهرا
انا والعيون ضمانا كون احلى الكلام لغة العيون
اهوى العيون السودا احب سمار في خدوها
ابعد عيونك عني لغة العيون كاتلاني
عيوني ليهن حق كان هن عشقنا
يا عيني وين تلقي المنام احبابك جفوني
عيناك لي سقيا وحلاوة اللقيا
يا عيون المها يا عيون
انا من هواك ومن جمال عينيك وسحرك ومن بهاك
عيوني وعيونك اسباب لوعتي
انا ما بقطف زهورك بس بعاين بعيوني
عيون لو شافها عطشان السنين يروى
ونواصل.... دا وعد

[مهيدعوض]

ودي لي احلى عيون :

عينيك مدن
منسية فى كتب التواريخ والزمن
عينيك وطن
مشدود على وتر التباريح والشجن
مشدود على حروف الكتابة
مكدود عَنا .. ومكتول صبابة
وفيهو حطّ النيل .. سكنْ
***********
عينيك سفر
مكتوب أعيش فى غربتو
وأعشق عذابو .. وحُرقَتو

[ibrahim]

عتيق
الناعسات عيونن نور جبينن هلّ
----------------
حمد الريح يقول :
غيمة والله عيونك إنت *** والغريب في الصيف تخضر
--------------
عيونك فيها شئ يحيّر
-----------------
أقابلك وكلَّي حِنيَّة وأخاف من نظرتك ليّ
-------------
عثمان حسين
انت عارف نظرتك كانت بداية...وما بغير حبنا السامى وشاية
-----------------

عيونك علمن عيني بكا

[ibrahim]

ولكن وجب المقارنة مع شعر العرب في العيون:

ان العين لتبدى في نواظرها
ما في القلوب من البغضاء والإحن.
فالعين تنطق والافواه صامتة
حتى ترى من صميم القلب تبياناً
---------------------
ان العيون التي في طرفها حور
قتلننا ثم لم يحيين قتلانا
يصرعن ذا اللب حتى لا حراك به
وهن اضعف خلق الله إنسانا.
---------------------
لو كنت تعلم ما عيناك قد صنعا
لما بخلت على المشتاق بالأمل.
--------------
متى تك في عدو أو صديق
تخبرك العيون عن القلوب

[Mai Ahmed]

الاخ مهيد عوض و الاخوة المتداخلين سلام و رمضان كريم

قال بشرى الفاضل
عينيك حلوة زى صحابى
وزى عنب طول معتق فى الخوابى
و سمحة زى ما تقول ضيوفا دقوا بابى
فرحى بيهم سال ملا حتى الكبابى

وقال ازهرى محمد على
وضاحة يا فجر المشارق
غابة الابنوس عيونك

وقال ابوذر الغفارى
فى عيونك ضجة الشوق و الهواجس
ريحة الموج البنحلم فوقو بجية النوارس

قال التجانى سعيد
بدون عينيك بصبح زولا بدون ذكرى وبدون ميلاد

و قال مصطفى سند
عشان خاطرنا خلى عيونك الحلوات تخاطرنا
زمان غنينا لعينيك اغانى تحنن القاسين
هدينالك معزتنا و مشينا وراك سنين و سنين

و من غنى الشوايقة الحنين
عينيك يا اعز الناس
عينيك فيها اخطر ماس
عينيك قوة مابتنقاس
و عينيك روعة يا حساس

من غناء بابكر ود السافل
زى لون امنة ما لاقانى
فى عينيها عالم تانى

[مهيدعوض]

الاعزاء ابراهيم والمشرفة الاستاذة مي احمد "رمضان كريم" واعاده الله علينا وعليكم باليمن والخير والبركات

عينيك لو تصدق معاي الأمنية ..
عينيك لو أعرف ختام الأغنية ..
بدأ الكلام والمنتهى والمستطاب والمشتهى ..
كل المباهج في المواويل والغناء ..
والعاشقين قلبي وأنا ..
هزتنا في عينيك تصاوير المنى ..
يا أمنيات من كم سنة ..
ويا أغنيات كل الأماسي المستحيلة وممكنة ..
المستحيل عينيك تهون ..
والمستحيل قلبك يخون ..
ما القدر ما طبع الوفاء والصدق ما شرط إنتفا ...

