• Announcements

    • Gamiela

      ضيوفنا الكرام   06/21/2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/
Sign in to follow this  
Followers 0
Majed Mubarak

فيصل الصحافة حصريا علي منتديات مزيكا سودانية

36 posts in this topic

قريبا ..... و حصريا علي منتديات مزيكا سودانية

 

لقاء تلفوني مع الفنان المبدع فيصل عبد اللطيف (فيصل الصحافة)

 

قام بإعداد وإجراء اللقاء، مشكورا، الأخ أسامة عبد الرؤوف

 

وكما عبر الأستاذ فيصل "أشعر بأن اللقاء كان ناجحا وتطرق لعدة نقاط مثيرة وهامة"

 

أيضا، تطرق اللقاء لعده اعمال جديده، لم تسمع من قبل، بعضها من ألحانه.

 

نتمني أن يلتقي كل المزيكاب بالأستاذ فيصل داخل ديار مزيكا

Share this post


Link to post
Share on other sites

من تغنــي بناكــــر الجميــــل يجــــمل منتــــدانـــا حيـــو معــــي هـــــذا الخلـــــــوق الانســــــان معنـــــا وبينــــكم

اخا عزيز وفنان يمتلي شجن عاهدت نفسي ان يكون فيصل هنا معنا وانا شاكر له اتاحته لي ولكم هذه الاريحيه اتمني ان نكون جميعا عند حسن ظنه

وهذا حال منتداكم الروعه بااهله. ومزيكا ليست غريبه علي اهلها.

وموعودين بالكثير انشاء الله من هذا العملاق .

رحبوا به معي كما رحب بنا من داخل منزله العامر بالصحافه.

خادم في بلاط مزيكا ..اسامة عبدالروؤف..

Share this post


Link to post
Share on other sites

مقدمة حاولت فيها وهاكذا خرجت علها ترضيك فنانا الجميل فيصل عبداللطيف وترضيكم

وانشاء الله تكون فاتحت خير لكل نادي الخرطوم جنوب والسر وشو عندنا

هنا كمان السر وشو تاني اخونا الصادق وصبري الفتيل اخونا ماجد

لهم مني كل الشكر والتقدير لمجهوداتم وتزليلم للصعاب :D:D

Share this post


Link to post
Share on other sites

اسامة الديمة رائع...مجهود مقدر و ياهو العشم...

 

نرحب بفيصل في بيته مزيكا سودانية و نتمنى ليهو اقامة طيبة...ونأمل ان نكون عند حسن ظنه... ونتمنى ان يشاركنا رحلة التوثيق لفننا السودانى الأصيل...

مرحب بيك و حبابك عشرة يافنان... :)

Share this post


Link to post
Share on other sites

ماقصرت يا أسامة....إديك ألف عافية يارجل....وشكرا لكلماتك الطيبة ويلا خلينا نستمتع باللقاء وبلاش شحتفة روح :)

Share this post


Link to post
Share on other sites
مقدمة حاولت فيها وهكذا خرجت علها ترضيك فنانا الجميل فيصل عبداللطيف وترضيكم

وانشاء الله تكون فاتحة خير لكل نادي الخرطوم جنوب

 

 

ألف مرحب بالمبدع فيصل عبد الطيف في ديار مزيكا....

 

شكرا اسامة للمقدمة الجميلة والتي حوت زهور عطرة من حدائق فيصل..

 

 

 

Share this post


Link to post
Share on other sites

مرحب فيصل البيت بيتك والبرندة بهمبريبها حتزداد روعة. الشلة الموجوده هنا شلة راقية، حساسة و دمها خفيف. انا متاكد انك حتستمتع جدا وسطهم، وحيكونوا لجنة لو اجازت جديدك، كل السميعة النضاف حيتقبلوها.

