اذهب للمحتوى


اهلا بكم فى مكتبة الأغنية السودانية

اهلا بكم فى مكتبة الأغنية السودانية, مثل جميع المواقع على الانترنت يجب عليك التسجيل للمشاركه في الموقع ولا تقلق فهى عملية سهلة , اشترك هنا or ان كنت عضو سجل دخولك من هنا وانظر بالاسفل للتعرف على مميزات الاشتراك.

  • وضع مواضيع جديدة والتعليق على مواضيع الاخرين
  • تشترك فى المواضيع والمنتديات لتعرف اخر التجديدات
  • تضيف احداث جديدة للتقويم الخاص بك
  • تحصل على ملف شخصى خاص واصدقاء
Guest Message © 2017 DevFuse

27 عاما على الرحلة الوردية للشواطئ العدنية


  • لا يمكنك الرد على هذا الموضوع
49 replies to this topic

#1 Alfateh Yasin

Alfateh Yasin

    مبدعي بلادي

  • PipPipPip
  • 155 مشاركات

تم الارسال 06 October 2010 - 09:11 PM


سلام شباب بمناسبة مرور سبعة وعشرون عاما على الرحلة التي تعد من الرحلات الفنية العالقة في الذاكرة للاستاذ الكبير الفنان محمد وردي لليمن الجنوبي في ذاك الزمان دكتور ماجد خليك جاهز وارجو اخطار الاخ ساطور للمشاركة وفي البداية نديكم اول صورة للفرقة الوردية مع فنان العرب محمد عبدو والملحن الراحل عمر كدرس ملحن اغنية ليلة خميس وبعدها ندخل في الموضوع



Group2.jpg

#2 جميله

جميله

    نائب مدير الموقع للشئون التقنية

  • PipPipPip
  • 2396 مشاركات

تم الارسال 07 October 2010 - 10:30 AM

سلام وياسلام .. حديث الذكريات .. وزيارة الزمن الجميل من آن الي اخر .... انت واصل وانا كمان بفتش ليك تسجيلات الفيديو للزيارة الشهيرة دي .. وطبعا د.ماجد برضوا بكون عندو قصص وحكاوي عن المناسبة دي.

232.jpg

 

واااحي من جرحك الدامي
وفتر حيلك
واااحي من ضلك الرامي
وحمل شيلك
تموت متل الشدر واقف
تموت واقف علي حيلك
فيا حليلك
ياحليلك

 


#3 abu mohemmed

abu mohemmed

    صلاح سري ملك الاكورديون

  • PipPipPip
  • 137 مشاركات

تم الارسال 07 October 2010 - 02:26 PM

اخونا الفاتح ..التحايا الطيبه ليك وللجميع
دا كلام جميل جدا لأنو سردالذكريات بترجع الواحد لزمن الابداع وانا بقول ابداع عشان زمان القصه كانت مواجهه ..تلقى المكرفون بتاع الصفيح مافي اي مؤثرات صوتيه يعني يافنان يامافنان ,مش زي اليوم تلقى الواحد صوتو خليها في سرك ،طبعا الساوندبستم اقصد الساوندسيستم يظبط ايها لكلكه ..ونجي للآلات الموسيقيه تلقى العازف يعزف ليك كأنو فرقه موسيقيه متكامله يعني يعمل الصولو ويجاوب نفسه طبعا دا مع مراعات لازم يبدع مش حق الحكومه وبس لازم الابداع ,عشان كده نحن بنقول العصر الذهبي كان في السبعينات ولى رايكم شنو؟؟ اديك العافيه .. بجيك راجع

كن كشجرة الصندل التي تعطر الفأس الذي يقطعها

#4 abu mohemmed

abu mohemmed

    صلاح سري ملك الاكورديون

  • PipPipPip
  • 137 مشاركات

تم الارسال 07 October 2010 - 02:35 PM


سلام شباب بمناسبة مرور سبعة وعشرون عاما على الرحلة التي تعد من الرحلات الفنية العالقة في الذاكرة للاستاذ الكبير الفنان محمد وردي لليمن الجنوبي في ذاك الزمان دكتور ماجد خليك جاهز وارجو اخطار الاخ ساطور للمشاركة وفي البداية نديكم اول صورة للفرقة الوردية مع فنان العرب محمد عبدو والملحن الراحل عمر كدرس ملحن اغنية ليلة خميس وبعدها ندخل في الموضوع



