• Announcements

    • Gamiela

      ضيوفنا الكرام   06/21/2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/
Sign in to follow this  
Followers 0
alfaroug

الألحان المتشابهة في الغناء السوداني

20 posts in this topic

شباب الربة :

الموضوع ده مهم شديد وبالجد عايز ليهو أذن موسيقية شديد وناس تكون متابعة و عندي مقترح إنو الموضوع ده إذا نجح نرشحو عشان يبقا منتدى لي حالو ..

واملي كبير في إنكم تجتهدوا وتورونا الألحان المتشابهة في الغناء السوداني ..

لأني لاحظت زمان في اغاني الحقيبة بتلقى اللحن وااااااااااحد مع إختلاف الكلمات للشعراء وربما ده كان بيسموهو المجاراة لكن انا ما عارف ما هو سبب تكرار اللحن لي اكثر من أغنية !!!

هل السبب مكايدة الشعراء؟؟

هل السبب إعجاب شاعر بلحن شخص اخر فنظم قصيدة تجاري اللحن ؟؟؟

ام هو صراع على لحن غير معلوم من لحنه فصار الكل يتمسك به ؟؟؟

 

 

 

ابدأ معكم بملاحظة ثلاث اغاني متشابهى تماماً في اللحن وليت من عنده التفسير يلحقنا ..

 

1- أغنية برضي ليك المولى وفيك لازم الصبر الجميل (يغنيها المرحوم خضر بشير)..

2- أغنية (رغم بعدي برسل سلامي يحوي شوقي وكل إحترامي) يغنيها المرحوم محمد احمد عوض)..

3- أغنية من علايل ابروف ويا محط امالي السلام (أغنية للمرحوم خليل فرح ) ..

 

اها رددوا الأغاني دي ولاحظ زي الكأنك بتردد في أغنية واااااحدة ..

 

ولا شنو ؟؟

سمك :)

Share this post


Link to post
Share on other sites

فعلا كلامك صحيح 100%

ممكن اضرب ليك أمثلة بعدد من أغاني الرطانة النوبية والتي تم اقتباس الحانها بكلمات لأغاني أخرى منها الجهادي و منها العادي ومنها المديح

سأحاول البحث عن اغاني الرطانه هذه وسأضعها جميعا لمساعدتك في هذا الموضوع الهام و الحيوي

Share this post


Link to post
Share on other sites

من اغاني الحقيبة ايضا اغنية العبادي برضي ليك المولي الموالي وفيك لازم الصبر الجميل وقد تمت مجاراتها في كثير من الاغاني مثل

 

 

في التمدن

و في الضواحي وطرف المدائن يلا ننظر فلق الصباح "خليل فرح"

وايضا احرموني ولا تحرموني سنة الاسلام السلام "سيد عبد العزيز"

وايضا من محاسن حسن المحاسن في جبينة النور والهلال

وايضا في الفؤاد ترعاة العناية بين ضلوعي الوطن الحبيب "مصطفي يوسف التني"

ومن محاسن حسن الطبيعة تلقي هيبة وعظمة وجلال "مصطفي بطران"

والبريق العاتم سماءه

ويا مناي وذاد بي ضناي

ويا اماني وجار بي زماني

وبي غرامك وتنفيذ غرامك

وماهو عارف قدمة المفارق "خليل فرح"

متي مزاري اوفي نزاري وجهو هذا البلد المصيف "ود الرضي"

وايضا اسعفوني ولا تصرفوني

وطال سهادي

وطال هجري يا امدر امان في بعادي وحكم الزمان

وفي الضواحي وطرف القضارف يلا ننظر صوفي البشير "محمد بشير عتيق"

 

ودة جزء من بعض المجارة لنفس الاغنية وبجيك راجعة بالمزيد

Share this post


Link to post
Share on other sites

لو لاحظتو في اغنيه "كيف لا اعشق جمالك" لعثمان حسين و "يوم الزياره" للكاشف في تشابه بسيط.

 

لمن عثمان حسين يغني كلمه "جمالك" و الكاشف يغني كلمه "الزياره" هم نفس اللحن. لو استمعتو للاغاني اكيد حتلاحظو تشابه في اللحن.

 

و كمان لاحظت تشابه قريب جدآ في اغنيه"الليل ما بنومو" و "حجبوه من عيني" للكاشف.

 

"الليل ما بنومو كانيييييي....." نفس لحن

"من عيني الا من قلبي لااااا......"

 

"قت ليهو الوداع يا حبيبي الوداع" نفس لحن

"حلوهو حلوهو يا ناس حلوهو"

 

استمعو و ادوني رايكم.

