• إعلانات المنتدى

    • Gamiela

      ضيوفنا الكرام   21 يون, 2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/
almamour

مجادعات مع شعراء 2

عدد ردود الموضوع : 1

مجادعات مع شعراء

2

 

 

 


بنادى عليك



كلمات مصطفى ودالمامور



 



 



بنادى عليك.. يارَبْ سامعنى؟ قليبى وَرَاكْ..
بالجد واجِعْنِى فَسِيِحْ الكون.. بقَى ماسَايِعْنِى وانتى بعيد .. بَحَرِكْ
مانِعْنِى



قَطَعْتَ وَرَاكْ للقيف التانى



***





أكلِّم نفسى.. براى وأغَنِّى ماراعيت لسَغَرْتِى وسِنِّى ولاراعيت احساسى
وحِنِّى شَكيتْ الحُبْ السَبَبْ جِنِّى



ياالخليتنى برايا أعانى




****



انا لسه معاكى بقول ياهادى



بأعلى الحِسْ مشتاق وأَنادى



عارفِكْ سَامْعَه وقَاصْدَه عِنَادِى



بكره تشوفى مصير البادى



سيبى الجفوه تعالى عشانى



****



مهم انا برضو أشُوف وأعرفَكْ



واشوف احساسك ليا وظَرْفَك



أَكِيِدْ بى قناعه أَكون فى صَفَّكْ



شيل قلبى الحباك فى كَفَّكْ



وراعى معاك القلب الحانى



*****



مصطفى ودالمامور





بَرِقْ عَبَّادِى

كلمات مصطفى ودالمامور

الحان محمد ابراهيم عباس

جبار



الدهب المَجَمَّر فى خَزَايْنُو ومَالِسْ

شوف قيمة المَأصلْ فى
البَتَارِيِنْ جَالِسْ

محروسْ بالمَدَرَعْ والدِيُوشْ
وبَوَالِسْ

وانتَ كَمَا المَجَمَّرْ برضُو
محبوس خالِسْ

***

ياالعبادى أشْلَعْ وضَوِّى خَتْفَه سَوَادى

انا مساهر الليالى عليك انُوحْ
وأَنَادى

وانت تجى وتروح يازول وَقَدَتَّ
فؤادى

مضمون بالسَخَا حَالْ البَرَقْ عَبَّادِى

***




جِيِتْ لىْ يومْ جَدِيدِكْ يابِنَيَّه
امْبَارِحْ

وخالاتِكْ مَعَاكْ رَقَصَنْ
معاكى فَوَارِحْ

عريسك بَسْ تقول صَقْرَ
البُطَانه الجَارِحْ

وانتى كَمَا القَمَرْ مابْزِبدْ
مَقَامو الشارِحْ


اخترتى
العريس دايره الجَنَابْ العالى

والتمنْ
الدَفَعْتُو أَمانه ماكانْ غَالِى

مالِكْ
لَىّْ تَدَمِّعِى..حَسْرَه مالِكْ ومَالِى

مع
اِنِى القريب..فى الحِسْبَه مَا بِتْ خالى



ودالمامور




*****

غَتِى قَدَحَكْ
مصطفى ودالمامور

لى متينْ يا الحبيب أَنَا فِى انتظَار أَسْتَنَّى
قَلْبَكْ ليه قِسَا ؟ مَاكَانْ مَلاَنْ بى مَحَنَّه
سِرَّكْ فِى عٍيٍنيكْ حَوَرْ العيونْ مَحَنَّا
حبيبى ومَا بَعِيِدْ.. زولْ مِنْ بَلَدْنَا واهَلْنَا
مَادَامْ فِى الأَهَلْ..؟ مَفْرُوضْ يكونْ هُوْ سَأَلْنَا
مَابِسْأَلْ عَلَىّْ تَغْيَانْ عَلَيَّا
و ضَنَّى
مِنْ أَهَلِى القُرَابْ والزَيُّو كَانْ وَاصَلْنَا
سَلاَمْ عِرْسَ القُرَابْ وسَلاَمْ ودَادْ ومَحَنَّه
فِى دِيِنَا الحَنِيِفْ.. صِلَةْ الْرِحِمْ بالْجَنَّه
غَطُوهُو القَدَحْ واولَى القُرَابْ وُأَهَلْنَا