الراقي دايما وصديق العمر عنتر عودتنا علي الجميل، الظريف، الخفيف علي القلب زي "الكندشه". سلامي لبدرالدين "شوشوة" اللي ظاهر شغله من نضافة الصوت "عداد مشروم". لقاء ظاهر من المقدمة انه رايع ...يا رايع....حبيبنا

Share this post


Link to post
Share on other sites

الف مرحب بمفخرة الصحافة الاستاذ فيصل ..صاحب دار وعالي مقدار ..وشكرا الف مرة لتشريفنا في عالمنا الجميل مزيكا :)

 

اسامة يا مبدع ... مجهود يحسب لك يا حبيب :)

 

تخريمة :

 

طيب يا عنتر .. يعني خليتني مشرور في الماسنجر بي هناك و جيت فكيتها بي جاي <_<

Share this post


Link to post
Share on other sites

مرحب بيك يا الذوقك عالي في مزيكا وانشاء يطيب ليك المقام بين الاعضاء , وحقيقة انا والوالد اشدا المستمعين باغنيك واغاني الراحل عثمان حسين

Share this post


Link to post
Share on other sites

اهلنا وشبابنا الزواق حبابكم الف من قائد الاسطول قباني. وماجد اوركسترالي المنتدي.السبلوقه يازوق المنتدي .لاعبنا الليبرو وشعلة النشاط حسبو..اخونا وحبيبنا صاحب الاذن المرهفه المسكون .بالاستماع

والاستمتاع بكل اغنيات صديقه فيصل .الصادق عبد المتعال فتاش الشوارد

في الموسيقي علي راي فنانا الراقي فيصل .

وشخصـي الضعيف لم يكن الا جســرًا للتواصــل بين انسان فنان ودار فن واهل فن

لست بمزيع ولا محــاور محترف ولكنها اللحظه فقط سموها ونسه تنويريه اودردشه وانا شخصيًا لايمكن لي ان اجري حوارٌا بمعني الحوار الجاد

دائمًا تضغي وتحلق في دواخلي باني مستمع ومستمع محب لكل فنان يجود عمله .

لذا سامحوني وفيصل ايضًا اذا اخفقت هنا اوهناك

سوف ياتي طلتك بهيه و لي والدك الف تحيه ..تنفع مطلع غنيه ;)

Share this post


Link to post
Share on other sites

شكراً يا اسامة علي اللقاء الجميل وزي ما قال عم يحي دا العشم فيكم

 

وليا ......... عودة

Share this post


Link to post
Share on other sites

سمسم يا عجيب

مشكور كتير علي الشغل الجميل دة والمجهود الجبار والمقدر من الجميع

تسحقك بجدارة لقب فارس مزيكا

 

ومرحبا بي فيصل الصحافة في دارة مزيكا سودانية تحية حارة جدا لمبدعي بلادي

 

وماشاء الله مزيكا عامرة بالمبدعين فيصل الصحافة - حسن عبد العزيز - محمد ديكور - عاصم البنا - والشاب المبدع محمد تبيدي - مهيار -

 

واصل يا أسامة

Share this post


Link to post
Share on other sites

ودعه ياحبيبنا سعيد بيك وياها المحريه فيك وانا اشكرك علي اللقب بس خوفي ناس ماجد يسلوا لينا السيف اظن اللقب معاهو سيف في شكل نغمه الحمد لله فارس مزيكا مافارس مله .تحياتي لك وسعادتنا غامره بالشباب وبي فيصل

Share this post


Link to post
Share on other sites

وصل وين اللقاء دا يادكتور ماتكترو لي المشارط والاكسجين نحن دايرنو بي غبار السودان شحتفتونا علي قولك انا ذاتي داير اسمع صوتي .

اي صوت راجيهو" صوتي!" واي شريان فيك وريدي ..

 

امكن يكون معانا هنا سمسار اصوات يجيز لينا :D:D

Share this post


Link to post
Share on other sites

أنا دمجت الموضوعين هنا عشان ما نشتت المجهود....

 

ابو خطوة، الشي ده ابا إشتغل معاي، حتي لما شلت اللنك من جوه ما جاب لي حاجه...يا ربي دي حاصله له انا براي؟ الشوق قتلنا عشان نسمع اللقاء يا أسامة...كل ما اخرتو كل ما الناس توقعاتها كبرت ودي ممكن تعورك :)

Share this post


Link to post
Share on other sites

روعة والله يا اسامة

 

يعطيك العافية

 

ومرحبا بي فيصل الصحافة

Share this post


Link to post
Share on other sites
الحمد لله الحظر اترفع يا عنتر و الا كنا اتسيكنا

حظر شنو يا رجل...ركبونا معاكم ولا خلونا ننزل هنا في المحطة الجاية :)

 

ابو خطوة، ميكس ظريف منك

Share this post


Link to post
Share on other sites

روعة والله يا اسامة

 