Group2.jpg

على فكره شاءت الظروف اقابل الراحل عمر كدرس في جده وكنا في جلسة عمل ولما استمرينا في الكلام لفتره سألني الأخ من السودان قلت ليهو نعم ..كان ردو انتو ناس فنانين وعدد لي اسماء كبار الفنانين ..قلت ليهو والله لوما القطره والعقال وطريقة الكلام كنت قايلك سوداني ..رد علي بأني عمر كدرس قلت ليهو الراجل الفنان رد يالآيجاب ..كملنا جلستنا ووعدتو بتكرار الزياره لكن لم تشأ الظروف ..راجل فنان رحمة الله عليه ..
كن كشجرة الصندل التي تعطر الفأس الذي يقطعها

#5 هند محمد

هند محمد

    شاعرتنا الرقيقة

  • PipPipPip
  • 654 مشاركات

تم الارسال 07 October 2010 - 02:40 PM

دعاشك صّر احساس الألفة
جواز مختوم من كل الناس ضرورة ملحة
دافر موج النشوة سواحلك
نقّط نقط يا إنسان

تحية استاذنا
ااخ من أم لهيج سكر كنانة الحاني
عرجونة الأراك الفايتة للخلاني
أمرك حار صعيب طلبك صحيح هماني
روحي هدية ليك وعفيتو حتي الجاني
مين يقدر يرد طلبك وانتي الملكة
ياظبي البيوت المابتعرفي الدلكة
هبوني العوير أكان مسوحو العلكة
روحي هدية ليه ومالي باقي التركة
(شوقي)

Posted Image

#6 ماجد مبارك

ماجد مبارك

    نائب مدير الموقع لشئون الاعضاء

  • PipPipPip
  • 4323 مشاركات

تم الارسال 07 October 2010 - 05:02 PM

يا سلام عليك يالفاتح. فنان فى موهبتك وطبعك وفى اختيارك للمواضيع التى تجلب ذكريات جميلة من أجمل أيامنا فى عدن. وبعد اذنك أنا نقلت الموضوع الشيق دة الواحة عشان نتيح الفرصة للجميع مشاهدتو والاستمتاع وربما المشاركه فيه.


رجعتنا لذكرى أيام جميلة الواحد مش بس اتشرف واستمتع بيكم ومعكم، لكن الواحد كان شاعر بفخر أنو سودانى، والسبب؟ الفنان د. محمد وردى والمجموعة الفريدة الكانت مصاحباه. شباب كانو زى الورد وخلى بالك كويس من شباب دى يا أبو الفتوح :)



أبدا ليك من وين ولا وين، من أيام البروفات فى "الشاليهات" ولا لما غنينا كورس فى حفل الافتتاح؟ ولا لما رئيس الدولة رسل للوالد عشان اكلم وردى اغنى ليه أغنية معينة. والجهجهة الدخل فيها وردى عشان اتذكر الأغنية وكيف حلاها.


الحفلات كنا بنسمعها تانى يوم طوالي فى الباصات والتكاسى ولوكان عندهم حافلات وركشات ماكانو حا اقصرو :)


الناس فى الشارع....انت سودانى...ايوه أنا سودانى...طيب ايش معنى كلمة"ودروك" ولمل تشرحها ابدأ الواحد ادندن "ضيعوك..ودروك..انت ما بتعرف صليحك من عدوك.....اللذيذة لما وردى حاول انطق القاف زى اليمنيين فى الحتة بتاعت "الحِبَيب قلبو طيب" وخلو فى بالكم أنوالعدنيين بنطقو القاف زى ما هى نظام الكلمة تقيف ليك فى حلقك وكده :)


أقول ليك مبالغة، أنا كنت فى عدن قبل سنة وفى ناس جابو لى سيرة الحفلات دى واعادو ذكرياتها وكأنها ليها سنة مش 27 سنة


وردى لبسوه باقة ورد، نزل من المسرح ولبسها لواحد من الضيوف.....متذكر دى، ولا لما الحرس الملا لينا الصالة فجأة لأنو فى واحد مهم من الدولة قرر اجى احضر الحفل بدون سابق انذار!


