• Announcements

    • Gamiela

      ضيوفنا الكرام   06/21/2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/
Sign in to follow this  
Followers 0
Alfateh Yasin

27 عاما على الرحلة الوردية للشواطئ العدنية

50 posts in this topic

سلام شباب بمناسبة مرور سبعة وعشرون عاما على الرحلة التي تعد من الرحلات الفنية العالقة في الذاكرة للاستاذ الكبير الفنان محمد وردي لليمن الجنوبي في ذاك الزمان دكتور ماجد خليك جاهز وارجو اخطار الاخ ساطور للمشاركة وفي البداية نديكم اول صورة للفرقة الوردية مع فنان العرب محمد عبدو والملحن الراحل عمر كدرس ملحن اغنية ليلة خميس وبعدها ندخل في الموضوع

 

 

post-48966-128641742667_thumb.jpg

Share this post


Link to post
Share on other sites

سلام وياسلام .. حديث الذكريات .. وزيارة الزمن الجميل من آن الي اخر .... انت واصل وانا كمان بفتش ليك تسجيلات الفيديو للزيارة الشهيرة دي .. وطبعا د.ماجد برضوا بكون عندو قصص وحكاوي عن المناسبة دي.

Share this post


Link to post
Share on other sites

اخونا الفاتح ..التحايا الطيبه ليك وللجميع

دا كلام جميل جدا لأنو سردالذكريات بترجع الواحد لزمن الابداع وانا بقول ابداع عشان زمان القصه كانت مواجهه ..تلقى المكرفون بتاع الصفيح مافي اي مؤثرات صوتيه يعني يافنان يامافنان ,مش زي اليوم تلقى الواحد صوتو خليها في سرك ،طبعا الساوندبستم اقصد الساوندسيستم يظبط ايها لكلكه ..ونجي للآلات الموسيقيه تلقى العازف يعزف ليك كأنو فرقه موسيقيه متكامله يعني يعمل الصولو ويجاوب نفسه طبعا دا مع مراعات لازم يبدع مش حق الحكومه وبس لازم الابداع ,عشان كده نحن بنقول العصر الذهبي كان في السبعينات ولى رايكم شنو؟؟ اديك العافيه .. بجيك راجع

Share this post


Link to post
Share on other sites

سلام شباب بمناسبة مرور سبعة وعشرون عاما على الرحلة التي تعد من الرحلات الفنية العالقة في الذاكرة للاستاذ الكبير الفنان محمد وردي لليمن الجنوبي في ذاك الزمان دكتور ماجد خليك جاهز وارجو اخطار الاخ ساطور للمشاركة وفي البداية نديكم اول صورة للفرقة الوردية مع فنان العرب محمد عبدو والملحن الراحل عمر كدرس ملحن اغنية ليلة خميس وبعدها ندخل في الموضوع

 

 

post-48966-128641742667_thumb.jpg

على فكره شاءت الظروف اقابل الراحل عمر كدرس في جده وكنا في جلسة عمل ولما استمرينا في الكلام لفتره سألني الأخ من السودان قلت ليهو نعم ..كان ردو انتو ناس فنانين وعدد لي اسماء كبار الفنانين ..قلت ليهو والله لوما القطره والعقال وطريقة الكلام كنت قايلك سوداني ..رد علي بأني عمر كدرس قلت ليهو الراجل الفنان رد يالآيجاب ..كملنا جلستنا ووعدتو بتكرار الزياره لكن لم تشأ الظروف ..راجل فنان رحمة الله عليه ..

Share this post


Link to post
Share on other sites

دعاشك صّر احساس الألفة

جواز مختوم من كل الناس ضرورة ملحة

دافر موج النشوة سواحلك

نقّط نقط يا إنسان

 

تحية استاذنا

Share this post


Link to post
Share on other sites

يا سلام عليك يالفاتح. فنان فى موهبتك وطبعك وفى اختيارك للمواضيع التى تجلب ذكريات جميلة من أجمل أيامنا فى عدن. وبعد اذنك أنا نقلت الموضوع الشيق دة الواحة عشان نتيح الفرصة للجميع مشاهدتو والاستمتاع وربما المشاركه فيه.

