اذهب للمحتوى


اهلا بكم فى مكتبة الأغنية السودانية

اهلا بكم فى مكتبة الأغنية السودانية, مثل جميع المواقع على الانترنت يجب عليك التسجيل للمشاركه في الموقع ولا تقلق فهى عملية سهلة , اشترك هنا or ان كنت عضو سجل دخولك من هنا وانظر بالاسفل للتعرف على مميزات الاشتراك.

  • وضع مواضيع جديدة والتعليق على مواضيع الاخرين
  • تشترك فى المواضيع والمنتديات لتعرف اخر التجديدات
  • تضيف احداث جديدة للتقويم الخاص بك
  • تحصل على ملف شخصى خاص واصدقاء
Guest Message © 2017 DevFuse

الأستاذ هاشم صديق عضوا فى مزيكا سودانية...فيا مرحبا


  • لا يمكنك الرد على هذا الموضوع
10 replies to this topic

#1 قبانى

قبانى

    مدير الموقع و المشرف العام

  • PipPipPip
  • 3653 مشاركات

تم الارسال 11 July 2009 - 02:07 AM

سألتك ياوطن ارتاح
فديتك ياوطن تسلم
قريت في دفترك شجنك
وذاكرت المعاني حكم
مشيت بي قصتك للريح
وشديت في مسارب الهم
لقيت حالك سؤال محتار
وجرحك من نقيحو نضم
وتتعلم تغني غناك
وفي حلقك غبار وألم
وتتعلم تبارك النار
وكت حلمك برد وأظلم
وتتعلم تموت وتعيش
كأنك حاجة ما بتكمل
ولابتزيد ولابتتم


يغمرنا الفرح اليوم بإنضمام الشاعر و المسرحى و الناقد الفنان الكبير الأستاذ هاشم صديق الى منتدى مزيكا سودانية... وهو الخبر الذى زفته إلينا اليوم زهرة مزيكا الأستاذة آسيا ربيع...والتى تقوم حاليا بإعداد لقاء صوتى مع الأستاذ هاشم صديق لبثه حصريا من خلال مكتبة الأستاذ هاشم صديق بواحة مزيكا...

أستاذنا العملاق سيمدنا بكل ما هو جديد من أعماله...صوتية كانت أو مكتوبة...وستكون مكتبة الأستاذ هاشم صديق
والتى ستشرف عليها الأستاذة آسيا ربيع كما وعدته... بمثابة مدرسة جامعة لفنون الأدب والفن.. وواحة للجميع للتمتع بها والتعلم منها ...أستاذنا لك منا كل الحب و كل الأحترام و انت تزين سماء مزيكا سودانية...



...

حاجه فيك
لا بتنتَّهى ..لا بْتبتَدى
خلتنى أرجع لى القلم
وأتحدى بى الحرف الألم
وأضحك مع الزمن العريض
وأنسف متاريس الطريق
وأعرف متين أبقى المطر
وأفهم متين أصبح حريق




Posted Image
للتبليغ عن رابط لا يعمل، للتبليغ عن أغاني مكررة، كيفية فتح موضوع جديد وإرفاق أغنية، فيديو أوصورةذ
الاقتراحـــــات، الاعلانات، و الدعم و المساعـــــــــــدة ، كيف توصل جهاز تسجيل بالكومبييـــوتر
لارسال رسالة داخلية


#2 عادل خليفه

عادل خليفه

    الســـبلــوقـــــــــــــــــــة

  • PipPipPip
  • 1115 مشاركات

تم الارسال 11 July 2009 - 07:03 PM

شكرا جزيلا
للخناجر... للمغايس
للمتاريس ...للدسايس
للطريق لامن يضيق
للوجع سوي البدع
فتح مدارس
000

شكرا جزيلا
للامل وسط السراب
لي حراب ناسا قراب
للعذاب في كل باب
للمحكات العجيبه
والمشاوير الغريبه
لي تمن عشق الوطن
جمر الضريبه

مرحب بحامل محنة الوطن تحت جلدو....مرحب بالقابض علي شرف جمر الكلمة.. رغم المسامير والخناجر.