[eimaddein]

ما كملتها يا Wadjoseph

وزي وطنا وقت اشتاق له برحل ليه من غير زاد
وزي فرح الغريب العاد
بدون عينيك بصبح زول بدون ذكرى بدون ميلاد

حلوة جدا مش!!!

وكمان واحدة من كلمات اهلنا الشايقية يا Mai

يا عيونك لما تبسم
تنتشي الدنيا وتزغرد

---------

عيون الناس هداوة بال وانت عيونك الترحال

[Mai Ahmed]

قال محجوب شريف
من الضواحى الدنيا جيت
و على رحالى
لمداين فى عيونك يا محالى
ريحينى
استرى حالى
فرحينى

قال محمد عوض الكريم القرشى

نور عيونك اخفى منى بدور
لونك الذهبى غيره صرت كفور
فيك طفولة بريئه باقة شعور
يحفظك مولاك لينا يبقى غفور
حيث احلى الناس بين قلوب و صدور

وقال اسماعيل حسن
العيون طرتنى زول من اهله غايب
الشعر يتهادل فى كتيفه سبايب

و من غنى البنات
عيونه كحيلة
و حواجبة غزيره
سكن الجزيرة

و ايضا من غنى البنات
عيون زروق اذونا
يا عينيا ما جونا (و المقصود المرحوم الاستاذ مبارك زروق المحامى و القطب الاتحادى المعروف)

[dayami]

عينيك مدن منسية فى كتب التواريخ والزمن

عينيك وطن مشدود على وتر التباريح والشجن

ممدود على حروف الكتابة

مكدود عنا ومكتول صبابة

وفيه حط النيل سكن

عينيك سفر مكتوب اعيش فى غربتو

واعشق عذابو وحرقتو وليلو الطويل

واتخيلك يا حلوة زى نسمة سحر

جيتى ومعاك حلمى المطول

منتظر وعدو الجميل

عشقك زمان جواى رحل

وإتناه فى الأعماق أمل

ضمَّخ رؤاى إحساس نبيل

اذهل طيوف خاطرى القبيل

جاشت ملامح روعتو

ضج السكون فى وحشتو

والكان أمل فى عيونى لاح

ذوب مدارات فرحة الوهج النضير

والمزدهر بالإرتياح

فجأة انحصد قبضة رياح

وسكت الكلام يا حلوة فى القول المباح

وغاب الصباح بعدك رحل

والكان أمل فى غيم سماك

ايقنت إنو عدم بلاك

وإنك قدر

وإنو البيحلم بى علاك

بختار ظروف أحلاها مر

عينيك لو تصدق معاى الأمنية

عينيك لو أعرف ختام الاغنيه

بدء الكلام والمنتهى

والمستطاب والمشتهى

كل المباهج فى المواويل والغنى

والعاشقين قلبى وأنا

هزتنا فى عينيك تصاوير المنى

يا امنيات من كم سنة

يا اغنيات كل الأماسى المستحيلة وممكنة

يا المستحيل عينيك تهون

والمستحيل قلبِك يخون

ما الغدر ما طبع الوفا

والصدق ما شرط إنتفى

وانا حالى من بعدك كفى

وأنا حالى فى بعدك

كفاهو المغنى والحب والشجن

والوحشة والشوق للوطن

ما العمر قبلك ضاع سدىً

والعمر بعدك ايه يكون

لو يبقى بحساب الزمن

[alexander the great]

خلاص ماتبكي ياعيوني ,,,,,,,,,خلاص ما ياعيوني
تاريهم نسوا الريدة

[wadjoseph]

ما كملتها يا Wadjoseph

وزي وطنا وقت اشتاق له برحل ليه من غير زاد
وزي فرح الغريب العاد
بدون عينيك بصبح زول بدون ذكرى بدون ميلاد

حلوة جدا مش!!!


يا Eimaddein

بدون تحفظ دا اجمل ما قيل في العيون..........
في راي تاني ???????

