• إعلانات المنتدى

    • Gamiela

      ضيوفنا الكرام   21 يون, 2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/
يحي قباني

البلد الوحيد

عدد ردود الموضوع : 6

كتب لى أحد الأصدقاء بعد ان قرأ ما ارسلته اليه بخصوص المداحين فى بوست عزالدين وقال لي:

ما نحن البلد الوحيد !

 

نحن البلد الوحيد الذى يعمل فيه (شرطى المرور) شاكى وقاضى ومتحصل وأمين خزينة .. فهو يوقفك متضررا من خرقك للقانون (شاك) ويثبت ضدك التهمة (قاض) ويستلم منك قيمة المخالفة (متحصل) ويضعها داخل الشنطة (أمين خزينة) !

 

نحن البلد الوحيد الذى لا توجد به (حديقة حيوان) على الرغم من تعدد المناخات وتنوع الحيوانات بجميع أشكالها

 

.. حديقة أيه … وحيوان أيه .. ما أولادنا بيمشوا (ماليزيا) يشوفوها هناك فى السنة كم مرة !

 

نحن البلد الوحيد الذى ما أن تفتح فيه محلاً لبيع الأطعمة حتى يتفقدك الجميع .. بتاع الرخصة التجارية .. بتاع النفايات .. بتاع الضرائب … بتاع الشنو ما بعرفو … الشخص الوحيد الذى لن يأتى إليك هو الشخص الذى يفترض أن يتأكد من صلاحية الاطعمة التى تقدمها ! (مش مهم صلاحية أيه؟ مش كل واحد إستلم قروشو)؟

 

نحن البلد الوحيد الذى لا توجد به (مراحيض عامة) للنساء إذ أن القليل جدا من المراحيض التى توجد مخصصة جميعها للرجال (أخوان نسيبة) ! وعلى (نسيبة) أن (تصبر) حتى تعود إلى منزلها لتقضى حاجتها !

 

نحن البلد الوحيد فى العالم الذى لا توجد بعاصمتة (مواصلات عامة) ومحطات (بصات) وعلى الرغم من أن وزارات كالداخلية يمكن بأن يكون لديها (مؤسسات تعليمية) إلا أن وزارة المواصلات لا يوجد بها (شركة مواصلات ) !

 

نحن البلد الوحيد الذى يمكن أن توجد به (كلية طب) لا توجد بها (مشرحة) ، مشرحة على أيه؟ مش أول لما (مكتبة) و(معامل) وأساتذة ؟

 

نحن البلد الوحيد الذى يمنع فيه أقامة (حفلات الزواج) إلا بتصريح (مدفوع القيمة كمان) مع تحديد موعد (إنتهائها) فى الحادية عشر مساء ! (ليه حداشر مش عارف) !

 

نحن البلد الوحيد الذى يمكنك أن نعلن فيه عن سلعتك فى أى مكان دون أى مراعاة لجمال المدينة ، (جوه الكبارى) على (أعمدة الكهرباء) فى (روسين البيوت) و أعلى (العمارات) على (الحوائط) .. مش المحلية بتقبض على (الخرمجة) دى (فلوس) ؟ يبقى جمال أيه وبتاع ايه !

 

نحن البلد الوحيد الذى يمكنك أن تقود فيه عربة دون أن يكون لديك رخصة قياده فيقبض عليك (شرطى المرور) الذى يستلم قيمة المخالفة ثم يفسح لك الطريق ويتركك تتابع سيرك وكأن شيئاً لم يكن (مش دفعت ؟ أيه المشكلة تانى) !

 

نحن البلد الوحيد الذى تدفع عند مغادرته (رسوم) … على أيه وليه مش عارف ! معقول بالمنطق داخل تدفع وطالع تدفع ؟

 

نحن البلد الوحيد الذى يسمح لموظف – مسئول - (عام) أن يكون له عمل (خاص) … مش مشكلة لو ما دفع سعادة المسئول الضرائب مثلاً لأخدى شركاته فأكيد (موظف الضرائب) ح يقفل الشركة بالضبة والمفتاح ! تاااح

 

نحن البلد الوحيد الذى يقوم فيه المواطن بشراء (عداد الكهرباء) من (الهيئة) ثم تؤجره له بإيجار شهرى مدى الحياة (مش يخلوها حلوة ويخلو المواطن يسدد قيمة العداد شهرياً لحدت ما يخلص تمنو … الدفعو؟)!

 

نحن البلد الوحيد الذى توجد به أعلى نسبة من (المحللين) حيث تحتشد البلد بالمحللين الرياضيين والمحللين السياسيين والمحللين الفنيين والمحللين العسكريين . (لو عاوز تتأكد من كده أمشى لأى صيوان عزاء) !

 

نحن البلد الوحيد الذى يكافئ من أفنى زهرة شبابة فى خدمتة من المواطنين لمدة ثلاثين عاماً بمعاش شهرى يعادل قيمة ستة كيلو لحمة ! (عجالى) ! (عارف .. لو ضأن تبقى مشكلة !)

 

نحن البلد الوحيد الذى بمكن فيه لموظف عام أن يقوم بتشييد (عمارتين) من (مرتبو) من غير حد يقول ليهو تلت التلاته كم ؟ هو بالذمة كده (تلت التلاته) الأيام دى كم؟

 

 

قلت ليهو...مش انحنا البلد الوحيد الرئيسها مطلوب القبض عليه؟؟؟؟

شارك هذه المشاركة


الرابط الخاص بالمشاركة
مشاركة المحتوى على مواقع أخرى

والله الزول دا كلاموا كلوا في محلوا وما خلي لينا شيء نقولوا :D

ونسأل الله السلامة وينعم السودان بالأستقرار

شارك هذه المشاركة


الرابط الخاص بالمشاركة
مشاركة المحتوى على مواقع أخرى

حالتنا صعبة والله ...

شارك هذه المشاركة


الرابط الخاص بالمشاركة
مشاركة المحتوى على مواقع أخرى

ههههههههه

مشكوور جدا يا مدييير

وزولك ده كلامو كلو في محلو والذا شي الطرح بتاعو

وازيدك كمان من الشعر بيت نحن البلد الوحيد الي شعبو كلو بحب الكوووره و40 مليون نسمه ومع كدا فاشلين فيها فشل ذريع

:wub:

شارك هذه المشاركة


الرابط الخاص بالمشاركة
مشاركة المحتوى على مواقع أخرى

يديك العافيه يامديرنا وصاحبك ماقصر وحكي الحاصل كلو وده الواقع المعاش في السودان.

لكن................................................... نقول شنو؟ولي منو؟

شارك هذه المشاركة


الرابط الخاص بالمشاركة
مشاركة المحتوى على مواقع أخرى

قلت ليهو...مش انحنا البلد الوحيد الرئيسها مطلوب القبض عليه؟؟؟؟

 

دي الحقائق يا يحي.....

 

 

 

( ونحنا البلد الوحيد الدنيا دي كلها تحت جزمتنا :o ).

 

 

ودي أخر العجائب

 

 

:ph34r:

شارك هذه المشاركة


الرابط الخاص بالمشاركة
مشاركة المحتوى على مواقع أخرى

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .


سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.


سجل دخولك الان