Share this post


Link to post
Share on other sites

الاغاني السودانيه في مغظمها متشابه في الالحان حتي ممكن بي ايقاع واحد تغني مجموعه من الاغاني والكلام ده ظاهر في الاغاني الشبابيه بتلاقي الفنان بدمج مجموعه من الاغاني في ايقاع واحد مع اختلاف بسيط جدا

Share this post


Link to post
Share on other sites

B)ازيدكم من الشعر بيت

التطابق الصارخ (ود سلفاب (مصطفى سيد احمد)= يا جميل يا مدلل(؟))

Share this post


Link to post
Share on other sites

والله الحكاية دي بقت حاجة ظاهرة

يعني عندنا باقي الجنسيات بقلو انا نحن السودانيين اغانينا متشابهة

Share this post


Link to post
Share on other sites

جميلة الجميلة ...

مشتاقون ..

وشكراً كتيييير لي مساهمتك الثرة واللي شلتيها من طرف كيبوردي (على وزن طرف لساني ;) )..لأنو فعلاً من اكثر الالحان مجاراة هو لحن برضي ليك المولى و تحرموني و و و و و..

لكن يبقى السؤال من هو اول من قام بوضع هذا التلحين ولأي اغنية ؟؟؟؟ وما هو سبب المجاراة في اللحن ؟؟ وهل يعتبر هذا سرقة لحن ام انه الملحنين في الزمن الماضي كانوا يقبلون بهذه الامور ؟؟؟؟

 

أيضاً من الأغاني التي تتشابه في اللحن أغنية الحقيبة يا ليل ابقالي شاهد على نار حبي وجنوني مع الأغنية التي يتغنى بها الراحل الفنان ابو داؤود في أغنية يا عين بتخافي مالك !!!!!!!!!

 

تحياتي ..وراجينك بالمزيد

 

اخونا وداعة :

لو لاحظتو في اغنيه "كيف لا اعشق جمالك" لعثمان حسين و "يوم الزياره" للكاشف في تشابه بسيط.

 

لمن عثمان حسين يغني كلمه "جمالك" و الكاشف يغني كلمه "الزياره" هم نفس اللحن. لو استمعتو للاغاني اكيد حتلاحظو تشابه في اللحن.

 

و كمان لاحظت تشابه قريب جدآ في اغنيه"الليل ما بنومو" و "حجبوه من عيني" للكاشف.

 

"الليل ما بنومو كانيييييي....." نفس لحن

في بعض الحالات يفضل الملحن إستعارة جزء من جملة موسيقية في أغنية ليضيفه لأغنية اخرى وهو امر يحبذه الكثير من الشعراء عشان كده بتلقى إنو في لحظة من اللحظات وانت بتسمع في الأغنية وكأنك بتسمع في أغنية تانية لكن بعد شويتين بتلاحظ الفرق في اللحن ..

يعني انا زمان كنت بتلخبط في أغنية يا نور العين وأغنية يا ناسينا للفنان محمد وردي بالرغم من إنو اللحنين مختلفين لكن فجأة كده بحس بيهم بيتشابهو ...

 

تحياتي يا حلو ..

 

اخونا بيركامب :

ياخ الرطانة دي والله انا بشوف اللحن كلو واااااااااااااااحد وغايتو قاعد افرز كلمة ( أسمر اللونا ) في كل أغنية !!! قلت يا ربي دي تكون على وزن يا ليلة هوووووووووي يا ليلة في الحقيبة !!! :D

محبتي...

Share this post


Link to post
Share on other sites

تحيه لكل الشباب الذين شاركوا في هذا الموضوع المهم

وتشابهه الاغاني كان قد بدأ في اواخر العشرينات وبدايه

الثلاثينات وسببه انشقاق الشعراء الي فريقين اثر خلاف

نشب بين العبادي وابوصلاح واصبح الفريق الاول بقياده

العبادي ومعه من الشعراء سيد عبدالعزيز وعبيد عبدالرحمن

وودالرضي وكان فنانهم سرور والفريق الاخر بقياده ابوصلاح

وفيه من الشعراء الامي وعتيق وعبدالرحمن الريح وكان فنانهم

عمر البنا واثر هذا الخلاف كان كلما جاء احدي الفريق باغنيه

قام الفريق الاخر بمجاراتها باغنيه وظل هذا الحال الي ان اصلح

بينهم السيد عبدالرحمن المهدي وفي ليله تلك المصالحه جاءت

اغنيه بنت ملوك النيل وتوقفت تلك المجاراه وبقيت الاغاني موجوده

 

اتمني اكون قد وفيت

Share this post


Link to post
Share on other sites
شباب الربة :

الموضوع ده مهم شديد وبالجد عايز ليهو أذن موسيقية شديد وناس تكون متابعة و عندي مقترح إنو الموضوع ده إذا نجح نرشحو عشان يبقا منتدى لي حالو ..

