• إعلانات المنتدى

    • Gamiela

      ضيوفنا الكرام   21 يون, 2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/
almamour

تهانى العمليه

عدد ردود الموضوع : 1


اجريت لى بحمد
الله صباح امس الاثنين 5-10-2015 بالمملكه
المتحده عملية توسعة شرايين..وبحمد الله كللت بالنجاح..



شكرى الجزيل للذين
اتصلوا وكتبوا فى صفحات التواصل الاجتماعى
داعيين ومهنئين..فجزاهم الله عنى وعن اسرتى كل خير



****** ********





كتب
بدرالدين عبدالقادر الفادنى



 



نحمد الله ونشكر الله علي نجاح العمليه
التي سوف تضع حدا لجرح السكري وتوقف التهابه وتعود معافي باذن الله كيف لا تنحج
العمليه وانت العابد الساجد الشاكر الحامد كيف لا تنجح العمليه وانت الباسم الضاحك
كيف لا تنجح العمليه وانت المحبوب من الجميع كيف لا تنجح العمليه وانت المواسي في
المحن والمشارك في الفرح كيف لا تنجح العمليه وانت مواصل مع احبائك واصدقائك وانت
في قمه الالم متناسي الامك ومرضك وتاني مجاملا انك انسان في شكل ملاك دعونا لك
بالصحه والعافيه وكان دعا من القلب واليوم فرح الجميع وتهللت اساريرهم فرحا
وابتهاجا بنجاح العمليه وانتظار عودتك المرتقبه قريبا وانت تلبس ثوب العافيه...



نحمد
الله كثير حبيبنا ود المامور قائد الركب الابداعي مرحبا بك ايها الفارس المبدع
مرحبا بك بين اهلك واصدقائك مرحبا بك في سودان العزه والكرامه متعك الله بالصحه
والعافيه ايها الحبيب الوريف الصديق الخلوق القامه السامقه التي لاتنحني الا لله
رب العالمين





*******



 



من الشاعر السر الماحي لودالمامور



مساكم
عافيه
. .

الاف
التهاني نسوقها لكم اعضاء صالون الحبيب ودالمامور.. بمناسبة نجاح العمليه ونشكر
الله سبحانه وتعالي واهب الشفاء والعافيه علي ماتفضل به من نعمه.. الصحة ...كما
نساله ان يسهل طريق العوده للاخ مصطفي ويعود لارض الوطن وهو في اتم عافية واجمل
حاله
..

اللهم لك
الحمد والشكر


********



 



من المهندس فيصل العجب لودالمامور



الف الف الف حمدلله

والشكر والثناء لله وحده

مبروك نجاح العمليه استاذنا

ابونا وحبيبنا .

عبر أثير
الغرام والله كم يهواك


القلب
يهيم بهواك يناجى طيفك


ويعزف
ترانيم الصحه والعافيه على قيثارة فرح الشغاء العاجل الكامل والعوده الحميده


ونفرح
بعودتك وانت نورا يشع


فى سماء
العمر جمالا وشباب يغار من حسنك الشمس والقمر ومن ثغرك يتبسم المساء والفجر


الف مبروك
نجاح العمليه


وسعدنا
بهذا الخبر الجميل




وان شالله
عن قريب نفرح بيك


وانت معنا
يا رب


*********



من الشاعر شمس الدين ساتي

لودالمامور



الف حمدا
والف شكرا لله استاذ


ود
المامور ان تكللت العملية


بالنجاح
وتمنياتنا لك بقلوب


صادقة ان
يتم الله نعمته


عليك
بعاجل الشفاء يارب


والعوده
سليما معافي


مع صادق
الدعوات والابتهال





********



 



من إيهاب إبراهيم محمد أحمد لودالمامور



مصطفي ود
المامور
...



ان
شاءالله ما تشوف العذاب ...
انشالله ما تشوف التعب





بالف ولام
ميم الكتاب ...
ايات حروف تبقي الحجاب



والله لا
اله الا هو...
يا حي عليك الاتكال.. رب العباد





لله ليك
ما في السماء يا مصطفي...
تسلم من الشر والعنا







والعقبه
تشفي من المرض...
والعقبه تسلم من ضنا

بدعوك
يا رب العباد ...
ومرضنا اصبح ابتلاء...





نكون في
بحرك صابرين...
ندعوك يا ربنا بالشفاء

...ود..المامور

القيمه
الحقيقيه لاشعار ود المامورتكمن في ان كلماته تحقق الي حد بعيد المفهوم الحقيقي
للفن بعامه.. وفن الغناء الشبابي بصفه خاصة..ذلك المفهوم الذي عاد بموجبه دور الفن
في بناء الحياه..واعادة صياغتها بما يتفق والدور الفعال للفن
.

نغادر
اهلنا الي اقاصي الارض هربا من لهيب النار وبحثا عن الرزق والاستقرار في صمت
الغربه يبقي صوتك ود المامور فينا صامدا يدخل مع كل صباح كضو الشمس يوهبنا الحياه
.

شفاك الله
وعافاك ود المامور
.



ومتعك
بثوب الصحة والعافيه يا رب
.



