• Announcements

    • Gamiela

      ضيوفنا الكرام   06/21/2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/
Sign in to follow this  
Followers 0
moonlight

عافية حسن " زيدني من دلّك شوية " فيديو

13 posts in this topic

جني وجن الجن الكلكي دا ... :angry:

حرام عليك يا عافية ... انا نمت أديل .. :(

 

سيد خليفة .. ربنا يرحمك ..

 

معليش للهضربة يا خال .. ما ارتحنا من slow أيامنا للشفيع بواسطه طه سليمان

جات عافية كملت الناقصة ... <_<

Share this post


Link to post
Share on other sites

ضو القمر سلامات يا غالى

البت دى حصلوها ما تمشى تفتكر انو اغانى الغير ممكن تغير فى اللحن الاساسى وذى ما قال ليك الواحد مشى نام عديل والله ما شايف اى داعى انها تعمل اللحن slow الناس دى جنت ولا شنو؟؟؟؟ ولا فاكرين الكتوف اتلاحقت الله يرحم الفن السودانى كله مع كل الود وتسلم كتييير

Share this post


Link to post
Share on other sites
ضو القمر سلامات يا غالى

البت دى حصلوها ما تمشى تفتكر انو اغانى الغير ممكن تغير فى اللحن الاساسى وذى ما قال ليك الواحد مشى نام عديل والله ما شايف اى داعى انها تعمل اللحن slow الناس دى جنت ولا شنو؟؟؟؟ ولا فاكرين الكتوف اتلاحقت الله يرحم الفن السودانى كله مع كل الود وتسلم كتييير

دا الكلام .. لكن منو البسمع ..هسي يجو يقول ليك انتو سطحيين وانتو عايشين على القديم

وما بتشجعو الشباب ..

زي ما واحد كدا ..قال انو غناهم بضاهي غنا الحقيبة .. الله يرحمك يا سرور

زي دا يا سوركي تقول ليهو شنو .. تسكت تخليهو مش كدا :(

 

الله يديك العافية على الكلام الحار دا .. مشتاقين :)

Share this post


Link to post
Share on other sites

 

ود المهدي وسوركيناب الله يفتح عليكم فشيتو لي غبينتي ,

 

 

ده كله كوم وحكاية انها تحاول اداء مقطع زيدني من دلك شويه

 

باللهجه الشاميه ده كوم تاني............

لا أنكر اعجابي بصوتها لكن في الغنيه دي استحقت صفر كبير .

 

شكرا ضونا.

Share this post


Link to post
Share on other sites

يا سلام يامونلايت ابداع خرافي

ود المهدي دي مناجاة للحبيب لازم تكون كدا وبعدين البيانو اداها بعد ثالث واظهر صوتها الطبيعي الجميل المتمكن والغناء مع البيانو ما ساهل كدي جرب :lol: لك عاطر الود

 

ولا رايك شنويامونلايت ؟

Share this post


Link to post
Share on other sites

يا شيخنا حبابك .. لا غبار على انو البيانو بيضيف

لكن دا ما يمنع انو البيانو يعزف اللحن المختار للأغنية ..

وعافية ما أدت الأغنية بالصورة المطلوبة .. ولو كانت لحنت الأغنية لحن تاني ما كان في زول قال ليها حاجة

لكن كونها ..تتعدى على اللحن ..فبصراحة لا أقبله ودا تشويه للأغنية :(

 

اما الفيديو في حد ذاته ما قلنا شي :D:D

Share this post


Link to post
Share on other sites

ود المهدي انت الاغنية دي حقتك وانحنا ماعارفين :lol: على كل انا ارى انها ادتها بصورة اكثر من رائعه وان كنت تري غير ذلك فلك ذلك انا بررت كلامي في انها ادتها بصورة جميله ما اكتر ولكن لم اتكلم عن وجهة نظرك :D

Share this post


Link to post
Share on other sites

زيدني من دلك شوياااااااااااااا وكتر الاشواق عليااااااااا

 

 

 