وينكم يا ساطور وشاكر عبد الرحيم، تعالو أحكو لينا كيف أنقذتو الموقف لما المايك الفى يد وردى قطع وقدمتو صولات رائعة "وونسة" موسيقية باآلات أطربت كل الموجودين وخدعت كل الغير سودانيين لأنهم افتكروها جزء من اللحن الأساسى للأغنية.


أنا بسببكم قربت أترفد لأنى كنت بَدُك المحاضرات فى الجامعة، وما حا أقول ليكم كنت فى سنة كم :)، ولحدت ما البروفيسور،وكان كوبى، زرانى لأنو كل ما كان بسألنى وينك الأيامات دى كنت بقول ليه كنت عيان ومتكل عل حته كوبى دى لكنت ماكنت قايل شقى الحال الما بعرف عربى برضو بتفرج على التلفزيون وعينك ما تشوف الا النور، الكاميرا ركزت على العبد لله وآخر بهجة وتانى يوم قال لىانت شكلك كده بتكون عيان بالنهار وبتتحسن بالليل وادانى معاها انذار.


ساطور بشد ليه تلفون الليلة عشان اذكرو بأورغنو الأحمر داك الباظ وسابو فى عدن واشترى ليه واحد فى الكويت وآآآخ من حفلات الكويت، دى شفناها فيديو.

وقعدة كرامة حسن مبارك كيف؟ متذكرها؟ كان يا دوب راجع من عملية القلب العملها فى الكويت. والجلسة الفريدة علي الشاطئ واللى قلد فيها وردى "البكاسى" كما كانو بسموهم آنذاك وكيف غنى للراحل المقيم ابراهيم عوض.


حا أرجع بالتفصيل لكل ما سبق مع اضافات أخرى ولو محظوظ ألم فى صور الحفلات دى وانا قايم من دربى ده أفتشهم.


ولى عودة









#7 Alfateh Yasin

Alfateh Yasin

    مبدعي بلادي

  • PipPipPip
  • 155 مشاركات

تم الارسال 07 October 2010 - 09:55 PM

جميلة شكرا ليك كتير للطلة والطلة الجاية معاكي فيديوهات اسناذ ودعم لوجستي تسلمي

#8 Alfateh Yasin

Alfateh Yasin

    مبدعي بلادي

  • PipPipPip
  • 155 مشاركات

تم الارسال 07 October 2010 - 10:02 PM

مرحب ملك الاكورديون تشكر للطلة رحم الله الملحن عمر كدرس وكل مبدعي الحجاز اعشق ابداعاتهم من الاذان حتى الدانه ونرجع لذكريات عدن وكيف اننا ابهجنا وابتهجنا مع اهل اليمن السعيد