الغالي
مصطفي


حمدالله
الف علي السلامه


وان
شاءالله اجر وعافيه يا رب


اتصلت
عليك للاطمئنان عليك وان شاءالله ما تشوف شر


الف
حمدالله علي السلامه


ايهاب
ابراهيم





*********



 



من الشاعر بدرالدين البطاح لودالمامور



ألف حمدا
لله ...على نجاح العملية ونأمل أن يتمم الشفاء ويجيبك لينا معافى حبيبنا ود
المأمور
..




*************



 



من الاستاذه آسيا الحاج لودالمامور



الحمد لله
حمدا كثيرا على سلامة أبونا الأستاذ ود المامور وياااارب يتم له عاجل الشفاء ويرجع
ينور ديارنا ويطل علينا بطلعته البهية كالسنا الوضاح ويغرد ويشدو بأجمل قصائده
ويمتعنا بالدهشة وتدق طبول الفرح ..... ألف حمدا لله علي السلامة





******



من الشاعر ..محمد عثمان مبشر لودالمامور



الف حمد
لله على نجاح العملية اخى العزيز ود المأمور ونساله الشافى المعافى ان يتمم الشفاء
وترجع الى أحضان الوطن بكامل الصحة والعافية
.




**********



من الشاعره الدكتوره بثينه الأمين لودالمامور



نحمده
ليلا ونهارا. ... سرا وجهرا على سلامتك بابا الإنسان طيب الظاهر والباطن


وإنشاء
الله تعود سالما غانما ونحتفي بيك في أجمل لحظات





*******



من الاعلاميه الكبيره نجاة كبيده لودالمامور



درب
السلامة يعفاك الله ويشفاك ونساله تعالي ان تكون اخرالالام يارب




ان
شاءالله بشارة خير شفاءا لايغادرا سقما صاحب الكلم المنمق و الحرف المموسق جعل
الله كل ايامك عذبة طيبة


سجدت لله
حمدا وشكرا علي سلامتكم دائما سالمين يارب





*********



من الشاعره فاطمه عابدين لودالمامور



الف مليون
حمد الله علي السلامة مبروك ربنا يتم ليك عافيتك يا رب ..



استاذنا

حقيقة
النية زاملة سيدا وانت نيتك الصافية الحليب بتسندك وبتقيف
معاك لانك والله مثل لكل الخصال الطيبة ربنا يوقف ليك جبارتو حد ما
تقبل ويلبسك تأج العافية دوما
.




*******



من أسعد عوض الله لودالمامور



ألف حمدا
لله على سلامتك أستاذنا المبدع .. ربنا يديم عليك نعمة العافية ويمتعك بصحتك





********



 



من ساميه الطيب الخليفه لودالمامور



الف
حمدالله علي سلامتك يا مصطفي انشاء الله ما تشوف شر وربنا يديك الصحه والعافيه
وطولة العمر والله قلقنا عليك شديد


********



 



من الاعلاميه منيره عبدالجبار
لودالمامور


مبرووووك
وعافيه مريه وتمام الصحه يازول ياطيب ياوريف


ترجع سليم
ومعافي من كل شر وبليه


نحن في
انتظارك وانتظار مدك الابداعي ياشفيف يامبدع


لك من
القلب اجمل وارق تحاياي


**********



 



من تماضر عوض الله لودالمامور



اللهم لك
الحمد والشكر علي نجاح العملية تسلم وداختي من كل شر ومن الألم انشاء الله لينا
نحن


الحمد لله
علي السلامة لجميع صوالين ودالمامور


*****



 



من الأستاذ فتحي عثمان kips



لود
المامور




الف الف
حمدلله علي السلامه وترجع بالف الف سلامه لاهلك وحبايبك ومعجبيك وفوق ذلك للوطن
الذي عشقته حبا وتحنانا سكبته شعرا من القلب للقلب


(فتحي
عثمان
- KIPS )

*************



 



من الكاتبه والقاصه جيهان عمر لود المامور




السلام عليكم استاذنا الفاضل . نوائب
الحياة هدايا قدرية لا يدركها الكثيرون يخص بها من يحبهم جل شأنه لتأتي
بعدها الأف من الدعوات والرضا لمن يصبر عليها من العارفين وانتم منهم بلا شك .متعك
الله بوافر الصحة والعافية لباسا يحدوك بقدر ما تسربلنا العافية من لين حروفك التي
تدخل الأرواح بلا استئذان
.

الدعوات
الخالصات لك بكامل الشفاء استاذنا الفاضل واجر وثواب إن شاء الله

.




 





*******



 



من الاعلاميه علويه ابراهيم لودالمامور



الحمد لله
رب العالمين


الف حمد
وشكر ليك يارب


حمدالله
على السلامة يامصطفى


******



 



من عفاف عبدالرازق لودالمامور



نحمد الله
حمدا كثيرا طيبا مباركا كما يحب ربنا ويرضي


**********



 



من معاويه الطيب لودالمامور



الف حمد
لله علی السلامة حبيبنا ود المامور


*******



 



من الفنان جمال النحاس لودالمامور




حمد الله
علي السلامه ونحمد الله علي
نجاح العمليه



 



******



من الأستاذ توفيق اسماعيل لودالمامور

تاالله
نجاح العملية أسعدنا سعادة كبيرة . ربنا يكتب سلامة العودة


***********



 