البت دي بتنفخ في صوتا سااااااااي

Share this post


Link to post
Share on other sites

الأعزاء

 

ود المهدي

سوركيناب

السبلوقة

عادل

سانتو

 

 

تحياتي وكل سنة وانتو طيبين

 

شكرا لمررركم وملاحظاتكم وتعقيباتكم على أداء الفنانة الواعدة عافية حسن ، وهي ملاحظات جديرة بالاهتمام لأنها تأتي من اشخاص ذوي قدرة عالية على السمع (النضيف )– ان صح لي التعبير - . وربما تكون هذه الملاحظات بابا لنقاش حول تأدية أغاني فنانين آخرين و تراوح درجة هذا الأداء ما بين أداء عادي أو تقليد جيد ، أو تشويه ، او في بعض الأحيان تغيير في اللحن أو بعض أجزائه .

 

عافية هنا تؤدي الأغنية ويقف خلفها موسيقار له رؤيته الخاصة ، وربما رأي اعادة انتاج اللحن والأداء بهذه الصورة التي قد لا يتقبلها الكثيرون ، وقد يتقبلها البعض ، خاصةً اذا لم تتم المقارنة بين الخبرة السابقة في الاستماع اليها من العملاق سيد خليفة ، وانا شخصيا استمتعت اليها من هذه الزاوية .

 

والباب مفتوح للنقاش .

Share this post


Link to post
Share on other sites

الاداء ممتاز جدا جدا

 

ولم اجد ذلك التغير في اللحن الذي تحدث عنه من سبقوني

وليس هناك ما يعيب الاغنية في اداء عافيه

 

فالنترك التعصب الاعمى احبتى

 

 

اهنيك يا عافيه اداء قمه في الروعه

 

شكرا يا مون لايت

Share this post


Link to post
Share on other sites

الاعزاء

ود المهدى

سوركناب

السبلوقة

عادل

سانتو

 

تحية طيبة

سلامات يا غالين ولقد لاحظت ابداعاتكم الكثيرة فى مزيكا ولانى جديد على مزيكا اسمحو لى بابداء الرائ هنا

يا شباب نحنا كلنا عارفين انو عافية ادت الاغنية باسلوب واداء اقل كتير من المطلوب منها لكن لو رجعنا للاسباب بنلقى انو اساسا قناة ( زول ) الادت فيها عافية الغنية هى رسالة للعالم العربى فخلت الاغنية 2 slow عشان تفّهم لغير السودانين لكنها اختارت الاغنية الخطأ لاداءها لاننا تعودنا انو كل مقلد يؤدى الاغنية على حسب ما يراه صحيحا

ليكم كل ودى وتقديرى واحترامى

اخيكم / محمد

Share this post


Link to post
Share on other sites
الاعزاء

ود المهدى

سوركناب

السبلوقة

عادل

سانتو

 

تحية طيبة

سلامات يا غالين ولقد لاحظت ابداعاتكم الكثيرة فى مزيكا ولانى جديد على مزيكا اسمحو لى بابداء الرائ هنا

يا شباب نحنا كلنا عارفين انو عافية ادت الاغنية باسلوب واداء اقل كتير من المطلوب منها لكن لو رجعنا للاسباب بنلقى انو اساسا قناة ( زول ) الادت فيها عافية الغنية هى رسالة للعالم العربى فخلت الاغنية 2 slow عشان تفّهم لغير السودانين لكنها اختارت الاغنية الخطأ لاداءها لاننا تعودنا انو كل مقلد يؤدى الاغنية على حسب ما يراه صحيحا

ليكم كل ودى وتقديرى واحترامى

اخيكم / محمد

 

 

 

سلام للناس الطيبه

في مزيكه العامره ديما بوجودكم

 

اخوتي النقاش راح يطول وده في حد زاتو شي جميل

وانا مع راي ميدو لانو فيه القليل من المنطق,

مع احترام اراء الجميع

 

لكم كل الؤد

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!


Register a new account

Sign in

Already have an account? Sign in here.


Sign In Now
Sign in to follow this  
Followers 0