رجعتنا لذكرى أيام جميلة الواحد مش بس اتشرف واستمتع بيكم ومعكم، لكن الواحد كان شاعر بفخر أنو سودانى، والسبب؟ الفنان د. محمد وردى والمجموعة الفريدة الكانت مصاحباه. شباب كانو زى الورد وخلى بالك كويس من شباب دى يا أبو الفتوح :)

أبدا ليك من وين ولا وين، من أيام البروفات فى "الشاليهات" ولا لما غنينا كورس فى حفل الافتتاح؟ ولا لما رئيس الدولة رسل للوالد عشان اكلم وردى اغنى ليه أغنية معينة. والجهجهة الدخل فيها وردى عشان اتذكر الأغنية وكيف حلاها.

الحفلات كنا بنسمعها تانى يوم طوالي فى الباصات والتكاسى ولوكان عندهم حافلات وركشات ماكانو حا اقصرو :)

الناس فى الشارع....انت سودانى...ايوه أنا سودانى...طيب ايش معنى كلمة"ودروك" ولمل تشرحها ابدأ الواحد ادندن "ضيعوك..ودروك..انت ما بتعرف صليحك من عدوك.....اللذيذة لما وردى حاول انطق القاف زى اليمنيين فى الحتة بتاعت "الحِبَيب قلبو طيب" وخلو فى بالكم أنوالعدنيين بنطقو القاف زى ما هى نظام الكلمة تقيف ليك فى حلقك وكده :)

أقول ليك مبالغة، أنا كنت فى عدن قبل سنة وفى ناس جابو لى سيرة الحفلات دى واعادو ذكرياتها وكأنها ليها سنة مش 27 سنة

وردى لبسوه باقة ورد، نزل من المسرح ولبسها لواحد من الضيوف.....متذكر دى، ولا لما الحرس الملا لينا الصالة فجأة لأنو فى واحد مهم من الدولة قرر اجى احضر الحفل بدون سابق انذار!

وينكم يا ساطور وشاكر عبد الرحيم، تعالو أحكو لينا كيف أنقذتو الموقف لما المايك الفى يد وردى قطع وقدمتو صولات رائعة "وونسة" موسيقية باآلات أطربت كل الموجودين وخدعت كل الغير سودانيين لأنهم افتكروها جزء من اللحن الأساسى للأغنية.

أنا بسببكم قربت أترفد لأنى كنت بَدُك المحاضرات فى الجامعة، وما حا أقول ليكم كنت فى سنة كم :)، ولحدت ما البروفيسور،وكان كوبى، زرانى لأنو كل ما كان بسألنى وينك الأيامات دى كنت بقول ليه كنت عيان ومتكل عل حته كوبى دى لكنت ماكنت قايل شقى الحال الما بعرف عربى برضو بتفرج على التلفزيون وعينك ما تشوف الا النور، الكاميرا ركزت على العبد لله وآخر بهجة وتانى يوم قال لىانت شكلك كده بتكون عيان بالنهار وبتتحسن بالليل وادانى معاها انذار.

ساطور بشد ليه تلفون الليلة عشان اذكرو بأورغنو الأحمر داك الباظ وسابو فى عدن واشترى ليه واحد فى الكويت وآآآخ من حفلات الكويت، دى شفناها فيديو.

وقعدة كرامة حسن مبارك كيف؟ متذكرها؟ كان يا دوب راجع من عملية القلب العملها فى الكويت. والجلسة الفريدة علي الشاطئ واللى قلد فيها وردى "البكاسى" كما كانو بسموهم آنذاك وكيف غنى للراحل المقيم ابراهيم عوض.

حا أرجع بالتفصيل لكل ما سبق مع اضافات أخرى ولو محظوظ ألم فى صور الحفلات دى وانا قايم من دربى ده أفتشهم.