من الاستاذ شكرالله خلف الله لودالمامور



مبروك
نجاح العمليه والف حمدله علي سلامتك
ربنا يجعله في ميزان حسناتك واجر



وكفاره يا ود المامور
وتعود



بالسلامه انشاء الله معافي




********



من معاويه احمد الطاهر لودالمامور



مبروك
نجاح العمليه ود اختي والف حمدله علي
سلامتك و ربنا يجعلها في ميزان حناتك واجر
وكفاره يا ودعبدالماجد ياود خديجه مصطفي وتعود بالسلامه
انشاء الله معافي والعمره واجبه وياريت من لندن لجده ومنها مكه
والمدينه تزور وبرصو نشوفك طولنا منك ياغالي الف سلامه



 



*******



من الاعلامى عبدالحليم احمد



 



الف سلامه كان الوجع مامور انت ود
المامور..وكان الفرح امنيات اتمني ليك كل الهناء وملامح الفرح
..

وكان
العمر باليد اهديك اليدين وازيد عينين
..

سلامه
وصحه وعافيه..وديمه ليك راجع ليك..وطن الحرف ومرافئ الكلمه..وجدان الاشياء..بهو
الابتسامه وترحاب ضيوف..صالونك عامر بالعنبر والرحيق وصدي الذكري
..

مصطفي ود
المامور..اهلا بك وفي جبينك هلال الريد وكم شبال
...

الف سلامه



*******



 





من الشاعر
عاصم بابكر لودالمامور




صباح الورد







حمد الله السلامة





كم اسعدني
خبر نجاح العملية كثيرا ابونا ودالمامور نسأل الله ان يمن عليك بالشفاء العاجل وان
نراك قريبا وقدميك تطأ تراب الوطن



الذي
كم احببتة كثيرا فانت شعلة من الابداع نسال الله ان يمتعك بنعمة الصحة
والعافية
...








  • ابنك عاصم
    بابكر



***********



زميلى وصديقى
الدكتور محمد على عبدالحليم



 



سلامات الي اخي وزميلي وصديقي مصطفي
المامور اسال الله له الصحه والعافيه وان يبقيه لاسرته ولنا عطرا وصوتا وقلبا
وعقلا فنحن في كل وقت أشد احتياجا اليه ليبعث فينا الأمل ويملئ أيامنا بمحبته
وزوقه وأدبه .. عرفت مصطفي اكثر من أربعون عاما ولم اجده يوما عابس الوجه او سمعت
منه لفظا لايجوز .. عفاك الله وشفاك وأبقاك .. والكرامه كوااااارع ارجوك



 



**********



 



استاذى وناظرنا فى سنار الثانويه الطيب السلاوى



 



المجد عوفى اذ عوفيت والكرم وزال منك
الى(منو)السقم .. لآنه ما عرفنا ليك اعداء (حسبما قال الشاعر,), شفاك الله
وعافاك.. اجر وعافية باذن واحد.. كل المنى ان نسمع عنك ومنك كل خير..ويقعلو عامر



 



*******************************************************************************

 

افادات قصيدة القلب اتقطع

 

قصيدة

القلب اتقطع



إهداء إلي زميلي وصديقي وابن بلدى أخي

زهير حسن بابكر..

زهير مبدع بحق وشاطر بذكاء كان اول السودان فى اللغة
الانجليزيه وسابع السودان فى الشهاده السودانيه ..بعثته جامعة الخرطوم لفرنسا
لتحضير الدكتوراه وعاد استاذ فى الجامعه ومن ثم مدير لدار نشر جامعة الخرطوم بعد
بروفسر على المك ..وفى عهده اهتم بالمبدعين وطبع عدد من دواوينهم


.

طلعت من القصيدة اغنيتين زهير الروح لحن نزار الحميدى
وغناء اريج الربيع واغنية الخدور لذات الملحن وغناء فضل ايوب