ودالمامور
****

انتى رهيبه


مصطفى ودالمامور


الحان بلال عبدالله


اداء عاصم هاشم





لمَّا تْمُرِى علينا... بْنَفْرَحْ


فَرْحَةْ زُولْ ..قَدَّرْنَا وجَانَا


واحْلَى غُنَاى
غَنيتُو عَشَانَا



مشاعِر مَارْدَه .. لارادتنا ولاخَالاَّنَا


بَرَاءَةْ طِفْلَه تَسُرَنَا تَشْرَحْ


***


ثِمَارهَا اليَانْعَه نَجِيِضَه بِتَطْرَحْ


ثِمَارْ جَوافه
ومنقه..رهيبه



بت شخصيه سَمَاحْ ومهيبه


بت مكتمله مُحًالًه تْعِيِبَه


وعيبَه الفِيِهَا سهاما بِتَجْرَحْ


***


ليه الناس بتشوفِكْ تَسْرَحْ؟


بت ربوها قيم
واصاله



رباية العم والجِد وخَوالَه


حَلاَتْ البتْ ولْدُوها حِتَالَه


والاماتْ بى صغيرها بتفرح


وانتى رهيبه








مصطفى ودالمامور

مُخْلِصَه

كلمات مصطفى ودالمامور
الحان محمد سراج الدين
اداء الفنانه جوليا

مُخْلِصَه فى هواك ماحِدْتَّ ابداً عَنَّكْ
مَضَلَلَه فى ضَرَاكْ قَشَّاتْ عِشِيشِى وَقَنَّكْ
اخْتِرْتَكْ بَرَاى تَمْزِجْ فنونى
بى فنَّكْ
وبَرضُو عَلَىّْ قِسِيِتْ ..قُلْتَ الظُرُوفْ وُقَسَنَّكْ
***** *****
ليه قلباً حَوَاكْ ودمُوعْ غَزِيِرَه سَقَنَّكْ
تَسْلاَنِى وْتَفُوتْ وُتْسِيِبْنِى أَبْعِدْ عَنك
أَدِيِكْ الحنان تَدْيِنِى شَكَكْ
وظَنَّكْ؟
تَسْقِيِنِى الهوان ورَاجِيِنِى أَسْأَلْ عَنَّكْ؟

**** ******


وكان أَوَّلْ خِصَامْ جِنِّى يِنَازِل جِنَّكْ
مَابَدِّيِكْ مَلاَمْ ولاتانى بَسْمَعْ
منك
بقيت تَغْيَانْ علينَا كَأَنُّو مَا حاسِنَّكْ
قليبى وَجَعْتُو لَىّْ مَاحَاسِّى بَيَّا كَأَنَّكْ
***
لما احتجت لى زَوَّدَتِ لَىّْ فِى حِنَّكْ
ولما احتجت ليك أَظْهَرْتَ قَسْوَه واِنَّكْ
مازُولِى الحَمِيِمْ بَانْ لَيَّا شُحَّكْ وضَنَّكْ
أَمْشِى وعَافْيَه ليكْ وانا بَلْقَى أَحْسَنْ مِنَّكْ


مصطفى ودالمامور




سنكات


كلمات مصطفى
ودالمامور



الحان عوض حسن
خليفه ادروب



اداء سيدى دوشكا








سويتو فَنِّكْ


عَنّى يا
سنكات وعَنِّكْ..



وتاني هَيَجْنِى
الُهيَامْ



شَانْ
عيونك ..



وشَانْ
عصير كاكاوَّيْ لونِكْ



وشَانْ
جمالك فى الغَمَامْ



الله يعِلَمْ
مِشْتَهِيكَّيْ



ومِشْتَهَّي
يوم إِشْتَهِيكّي



وليكيَّ
مِتْقَرْيِّفْ كلام



مِشْتَهِيكَّي
ومِشْتَهِي لىّْ جَلْسَه فيكي



مع الاراك
تِحْتَ الغَمَامْ



والحبيب
جَالِسْ مَعَانَا



بى
مَلاَحْتُو وابْتِسَامْ



معروفَه سنكات
بالمَلاَحَه



الله أداهَا
السَمَاحَه



ويِسْحَرَكْ فيهَا الارَامْ


مخلوقه
رَوْعَه ..



مِنْ
سَغَرْنَا وْقَبْلِ نَوْعَى



فِيِكِى
كَاتِلْنَا الغَرامْ



أسمعيني
....



وهاك غُنَاىّْ
ليكِى وْحَنِيِنِى



وانتى
كَمَّلْتِى الكلامْ



(ابو امنه) بالْهِمَّه وْعَزِيِمَه


كُنْتِى ياسنكات كريمه


وكل
اَهَلِكْ نَاسْ كِرَامْ



مَاعِنْدِى
غيرْ أهديكي فَنَّي ..



وانْتِى
بَرْضُو مَعَايَا غَنِّي



رَطنِّي
الصُول والمَقَاْم



ريدتِى
ليكْ صَادْقَه وشَدِيِدَه



شُوفُوا
كيفْ سنكات بَرِيِدَه



سَاكْنَه
قَلْبِى جُوَّه جُوفِى وفِى العُضَامْ









مصطفى
ودالمامور






أَبُوى
كلمات مصطفى ودالمامور
غناء الفنانه فدوى فريد

فَاقْدَاكْ ياأَبُوى
ياالنادرْ أَمثَالَكْ
ياالفى سْرَاعْ مَشيتْ
بى مَهَلَه كانْ مَالَكْ

أحَىّْ ياابوى
الجَفَّ شَلالَكْ
المُوتْ للجِيَادْ
نَقَّادْ نَقَدْ شَالَكْ
أَحَىّْ يَاأَبُوى
المافى زول طالَكْ
***
فَاقْدَاكْ ياأَبُوى
ما أَمَرَّ تِرْحَالَكْ
يالْشِلْتَ الضِليلْ
ياحْليلُو ضُلاَّلَكْ