مرحب بعاشق الوطن وشاعر نبض الامه..... مرحب صاحب الرؤيا المتجددة.


#3 جميله

جميله

    نائب مدير الموقع للشئون التقنية

  • PipPipPip
  • 2396 مشاركات

تم الارسال 12 July 2009 - 01:56 AM

الشمس الغامرة تنادي خيوطها …تطرز وتجمع

الارض السمرا… تمد ايدينا …تقلد الفقرا

تبارك الشفع… المدن النايمة…تكبر قايمة

ويجلجل صوتها… في وش المدفع


مرحب بمن حرك فينا .. الغضب .. الثورة ...الوعي.....الفرحة .... الدمعة

مرحب هاشم صديق

232.jpg

 

واااحي من جرحك الدامي
وفتر حيلك
واااحي من ضلك الرامي
وحمل شيلك
تموت متل الشدر واقف
تموت واقف علي حيلك
فيا حليلك
ياحليلك

 


#4 ماجد مبارك

ماجد مبارك

    نائب مدير الموقع لشئون الاعضاء

  • PipPipPip
  • 4323 مشاركات

تم الارسال 13 July 2009 - 11:57 AM

يا ألف مرحب بالشاعر والفنان الأستاذ هاشم صديق....نتمني أن يطيب لك المقام بيننا....تزداد مكتبة الأغنية السودانية كل يوم إزدهارا وروعة وذلك لنوعية افراد أسرتها ولتفردهم في شخصهم وفنهم....لك مني ألف تحية وتقدير ونحن هنا تحت خدمتكم في كل ما يتعلق بالموقع والشكر موصول من خلالك لأستاذتنا الفاضلة آسيا ربيع 



#5 مصطفى التاج

مصطفى التاج

    مصطفى التاج

  • PipPipPip
  • 684 مشاركات

تم الارسال 13 July 2009 - 12:35 PM

مرحبا بك استاذنا ومربينا الاستاذ الشاعر الفنان هاشم صديق نتمنى ان يطيب لك المقام هنا لك التحية والتجلة والاحترام والله السعادة تغمرنا بانضمامك لنا فيا مرحبا بك

#6 مصطفى ود المامور

مصطفى ود المامور

    الشاعر والاعلامي مصطفي ود المأمور

  • PipPipPip
  • 580 مشاركات

تم الارسال 14 July 2009 - 07:16 AM

يا أهل الموقع٠ حقيقه دخول شاعر الوطن والمواقف الاستاذ هاشم صديق أضاء ما فى دواخلنا من عتمه ٠ وكلنا نحتاج لشاعر مضئ متفائل نحلم معه ونتفاءل ويغرس فينا امل الخضره والحصاد القادم وبدون شعراء مثل هاشم كيف نحلم ٠ نهنئكم ونهنئ انفسنا بالشاعر المضئ الوهاج والقمر المنير ٠خذوا من ضوئه ماطاب لكم وهو عندكم فى ليلة تمامه ماشاء الله ١٤ ٠٠٠شكرا للنجمه بنت ربيع التى منحتنا كل هذا الضياء من ابو وهج٠٠ وارجو ان تهدينا يااسيا محمد طه القدال صوت وحرف ٠ وانا شاهد على تقديره واحترامه لكى٠ومابغلبك٠مع تحياتى مصطفى ودالمامور

#7 زول طويل

زول طويل

    الاشراف والتنظيم

  • PipPipPip
  • 529 مشاركات

تم الارسال 15 July 2009 - 06:14 PM


من تيم الشوف الضيق ضقت
إتأملت الحال المايل
وشفت الناس في خصام وقبايل
فكيت تسجيلي بايدي وعقلي
وأتسجلت في تيم الشعب الثوري الغالي
وأنا أصلي مصحصح وود تفتيحة
ولاعب فقري
مرقت سريع من ضيق الحارة
للميدان الواسع دوغري
أنا لا وارغو ولا إفياني
لا ود طمبل لا مساوي
إتسجلت بحق طعمية
شراب مقدود ..وكدارة هدية .. وكيس تمباك
وإتفننت أكون رأس حربة
وإتجننت عديل في المحور
وإتقطعت أكون مساك
إتراقبت كتير بالصف
وإتكعبلت كتير من خلف