القلب اتقطع

مصطفى ودالمامور





يوم نطراك القلب يتقطع



براهو قليبنا سقيم و موجع



مين للقدر النازل يمنع؟



ده حال الدنيا تفرق وتجمع



و بكره قريب الغائب برجع



***



شوف البلد الماهل و أوسع



ضاق ( بزهير ) و أنا جوه قبرني



عشت معاي ود بلدي و سني



و في منفاك عجزت لأني



محال للقدر النازل أمنع



***



زهير الروح يوم قمت مودع



جمال الناس روحتو معاكا



زهور الدوح ذبلت طارياكا



(تمارا) تنوح لليوم تتباكا



وحتي اليوم عينيها بتدمع



***



وات ما الزول البمرق

و يقنع



انت رحيق و خلاصة فني



و شانك أنت الناس بتغني



( زهير ) العود الوترو يوني



و برضو (كمان ) محزون و موجع



***



يوم ما تعود أهديك مربع



أنظمو ليك و يتشرف فني



أنوي النم و حروفك يجني



أنثرو شعري ( ونادر ) يغني



و يلحنو ليك البيت

و المطلع



***



شعري الفيك ما بزيدك

و يرفع



لأنك أصلاً سامق و عالي



و قولي الفيك كان دُرْ أقوالي



طبيعي الدر في العين بيلالي



و غيرك مين الدر البلمع



***



حتجينا بتين يا صافي المنبع



انت كريم ود بيت و مطبع



( ود النعمه ) البِحَضَرْ وبِدْفَع



خلي الناس من خيرك تشبع



هم فقدوك أيتامن و رضع



***



أخوك ( ياكمير ) في قلوبنا تربع



و في السودان أمثالو شويه



وقيمة أخوك ما خافيه عليا



أنشاء الله يعود و قريب الجيه



و يضوي البلد الضلمه و يسطع



***



و لما تعود ياود يا مجدع



أجي في البيت ( وجمال ) مستني



و أقابل ( سيف ) الملهم و فني



و أجي فرحان ( للفاتح ) أهني



و ألاقي ( مهير ) و أمال

و يجني



و أشوف ( نفوس ) بمقاما الأرفع



***



زهير الوارث ( أبوه ) مشبع



جرأه ووارثو عقل متجلي



محال العين تختاهو تخلي



أصلو العين المابتصلي



من السهم النابل أسرع



***



متين يا الغالي تجينا

و ترجع



و بيكا يعود الزمن الأنضر



و تنسي الزمن العشتو مكدر



و مهما اليوم لو طال أو قصر



بكره حتشرق شمسو و تطلع



***



عود ( يازهير ) و الناس تتجمع



الحبان قاصدين محياكا



و ماني براي دي الناس حاباكا



فراش ( سنار ) لاميهو ضياكا



بخت سنار الفيها ترعرع



***



( يا سنار ) الام المرضع



كم أنجبتي نجوم تتساما



من السلطنه سادو قداما



لحدي زهير مبدع و علاما



و غيرو كتير في سماك يترصع



***



عود ( يازهير ) بي سرعه

و ألكع



كل الناس مشتاقه لقاكا



و انت الفتَّ و شوقنا معاكا



رغم الحال الما بغباكا



دي برضو بلدنا و أصل المنبع



( زهير ) في سمانا النجم البلمع



و قمره التمّ موهج فينا



أول دفعتو لما قرينا



و سابع العشره الشرفو لينا



لما أذاعو العشره اللُمَّع



***



و في فشفاشنا النفس البطلع



و باقي الشوف الفي عينينا



ونن العين الغالي علينا



( زهير ) للروح بلسم يشفينا



( زهير ) الزهره شذاها تَضَوَّعْ



***



( زهير ) الروح لا تهم لا تجزع



كل العُسُر الضقتو و أزاكا



قدرو يسر مكتوب برجاكا



و بكره تسوح في سموك و علاكا



دي حكمة ربك يخفض و يرفع



***



تعال يازول ياذوق يا أروع



و أجي ألقاك في نعيم متهني



و الاقي معاك اللحظو طعني



و الاقي حسان بي وراك ماطرني



و الاقي الكان لي حنو بنطمع



***



حليلو زمنا الفاتنا و ودع



و عندي غزال بسعدني هواهو



معاك ( يا زهير ) اليوم بطراهو



و كان محبوبي قليل تلقاهو



لأنو حبيبي غزال و مَلَّوعْ



***



كان في مشيهو يميل

و يتْفَدَّعْ



لما أشوفو و أقولو غناهو



يغتي و شيهو و باهي ضياهو



حلاتو حبيبي و ما أحلاهو



وجّع قلبي السافر و ودع



***



و حتي اليوم في صحراء

و بلقع



شوف الزمن الجاف

و قساهو



هسيَّ حبيبي هناك تلقاهو



نفس هواي مكتول بهواهو



و زي كمان مشتاق لي هسع



***

الخدور يوم مقلتو تدمع



يخلي دموعي سخينه معاهو



حبيبي تقيل كاتم لهواهو



أريت الدنيا تشيلني معاهو



و بعد الفرقه تلمنا تجمع



***



الخدور ربوه مطبع



رزانه و روقه و طبعه براهو



جمال و كمال ربك أداهو



رغم سنين الفرقه معاهو



شفتو الليله وزايد أروع



***



( زهير ) رجعتني زمني الأروع



و مافكرت بلاك أطراهو



لأنك عندي الزمن و هناهو



و عندي مثال الخل و وفاهو



و أريت الزمن الصادق يرجع





مصطفى ود المامور


*88888888888888888888






تعليق
زهير على القصيده اول ماوصلته 2008



 



العزيز
الرائع ابدا مصطفى


عاطر التحايا و أرق سلام لك وللاسره ولكل الاحباب

كلماتك الدرر فقصيدتكم التحفه أشعن البهجة فى دواخلى بعد
جفاف قاسى و أخذننى بعيدا و بعيدا جدا الى زمان غير هذا الزمان والى وجوه بشوشة
وأرواح صافية ونفوس نقيه وبساطة مدهشه وعبر هذا الفلاش باك تراءت لى صور الوالدات
الرائعات الخالدات(الوالده المعلمه الرائده خديجه مصطفى،حاجه الساره،حاجه عرفه
عبيد عبدالنور وحاجه النعمه)تغمدهن الله برحمته و غفرانه،وسألت نفسى أحقا كانت
سنار مدينة من مدائن هذا السودان الذى أنكرنا وسامحناه أم كانت مدينة من صنع
الخيال عشناها فى أحلامنا و صحونا مذعورين منها لنجد أنفسنا فى زمان غير ذاك
الزمان غرباء وسط أناس لا يشبهوننا و لا نشبههم ولا يعرفوننا ولا نعرفهم وسنار لم
تعد سنار والسودان لا علاقة له بسودان زمان و(طفلة المدائن)الخرطوم كما سماها
الرائع محمد المكى ابراهيم تبدلت هى الأخرى وأين نحن اليوم من خرطومه التى كان و
كنا نحن اليها:





(فى
جميع المطارات


بين الحقائب و النوم و الانتظار

عبر تلك الدهاليز والميكروفونات

عبر وجوه المضيفات

يأخذننا من مطار

ويتركننا فى اخر



فى المدى بين ثانية تستطير

لثانيةتستطار

كان قلبى يذكرنى أننا منك ندنو

وتدنين منا

مع كل ثانية تستطار

كان قلبى يذكرنى
أن بعض المسافة


بينى و بينك يلغى

وأن مساحات من زمن الوجد

تسقط خارجة من شقوق النهار

وأن المواعيد بينى و عينيك

تزداد قربا

فأزداد حبا

و احتمل الانتظار)



فاخ واخ يا مصطفى من زمان النزوح والانتظار!!!

أخى الرائع ود المامور

قصيدتك الرائعه قلبت على المواجع و هيجت الشجون فدعنى
أناجيك برائعة البياتى(الى ولدى على)و كان حينها فى المنفى يجتر الحنين والاسى
والتى يقول فى مطلعها:


(مدن
بلا فجر تنام


ناديت باسمك فى شوارعها

فجاوبنى الظلام

وسألت عنك الريح وهى تئن فى عمق السكون

ورأيت وجهك فى المراياوالعيون

وفى نوافذ الفجر البعيد

مدن بلا فجر يغطيها الصقيع

هجرت كنائسها عصافير الربيع

والليل مات

والمركبات

عادت بلا خيل يفطيها الصقيع

أهكذا تمضى السنون

ويمزق القلب العذاب

ونحن من منفى لمنفى

ومن باب لباب

نذوى كما تذوى الزنابق فى التراب

فقراء يا قمرى نموت

وقطارنا أبدا يفوت)



الرائع مصطفى

أشواقنا لكم ولكل الاحباب لا تحدها حدود وسلامى لكل ال
المامور خصوصا الأخت الودوده الرائعه أبدا (عزه) ولكل من يسأل عنا أ رجو أن ترد
عليهم بكلمات الاستاذ العبقرى الكابلى


أكيد أكيد حنتقابل

أبدا....زهير



العزيز
مصطفى


الحاقا للرساله الاخيره فقد فاتنى أن أحكى لك أننى قد
سعدت بزيارة ابنتى (زينه)والتى تحضر لدراسات عليا فى ماليزيا و اصطحبتها الى
الاسكندريه و قضينا وقتا ممتعا بشواطى المعموره و استصحبنا صوت فيروز الملائكى
الخرافى فى (يا شط اسكندريه يا شط الهوى) و مررنا بكلية الزراعه عن قصد و حكيت لها
عن ود المامور وعن رائعتك (سوزان) وأيضا عن



(البنيه
)كفه وكفه تانيه اسكندريه



و
ضحكنا كثيرا و كانت المفاجأه الجميله فى انتظارنا عند عودتنا اذ وجدنا قصيدتك (القلب اتقطع) فى البريد العجيب فسعدنا بها
كثيرا


دمت لنا نفخر فيك و نعتز بك





اخوك
زهير حسن بابكر



******



 



 



افاده
من ابن سنار محمد عبدالرازق الشيخ (جلا)



 



الأحباب/
مصطفي



ود
المأمور – وبروفسير/ زهير حسن بابكر



 




  • أخيراً سمعت القصيدة – ولا
    أدري ماذا أقول!!

  • كنت يا مصطفي لسان وصوت كل
    أحباب وأصدقاء ومريدي زهير

  • فقد قلت عنا ما كنا نود أن
    يصل منا إليه – ولن أشكرك يا صديقي القديم – فالذي
    بيننا لا يحتمل أبداً كلمات الشكر أو الثناء – أو بالأحرى الذي
    بيننا حالة من الود القديم تدعي ( سنار ) – ولنا في ذلك
    عودة.

  • زهير – يا ولداً
    من ( الدمور ) أصالة

  • يا قلباً أكبر من السودان
    الذي قد ضاق بك وبنا

  • أشهد بأنني منك تعلمت كيف
    تكون الصداقة

  • ( وطن ) إليه
    نعود وبه نسمو

  • وأشهد بأنني منك تعلمت بأن
    الكتاب أوفي الأصدقاء – بل وأجملهم

  • وأشهد بأنني منك تعلمت أن
    ( شرحبيل أحمد ) فنان حتى النخاع

  • وأشهد أن الخرطوم بدونك وجمال – مدينة
    بلا مذاق وإن حاول الجميع أن يشعروني بغير ذلك.

  • أخونا مصطفي : صدقني أنه
    صعب جداً أن تكتب عن أناس يمشون في الوريد ويدوزنون عصب الحياة.

  • صدقوني أنه من الصعب
    الكتابة عن زمن {مشربك} فى الدم والروح.