[wadjoseph]

يا عيون المها يا عيون
******************
يا عيون انت لون الليل
زي لونك سوادو كحيل
كلاهم اراه جميل
باهي الحسن صافي اللون
*****************
يا عيون فيك مني واحلام
فيك للعاشقين الهام
في صمتك رموز وكلام
للعارف بدائع الكون
******************
علمتيني كيف اهواك
واتخذ الهدوء ماواك
ارتاح قلبي لنجواك
كلما الليل غشاه سكون
*********************
يا عيون نظرتك اسعاد
للعاشق مع الابعاد
لمعانك سحرني وزاد
خفقان قلبي ليه يا عيون ?
**********************
الحب يا مناي اشواك
انت الورد وانا اهواك
سبحان الذي سواك
واداك من بدائعو فنون
***


و جايين تاااااااااني

[مهيدعوض]

للغاليين Wadjoseph و alexander the great و الغالية مي احمد و Dyami

كلمات الاستاذ هاشم صديق

هى عيون شنو؟

دى المافى زول شافها وسِلِم

حتى الزمان عِشق الوَصِف

فيهن سَرَح غَلَبُو النَّضِم

زى سيف سَنِين عينيكى ديل

البدْنَا وين يرجع يِلِم

لو أقدَرِن يوم بالغُنا

يا دنيا داك يوم المُنَى

وبعد الوصف يحلا ويتم

إن كان أعيش وان كان أموت

يا سمحه أبداً ما بِهِم.


وما تنقطعوا يا شباب واصلوا العطاء

[wadjoseph]

علي الماشي:
الناعسات عيونهن نور جبينهن هل
ما بين تبري صافي واسمراني اللون
***
انا من صفاك مسحور
بالله انت ملاك ولا من حسان الحور
يا ناعس الاجفان
****
تذرف عيوني بحور اقضي الليالي قيام
*******
واقول بكل صراح سببي العيون الحور
********
طرفك لحاظو تريع اسدا شجاع و جسور
********
و الحكمه لو يبسم يسبي العيون يسحر
******
يا عيوني مالك و البكاء
*********
يا حلوة العينين يا انت

[wadjoseph]

منقول من منتدى كلمات اغاني محمد ميرغني
المشاركه ل majdof

امســـكـى عــلـيـك عــيـونـك ديــل / اســــــمــاعــيـل حــســن

امســـكـى عــليــك عيــونك ديــل امسـكيهــن عـيونـك ديـل
خـليتنى تروح اتـفـك مـن شـبـكت عــيــونــــك ديــــــــــــل
شـيـتن اصـــلو مـا شـفنـا لا فى النــاس ولا فى الريــــــل
ده مـــا قـــدر اللــــه جــانــا عــــــــــديـل امـســــكــيـــهن
يـتـاوقـن لى زى شـبـاك مـنـور فى ظـــلام الــلـــيــــــــــل
يـــشــــابــن لــى انـــا الـــغـــرقـــان انـــــا الضــهــبـــان
انــا الـخــايـف ذى الـقـشـه ارجـف فى مـهــــاور الـلـيـل
عـلـيـك ذاتـك امـــســــكـى عــلــيــك عــيـــونـــــك ديـــــل
قـلـيبى رهـيـف مـا بـقـدر عـلى الهـبابـاى فى عـز الصيف
قـليبى رهــيــف اذا شـــــــديــــــتى خـــــــــــايـفـه يقـيــف
قـلـيـبـىرهــيــف بــشــيــش تــــــاتـــيــه جـــنـب القيــف
شــــــــــــــتـــــــــــــن اصـــــــــــلـو مــــاشــــــفــــنـــاه

[wadjoseph]

هاكم دي دايره بوست برااااااها :
عينيك وحاتك
غربتي و اهلي
وبلادي الفيها ضائع لي زمن
عينيك وحاتك شوقي لي زولا ولوف
من بعده ساب عيني سهن
........

و بنجي تااااااااااااني

[قبانى]

إسماعيل خورشيد:
بغير عليك من السحر الفى عيـــــونك
بغير عليك من سمارة لونـــــــــــك
وبستناك وبشتاق ليك
ومن عينيك بغير عليـــك
****************
خالد ابو الروس:
يا الخمرى فى لونك** ساحرنى بى عيونك
***************
عبدالوهاب هــــلاوى:
عشان خاطر عيون حلوين*
بشوف فى رموشها ليل ونهار

[wadjoseph]

وهاك ديل يا زخش يا حبيبنا:


العيون متل الفناجين
****
العيون فيها سهام و الكلام فيهو كلام
****
سطوة محاسنك عندي ما كسرة جفون
وكت العيون تعبرني زي خاطر المساء
****
خلي عيونك الحلوات تخاطرنا

[wadjoseph]