#9 Alfateh Yasin

Alfateh Yasin

    مبدعي بلادي

  • PipPipPip
  • 155 مشاركات

تم الارسال 07 October 2010 - 10:05 PM

سلام هند ومرحب بيك في شواطئ عدن

#10 Alfateh Yasin

Alfateh Yasin

    مبدعي بلادي

  • PipPipPip
  • 155 مشاركات

تم الارسال 07 October 2010 - 10:33 PM

scan0039.jpg



دكتور ماجد مرحب شفته كيف حركنا ليكم سواكنكم من الذكريات وحنبدا من هنا حسب معلوماتي المتواضعة ماقبل السفر قوانين سبتمبر عاملة ضجة احكام وما ادراك ما قوانين الثقافة وعلاقة الكيزان بها والتفكير في التكفير وهوس ديني ودجل منع بث بعض الاعمال الغنائية واشياء تشيب الولدان حفلة كلية الصيدلة جامعة الخرطوم نهاية سبتمبر والحفلة مدورة فاذا بالاستاذ يقدم اغنية قالو بتحبو قلنا ليهم مالو فيها كلمة سكر بضم الكاف اتذكر تماما الراحل عصفور علق بان الاستاذ داير يودينا السجن بعدها بدات اجراءات السفر اعتقد في الثاني عشر من اكتوبر كانت رحلتنا على الخطوط الاثيوبية الخرطوم اديس ومنهاباليمدا عدن بومبي الراحل عفقور كان فاكهة الرحلة بقفشاته الفرقة الموسيقية كانت تتكون من كمنجات عمر مشيل عوض رحمة رياض صديق الطيب عمر فتح الله عمر منصور كمنجات الراحل هاشم هريدي ايقاع احمد ساطوراورقن احمد دو طرمبة عبدالهادي فلوت شاكر عبدالرحيم جيتار وشخصي الضعيق بيز جيتار

استقبلتنا الجالية السودانية استقبال حميم وكذلك المسؤولين من حكومة اليمن الجنوبي واستضافونا في شاليهات جميلة هي شاليها هور مكسر عبارة عن جزيرة موبوطة بشارع قبالة فندق سبا موقع شاعري وخدمات خمس نجوم الى هنا انتظر ساطور


#11 ماجد مبارك

ماجد مبارك

    نائب مدير الموقع لشئون الاعضاء

  • PipPipPip
  • 4323 مشاركات

تم الارسال 07 October 2010 - 11:30 PM

الى هنا انتظر ساطور


وساطور ما قصر ياأبو الفتوح. بالرغم من أنو رجع متأخر من الشغل لكن مشى نكت وفتش ورسل لى مجموعة من الصور أرفقت ليك منها تلتة مرة واحده عشان اليلة مبسوط منك لكن تانى بالقطارة. الصورة الأولى من الأعلى فى الصهاريج، وحا نشرح الصهاريج وأهميتها التاريخية، الصورالتانية فى البص لمحافظة أبين واللى حا نجيها لقدام والصورة الأخيرة فى منزل كشيحة على ما أعتقد. حا أترك ليك تعريف الموجودين أو لما أرجع بتمها.

يا شباب، الفى الصورة الفى النص ولابس بنطلون أبيض ده حبيبنا الفاتح أيام الشباب وشملو شاكر عبد الرحيم وصاحب الابتسامة اللامعة العزيز أحمد محمد عثمانوالشهير بأحمد ساطور.

الصورة الرفعتها مبالغة لكن ياالفاتح. ياها الشاليهات الما بتغبانى

وبرجع ليكم ببقية الصور والحكاوى


1 001.jpg


#12 Alfateh Yasin

Alfateh Yasin

    مبدعي بلادي

  • PipPipPip
  • 155 مشاركات

تم الارسال 08 October 2010 - 06:07 PM

دكتور البس النضارة وعاين كويس ده الاخ عبدالهادي نحنا كنا في التواهي ياسلام ايام واثنين من اعضاء الفرقة الاثيوبية وهاك صورة الفرقة معنا

scan0022.jpg

#13 Alfateh Yasin

Alfateh Yasin

    مبدعي بلادي

  • PipPipPip
  • 155 مشاركات

تم الارسال 08 October 2010 - 06:16 PM

scan0041.jpg

عمر مشيل الكمنجست الراقي وساطور واخوكم في بصنا الذي كان تحت تصرف الفرقة ولا انسى ابدا السواق الظريف عبده

#14 ماجد مبارك

ماجد مبارك

    نائب مدير الموقع لشئون الاعضاء

  • PipPipPip
  • 4323 مشاركات

تم الارسال 08 October 2010 - 06:25 PM

كلامك صاح يا رجل فعلا عبدالهادى لأنو عندى فى صورة تانية بنفس البنطلون لكن انت قايل النظر زي قبل 27 سنة؟ شايف الحلقة الأولى قطعت فى المطار، فى انتظار البقية وهاك ديل:

مبارك - وردى -1.jpg

الصورة التالية لما وردى لما اتكيف من ساطور وشاكر لما اشتغلو مع بعض واتبادلو الابداع بالآلات فى قطعة المايك فى أغنية لو بالصد أبيتينى وعلى فكرة موجودة عندنا فى الفيديو
1 004.png



#15 Alfateh Yasin

Alfateh Yasin

    مبدعي بلادي

  • PipPipPip
  • 155 مشاركات

تم الارسال 08 October 2010 - 06:34 PM

الفنانين والفرق التي شاركت لو نسيت ذكرني يا دكتور من السودان الاستاذ محمد وردي وفرقته المملكة العربية السعودية الاستاذ محمد عبدو والاستاذ يحيى لبان اليمن الشمالي الاستاذ احمد فتحي الفرقة الاثيوبية بقيادة الفنان نسيت اسمو هو صاحب الاغنية المشهورة التي يرددها الفنان عبدالعزيز المبارك ننويا ننو ايه والفنان احمد قاسم وفرقة الشبيبة وفرق شعبية عدة داخل مدينة عدن كانت حوالي 5 عروض وخارجها كانت في ابين

scan0005.jpg

#16 جميله

جميله

    نائب مدير الموقع للشئون التقنية

  • PipPipPip
  • 2396 مشاركات

تم الارسال 08 October 2010 - 11:58 PM

سلامات

زي ما وعدت اني اجي راجعة بحفل عدن ..ونبداء بي اغنية لو بالصد والصولة البين ساطور وشاكر في الدقيقة 3و25 ثانية تقريبا

ملف مرفق(ملفات)


232.jpg

 

واااحي من جرحك الدامي
وفتر حيلك
واااحي من ضلك الرامي
وحمل شيلك
تموت متل الشدر واقف
تموت واقف علي حيلك
فيا حليلك
ياحليلك

 


#17 جميله

جميله

    نائب مدير الموقع للشئون التقنية

  • PipPipPip
  • 2396 مشاركات

تم الارسال 09 October 2010 - 12:06 AM

كدي يا الفاتح .. الصورة دي كانت متين ووين .. والناس ديل منو؟

when.jpg


232.jpg

 

واااحي من جرحك الدامي
وفتر حيلك
واااحي من ضلك الرامي
وحمل شيلك
تموت متل الشدر واقف
تموت واقف علي حيلك
فيا حليلك
ياحليلك

 


#18 Alfateh Yasin

Alfateh Yasin

    مبدعي بلادي

  • PipPipPip
  • 155 مشاركات

تم الارسال 09 October 2010 - 08:33 AM

ياسلام كانت بعد عزومة بالبلدي كده غداء كارب مع عمنا كشيحه الزول الظريف بالعراقي ده ماجد لمني في تلفونو ياخي تسلمي جميله ابوشعر من اليمين اخوكم ايام الشباب ثم سائق البص عبدو وساطور وعبدالوهاب وردي احمد دو طرمبة عمر مشيل عمر منصور اما الثلاث الذين في حالة استعداد للجري هم عبدالهادي والعم كشيحه وعمر فتح الله


اذكر من ضمن الرؤساء الحضرو الليلة الاولى منقستو هليماريام طبعا شيوعيه لاخر حد


قفشة مقدم الحفل في الليلة الثانية بمسرح التواهي وسط عدن يقدم الفنان محمد وردي بانه الذي يغني الاغنية الجميلة سال من شعرها الذهب ونحن خلف الكواليس نموت من الضحك وقفشات عصفور هو ابن البادية معانا وما اندناش هبر

دردشة خلف الكواليس مع الفنان محمد عبدو راجل رقيق يحدثنا بانه تعرف بالاستاذ الراحل حسن عطية في لبنان ونواصل