ولى عودة

Share this post


Link to post
Share on other sites

جميلة شكرا ليك كتير للطلة والطلة الجاية معاكي فيديوهات اسناذ ودعم لوجستي تسلمي

Share this post


Link to post
Share on other sites

مرحب ملك الاكورديون تشكر للطلة رحم الله الملحن عمر كدرس وكل مبدعي الحجاز اعشق ابداعاتهم من الاذان حتى الدانه ونرجع لذكريات عدن وكيف اننا ابهجنا وابتهجنا مع اهل اليمن السعيد

Share this post


Link to post
Share on other sites

post-48966-128650858077_thumb.jpg

 

 

 

دكتور ماجد مرحب شفته كيف حركنا ليكم سواكنكم من الذكريات وحنبدا من هنا حسب معلوماتي المتواضعة ماقبل السفر قوانين سبتمبر عاملة ضجة احكام وما ادراك ما قوانين الثقافة وعلاقة الكيزان بها والتفكير في التكفير وهوس ديني ودجل منع بث بعض الاعمال الغنائية واشياء تشيب الولدان حفلة كلية الصيدلة جامعة الخرطوم نهاية سبتمبر والحفلة مدورة فاذا بالاستاذ يقدم اغنية قالو بتحبو قلنا ليهم مالو فيها كلمة سكر بضم الكاف اتذكر تماما الراحل عصفور علق بان الاستاذ داير يودينا السجن بعدها بدات اجراءات السفر اعتقد في الثاني عشر من اكتوبر كانت رحلتنا على الخطوط الاثيوبية الخرطوم اديس ومنهاباليمدا عدن بومبي الراحل عفقور كان فاكهة الرحلة بقفشاته الفرقة الموسيقية كانت تتكون من كمنجات عمر مشيل عوض رحمة رياض صديق الطيب عمر فتح الله عمر منصور كمنجات الراحل هاشم هريدي ايقاع احمد ساطوراورقن احمد دو طرمبة عبدالهادي فلوت شاكر عبدالرحيم جيتار وشخصي الضعيق بيز جيتار

 

استقبلتنا الجالية السودانية استقبال حميم وكذلك المسؤولين من حكومة اليمن الجنوبي واستضافونا في شاليهات جميلة هي شاليها هور مكسر عبارة عن جزيرة موبوطة بشارع قبالة فندق سبا موقع شاعري وخدمات خمس نجوم الى هنا انتظر ساطور

Share this post


Link to post
Share on other sites
الى هنا انتظر ساطور

 

وساطور ما قصر ياأبو الفتوح. بالرغم من أنو رجع متأخر من الشغل لكن مشى نكت وفتش ورسل لى مجموعة من الصور أرفقت ليك منها تلتة مرة واحده عشان اليلة مبسوط منك لكن تانى بالقطارة. الصورة الأولى من الأعلى فى الصهاريج، وحا نشرح الصهاريج وأهميتها التاريخية، الصورالتانية فى البص لمحافظة أبين واللى حا نجيها لقدام والصورة الأخيرة فى منزل كشيحة على ما أعتقد. حا أترك ليك تعريف الموجودين أو لما أرجع بتمها.

 

يا شباب، الفى الصورة الفى النص ولابس بنطلون أبيض ده حبيبنا الفاتح أيام الشباب وشملو شاكر عبد الرحيم وصاحب الابتسامة اللامعة العزيز أحمد محمد عثمانوالشهير بأحمد ساطور.

 

الصورة الرفعتها مبالغة لكن ياالفاتح. ياها الشاليهات الما بتغبانى

وبرجع ليكم ببقية الصور والحكاوى

 

1 001.jpg

Share this post


Link to post
Share on other sites

دكتور البس النضارة وعاين كويس ده الاخ عبدالهادي نحنا كنا في التواهي ياسلام ايام واثنين من اعضاء الفرقة الاثيوبية وهاك صورة الفرقة معنا

 

post-2915-128658072685_thumb.jpg

Share this post


Link to post
Share on other sites

post-48966-128657960448_thumb.jpg

 

عمر مشيل الكمنجست الراقي وساطور واخوكم في بصنا الذي كان تحت تصرف الفرقة ولا انسى ابدا السواق الظريف عبده

Share this post


Link to post
Share on other sites

كلامك صاح يا رجل فعلا عبدالهادى لأنو عندى فى صورة تانية بنفس البنطلون لكن انت قايل النظر زي قبل 27 سنة؟ شايف الحلقة الأولى قطعت فى المطار، فى انتظار البقية وهاك ديل:

 

مبارك - وردى -1.jpg

 

الصورة التالية لما وردى لما اتكيف من ساطور وشاكر لما اشتغلو مع بعض واتبادلو الابداع بالآلات فى قطعة المايك فى أغنية لو بالصد أبيتينى وعلى فكرة موجودة عندنا فى الفيديو