واملي كبير في إنكم تجتهدوا وتورونا الألحان المتشابهة في الغناء السوداني ..

لأني لاحظت زمان في اغاني الحقيبة بتلقى اللحن وااااااااااحد مع إختلاف الكلمات للشعراء وربما ده كان بيسموهو المجاراة لكن انا ما عارف ما هو سبب تكرار اللحن لي اكثر من أغنية !!!

هل السبب مكايدة الشعراء؟؟

هل السبب إعجاب شاعر بلحن شخص اخر فنظم قصيدة تجاري اللحن ؟؟؟

ام هو صراع على لحن غير معلوم من لحنه فصار الكل يتمسك به ؟؟؟

ابدأ معكم بملاحظة ثلاث اغاني متشابهى تماماً في اللحن وليت من عنده التفسير يلحقنا ..

 

1- أغنية برضي ليك المولى وفيك لازم الصبر الجميل (يغنيها المرحوم خضر بشير)..

2- أغنية (رغم بعدي برسل سلامي يحوي شوقي وكل إحترامي) يغنيها المرحوم محمد احمد عوض)..

3- أغنية من علايل ابروف ويا محط امالي السلام (أغنية للمرحوم خليل فرح ) ..

 

اها رددوا الأغاني دي ولاحظ زي الكأنك بتردد في أغنية واااااحدة ..

 

ولا شنو ؟؟

سمك :)

 

عزيزي معليش انا لسه ضيف معاكم لكن يبدو ان الامر أختلط عليكم فاغنية محمد أحمد عوض تشبه الاخريات في البداية فقط أي مانسميه المذهب فبي الغناء عموما المجاراة لم تكن كلها مكايدات فالبعض منها اعجابا وبرضاء الاطراف الاخري

Share this post


Link to post
Share on other sites

نبشنالكم الموضوع تاني

 

كدي هاكم الحاجات دي :

 

يا ظبية البص السريع همت بيكي وخايف اضيع

 

يا ربيع في روض الزهور

 

الشويدن روض الجنان

 

السلام يا روح البدن

 

لحنها تقريبا واحد

Share this post


Link to post
Share on other sites
من اغاني الحقيبة ايضا اغنية العبادي برضي ليك المولي الموالي وفيك لازم الصبر الجميل وقد تمت مجاراتها في كثير من الاغاني مثل

في التمدن

و في الضواحي وطرف المدائن يلا ننظر فلق الصباح "خليل فرح"

وايضا احرموني ولا تحرموني سنة الاسلام السلام "سيد عبد العزيز"

وايضا من محاسن حسن المحاسن في جبينة النور والهلال

وايضا في الفؤاد ترعاة العناية بين ضلوعي الوطن الحبيب "مصطفي يوسف التني"

ومن محاسن حسن الطبيعة تلقي هيبة وعظمة وجلال "مصطفي بطران"

والبريق العاتم سماءه

ويا مناي وذاد بي ضناي

ويا اماني وجار بي زماني

وبي غرامك وتنفيذ غرامك

وماهو عارف قدمة المفارق "خليل فرح"

متي مزاري اوفي نزاري وجهو هذا البلد المصيف "ود الرضي"

وايضا اسعفوني ولا تصرفوني

وطال سهادي

وطال هجري يا امدر امان في بعادي وحكم الزمان

وفي الضواحي وطرف القضارف يلا ننظر صوفي البشير "محمد بشير عتيق"

 

ودة جزء من بعض المجارة لنفس الاغنية وبجيك راجعة بالمزيد

ياحلات نضمكم يا وليدات

اولا ده شغل داير ليه منتدى لى حالو

لكن نسوى بعض الاضاءات اول شى المجاراة هى نوع من التحدى ومن شروطها ان يتطابق البحر واللحن والقافية احيانا وتختلف الكلمات وهذا ما يزيدها صعوبه على فكرة ..بعض المجاراة كان تحدى بان يبز كل واحد الاخر