#19 Alfateh Yasin

Alfateh Yasin

    مبدعي بلادي

  • PipPipPip
  • 155 مشاركات

تم الارسال 09 October 2010 - 08:40 AM

زيارة لموقع تاريخي عبارة عن سد قديم لتخزين مياه الامطار


Scan6.jpg



#20 ماجد مبارك

ماجد مبارك

    نائب مدير الموقع لشئون الاعضاء

  • PipPipPip
  • 4323 مشاركات

تم الارسال 09 October 2010 - 09:28 AM

زيارة لموقع تاريخي عبارة عن سد قديم لتخزين مياه الامطار



نعم ياالفاتح هذه المنطقة تسمى الصهاريج وهى عبارة عن مجموعة سدود صغيرة ومجارى محفورة فى الصخر وسط الجبال وكلها تصب فى "صهاريج" محفورة فى الأرض. بناها اليمنيون القداما وفى الأغلب أيام سد مأرب. وقد اكتشف الصهاريج الانجليز أثناء فترة احتلالهم لليمن وكانت مغطية بالنفايات. الأسلوب الهندسى المستخدم كان سابق لزمانه. وكانت الصهارج تستخدم كمخزون للمياه فى الفترات التى تشح فيها نزول الأمطار.


#21 abu mohemmed

abu mohemmed

    صلاح سري ملك الاكورديون

  • PipPipPip
  • 137 مشاركات

تم الارسال 09 October 2010 - 01:46 PM

واصل ياعمك متابعنك وبي مهله ،،اصلو الجو حلو معاك يافنان
كن كشجرة الصندل التي تعطر الفأس الذي يقطعها

#22 Alfateh Yasin

Alfateh Yasin

    مبدعي بلادي

  • PipPipPip
  • 155 مشاركات

تم الارسال 10 October 2010 - 08:13 AM

كان لحرارة استقبال الجمهور لنا دور كبير في ان يبدع الاستاذ وردي وينعكس ذلك في انسجام الفرقة الموسيقيةحيث كنا نمتع انفسنا اولا وليست تادية واجب كانت شركات التسجيل تغرق السوق بتسجل الحفل اليوم الثاني كاسيت وفيديو اتذكر ذهبنا منتصف المدينة وبصاحب محل بيع كاسيت يهدينا تسجيل حفلة ليلة امس بعض الجمهور كان يسجل زيارات لنا بالشاليهات ويدعوننا لولائم خاصة كنا نلبي الدعوات بكل سرور واذكر صديقنا نوفل عازف الاورغ ودعوته لنا بمنزلهم بالشيخ عثمان ونواصل

الاخ نوفل في الصورة

scan0037.jpg

#23 جميله

جميله

    نائب مدير الموقع للشئون التقنية

  • PipPipPip
  • 2396 مشاركات

تم الارسال 10 October 2010 - 08:15 AM

واصل في حديث الزكريات .. وانا علي اجيب الرشاوي من الفيديوهات ... كيف معاك؟ :rolleyes:

232.jpg

 

واااحي من جرحك الدامي
وفتر حيلك
واااحي من ضلك الرامي
وحمل شيلك
تموت متل الشدر واقف
تموت واقف علي حيلك
فيا حليلك
ياحليلك

 


#24 Alfateh Yasin

Alfateh Yasin

    مبدعي بلادي

  • PipPipPip
  • 155 مشاركات

تم الارسال 10 October 2010 - 08:20 AM

صباحك اشته جميلة دائمابتسندي قفاي يديكي العافيه

#25 ماجد مبارك

ماجد مبارك

    نائب مدير الموقع لشئون الاعضاء

  • PipPipPip
  • 4323 مشاركات

تم الارسال 10 October 2010 - 10:14 AM

صباحاتك فل يا أبو الفتوح وكل المتداخلين.
العم د. عباس مختار، كان حينها وكيل منظمة الصحة العالمية، فرع عدن. حدثنا عن مناسبة الصورة يا أبو الفتوح واللى جاتنا من العزيز ساطور

