• إعلانات المنتدى

    • Gamiela

      ضيوفنا الكرام   21 يون, 2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/
ahmedsada2001

ماري الشريف يا لبنى انا ليك مشتاق

عدد ردود الموضوع : 1

يا لبنى انا ليك مشتاق
يلزمني يمين الحج وعتاق

جنية غرامك لي انا شاق
ازاى سهام الحاظها رشاق

كتيرة لقاك زاد للعشاق
بالنسبة الي ما خاضوا مشاق 

هلال ونجوم وسماك الراس
دلال وخضار ونضار في سراق

جنية النيل مع الاشراق
مجاري شلوخك والبراق 

منامي تقسم وليك ما حاق
وسار لي جسيمي الشوق ما حاق

انا كلي هزال وعذابي انا حق 
حناني يخوض مضمار اسحاق

هرتني هموم والكون لي ضاق
نستني القوة والكانوا صداق

ياما رأيت في خناقي مضاق
وبرضي شريك في الحب مصداق

تسمم قلبي الكان صداق 
وعقلي السار للان ما فاق

سروري عظيم لي مجال التاق 
الكون  كفى كون بي طروقي عتاق

لقيت في النوم ما ليك عناق
ولي شديد معا بي اغلاق 

لزمت النوح والنوح ضياق
هجرت النوم طلقتو طلاق 

الليل ليلة ليل 
يا ليل يا ليل 
انا ليل يا ليلالفنانة ماري الشريف ليست من الفنانات المعروفات ولكنها ظهرت في فترة الثلاثينيات من ضمن مجموعة من الفنانات مثل ام الحسن الشايقية ومهلة العبادية والجنة حامد وفنانات التمتم مثل فاطمة خميس وفضيل الله وغيرهن

وقد سجلت عدة اسطوانات في اواخر الثلاثينيات مثل اغنية ببكي نايح نوم عيني رايح 
واغنية حبيبي جمالو البشرح صدري لسيد عبد العزيز واغنية ميل وعرض لخليل فرح وغيرها

هذه الاغنية يا لبنى انا ليك مشتاق جاراها شاعر الحقيبة

سيد عبد العزيز بقصيدة  انا ما معيون 
كلمات الاغنية : للمقارنة 

انا ما معيون
أزاى وداوى خدود وعيون
يا ناس أنا ما معيون
حليف آلآم وعيونى عيون
دائى عظيم ودواى مصيون
سامى بعيد عن العيون
وانا عقلى بقاله رقيب وعيون
أغنى عليها وأبدى فنون
أفوق الساجعة حنان وجنون
أأمل ليمها الما مظنون
وسيف هجرانها على مسنون
تجدنى مغيب وحولى شجون
كانى اسير فى حب مسجون
أملى بكل قماح معجون
موتى دنى وسببى العرجون
زينة زكية حراك وسكون
تامى جمالها الما ملكون
لو عبرنا صفاتها تكون
هى أول غانية تضوى الكون
عفاف وترف فوق القانون
دلال وسبات وهياب وحنون
فى فاها الدر منظوم مكنون
ومدام ومسك وعسل مشنون
ناعمة جسيمها حرير ووهون
طبيعة بطيب الند مدهون
عزيز أرواحنا لذاك يهون
ملى اذا أًبح مهيون
لملكة جنوده خدود وعيون
لحاظة تخيف قايد المليون
وترهب عنتر ونابليون
ليها سلامى بعد ما يصون
عاشق حب قمر محصون
وبعد ما غنى الطير فى غصون
يبقالها سمير وسرير وحصون

شارك هذه المشاركة


الرابط الخاص بالمشاركة
مشاركة المحتوى على مواقع أخرى

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .


سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.


سجل دخولك الان