يالمِرِقْ العَدِيِلْ
المَافِى شَىّْ مَالَكْ
حِمْلَكْ كانْ تَقِيِلْ
مابْنَقْدَرْ أَحْمَالَكْ
ياهادى الطِبَاعْ
الجلَّ كَمَّالَك
***
ربيتْنَا الحَلاَلْ
بى لُقْمَه مِنْ تَالَكْ
مابَنْسَاكْ أَبُوى
كيفْ أَنْسَى أَفْضَالَكْ

حليلكْ ياأبوى
وياريتنا قُبَالَكْ


مصطفى ودالمامور


انتى رهيبه


مصطفى ودالمامور


الحان محمد ديكور


لطه سليمان





لمَّا تْمُرِى علينا...
بْنَفْرَحْ



فَرْحَةْ زُولْ
..قَدَّرْنَا وجَانَا



واحْلَى كَلاَمْ
كَاتْبِنُّوعَشَانَا



مشاعِر حَارَّه .. لارادتنا
ولاخَالاَّنَا



جميعْ أَوْصَافَا
تَسُرَنَا تَشْرَحْ



***


ثِمَاره اليَانْعَه
نَجِيِضَه بِتَطْرَحْ



ثِمَارْ جَوافه ومنقه..رهيبه


بت شخصيه سَمَاحْ
ومهيبه



بت مكتمله مافِى
لِسَانْ مُتْسَلِّطْ يعِيِبَه؟



والعيب فِى لِحَاظَا سهاما
بِتَجْرَحْ



***


ليه الناس بتشوفِكْ
تَسْرَحْ؟



بت ربوها قيم واصاله


رباية العم والجِد
وخَوالَه



حَلاَتْ البتْ ولْدُوها
حِتَالَه



والاماتْ بى صغيرها
بتفرح



وانتى رهيبه








مصطفى ودالمامور




من الشاعر محمد
الامين محمد الحسن لودالمامور





التهريب قرن خرتيت
وسن الفيل


وحاويات الحبوب
بالميناء داخله عديل


هيثرو انباع عديل
مالينا ليهو سبيل


استر ياكريم
مايبيعوا نبع توتيل





من ودالمامور
للشاعر محمد الامين محمد الحسن








التهْريِبْ بِقَى
مِهْنَة تِجَاره وشيلْ


لِحْقُوهُو الصَمُغْ
..وقُطْنَ طويِلْ الْتِيِلْ


زَمَانْ
مَاتْعَدِّى نَملَه .. الليله تَمْرُقْ الفِيِلْ


توتِيِلْ وَضْعُو
هَيِّن وخُوفْنَا نَهْرَ النيلْ





ودالمامور










من الشاعر محمد
الامين محمد الحسن لودالمامور





الحاويات بقت موضات
حقيقه واشاعه


ناس فارغات مطوله
فى الجرائد باعه


بقت الكوره اخطر
من قضايا الساعه


وعقوبات بره صبحت
للفشل شماعه


من ودالمامور
للشاعر محمد الامين محمد الحسن





الْرَاجِلْ نَفَىَ
وقَالْ (الحَوَاوِى) بُضَاعَه


كَلاَمْ فِى
البرلمان اِنُه الحكايه


اِشَاعَه


رَدْ مِنْ زولْ
كبير نَفِى أَىِّ مَادَه مُشَاعَه


خَلاَصْ نَرْقُدْ
قَفَى وْنِتْرَجَى يُوم الساعه؟؟





ودالمامور








من الشاعر
محمد الامين محمد الحسن لودالمامور





عامه الحاله
مايلاقيك حبيب تشكيلو


تمانين ورقه عدن
نقد تمن للكيلو


ونشريهو البصل
بالواحده ياحليلو الزمان بنكيلو


وين يابرلمان الجن
بواخر الغاز ووينو وكيلو








من ودالمامور
للشاعر محمد الامين محمد الحسن





مِيِنْ غيرْ
الالَه نَرْفَعْ أَكُفْ نَشْكِيِلُوُ


والْضَنَكْ
الْبِقَى مَاشُفْنَا أَصْلُو مَثِيِلُو


حليل زَمَنْ البَصَلْ
الحَارْ عيونَا يِسيِلُو


الغَازْ اِتْلَحَسْز..
كَانُونْ فَحَمْنَا نْجِيِلُو





ودالمامور







من الشاعر محمد
الامين محمد الحسن لودالمامور








الغاز انقطع
والكوره شاغله الساحه


وناس نهبو وسرق
احتلو كل مساحه


ياحليل البصل ساوى
مع التفاحه


البندوره نار
والدكوه عامله مناحه





من ودالمامور
للشاعر محمد الامين محمد الحسن





ايه المَا
انْقَطَعْ وكَانْ كَتيِرْ مُنْدَاحَه


بِقَتْ ميتين جنيه ماتْجِيِبْ مُلاَحْ بى
صَرَاحَه


وينْ لَبَنْ
الجُهَالْ؟؟ الليلْ يِعَدُّو مَنَاحَه


لَبَنْ
الْبُودْرَه وَارِدْ وضَاعْ رُعَاةْ ومُرَاحَه





ودالمامور







فجعنا اليوم بوفاة الشاعره الدكتوره هيفاء
عبد الستار



كنا نعمل سويا فى برنامج دندنات بالاذاعه
الطبيه.. وكان بيننا مجادعات شعريه اقتطف منها ...






