• Announcements

    • Gamiela

      ضيوفنا الكرام   06/21/2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/
Sign in to follow this  
Followers 0
يحي قباني

الأستاذ هاشم صديق عضوا فى مزيكا سودانية...فيا مرحبا

11 posts in this topic

سألتك ياوطن ارتاح

فديتك ياوطن تسلم

قريت في دفترك شجنك

وذاكرت المعاني حكم

مشيت بي قصتك للريح

وشديت في مسارب الهم

لقيت حالك سؤال محتار

وجرحك من نقيحو نضم

وتتعلم تغني غناك

وفي حلقك غبار وألم

وتتعلم تبارك النار

وكت حلمك برد وأظلم

وتتعلم تموت وتعيش

كأنك حاجة ما بتكمل

ولابتزيد ولابتتم

 

يغمرنا الفرح اليوم بإنضمام الشاعر و المسرحى و الناقد الفنان الكبير الأستاذ هاشم صديق الى منتدى مزيكا سودانية... وهو الخبر الذى زفته إلينا اليوم زهرة مزيكا الأستاذة آسيا ربيع...والتى تقوم حاليا بإعداد لقاء صوتى مع الأستاذ هاشم صديق لبثه حصريا من خلال مكتبة الأستاذ هاشم صديق بواحة مزيكا...

 

أستاذنا العملاق سيمدنا بكل ما هو جديد من أعماله...صوتية كانت أو مكتوبة...وستكون مكتبة الأستاذ هاشم صديق والتى ستشرف عليها الأستاذة آسيا ربيع كما وعدته... بمثابة مدرسة جامعة لفنون الأدب والفن.. وواحة للجميع للتمتع بها والتعلم منها ...أستاذنا لك منا كل الحب و كل الأحترام و انت تزين سماء مزيكا سودانية...

 

 

...

Share this post


Link to post
Share on other sites

شكرا جزيلا

للخناجر... للمغايس

للمتاريس ...للدسايس

للطريق لامن يضيق

للوجع سوي البدع

فتح مدارس

000

 

شكرا جزيلا

للامل وسط السراب

لي حراب ناسا قراب

للعذاب في كل باب

للمحكات العجيبه

والمشاوير الغريبه

لي تمن عشق الوطن

جمر الضريبه

 

مرحب بحامل محنة الوطن تحت جلدو....مرحب بالقابض علي شرف جمر الكلمة.. رغم المسامير والخناجر.

 

مرحب بعاشق الوطن وشاعر نبض الامه..... مرحب صاحب الرؤيا المتجددة.

Share this post


Link to post
Share on other sites

الشمس الغامرة تنادي خيوطها …تطرز وتجمع

 

الارض السمرا… تمد ايدينا …تقلد الفقرا

 

تبارك الشفع… المدن النايمة…تكبر قايمة

 

ويجلجل صوتها… في وش المدفع

 

 

مرحب بمن حرك فينا .. الغضب .. الثورة ...الوعي.....الفرحة .... الدمعة

 

مرحب هاشم صديق

Share this post


Link to post
Share on other sites

يا ألف مرحب بالشاعر والفنان الأستاذ هاشم صديق....نتمني أن يطيب لك المقام بيننا....تزداد مكتبة الأغنية السودانية كل يوم إزدهارا وروعة وذلك لنوعية افراد أسرتها ولتفردهم في شخصهم وفنهم....لك مني ألف تحية وتقدير ونحن هنا تحت خدمتكم في كل ما يتعلق بالموقع والشكر موصول من خلالك لأستاذتنا الفاضلة آسيا ربيع 

Share this post


Link to post
Share on other sites

مرحبا بك استاذنا ومربينا الاستاذ الشاعر الفنان هاشم صديق نتمنى ان يطيب لك المقام هنا لك التحية والتجلة والاحترام والله السعادة تغمرنا بانضمامك لنا فيا مرحبا بك