لك التحية والإحترام أستاذنا هاشم صديق
ولنا عظيم الشرف بمجرد السماح لنا بالمشاهدة (غير المشفرة) والاستمتاع بالقوم سداري

زول بحبك وماكا خابرو
ياما لاقيتو وبسالمك وداسِّي منك حال دواخلو


#8 ود المتمة

ود المتمة

    صديق عزيز للمنتدي

  • PipPipPip
  • 953 مشاركات

تم الارسال 24 July 2009 - 04:07 PM

هاشم صديق الانسان القامة الاستاذ الفنان الشامخ كشموخ بلدى اهلن بك ومرحب بوجودك معنا
نحن فى قمة السعادة بتواجدك هنا بين طيات توثيق كل جماك بلدى
لقد كل الاحترام والتقدير
مع خالص تحياتى

#9 khabeer

khabeer

    عضو مشارك

  • PipPip
  • 16 مشاركات

تم الارسال 12 August 2009 - 08:48 AM

احب ان اعرب عن سعادتى بالانضمام الى المنتدى العامر ومزيدا من النجاحات والابداع والى الامام دوما


كتبت ليك
لابينى بينك ريده.... لاقصة غرام
اخترت ليك اجمل حروف
واصدق فواصل نادره فى لغة الكلام
لاقصدى الهو معاك بى كلمات غنا
لاشعرى ليك مرجيحه من شعر الغمام
وكتبت ليك
والله ياقمر الزمان
شان جيتى بى زمن المحنه
وشفت فى عينيك حس اهلى القدام
وكتبت ليك
وانا جاى من زمن الشقا
المرسوم على وش الثوانى مظلله
تتمدد الساعات سنين
تتفتح الاحزان جميله ومزهله
واشتاق افتش نسمه فى الزمن العذاب
وايامى من كتر الاسى
وكتر العزوف والاغتراب
صبحت حروف مترهله
لحظات اسيفه ومهمله
انا حيلتى ايه
قولى ياقمر الزمان
غير اتكى واحلم معاك
واحضن اماسى الصحوه
والامل البريق


#10 قبانى

قبانى

    مدير الموقع و المشرف العام

  • PipPipPip
  • 3653 مشاركات

تم الارسال 12 August 2009 - 10:40 AM

سعدنا بإنضمامك للمكتبة يا خبير...وانشالله تخت اليد معانا فى مشوارنا التوثيقى.. المشوار طويل وإيد فى إيد تجدع بعيد....

حاجه فيك
لا بتنتَّهى ..لا بْتبتَدى
خلتنى أرجع لى القلم
وأتحدى بى الحرف الألم
وأضحك مع الزمن العريض
وأنسف متاريس الطريق
وأعرف متين أبقى المطر
وأفهم متين أصبح حريق




Posted Image
للتبليغ عن رابط لا يعمل، للتبليغ عن أغاني مكررة، كيفية فتح موضوع جديد وإرفاق أغنية، فيديو أوصورةذ
الاقتراحـــــات، الاعلانات، و الدعم و المساعـــــــــــدة ، كيف توصل جهاز تسجيل بالكومبييـــوتر
لارسال رسالة داخلية


#11 أم عصام

أم عصام

    عضو مشارك

  • PipPip
  • 10 مشاركات

تم الارسال 21 July 2010 - 06:26 PM

الخيول الاصيلة دائما ما تفوز بالسباق....اهلا بعودتك و نرحب بك فارسا متألقا كعادتك فى حلبة الشعر و النقد و الدراما و الثقافة .....مع وافر المحبة و عميق الاحترام





1 عضو(اعضاء) يشاهدون هذا الموضوع

0 الاعضاء, 1 الزوار, 0 مجهولين

Site supported By GazaSoft.com