××××




من الشاعره هيفاء عبدالستار لودالمامور

******

فرحان الصباح لابس
بتونيا ورندي..

ومبسوط النسيم جاب عطركم لا عندي..

والازهار تضوع ريانه خدها يندي



تسلم ود أمير ناظم قصيد وأفندى





د.هيفاء






من ودالمامور للشاعره هيفاء عبدالستار





فرْحَانْ بيكْ لَأَنِّكْ بِتْ قَبايِلْ
عِنْدِى



مَافَرْحَة زِهُورْ رَاقْدَتْ كُتَارَاً
عِنْدِى



وُزَهْرَتِكْ انْتِى مُفْرَدْ فِى
قَصَايْدِى العِنْدِى



وكُلْ مَاتْجِيِبِى قُولْ يِمْسَخْ
عَلَيَّا العِنْدِى






ودالمامور









من الشاعره هيفاء عبدالستار لود المامور




لسع انت في زهو الشباب يادوبك..

مليان بالحياة وفي الحاره يتحكوبك..

ناصع يا ملك في الدنيا قلبك وتوبك..

يحجاك الكريم تسهل قواسي دروبك






هيفاء





من ودالمامور للشاعره هيفاء عبدالستار


كانت معده معانا فى برنامج دندنات ودايما
تجيب في الاستديو ضيافه خبيز من صنع يدها..وعشان مايتشاف تجى لافاهو فى توبا









وينْ عَهْدَ الشَبَابْ وأَنَا مِنْ
كِبِرْتَ (مَجُوبَكْ)



حَقَكُنْ الْشَبِابْ يَانْعَاتْ زِهُورْ
يَادُوبَكْ



يَا هَيْفَا الكَرَمْ كَرَمْ السَحَابْ
مِنْ صُوبَكْ



حَيَّرْتَ الْكَرَمْ لَافِى الْكَعَكْ فى
تُوبَكْ






ود المامور



اقترح بعض الاصدقاء المتابعين اعادة نشر مربعات الجقور ..بمناسبة المكانه الرفيعه التي وصلها الجقر هذه الايام..من اعمدة كبري المنشيه الي اعمدة الصحف
*******
من الشاعر محمد
الامين محمد الحسن لودالمامور