1 004.png

 

Share this post


Link to post
Share on other sites

الفنانين والفرق التي شاركت لو نسيت ذكرني يا دكتور من السودان الاستاذ محمد وردي وفرقته المملكة العربية السعودية الاستاذ محمد عبدو والاستاذ يحيى لبان اليمن الشمالي الاستاذ احمد فتحي الفرقة الاثيوبية بقيادة الفنان نسيت اسمو هو صاحب الاغنية المشهورة التي يرددها الفنان عبدالعزيز المبارك ننويا ننو ايه والفنان احمد قاسم وفرقة الشبيبة وفرق شعبية عدة داخل مدينة عدن كانت حوالي 5 عروض وخارجها كانت في ابين

 

post-48966-128658069197_thumb.jpg

Share this post


Link to post
Share on other sites

سلامات

 

زي ما وعدت اني اجي راجعة بحفل عدن ..ونبداء بي اغنية لو بالصد والصولة البين ساطور وشاكر في الدقيقة 3و25 ثانية تقريبا

وردي في عدن _لو بالصد.wmv

Share this post


Link to post
Share on other sites

كدي يا الفاتح .. الصورة دي كانت متين ووين .. والناس ديل منو؟

 

when.jpg

Share this post


Link to post
Share on other sites

ياسلام كانت بعد عزومة بالبلدي كده غداء كارب مع عمنا كشيحه الزول الظريف بالعراقي ده ماجد لمني في تلفونو ياخي تسلمي جميله ابوشعر من اليمين اخوكم ايام الشباب ثم سائق البص عبدو وساطور وعبدالوهاب وردي احمد دو طرمبة عمر مشيل عمر منصور اما الثلاث الذين في حالة استعداد للجري هم عبدالهادي والعم كشيحه وعمر فتح الله

 

 

اذكر من ضمن الرؤساء الحضرو الليلة الاولى منقستو هليماريام طبعا شيوعيه لاخر حد

 

 

قفشة مقدم الحفل في الليلة الثانية بمسرح التواهي وسط عدن يقدم الفنان محمد وردي بانه الذي يغني الاغنية الجميلة سال من شعرها الذهب ونحن خلف الكواليس نموت من الضحك وقفشات عصفور هو ابن البادية معانا وما اندناش هبر

 

دردشة خلف الكواليس مع الفنان محمد عبدو راجل رقيق يحدثنا بانه تعرف بالاستاذ الراحل حسن عطية في لبنان ونواصل

Share this post


Link to post
Share on other sites

زيارة لموقع تاريخي عبارة عن سد قديم لتخزين مياه الامطار

 

post-1424-128663789548_thumb.jpg

Share this post


Link to post
Share on other sites

زيارة لموقع تاريخي عبارة عن سد قديم لتخزين مياه الامطار

 

 

نعم ياالفاتح هذه المنطقة تسمى الصهاريج وهى عبارة عن مجموعة سدود صغيرة ومجارى محفورة فى الصخر وسط الجبال وكلها تصب فى "صهاريج" محفورة فى الأرض. بناها اليمنيون القداما وفى الأغلب أيام سد مأرب. وقد اكتشف الصهاريج الانجليز أثناء فترة احتلالهم لليمن وكانت مغطية بالنفايات. الأسلوب الهندسى المستخدم كان سابق لزمانه. وكانت الصهارج تستخدم كمخزون للمياه فى الفترات التى تشح فيها نزول الأمطار.

Share this post


Link to post
Share on other sites

واصل ياعمك متابعنك وبي مهله ،،اصلو الجو حلو معاك يافنان

Share this post


Link to post
Share on other sites

كان لحرارة استقبال الجمهور لنا دور كبير في ان يبدع الاستاذ وردي وينعكس ذلك في انسجام الفرقة الموسيقيةحيث كنا نمتع انفسنا اولا وليست تادية واجب كانت شركات التسجيل تغرق السوق بتسجل الحفل اليوم الثاني كاسيت وفيديو اتذكر ذهبنا منتصف المدينة وبصاحب محل بيع كاسيت يهدينا تسجيل حفلة ليلة امس بعض الجمهور كان يسجل زيارات لنا بالشاليهات ويدعوننا لولائم خاصة كنا نلبي الدعوات بكل سرور واذكر صديقنا نوفل عازف الاورغ ودعوته لنا بمنزلهم بالشيخ عثمان ونواصل

 

الاخ نوفل في الصورة

 

post-2915-128672328176_thumb.jpg

Share this post


Link to post
Share on other sites

واصل في حديث الزكريات .. وانا علي اجيب الرشاوي من الفيديوهات ... كيف معاك؟ :rolleyes:

Share this post


Link to post
Share on other sites

صباحاتك فل يا أبو الفتوح وكل المتداخلين.