يعطيك العافية

 

ومرحبا بي فيصل الصحافة

شكرا علي رسالتك الرقيقه وسعدنا بيك ياعيون كتر خيرك

Share this post


Link to post
Share on other sites

اصصصلي يا اسامة :)

 

يلا يا حبيب فك الباقي .. وشغلك ما يختلف :)

Share this post


Link to post
Share on other sites

كل بفضل مجهوداتكم وتسلم ياحسبو علي النظام وسهرك في الماسنجر

ودعه وينو ماجاء طرد الشفع من جنب السماعات لكم جميعا مودتي

والجاي احلي

Share this post


Link to post
Share on other sites

يا اسامة في اعلان مكتوب فية مطلوب مهندسين صوت للعمل في قناة فضائية والراتب مجزي

ما تشوف الموضوع دة يا اسامة :D

 

لكن شغل قلبتة فية الهووبة عديل كدة

 

:lol:

Share this post


Link to post
Share on other sites

إديك العافية يا أسامة....مجهود جاب نتيجة اجمل مما كنا متوقعين وتشكر عليه جزيل الشكر. التسجيل افضل بكتير مما كنت متصور....امشي علي الإعلان البتكلم عنو وداعه ده :)

 

الحوار في حد ذاته كان سلسل، مسلي ومفيد في آن واحد.

 

تواضع فيصل الواضح كان ملموس في كل كلماته ودي حاجه يفتقدها الكثير من فناني هذا الجيل....قوله "أتمني أن أكون واحد من الأعضاء" لا تجد لها ردا غير "لنا الشرف أن تكون واحدا من الأعضاء" ونحن سعيدين بوجوده معنا.

 

من المعلومات الجديده علي بعض الألحان التي ذكرها للسني الضوي وكذلك شاعر اغنية ناكر الجميل، فالمرحوم علي سلطان في مكان العم وليس إسما فقط ولكن من ناحيه القرابة أيضا.

 

إهتمام الأستاذ فيصل "بعدم تشويه أعمال الراحل المقيم عثمان حسين" يدل علي، ليس فقط حساسيته تجاه العمل الفني الذي يؤديه، وإنما أيضا إلتزامه الأدبي تجاه المرحوم عثمان حسين، وأحي فيه هذه اللفتة.

 

شكرا ليك تاني يا أسامة ونحن في شوق للإستماع للجزء الثاني من اللقاء

Share this post


Link to post
Share on other sites

اديك العافية يا اسامة وماشاء الله اللقاء مع ود عبداللطيف دمه خفيف و خالي من التكليف "التكلف".

مرحب فيصل وانا سعيد جدآ لسماع الاخبار الحلوة بخصوص الاعمال الجديدة، ورغم استعجالنا ليك دايما لانتاج الجديد، الليلة كلنا فخر بصبرك و اختيارك الموفق. اختيارك الموفق و جودة الاداء، هم سبب تعامل العمالقه من الشعراء، والملحنين، و الرواد معاك. عدم رضاهم عن الهبوط واضح، وعدم تشويهك لاعمالهم ومشيك علي طريقهم من خلال جديدك هو سبب نجاحك.

ما احلاك البوم ناجح في نظري واكدت من خلاله امكانيتك لتقديم اعمالك بصورة مختلفة (غير شغل جنوب). التوزيع جميل واللزمات رهيبة خصوصا في اغنية "من قليبوا الجافي" لكن نحن اتعودنا علي شغل الخرطوم جنوب واتمني الالبوم الجديد يتم تسجيله LIVE وبدون تركيب لانك ممكن تضيف بصمتك الخاصة اكتر.

الاغنيه القدمتها رايعة وفيها شي من "طول مفارق حييوا" وانشاء الله تلقي نفس النجاح. عموما اللقاء هايل ونحن في انتظار الجزء التاني. اسامة قدرت تجد لي محبي فيصل اجابات لآستفسارات كتيرة في شكل دردشة الله يخليك. طبعآ الغنية عجبتك و حتحل مكان "يا عبير يا نسمة ...".

الشباب الموجود في مزيكا شباب راقي، مهذب وذواق وده الظاهر من اختياركم. وطالما المستمع الراقي موجود، فيصل لازم يجود.

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!


Register a new account

Sign in

Already have an account? Sign in here.


Sign In Now
Sign in to follow this  
Followers 0