  • من الصعب الكتابة عن أيام
    ما زال لها في القلب رنين وصدى.

  • وما بقى الآن غير بكائيات
    العمر، نمسح دمعه المدرار ونتبع اثر خطانا القديمة علها تنبه فينا بعض فرح
    {مدسوس} في مكان ما - بعيد لم تطاله يد الزمن الغول... بعد‍..



 



أخونا
زهير – صدقني أروع النجوم ..... هاتيك التي تضيئ درب القافلة



 



أخوكم
: محمد عبد الرازق الشيخ ( جلا )



العين



يوليو
2008



*********



زهير
مره تانيه



رفيق
العمر يا محمد


ماذا أقول و كلماتك أمامى أقرأها و أعيد قراءتها و هى
تقول الكثير الذى يقال ولايقال،فقد كنت وما زلت محمدا الذى نعرف و نعز اخا حبيبا
الى القلب


وصديقا نعتز برفقته و صدق مودته،يغمرنا الفرح عند طلته و
نأسى لفراقه و نظل نترقب عودته نتحلق حوله علنا نروى ظمأ السنين من حديثه العذب ونننفض
عن أرواحنا الصدئه غبار الفراق فتدب الحياة فى عروقنا من جديد و ينبعث فينا الامل
بعد موات و نظل نردد كلمات (ناظم حكمت) ان أجمل أيامنا هى التى لم تأ ت بعد

.

أخا الاخوان يا محمد

ود المامور و أنت أخجلتما نى بكلماتكما الرقيقات و
غمرتمانى بحب وود ابا دلكما اياهما فكلامكما كما الشهد عذوبة و كما النسيم
رقة، فقصيدة مصطفى أقامت الدنيا ولم تقعدها حتى الان فمن الناس من حمد الله كثيرا
أن الدنيا ما زالت بخير ما دام فيها من الخلان أمثال مصطفى، و منهم من لم
يحتمل صدق كلمات القصيده فغلب عليه انفعاله فانهمرت دموعه من وقع الكلمات تحسرا
على واقع مرير فرض علينا و على وطن فى مفترق طرق تتجاذبه الفتن و المحن ..والخرطوم
كالعا دة تصحو من نومها ولا جديد غير الكذب و الاحباط و النفاق ...فالى متى و نحن
فى انتظار الذى يأتى و لا يأتى


أخى محمد

حتما تتذكر كلمات ود المكى

شىء فى قلبى كالأكلان

كدبيب بعوض داخل طبلة أذن

كالرغبة فى تحكيك قفا أو ذقن

يتحرك ذاك الشىء على الاغوار

بخطى التنميل خطى الارهاص خطى الاحزان



هذا وصف بليق لحالنا فنحن نشتاقكم و نحلم أن نلاقيكم
فأين زمان تلقانا ....أين زمان تلقانا


أما الرائع مصطفى فهو انسان نادر نقى الدواخل و
صفى المحبه ذو شاعرية ملهمه سخرها لترجمة أحاسيسه ومشاعرنا و مثله فى هذا الزمان
قليل،رافقناه من سنار محطه محطه،ثم الخرطوم طفلة المدائن ثم نزل شواطىء
اسكندريه فصال فيها و جال و غاص فى مياهها وارتحل مع نواتها واخرج منها الدرر
فكانت (سوزان)


تجات فيها عبقرية ود المامور الشعريه و ملكاته الابداعيه
يرحل بنا الى زمان حتشبسوت و يرجعنا الى محطة الرمل و سيدى جابر فتسكرنا
الكلمات و تحلق بنا الاوصاف عاليا فى فى عالم السحر و الخيال و نود الا نصحو أبدا
من ذلك الخدر اللذيذ


ثم كانت البنيه كفه و كفه تانيه اسكندريه، تحفة شعرية هى
الاخرى و ملحمة من العواطف الجياشه، شمخت بنا شموخ قلعة قايتباى و مئذنة المرسى
أبو العباس ومصطفى غارق فى انجذابه يأخذنا من مكان و يتركنا فى مكان نلهث ولا
نرتاح ونظل نردد هل من مزيد


وكان المزيد كثيرا و جاء متأثرا بحوادث مفجعه، فرحيل الاحباب
فرض على شاعرنا بكائيات حق لها أن تعمم فى مقررات وزارة التربيه و التعليم فى وطن
غير هذا الوطن وزمان غير هذا الزمان فام تعد هنالك تربيه ولم يعد هنالك تعليم و لم
يبق من الوزاره غير اسمها و بعض مقررات منفرة عجاف فرضت قسرا على التلاميذ وأهلهم
فوا حسرتاه عليك يا تعليم زمان و يا حسرتاه عليك يا سودان




العزيز محمد

الحديث معك ومع ودالمامور و عن سنار و ناس سنار هو حديث
الهوى و الشجون و ستظل سنار التى نعرف و نعشق هى سنار محفورة فى دواخلنا ما
حيينا مملكة الممالك وذاكرة للزمن الجميل وسيظل ود المامور رمزا و علما من
أعلامها الكثر يتدفق عذوبة و شعرا تدفق نيلها الازرق شامخا شموخ خزانها و رقيقا
مرهفا رقة نسيم البحر فى أما سى اسكندريه و منارة من منارات الوطن ومزارا للمريدين
والعشاق والاخوان يحجون اليه كلما نادى المنادى