يااهل العلم
ألفونا كفو أذانا
الفأر شقا عيشتنا
وهرانا قلانا
فى تلاجه فى
كرتونه فى بوتجاز ايدو ملانه
شاركنا المعايش
ومن هدوم فلانا
من ودالمامور
للشاعر محمد الامين محمد الحسن
مَايْهِمَّكْ
أَخُوىْ الفأرْ دَوَاهُو مَعَانَا
عِنْدِى دَوَاْء
الْجِقِرْ وامْ سِيِسِى والفِيرَانَا
بُكْرَه تْنُومْ
قَفَا وأَنَا ليكَا مَا بِتْوَانَا
مُشْكِلْتَكْ
بَسِيِطَه أَهَا الكَلاَمْ كِيِزَانَا
ودالمامور
****
من الشاعر محمد
الامين محمد الحسن لودالمامور
استنجدنا بى قط من
فصيلة نافع
المستوردنو عدد
نفايلو يرافع
قال صياد جقور من
قام صغير شافع
جربناهو لي يومين
طلع مو نافع
من ودالمامور
للشاعر محمد الامين محمد الحسن
جِقْرَكْ (
ابواللمين ) دَايِرْ كَدِيسَاً ضَالِعْ
مِنْ نُوعْ
الْلَهِطْ ويِلْحَسْ وَرَاهُو أَصَابِعْ
الْقِطَطْ
السُمَانْ فِقْرَه وْجِضُومْ وكَوارِعْ ؟؟
مَابِتْسَّوِىْ
شِىْ فِيِهُو العُقَالْ النَافِع
ودالمامور
****
من الشاعر محمد الامين محمد الحسن لودالمامور
رفعنا ايدينا للمولى الكريم نتعضر
الجقر اللئيم ماخلى شدرن خدر
فى الجزيره سوى سواتو اخر وبدر
وياحليل القطن الكان زمان بتصدر
من ودالمامور للشاعر محمد الامين محمد الحسن
مَالَكْ والْقُطُنْ ؟ يازُولْ دَه خَطَّاً أَحْمَرْ
الفَارْ والمُزَارِعْ .. كُلُّو قَعَدْ يِتْحَسَرْ
حَسْرَه عَلىْ الحقُولْ والْلُوُزْ وفَرْعُو الْاَخَدَرْ
وينْ جِقْرَ القُطُنْ؟مَمْسُوكْ رَهِيِنْ الْعَسْكَرْ
ودالمامور
****
من الشاعر محمد الامين محمد الحسن لودالمامور
قلنا كمان نشوف شيخا دعوتو قويه
غِيِرْ لينا الجقر ياشيخنا فى المنشيه
ورثنا الفقر والجوع وسوء النيه
هز ثقتنا فى الصلاح بنيه بنيه
من ودالمامور للشاعر محمد الامين محمد الحسن
الصُلاَّحْ كُتَارْ .. شُوفْ الْمِحَايْتُو قَويَّه
جِقُوُرْ هَذَا الزَمَنْ مَعَرُوفَه حَالَه عَصِيَّه
قَرِضْ مَافِيِهُو ميزْ يازولْ صباحْ وُعَشِيَّه
دَيلْ دَايْرِينْ كَدِيِسْ رَاضِعْ ضِبَاعْ وُبَلِيَّه
ودالمامور
****
من الشاعر محمد الامين محمد الحسن لودالمامور
من قبال شهر الحال علينا اتبدل
جقرن ليهو فقره في التُكُلْ اتقدل
سوى فعايلو ديك خل النظام اتبهدل
سارح ليل نهار لا بخاف كديس لا بسال
من ودالمامور للشاعر محمد الامين محمد الحسن
جِقْرَكْ مَاتَقِيِلْ..أَنَا جِقْرِى مَكَنُو مَعَدَّلْ
تِرْبَايَة (صَعُوطْ) الليله بَابُو مَظَلَّلْ
زَرَعْنَالُو الزهورْ في البيتْ بذُورْ وُمَشَتَّلْ
خَمْسَه سنينْ مَضَتْ فى حَقِّى لِسَّه مَتَلْتَلْ
ودالمامور
*****
من الشاعر محمد
الامين محمد الحسن لودالمامور
الجقر الرقبتو
مطوطوه وتاكيها
سيف المك نمر بى
ضربه مابدليها
سودانير محاها من
الوجود بالفيها
جلا الواطه باع خط
هيثرو لى يات جيهه؟
من ودالمامور
للشاعر محمد الامين محمد الحسن
مَعَادِنْ هِىْ
الجِقُور سُبْحَانُو مَنْ عَاطِيِهَا
رَبَّكْ يُومْ
يِمِدْ ..بَسْ يُومْ بِجِيِبْ واطِيِهَا
صَبْرَاً أَبُو
اللمين رَبَّكْ كريم بِرْخِيِهَا
هيثرو بعُودْ قريب
مَا (جَبْرَه) عَكْلَتْ
فِيِهَا
ودالمامور
(اشاره لعمود الاستاذ الفاتح جبره)
******
من الشاعر محمد الامين محمد الحسن لودالمامور
الجقر اب فقرةً من تلات طيات
جمع فيران شباب وام سيسى والاخوات
لازمين البنوك فى افخم العربات
جاهزين لى لهف منحة قطر كان جات
من ودالمامور للشاعر محمد الامين محمد الحسن
اَبُو فِقْرَاتْ تَلاَتَه الضَاقْ سِنِيِنْ مُرَّاتْ
تلاتَه بيوتْ طَوَابِقْ وعَدَدْ الضُرَاتْ
اِتْنَفَخَنْ جِضُومُو........ وُكَبَّر ( ال.....ات)
مَعَذُورْ دَه الشَبَعْ البِعَقِبْ الجُوعَاتْ
ودالمامور
****
من الشاعر محمد الامين محمد الحسن لودالمامور
وين زول المرور الكان بفك الزحمه
وين بشرى وبريش الفى قلوبن رحمه
كبارى مقفله وعربات تزح ملتحمه
يامسئول سؤال هل حتتك مزدحمه؟؟
من ودالمامور للشاعر محمد الامين محمد الحسن
حليلُو (بْريشْ) مهنْدِسْ لى المرورْ فِى الزَحْمَه
يِمَرِرْ بى مَهَارَه مَعَ ابْتِسَامْ فَى لَمْحَه
لَوْ قَطَعْ الاِيِصَالْ..وُلِقَاكَا مُعْدَمْ بِمْحَه
حليلْ أَيَامْ (بريش) أَيَامْ جَميله وْسَمْحَه
ودالمامور






(معاناة الطوابير فى الخدمه المدنيه)


من الشاعر محمد الامين محمد الحسن لودالمامور


موظف الشباك بكون ود ناس وواسع بالو
بحس بالجاى مغرود فى وبحن لى حالو
ينضف قلبو تنضف ايدو ينضف مالو
يرضى الخالقو بى السهلت امورو دعالو

من ودالمامور للشاعر محمد الامين محمد الحسن
الْجَاكْ فى الصفُوفْ ..بَطَّلْ جميعْ أَشْغَالُو
لَقَّطْ لىْ الرُسُومْ ..بِسْ اللَّه بِعْلَمْ حَالُوُ
الْحَرْ والهَجِيِرْ والْعَطْشَه مِيِنْ يِرْثَالُوُ
وأَهْلَ الْحَظْوَه جُوكْ كَاسْرِيِنْ صفوفْنَا ونَالُو

ودالمامور



من الشاعر محمد الامين محمد الحسن لودالمامور


زى ساعتين فطور وتلاته قهوه وشاى
جرايد الرياضه نضيبه اسكت ساى
طوابير واقفه مرصوصين وحر قلاى
يامسئول كبير يااخى اتلفتلنا جاى


من ودالمامور للشاعر محمد الامين محمد الحسن
المَسْئُولْ كبيِرْ سَادِى وْبِدُوُرُو أَزَاىْ
عَاجْبَاهُو الصُفُوفْ يِمْرُقْ وِيِخُشْ بى جَاىّْ
كَانْ بِفْرِقْ شِنُو؟لَوْ جَابْ مَظَلاتْ سَاىّْ
أَوْ زَادْ الْزَمَنْ..زُوُلَكْ أَظِنْ فُوقْ رَأىّْ