الفاتح - د. عباس مختار - ساطور - عدن 1983.jpg

نسيت نذكر أنو زيارة وردى لعدن جائت بعد دعوة رسمية من الحكومة اليمنية آنذاك وذلك ضمن فعاليات الاحتفالات بثورة 14 أكتوبر وهذا سبب الزيارة فى أكتوبر بالتحديد. والمعلومة التى لا يعرفها الكثير أن وردى وأعضاء فرقته لم يتقاضو أجورا على كل الحفلات التى أقيمت هنا
. الجميع تبرعو بوقتهم ومجهودهم والسفر لرفع رأسنا وقد أجادو ذلك. تذاكر السفر والاقامة كانت التكلفة الوحيدة من قبل الحكومة اليمنية.
ما قلت ليكم شباب حلوين! :)


#26 جميله

جميله

    نائب مدير الموقع للشئون التقنية

  • PipPipPip
  • 2396 مشاركات

تم الارسال 10 October 2010 - 10:22 AM

يا ماجد وين ساطور زاتوا .. خلي يجي يحكي معاكم ويحكي لينا

232.jpg

 

واااحي من جرحك الدامي
وفتر حيلك
واااحي من ضلك الرامي
وحمل شيلك
تموت متل الشدر واقف
تموت واقف علي حيلك
فيا حليلك
ياحليلك

 


#27 ماجد مبارك

ماجد مبارك

    نائب مدير الموقع لشئون الاعضاء

  • PipPipPip
  • 4323 مشاركات

تم الارسال 10 October 2010 - 12:45 PM

ساطور وعد بأنو حا اشارك لكن اظهر مشغول شوية الأيامات دى. ناس كاليفورنيا ديل حقهم براه يا جميلة :)


#28 Alfateh Yasin

Alfateh Yasin

    مبدعي بلادي

  • PipPipPip
  • 155 مشاركات

تم الارسال 10 October 2010 - 08:18 PM

ماقلته ليك دكتور حنفلفل الرحله نعم لم يكن هناك مقابل مادي للحفلات لكنهم فتحوا لنا ابواب التلفزيون والاذاعة سجلنا علي مزاجنا وكانت ايام جميلة برضو ودردشنا مع ناس التلفزيون والاذاعة والاستاذ ابدع والفرقة ابدعت وفي الذاكرة المخرج التلفزيوني نسيت اسمو زول فنان ومتوتر على طول ولا انسى الشاب اللطيف الذي كان مسؤول عن الاستاذ والفرقة الزول الجميل سالم الجحوشي

بعد ان سجلنا توجهنا الى محافظة ابين اعتقد المدينة اسمهاجعار تم استضافتنا في منتجع على سفح جبل حاجة روعة واتذكر يغلب على اهل المدينة الزنجباريين السمر وكانت حفلة جميلة بالتجاوب وحسان ابين يحيين الاستاذ والفرقة وعدد من الشابات صعدن المسرح وعبرن عن اعجابهن بخلعهن لاساورهن واهداءها له لكن بعد نهاية الفاصل طلب الاستاذ حضورهن وشكرهن ورد اليهن اساورهن ناس طرب

صورة على سفح جبل جعار بابين


scan0040.jpg

#29 عادل خليفه

عادل خليفه

    الســـبلــوقـــــــــــــــــــة

  • PipPipPip
  • 1115 مشاركات

تم الارسال 11 October 2010 - 02:44 AM

الفاتح يا ملك قدر ما شركت ليك في بحرنا اون لاين جبادتي ما غمزت مع انو مواعيدنا كانت واحدة.. واصل بالله عليك ..

ماجد ذاكرتك حديد ما شاء الله رغم السنين..


#30 علوي الكاف

علوي الكاف

    الفنان اليمني الجميل

  • PipPipPip
  • 30 مشاركات

تم الارسال 11 October 2010 - 10:47 AM


السادة الأفاضل

عرفته أثناء تواجده في عدن قبل 27 عام

فنان خلوق وكله ذوق


(( له محبه من الله ... عند كل شخص محبوب ))


يسرني ان اضع بعض الصور والملفات الصوتية

{{ حفلة سينماء بلقيس - بعدن }}

wardi_1.jpg

wardi_2.jpg

ملف مرفق(ملفات)







1 عضو(اعضاء) يشاهدون هذا الموضوع

0 الاعضاء, 1 الزوار, 0 مجهولين

Site supported By GazaSoft.com