Share this post


Link to post
Share on other sites

يا أهل الموقع٠ حقيقه دخول شاعر الوطن والمواقف الاستاذ هاشم صديق أضاء ما فى دواخلنا من عتمه ٠ وكلنا نحتاج لشاعر مضئ متفائل نحلم معه ونتفاءل ويغرس فينا امل الخضره والحصاد القادم وبدون شعراء مثل هاشم كيف نحلم ٠ نهنئكم ونهنئ انفسنا بالشاعر المضئ الوهاج والقمر المنير ٠خذوا من ضوئه ماطاب لكم وهو عندكم فى ليلة تمامه ماشاء الله ١٤ ٠٠٠شكرا للنجمه بنت ربيع التى منحتنا كل هذا الضياء من ابو وهج٠٠ وارجو ان تهدينا يااسيا محمد طه القدال صوت وحرف ٠ وانا شاهد على تقديره واحترامه لكى٠ومابغلبك٠مع تحياتى مصطفى ودالمامور

Share this post


Link to post
Share on other sites

من تيم الشوف الضيق ضقت

إتأملت الحال المايل

وشفت الناس في خصام وقبايل

فكيت تسجيلي بايدي وعقلي

وأتسجلت في تيم الشعب الثوري الغالي

وأنا أصلي مصحصح وود تفتيحة

ولاعب فقري

مرقت سريع من ضيق الحارة

للميدان الواسع دوغري

أنا لا وارغو ولا إفياني

لا ود طمبل لا مساوي

إتسجلت بحق طعمية

شراب مقدود ..وكدارة هدية .. وكيس تمباك

وإتفننت أكون رأس حربة

وإتجننت عديل في المحور

وإتقطعت أكون مساك

إتراقبت كتير بالصف

وإتكعبلت كتير من خلف

 

لك التحية والإحترام أستاذنا هاشم صديق

ولنا عظيم الشرف بمجرد السماح لنا بالمشاهدة (غير المشفرة) والاستمتاع بالقوم سداري

 

زول بحبك وماكا خابرو

ياما لاقيتو وبسالمك وداسِّي منك حال دواخلو

Share this post


Link to post
Share on other sites

هاشم صديق الانسان القامة الاستاذ الفنان الشامخ كشموخ بلدى اهلن بك ومرحب بوجودك معنا

نحن فى قمة السعادة بتواجدك هنا بين طيات توثيق كل جماك بلدى

لقد كل الاحترام والتقدير

مع خالص تحياتى

Share this post


Link to post
Share on other sites

احب ان اعرب عن سعادتى بالانضمام الى المنتدى العامر ومزيدا من النجاحات والابداع والى الامام دوما

 

 

كتبت ليك

لابينى بينك ريده.... لاقصة غرام

اخترت ليك اجمل حروف

واصدق فواصل نادره فى لغة الكلام

لاقصدى الهو معاك بى كلمات غنا

لاشعرى ليك مرجيحه من شعر الغمام

وكتبت ليك

والله ياقمر الزمان

شان جيتى بى زمن المحنه

وشفت فى عينيك حس اهلى القدام

وكتبت ليك

وانا جاى من زمن الشقا

المرسوم على وش الثوانى مظلله

تتمدد الساعات سنين

تتفتح الاحزان جميله ومزهله

واشتاق افتش نسمه فى الزمن العذاب

وايامى من كتر الاسى

وكتر العزوف والاغتراب

صبحت حروف مترهله

لحظات اسيفه ومهمله

انا حيلتى ايه

قولى ياقمر الزمان

غير اتكى واحلم معاك

واحضن اماسى الصحوه

والامل البريق

Share this post


Link to post
Share on other sites

سعدنا بإنضمامك للمكتبة يا خبير...وانشالله تخت اليد معانا فى مشوارنا التوثيقى.. المشوار طويل وإيد فى إيد تجدع بعيد....

Share this post


Link to post
Share on other sites

الخيول الاصيلة دائما ما تفوز بالسباق....اهلا بعودتك و نرحب بك فارسا متألقا كعادتك فى حلبة الشعر و النقد و الدراما و الثقافة .....مع وافر المحبة و عميق الاحترام

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!


Register a new account

Sign in

Already have an account? Sign in here.


Sign In Now
Sign in to follow this  
Followers 0