ودالمامور

من الشاعر محمد الامين محمد الحسن لودالمامور


اوعى يكون قعادكن فى المكيف ديمه
امرق شوف طوابير واقفه لى تقديمه
ربنا كرم الانسان واده القيمه
ماتذلوهو بعدين مابتكرفو نسيمه


من ودالمامور للشاعر محمد الامين محمد الحسن


( للموظفين المكشرين)


الزُولْ يُومْ يِكَشِّرْ ..نَفْسُو تَبْقَى لَئِيِمَه
والْذُ ل ْ لى العِبَادْ عِنْدَ اللَّه حَاجَه ذَمِيِمَه
ولَوْ تَقْدَرْ تَسَاعِدْ هِىْ بْتَزِيِدَكْ قِيِمَه
وبَسْمَكْ فِى أَخُوكْ ..فِى دِيِنَّا حَاجَه عَظيِمَه

ودالمامور



(ظهور تمساح تانى فى شارع النيل)








من الشاعر محمد
الامين محمد الحسن لودالمامور









تمساح البحر مقدور
على وبنصاد



الا التانى كيف
نصلو ودروبو بعاد



مأمن ضهرو
تب..مابخاف يقبل صاد



مصيبتو الفينا
مابشبع ومابخليلنا فتفات زاد












من ودالمامور
للشاعر محمد الامين محمد الحسن









تُمْسَاحْ
الْبَحَر مَاخِدْ تَلاَتَه وُالله رَازْقُو وْلاَدْ



مِرَتِّبْ عيشْ
وِلاَدُو الْتَوّْ وُدَاخْرَ الْزَادْ



تُمْسَاحْ
العُشَارِى الْخُلْقُو ضَيِّقْ وحَادْ



مُحْتَارْ فِى الْوَرَلْ
فِى غْيَابُو بَرْطَعْ وُسَادْ






ودالمامور














من الشاعر محمد
الامين محمد الحسن لودالمامور






تماسيح حارسه شارع
النيل وبالمرصاد



وتماسيح تانيه
بينا تحوم سنونا جداد



نومنا خزاز وحيل
مهدود واكلنا كداد



ده اسمو تجاوزات
ومرات بسمو فساد






من ودالمامور
للشاعر محمد الامين محمد الحسن









تُمْسَاحْ البَحَر
بِبْلَعْ جُلُبْ اِنْ صَادْ



مَلَتَخْ فِى
الْوَحَلْ كَمْ فِيِهُو جَلْبَغْ وُخَادْ






وتُمْسَاحْ
الْمَكَاتِبْ فَصَّلُوُلُو مَوَادْ



حَامِنُّو
الكُبَارْ أَنْيَابْ وُديلْ و أياد






ودالمامور

من الشاعر محمد اللمين محمد الحسن لود المامور

(وكالات السفر)

وكالات السفر بقت الملاذ للعانى
لان مريت عليها وقفت بس لثوانى
تلقى الناس مردمه والوجوه بتعانى
تحلف وانت صادق...مافضل سودانى


من ودالمامور للشلعر محمد الامين محمد الحسن

(وكالات السَفَرْ) مَعَ اِنُّو مَا خَاصَّانَى
سَهَلَّتْ الْمُرُوُقْ لىْ نَاسْ كَتِيِرْ بِتْعَانِى
لَكِنْ العُقُولْ والْخِبْرَه أَمْرَهَا تَانِى
ديلْ بَانِيِنْ عقُولْ..وفِى زُوُلْ بِمُرْقَ البَانِى؟؟؟؟؟

ودالمامور

يَاحْليلْ البَلَدْ لَمَّنْ تَكُونْ هِى الْطَارْدَه
وشَبَابْ بى الالُوفْ..معَقُولَه كُلَهَا شَارْدَه؟؟؟
(وكالاتْ السَفَرْ) أَبْوَابَا مُشْرَعَه فَارْدَه
تَسَهِّلْ لىّْ الْسَفَرْ وُتْعِدْ قُرُشَا الْوَارْدَه

