• Announcements

    • Gamiela

      ضيوفنا الكرام   06/21/2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/
Sign in to follow this  
Followers 0
babikir22

عاطف خيري الوصية الثالثة "ماتتسلق الشهداء"فيديو

1 post in this topic

عاطف خيري الوصية -الثالثة ماتتسلق الشهداء

ماتتسلّق الشُهداء هم مرقوا قايلنك معاهم وإنت مشغول مين معاهم ؟
وفي ناس معاهم ياربي قايلنك معاهم ؟
وفي المعمعة ورفع الصور ونزيّل شنو الما عارفو دا ؟
نحنا ركبنا بص الويل وخايفين ننزل الشهداء
ماتتسلق الشهداء أرواح مشت كداري فوق وإنت بتاع ملح..!!!
سافرت بره حالك كما التلاجة مليان حلو ومليان ملح
قعدت جوه راسك مدنقرو عشان تربي عيالك البعدين خشمهم ملح...ملح
ود ناس عزاز ورافع القزاز أدوك وظيفة وموعود يودوك الحجاز
وإيه الفرق ياحاج مشيا" علي الأقدام أوصالة الحُجاج ؟
الله ماراجيك والله مامحتاج
عارفك حاترجع يازنيم
تلهط حقوق خيلو ولمان ضميرك يستقيم تتمنى تعمل ريجيم
سكر خفيف وبدون ملح
ماتتسلق الشهداء أرواح مشت كداري وإنت بتاع ملح
جنك باردة...جنك ضللة تخمُش من طرف وأهلك تبيعهم
وكمان تطنطن الغُنا هابط وأحيانا" الأشعار أسوأ من الأخبار؟
وكرفتة مذيعهم...وتلحس خُف ولي النِعمة ذو اللحية فات جاك دور حليفهم
بالشوكة والسكين تأكل لحم أخوك يستغرب العيش والملح
أرواح مشت كداري فوق وإنت إخترت السلامة
مبروك عليك قريبك الفي ال..برضو حاينفعك يوم القيامة
بالدس تهرول ومرات تولول الرملة حارة خايف على رأس النعامة
وبالليل تغني مالو لو ونسة وكبابي ؟
ماله الدنيا لوكان عيد ومُغرب ماركة العزّابي
وصيف من عينة التهديد وصدرو ينادي ياجلابي
أوريك إنت ياتو شهيد؟

صباح الخير ومتغابي مساء الخوف دا بالتحديد
وفي السهلة سالخين القبائل وينو الرموت؟
الدنيا ماها بِلوو ونايل وين الرموت؟
شباب مبشتن وحالو مايل
في ناس بيغتصبوا الحوامل
أطفال فطورهم سندوتشات الهوائل وإنت قدام المرايا حلقت خايف تنجرح..!!!
ماتتسلق الشهداء أرواح مشت كداري فوق وإنت بتاع ملح
مين يجيب يابلدي تارك؟
أنا زي بيوت أبوابا فاتحة على الخلاء وراجي المسافرين البجيبوا لى خبارك
جيت في بالي وجات شوارعك
والبنات مابيات سمارك ومابراهم جاء المابتسمى دا غير الما عزمناهم وجاء الصفق البتحلم بيهو نارك

وديل أخير الساكسفون ودا كله عشان ألاقيك..!!!
وألاقيك الشبابيك...ونجمة لاوازة وكله من شجر العُشر في النيل
النيل متين أصبح جنازة؟
ودا كله من المسافرين وإنت عارف الله لاجاب الإجازة
أنا من مطارك قلبي مابي الساكسفون
ويغريني السلام طيفك ياسلام صاحبي المرتشي
هاملت في المنام حرّسني الفصام
حمحم ياحمام وياعدم إختشي
أنا هسي جارك وطي صوت الساكسفون
هش الليالي حايمشوا وين كلهن قاعدات في بالي
وقول نسيتك ؟إنت ذاتك ما مُبالي
وقول طريتك ؟ دا البخلي الشعراء سبحانك تبارك حواء والده الساكسفون.

 

عاطف_خيري_الوصيةالثالثة_ماتتسلق_الشهداء.wmv

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!


Register a new account

Sign in

Already have an account? Sign in here.


Sign In Now
Sign in to follow this  
Followers 0