العم د. عباس مختار، كان حينها وكيل منظمة الصحة العالمية، فرع عدن. حدثنا عن مناسبة الصورة يا أبو الفتوح واللى جاتنا من العزيز ساطور

 

الفاتح - د. عباس مختار - ساطور - عدن 1983.jpg

 

نسيت نذكر أنو زيارة وردى لعدن جائت بعد دعوة رسمية من الحكومة اليمنية آنذاك وذلك ضمن فعاليات الاحتفالات بثورة 14 أكتوبر وهذا سبب الزيارة فى أكتوبر بالتحديد. والمعلومة التى لا يعرفها الكثير أن وردى وأعضاء فرقته لم يتقاضو أجورا على كل الحفلات التى أقيمت هنا. الجميع تبرعو بوقتهم ومجهودهم والسفر لرفع رأسنا وقد أجادو ذلك. تذاكر السفر والاقامة كانت التكلفة الوحيدة من قبل الحكومة اليمنية.

ما قلت ليكم شباب حلوين! :)

Share this post


Link to post
Share on other sites

يا ماجد وين ساطور زاتوا .. خلي يجي يحكي معاكم ويحكي لينا

Share this post


Link to post
Share on other sites

ساطور وعد بأنو حا اشارك لكن اظهر مشغول شوية الأيامات دى. ناس كاليفورنيا ديل حقهم براه يا جميلة :)

Share this post


Link to post
Share on other sites

ماقلته ليك دكتور حنفلفل الرحله نعم لم يكن هناك مقابل مادي للحفلات لكنهم فتحوا لنا ابواب التلفزيون والاذاعة سجلنا علي مزاجنا وكانت ايام جميلة برضو ودردشنا مع ناس التلفزيون والاذاعة والاستاذ ابدع والفرقة ابدعت وفي الذاكرة المخرج التلفزيوني نسيت اسمو زول فنان ومتوتر على طول ولا انسى الشاب اللطيف الذي كان مسؤول عن الاستاذ والفرقة الزول الجميل سالم الجحوشي

 

بعد ان سجلنا توجهنا الى محافظة ابين اعتقد المدينة اسمهاجعار تم استضافتنا في منتجع على سفح جبل حاجة روعة واتذكر يغلب على اهل المدينة الزنجباريين السمر وكانت حفلة جميلة بالتجاوب وحسان ابين يحيين الاستاذ والفرقة وعدد من الشابات صعدن المسرح وعبرن عن اعجابهن بخلعهن لاساورهن واهداءها له لكن بعد نهاية الفاصل طلب الاستاذ حضورهن وشكرهن ورد اليهن اساورهن ناس طرب

 

صورة على سفح جبل جعار بابين

 

post-48966-128675981851_thumb.jpg

Share this post


Link to post
Share on other sites

الفاتح يا ملك قدر ما شركت ليك في بحرنا اون لاين جبادتي ما غمزت مع انو مواعيدنا كانت واحدة.. واصل بالله عليك ..

 

ماجد ذاكرتك حديد ما شاء الله رغم السنين..

Share this post


Link to post
Share on other sites

السادة الأفاضل

 

عرفته أثناء تواجده في عدن قبل 27 عام

 

فنان خلوق وكله ذوق

 

 

(( له محبه من الله ... عند كل شخص محبوب ))

 

 

يسرني ان اضع بعض الصور والملفات الصوتية

{{ حفلة سينماء بلقيس - بعدن }}

 

post-1424-128681372955_thumb.jpg

post-1424-128681375062_thumb.jpg

Ahla fsool elamer.rm

ياناســينا ـ محمد وردي.MP3

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!


Register a new account

Sign in

Already have an account? Sign in here.


Sign In Now
Sign in to follow this  
Followers 0