ودالمامور



استنكر شاعرنا
ابواللمين اعترافنا بالستين






من الشاعر محمد
الامين محمد الحسن لودالمامور









لاستين ولا سبعين
نحنا الفينا تقفل بابو



نحنا خلقنا عشاق
للجمال نشقابو



لو تذكر سلام
نيفاشا مين اللملمو وليك جابو



واب قلبا بموت
ياهو البولى شبابو






من ودالمامور
للشاعر محمد الامين محمد الحسن






والمَرَضْ الْمُصَاحِبْ
شِنْ يِسَوّْ الصَابُو؟



ضِعِفْ النَظَرْ ..
مِنْ فُوقْ سِويدَاتْ شَابُو



حَامْدِنُو
الْكَرِيِمْ هَازُولْ عِرُوقْنَا وْدَابُو



طَارْ مِنِّى
البَلُومْ.. وغُزْلاَنِى أَيْضَاً غَابُو






ودالمامور





من الشاعر محمد
الامين محمد الحسن لودالمامور









أوعك قلبك الرجاف
تقفلو تسدو



وماتبارى العمر
تحسب ثوانى تعدو



سيد قلبا بفيض رقه
وبحر فى مدو



وين ماشاف جمال
يسرج حصانو يشدو









من ودالمامور
للشاعر محمد الامين محمد الحسن









أَخُوكْ أَصْلاً
(شويحى) وزُولْ غَرِبْ مِنْ جَدُّو



أَهَلُو أَهَلْ
عَزِيِمَه وأصْلُو مَا بِنْهَدُّو



لَكِنْ الْزَمَنْ
والعَافْيَه مَسَكَنْ يَدَّو



وُلَوْضَاقْ الْخُرُمْ
فِى مَثَلْنَا وَسِّعْ قَدُّو









ودالمامور








من الشاعر محمد
الامين محمد الحسن لودالمامور









أوعك مره تانيه
اسمع كلام ماكبرنا



بحر الشوق عرفنا
قدفنا فى ومودرنا



ياما برينا صيد
نازلين معا وسدرنا



ومافتر الحنين فى
قلوبنا لاتخدرنا












من ودالمامور
للشاعر محمد الامين محمد الحسن









بَلاَ الصيدْ والاَرَاكْ الْكَانْ شِنُو مْوَدِرْنَا


كَمْ غَنينَا
ليهُو وُكَمْ حُرُوفُو أَجِدْنَا



مَابَسْ صيدَه
واحْدَه تْقُوُلْ تَلاَتَاتْ صِدْنَا



زَمَنَاً كَانْ
جَمِيِلْ كَمَّا الحَصَلْ كَانْ عِدْنَا









ودالمامور


من الشاعر محمد الامين محمد الحسن لودالمامور


سخانة جو وجيب واسعار كتيره خلاص
والماهيه كملت لوح تلج واتماص
والموقف خلا لاحافله جات لاباص
مافى امل قريب يااخوى ولو بصباص

من ودالمامور للشاعر محمد الامين محمد الحسن

البَلَدْ اِتْعَجَنْ زَىّْ بَاصْ مَسَتَّفْ وْهَاصْ
الْلَزْ وَالْدَفِرْ مَاتْقُولْ دِىِ نَاسْ فِى بَاصْ
قِدَّامْ زُولْ بِنَاتِلْ وُجَنْبُو شَاعِرْ وُقَاصْ
وُبِتْ فِى الْبَاصْ تَطَقْطِقْ للْقرُوبْ الْوَاتصْ

ودالمامور


من الشاعر محمد الامين محمد الحسن لودالمامور



مواقف مابتفرح شِيِمَتَه الخزلان
مواقف مويه طين والحر مع الضبان
مدافره فى سبيل مقعد رجال نسوان
ياالناس اللى فوق ده البتلف الاوطان


من ودالمامور للشاعر محمد الامين محمد الحسن


زَمَانْ كَانْ المَوَاقِفْ وَاحَه للْحِبَّانْ
مِنْ الْمَحَطَّه الوُسْطَى وْطَرْحَه لامْ دُرْمَانْ
نَاسْ رَايْقَه وْأَغَانِى ..كِفَايَه (أَبُو عَفَّانْ)
هَسَّه جَانَا (كَرْكَرْ) مَوْقَفْ وُسَاكْنُو جَانْ


ودالمامور


نشرت شرطة دبى صور مخزيه لمجموعه كبيره من نشالين سودانيين تم القبض عليهم


من الشاعر محمد الامين محمد الحسن لودالمامور

شفتو بلدنا نشالينا هاجروا بره
ينشلو من منو ومافيش قروش بالمره
وطو رؤسنا فى الواطه وكسونا العره
وشويه شويه فى بلد الخليج نتعرى


من ودالمامور للشاعر محمد الامين محمد الحسن

يِقْعُودُو فِى شِنُو؟؟والناسْ مِفَلِسَّه مَرَّه
قُعَادُمْ غيرْ نَتَاجْ ... اِلاَّ الفَضِيِحَه وُزَرَّه
قَالُوُا أَخيرْ(دُبَىّْ) تَرْيَانَه جُوَّه وُبَرَّه
وَجَعِكْ يَا بَلَدْ...نَشَّالْنَا ذَاتَكْ فَرَّه

ودالمامور


فَضِيِحْتَكْ بالْسَوَادْ أَقْذَرْ غَسِيِلْنَا انْشَرَّ
نَشَرُوهُو الْوَسَخْ بى فَضِيِحَه جُوَّه وْبَرَّه
عَفْوَاً بَرْ (دُبَىّْ)..طَبْعَ الأَصِيِلْ بِيِطْرَّه
(كمال حمزه) القبيلْ شَرَّفْ بَلَدْنَا وْسَرَّه


ودالمامور


من الشاعر محمد الامين محمد الحسن لودالمامور

ياالناس اللى فوق الجوع مزلا كافر
مافى مواصلات للى المعيشه بعافر
الجن والفقر حافر بقع فوق حافر
حال كما انعدل كل البلد ده بسافر