لاثبات مقدرات ،وبعضها تحدى با ستهوان القافية،وبعضها مكاواة لى الله ،

وكلام بتنا الفوق ده ممكن نضيف ليه اول شى الاغنية التى تمت مجاراتها هى فى الضواحى ونظم الباقون على نسقها ،اما برضى ليك المولى الموالى فجاراها اخرون ببعض الالحان ويمكن ان نرجع ليها فى بوست اخر كان طول ربك فى العمر:

مجاراة فى الضواحى وطرف المدائن يلا ننظر شفق الصباح ،غير ماذكرت الاخت جميلة يمكن اضافة:

فى التغزل بين المسارح ليلنا اليل والفجر لاح.... للشاعر عبد الله العشوق

من محاسن حسن الطبيعة ......للعبادى وليست بطران

احرمونى ولاتحرمونى..... لود الرضى وليست سيد عبد العزيز

محاسن حسن المحاسن،.... عبيد عبد الرحمن

الغوانى البارع جمالا ام غصون الهبهب امالا ،.......لود الرضى

القمارى الظهرت جديده حافلة بين القمر المنير،......... ابوصلاح

يا امانى وجار بى زمانى لو اراكم اصبح سعيد .....سيد عبد العزيز

نور جنانى وقبلة حنانى يا جواهر عقد القصيد ....ود الرضى

واخريات سوف اعود لهن فى وقت اخر...

 

بعدين قصة انقسام الشعراء الى قسمين تصحيح لاخونا الكوبى المعسكر الاول كان فيه سيد وعبيد وعبد الرحمن الريح وود الرضى والعبادى وكان فنانه سرور والفاضل احمد اما المعسكر الاخر ففيه ابو صلاح وعمر البنا والفنان كرومة والامين برهان وعمر البنا نفسه وانحاز اليه عتيق والدليل عبد الرحمن الريح كان يجارى اى اغنية لعم عمر البنا فمثلا

عم عمر عمل انا صادق فى حبك لو قلبى يتصل بى قلبك هذا مقصودى،عبد الرحمن عمل انا خاضع لى امرك طول عمرى وانت ليه طول عمرك قاسى يا حبيبى.

عم عمر عمل زدنى فى هجرانى فى هواك يا جميل العذاب سرانى، عبد الرحمن الريح عمل غبت عن انسانى يا وحيد الكون السقام مسانى لو فراقك طال ابقى لاتنسانى..واخريات

اهنئكم على هذا البوست والتوثيق كله فقط احرصوا على كتابة اسم الشاعر صحيح واستوثقوا وايضا كلمات الاغانى واسمحوا لى بتنصيب نفسى مراجعا عاما وماذلك الا حرصى مثلكم على هذا الارث ودمتم،،،

Share this post


Link to post
Share on other sites

العم صديق موج لك التحايا مثني وثلاث ورباع

مرحبا بك اولا في مزيكا دار الجميع وقبل ان نهنئيك بانضامك الي هذا الصرخ

نهنئ مزيكا وانفسنا اولا بوجودك بيننا وبالمناسبه اسمك سبقك وقد قرأتك

لك كثير من المداخلات في اونلاين في مواضيع اغاني الحقيبه وشهدت لك

بحرصك عليها وانا بدوري كاحد المشرفين انصبك مراجعا عاما وامينا لاغنيه

الحقيبه علي نسق عمنا الراحل الفنان بابكر حمد " امين الاغنيه السودانيه "

الذي كان يلقب بهذا اللقب .

واشكرك كتير علي تصحيح وضع الشاعر عبدالرحمن الريح

ولك التحيه والتجله مره اخري

Share this post


Link to post
Share on other sites
اهنئكم على هذا البوست والتوثيق كله فقط احرصوا على كتابة اسم الشاعر صحيح واستوثقوا وايضا كلمات الاغانى واسمحوا لى بتنصيب نفسى مراجعا عاما وماذلك الا حرصى مثلكم على هذا الارث ودمتم،،،

ده إكون شرف لينا قبل كل شي....شكرا لك للتصحيح فيما سبق....ومع الف تحية

Share this post


Link to post
Share on other sites

في زول كاتب ود سلفاب يا ميل يا مدلل ابو السيد تحياتي ليهو ذكرني بياصديقي الاول للرائع كلماتا لحنا واداءاً وفعلا تتطابق تماما مع يا جميل يا مدلل

Share this post


Link to post
Share on other sites

من اغاني الحقيبة ايضا اغنية العبادي برضي ليك المولي الموالي وفيك لازم الصبر الجميل وقد تمت مجاراتها في كثير من الاغاني مثل

 

 

في التمدن

و في الضواحي وطرف المدائن يلا ننظر فلق الصباح "خليل فرح"