ولقينا في دنيا العيون
يا اصبا من النور غنا
كون من رشاقة وامسيات
باقات انيقه ملونه
الحان طروبه و وشوشات
انهر موسيقى و دندنة
دابت قلوبنا عليك حنان
و انت بعيون دوبتنا

[قبانى]

أبوعبيدة حسن غنى:
عيون أميرة وعيون سميرة
وعيون بتعشق من الجزيرة

وأنا بقول:

عيون جميــلة وعيون سمندل
وعيون وراها الجميل اتجندل

[wadjoseph]

علمي عيوني السفر
ما البسافر في عيونك سكتو بتبقى السلامه
ينسى احزانو و يعرف
الدنيا جنبك ابتسامه
ظللي الناس بحنانك
و ابقي ليهم ضل غمامه
***


و بنجي تاااااااااني

[wadjoseph]

و هاك تاني يا زخش من ابن الباديه :
انسى في عينيك شقاي و انسى تعذيب الضمير
***
سافرنا في عينيك و لسه عقولنا بيك متجننه

[wadjoseph]

و هاك من الكحلاوي:
انتو لي قلبي زاد عمرو
و ليهو المنيه والسلوى
جنوني عيون
عيون لو شافها عطشان السنين يروى

[wadjoseph]

ابو داؤود:
من اول نظرة
رشقتني عيونو و جذبتني فنونو
و بقيت مجنونو
من اول نظره

[wadjoseph]

محمد احمد عوض:
لو فؤادك خبا حبك
بي عيونك بحتي بيه
لو تخبي الشوق في قلبك
بسمتك دلت عليه

[wadjoseph]

وأنا بقول:

عيون جميــلة وعيون سمندل
وعيون وراها الجميل اتجندل

<{POST_SNAPBACK}>

[/quote]
عيون جميله ضربة الضحوي
الشلعيبو من دغشينا قبل
و ان جيت لسمندل
تبرق برق
تصعق صعق
زخش ينحرق
يصبح متندل
**
مع الاعتذار للاغنيه يا زخش يا حبيب

[Mai Ahmed]

شكرا الاخ wadjoesph لايراد قصيدة عتيق يا ناعس الاجفان اختيار موفق تماما براى المتواضع هى اجمل ما قيل فى غناء الحقيبة فى العيون وللشاعر عتيق كتير من الشعر الجيد فى وصف العيون منها هذه الابيات

الطرفه كحول احور متناعس وطرفى صحى
تشوف فى قوامه المال مفقول
الظلمه شعور و القمره محى

و قال ايضا
قلبى بيك اتاسر فيهو حبك اثر
نوم عيونى تعسر
بانكسار لحظا تك حظى اضحى مكسر
يارفيع يا سامى

و قال ايضا
غزال عيونه كاحلة
رشيق قوامه احلى
ملك زمام فؤادى
ترك اعضائى ناحلة
و افكارى ديمة راحلة

و كمان قال
الامان الامان من فتكات عيونك ارحم مهجتى

[مهيدعوض]

والله جد كلام جميل وشعر وشعراء راييعين وفوق ما كنت اتصور ونرحب باخونا ومشرفنا الفنان Zukhsh في البوست ده

ودي لعيون Zukhsh وعيون مي احمد وسمندل وجمال دفار وكل العيون الحلوين

عويناتك غناء الاستاذ الموسيقار محمد الامين

أقول ليها عويناتك ..
ترع لولي
بحار ياقوت
مناحات ريد حزاينيه
بغازل فيها مآساتي
وفي شرف العبور ليها
بموت واكسر شراعاتي
آه عويناتك
تقول لي غناك حزين
و أنا الواهب قصايدي الباكية
للفرحة !!
و أنا البهديها شال ريدي
و صباي .. طرحه
آه عويناتك
أقول ليها عويناتك زي سواد قدري
كحيلة....عمري من بدري
لو بقدر أسافر في بريق لحظك
و ما أرجع
تقول لي خايفاك بكرة تتوجع
أقول ليها عويناتك ديار وعدي
مسوّرة بجدار صمتك
عذابي معاك
بريدك قبل ما أعرفك
و لو بقدر ...
أشيل من الزمن وقتي
بموت في لحظة
و أوهب ليك عقاب عمري
عويناتك ...

[wadjoseph]

مصطفى:
يا سماحه
عينيك واحه
للحزانى الفي ارتياحك
بلقوا راحه


و بنجي تاااااني