أما جمال فلا تخف ولا تجزع عليه فهو كعهدك به صامد صمود
اهرامات البركل و البجراويه و سا مقا بهامته سموق أشجار النخيل


أما أنت يا محمد فلتدم لى ولأحبائك صديقا محبا وفيا و
أكرر شكرى على كلماتك الرقيقه و سأظل دوما و ابدا أعتز بمحبتكم أخا نادرا،خلا وفيا
وصديقا صدوقا نحملكم دوما فى حدقات العيون وكما قال الصديق الابنودى فى تلك
الامسيه النادره فى الخرطوم(اللى بينى وبينكم يعلمو ربنا) وأودعكم و فى الخاطر
كلمات الفيتورى
:

فى حضرة من أهوى

عبثت بى الاشواق

حدقت بلا وجه

ورقصت بلا ساق

وزحمت براياتى و طبولى الآفاق

عشقى يفنى عشقى

وفنائى استقراق

مملوكك لكنى سلطان العشاق



أبدا زهير





******



 



 



 



 



 



اصديقى ود المامور




كما تعلم
انا لم اقم في سنار طويلا ولكنى اختزن منها ذكريات اعتبرها كلها عزيزة
على ولو المنى بعض منها... لم اتعرف على اخوانك د. زهير ومحمد من
قبل لكننى عرفت عنهم بعض الشئ الان من خلال المراسلات التى تمت
بينكم .كم احبك هؤلاء الاوفياء كما نحن ، وعرفت عنك اكثر
رغم ان ما يربطنا من صداقة واخوة جعلنى اعتقد اننى
اعرفك كما الفاضلات اخواتك سامية وسمية



ود المامور
الوفى .. ود ملوك النيل..الحبوب..اخو الاخوان ..و الاخوات واكثر
...واكثر،، والله ياسامية وسميه ماكنت فاكرة فى صفات رائعة فى هذه
الدنيا اكثر مما عرفت عن اخوكم مصطفى



اهنئ نفسى
بمعرفتك .اما القصيدة فسيكون لها وقت اخر للتعليق.



واعرف
انت انو دا حال الشيمه



تحياتى ..مها قرين .



 



******



قال عنه أحد
تلاميذه أحمد الأمين أحمد






تحية وإحترام لٍأستاذنا الجليل د. زهير حسن بابكر

أتشرف لجلوسى فى مجالس درسه طالبا بكلية الاداب جامعة الخرطوم

حيث كان يدرسنا علم الأثار ١٩٨٥(ضمن مقرر مشترك بالمستوى الأول)

نشهد له بالعلم الوافر والتهذيب والطلاقة فى التدريس باللغة الإنجليزية)

كذلك يتحدث الفرنسية بطلاقة ..

سنوات إدارته لدار النشر جامعة الخرطوم -قبل ثورة التعليم العالى _

أحدث ثورة أدبية وإقتصادية وفنية عبر معرض المليون كتاب بحدائق دار النشر
يومها


حيث اتاح ذلك للكثيرين إقتناء الكتب النادرة بأسعار زهيدة

وكان يتحرك بعفوية وتواضع وهو المدير بين العمال والموظفين

كما ظهرت فى عهده مجلة حروف الشهيرة (توقفت بعد ٣ اعداد)

كانت معارض المليون كتاب مركز جذب للمثقفين والجمهور العادى

تتخلله حفلات فنية وموسيقية ( غنى شرحبيل والعاقب ) وقرأ على المك

نماذج من كتاباته بمصاحبة كمنجة محمدية وعود برعى ..

كل ذلك الإنجاز خلفه عبقرية دكتور زهير وحسن إدارته ومرونته فى الحركة

وبنهاية عهد زهير بدار النشر ماتت تلك الدار

وذبلت حديقتها وتقسمت لعدة أقسام..

مثل د. زهير مكانه وزارة الثقافة والإعلام إن كان وطنى يقدر أصحاب العطاء




*******



كلمات في حق زهير
حسن بابكر من ابن سنار



كمال ابوسبح مجموعة
روائع سنار


*****

صدقت ود المأمور، زهير قامة سامقة في سماء الدنيا وليس السودان وسنار
فقط، ظهر نبوغه وتميزه العلمي واﻷدبي والفني منذ عهد الطفولة، وكان لطيفا هاشا
باشا، متواضعا تواضع العلماء، قويا هميما وبارعا، هينا لينا في غير ما ضعف وﻻ
هوان، مثابرا مقداما ومبدعا في غير ما تهور، فزهير مفخرة ﻷهله ومجتمعه الصغير في
سنار المدينة ولكن عبقريته وسعت كل الكون، لله دره ودر أبيه وأهله وأقرانه.


نسأل الله العلي القدير أن يمتعه بالصحة والعافية والهناء والسرور وأن
يجمعنا به قريبا وأن يعيده سالما غانما بجاه سيدنا محمد صلى الله عليه وعلى آله
وصحبه أجمعين.


**********



كلمات في حق زهير
من ابن سنارعبدالمنعم الكتيابي مجموعة روائع سنار




عزيزي ود المامور. لله درك.