وايضا احرموني ولا تحرموني سنة الاسلام السلام "سيد عبد العزيز"

وايضا من محاسن حسن المحاسن في جبينة النور والهلال

وايضا في الفؤاد ترعاة العناية بين ضلوعي الوطن الحبيب "مصطفي يوسف التني"

ومن محاسن حسن الطبيعة تلقي هيبة وعظمة وجلال "مصطفي بطران"

والبريق العاتم سماءه

ويا مناي وذاد بي ضناي

ويا اماني وجار بي زماني

وبي غرامك وتنفيذ غرامك

وماهو عارف قدمة المفارق "خليل فرح"

متي مزاري اوفي نزاري وجهو هذا البلد المصيف "ود الرضي"

وايضا اسعفوني ولا تصرفوني

وطال سهادي

وطال هجري يا امدر امان في بعادي وحكم الزمان

وفي الضواحي وطرف القضارف يلا ننظر صوفي البشير "محمد بشير عتيق"

 

ودة جزء من بعض المجارة لنفس الاغنية وبجيك راجعة بالمزيد

 

 

تحياتي بس لفت انتباهي انك قلتي احرموني ولا تحرموني كلمات سيد عبد العزيز وهي كلمات محمد ود الرضي

Share this post


Link to post
Share on other sites

مرحبا..

 

 

 

أول مرة أستمع لأغنية (الحب و الثورة) للموسيقار وردي, خلتني أستمع إلى أغنيته (يلا و تعال يلا).. فتفاجأت لذلك.. اللحن من وجهة نظر (أذنيّ) شبه متطابق..

 

 

 

تحياتي...

Share this post


Link to post
Share on other sites

دا موضوع فى غاية الدسامة وغاية الإمتاع والإفادة

لكن فى الاول اسأذنكم وأطلب من الموسيقيين المحترفين التغريف والتفريق بين الإقتباس والتأثر والسرقة؟؟؟

يعنى متين ممكن نقول الملحن إتأثر باللحن الفلانى أو الموسيقار الفلانى

ومتين نقول إقتبس من الأغنية الفلانية

ومتين نقول والله اللحن جدا مسروق من الأغنية الفلانية

انا طبعاً كلامى دا بعيد من المجاراة الكانت سائدة فى فترة من الفترات لأنو ديك كانت مجاراة مقصودة تماماً

شخصياً عانيت شديد لوماذلت أعانى لما أحاول أعمل حاجة خاصة لأنى من غير ما أقصد بلاقى روحى دخلت على أغنية مسموعة

وممكن كمان دا يكون مبحث تانى إنو كيف نعمل لحن جديد من غير ما نتأثر بألحان قديمة مسموعة؟؟؟

الموضوع كبير جداً وفرصة عظيمة للإستفادة من أراء الخبراء الموسيقيين البذخر بيهم المنبر

Share this post


Link to post
Share on other sites

كمان نقطة تانية مهمة جداً وماعارف اذا ممكن تتناقش هنا ولا محتاجة بوست منفصل

وهى قلة أو إنعدام الألحان الجديدة المميزة رغم إنو الإمكانات المتوفرة الآن من أجهزة مويسقية على أحدث مستوى ومجموعة كبيرة جداً من دارسى الموسقى و وإنتشار الثقافة الموسيقية وسهولة الإطلاع على أنماط موسيقية مختلفة بواسطة النت

طبعاً فى ألحان جديدة واعمل جديدة راقية جداً لكن انا بتكلم عن إنو فى فترة من الفترات كان فى كثافة إنتاجية عالية جداً وتنافس على إنتاج شئ جديد ومختلف

على عكس الندرة الحاصلة حالياً

والموضوع مخيف جداً لأنى بقيت أشتشعر إنو الأذن الموسيقية أتعودت على سماع المسموع وتقبلها للجديد بقا من الصعوبة بمكان ودا بسبب التكرار الشدبد للأغانى المسموعة

والأدهى إننا ممكن يجى يوم نلاقى قلة من الناس الممكن تسمع أغانى سودانية وممكن دى تكون من الحسنات الفليلة للفنانين الشباب إنو رغم تكرارهم لأغانى قديمة أو جديدة ضعيفة المحتوى الموسيقى وضعيفة الكلمات إلا انهم قدرو يجمعو عدد كبير من المعجبين الشباب الصغيرة أعمارهم

عموماً نحن فى إنتطار الخبراء للاستفادة والمتعة

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!


Register a new account

Sign in

Already have an account? Sign in here.


Sign In Now
Sign in to follow this  
Followers 0