فالقامات السامقه تجبر الحروف أن تتشابي لبلوغ قاماتها الساميه. وكان
حبيبنا زهير حسن بابكر بكل ماجادت به قريحتك الشعرية وبكل ما جاد به اخونا كمال
ابوسبح من مدح في حق اخونا زهير. فلقد سبق زمانه وارتقي قامته الساميه قبل أن تعرف
القامات مقامها وقبل أن يدرك السمو معني أن يسمو. فظلت ذكراه تعطر صبانا وشبابنا
وحتي غربتنا. فلقد رسم بابتسامته علي أوراق الزهور. وعطر باريحيته كل ساحات الود
والحب. بصراحة لقد علمنا كيف نحب





******



افاده حول قصيدة
زهير من الاستاذه اميمه فتحي مبارك..قانونيه




ودالمامور والله انت الزمن الاروع وجمال وكمال ربك اداهو



شايفاك ديمة منور
ومبدع ورائع في وصف الاشياء الجميلة تعطي الاشباء رونقها بوصفك لها متعك الله
بالصحة والعافية ولك مني كل الود


*********



 



افاده حول قصيدة
زهير من الخير الطيب مجموعة الأصحاب




تحية وسلام استاذ ود المامور ... كلمات راقية قصيدة واداء ... ترسخ
معانى الصداقة والاخوة ... وتظهر



قيم الرجال ....



*****



افاده حول قصيدة زهير من السيده ناديه
صديق




رجف قلبي وادمعت عيني وانا اقرأ عن حبيبنا د. زهير حسن بابكر ارد الله
غربته وانت يا شاعرنا الجميل مااروعك ووفاءك الدفاق وابداعك بلا حدود سلمت وحفتك
الصحه والعافيه حبيبنا



********



 



افاده من بدرالدين
الفادني حول قصيدة القلب اتقطع




ماشاء الله عليك حبيبنا



ود المامور اتطلعت
علي قصيدة زهير بحق وحقيقه قصيده مليانه حب وحنان وخوه الي صديق عزيز وعالم من ابناء بلدي هذه
القصيده توثيق تحمل في كلماتها كتاب بل مجلد والله من اروع ما قرات



والله انت شاعر
وكاتب وموثق وانسان تحمل في جوفك قلب كبير كتبت في كل شئ ابتداء من الوطن الكبير
والام الحنون والاصدقاء المبدعين اهنئك علي هذا الابداع الفكري الغزير وانت ترصد كل جميل في بلادي وتوثق له باحلي
واقوي الكلام



ود المامور انت موسوعه ادبيه وفكريه ورقم يصعب تخطيه
انت تستحق التكريم علي اوسع نطاق كيف لا
تكرم وانت بهذه الشفافيه سوف نعمل لك تكريم في المنتدي يليق بمكانتك في مجتمع اديت
فيه واوفيت ويعلم الداني والقاصي بمكانتك في وطن مترامي الاطراف



تسلم مصطفي ودالمامور المعدن النفيس الذي يزيد
لمعانه كل يوم بنفسك الطيبه ومكانتك الساميه في قلوبنا متعك الله بالصحه والعافيه
وتعود لوطنك الذي عشقته وعشقوك اهله عودا حميد خالي من الالام يارب





ودالفادني صالون 2



*********



 



 



 



 



افادة ساره ابو حول
قصيدة الحالى



ود المامور مصطفى

سلام أيها العزيز الرائع ومليون شكرا على هذه التحفه الخطيره والتى وصلت
للتو يعنى قبل منتصف الليل بدقائق ومع كل مقطع كانت خفقات قلبى المعنى الملكلك
تزداد والنفس يطلع ومش عايز ينزل وتملكنى الانفعال وعلى الرغم من اننى لم ألتق هذه
الملهمه الا فى تلك الامسيه ولكنها تركت فى نفسى انطباعا لن ينسى(اعتراف) وصدقنى
مصطفى ان هذه القصيده رائعه جدا وانت وصفتها وصف أمين، بليغ ورقيق رقة
الملهمه نفسها وعلى وزن قافيتك بدأت أردد فى كلمات الكابلى كان لبن شربو وكان جبل
طلعو


ومادام سمعت كلام الضللوك نحنا سبناك للداروك

وانت كان زعلان انا ما بزعل

وانت كان مبسوط انا بالاكتر

وبعدين معاك يا ود المامور كل يوم تفتح لينا ملف جديد والملفات كترت
وتقاطعت وكما قال الشاعر


تكاثرت الظباء على خراش وما يدرى خراش ما يصيد

عزيزى مصطفى المهم ان تعرف أن كل المجموعه من الاصدقاء والمريدين غمرتهم
الفرحه بهذا التواصل الوجدانى الراقى الذى بث فيهم جميعا روحا جديده نفضت غبار
السنين عن ذكريات الزمن الجميل وأزكت فيهم روح التواصل وأنت ٌ قا ئد المجموعه
وفارسها بلا منازع، مايسترو الكلمه الحلوه ود المامور وود سنار حيث العسل السهر
الجماعه وسهرنا




دمت لنا جميعا

ساره ابو





IMG-20131004-WA0151.jpg

شارك هذه المشاركة


الرابط الخاص بالمشاركة
مشاركة المحتوى على مواقع أخرى

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .


سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.


سجل دخولك الان