من ودالمامور للشاعر محمد الامين محمد الحسن

النَاسْ الْلِى فوقْ رَاحَه وْجِنيهُمْ وَافِرْ
عَايْشِيِنْ فِى نَعِيِمْ للْحَجْ بِحِجْ بَالْفَاخِرْ
بِحِجْ فِى كُلِ عَامْ والْعُمْرَه بَرْضُو بْسَافِرْ
دَه بِعْرِفْ ليكْ مَرَارْةَ الجُوعْ مُهِيِنْ أَوْ كَافِرْ؟؟؟

ودالمامور



من الشاعر محمد الامين محمد الحسن لودالمامور


ركوب فى حافله زى دخلة جمل فوق ابره
مرات ماشى جيهة سوبا تنزل جبره
ركوب فى مواصلات بعرفلو زول ذو خبره


من ودالمامور للشاعر محمد الامين محمد الحسن

الْنَطَ القَزَازْ فِى الحَافْلَه أَصْبَحْ عِبْرَه
اِنْشَرَطْ الْلِبَاسْ والزولْ غَشِيِمْ مَاخِبْرَه
أَصْبَعُو اِنْجَرَحْ واِنْشَاءالله أَصْبَعُو يِبْرَه
اِتْنَشَلْ القُرُوشْ ورِجُوعُو عَاوِزْ دِبْرَه

ودالمامور



من الشاعر محمد الامين محمد الحسن لود المامور


ناس لايصين وناس حايصين وناس بين المواقف تجرى
واحدين فى النفق فى الحر ده راجعين بحرى
ضيق ومضايقه يخرتو العرق سيل يسرى
مافى امل قريب كدارى قطعوا الكبرى


من ودالمامور للشاعر محمد الامين محمد الحسن


مِنُو الشَافْ المَوَاقَفْ والركوبْ الْجَبْرِى؟؟
واطفَالْ المدارِسْ مَاشَّه تَنْهَدْ وتَجْرِى
وأُمَاتْنَا الْكُبَار عَرَقِنْ مَسَايَلْ قَطْرِى
دَايْرِيِنْ حَلْ سَريِعْ ويَاريتْ تَدَخُّلْ (بَكْرِى)

ودالمامور


من الشاعر محمد الامين محمد الحسن لودالمامور

يات موقف دحين ياالوالى مو مزحوم
ويات مسئول معاك بى حالنا بات مهموم
مافى مواصلات والناس حيارى تحوم
هل بتحلها قبل القيامه تقوم؟؟؟
من ودالمامور للشاعر محمد الامين محمد الحسن

(شَرْوَنِى) عِرْفُو صَالِحْ الاَّ مَوْقَفُو شُومْ
تَصَلُو فِى نُصِ سَاعَه وكُلُ حِيِنْ مَزْحُومْ
(وُكَرْكَرْ) خَلِّى سَاكِتْ ..أَصْلُو مَالِىْ لْزُوُمْ
وُشِدَّةْ مَاهَا ضَاقَتْ..أَكَانْ عَلينَا نْعُومْ
ودالمامور


من الشاعر محمد الامين محمد الحسن لودالمامور

وين زول المرور الكان بفك الزحمه
وين بشرى وبريش الفى قلوبن رحمه
كبارى مقفله وعربات تزح ملتحمه
يامسئول سؤال هل حتتك مزدحمه؟؟

من ودالمامور للشاعر محمد الامين محمد الحسن

حليلُو (بْريشْ) مهنْدِسْ لى المرورْ فِى الزَحْمَه
يِمَرِرْ بى مَهَارَه مَعَ ابْتِسَامْ فَى لَمْحَه
لَوْ قَطَعْ الاِيِصَالْ..وُلِقَاكَا مُعْدَمْ بِمْحَه
حليلْ أَيَامْ (بريش) أَيَامْ جَميله وْسَمْحَه
ودالمامور



صاحبنا الموسيقار احمد المك طريح الفراش هذه الايام لاصابته بالحزام النارى..

من الشاعر محمد الامين محمد الحسن

سلامتك يابا من الم الحزام النارى
انا سامعبو مو ودناس ومقطوع طارى
لى حك الجلد تشتاق وتانى تبارى
هن كم يوم صبر وتلقى الحزام مضارى

من ودالمامور

الف سلامه ليكْ وَجَعْ الحِزَامْ النَارِى
ماتِسْتَاهَلْ اِنْتَ تَضُوقْ أَلَمْ يَاجَارى
الْمُؤْمِنْ مُصَابْ لكن مصيِبْتَكْ عَارِى
يِشْفِيِكْ الالَه شَافِى المريِضْ البَارِئ
ودالمامور


من محمد الامين محمد الحسن لاحمد المك

ليك حسنه واجر الم الحزام معدود
ونحنا حزامنا فوق عشرين سنه مشدود
رحيق الوردى ملحوق تانى يرجع يعود
وتلبس وتنقشر تمرق وشايل العود


من ودالمامور لاحمد المك

بَرِيَّه مِنْ الْمَرَضْ الْسَابَكْ اِتْ مَهْدُودْ
بُكْرَه تَقُومْ مُعَافَى نَشُمْ رَحِيِقْ وُورُوُدْ
وتْعُودْ لىْ الْمَسَارحْ وللموسيقى تْقُودْ
الْجَنَا خَالْ.. وخَالَكْ كَانْ أَمِيِرْ الْعُودْ
ودالمامور


من الشاعر محمد الامين محمد الحسن لودالمامور

قالو الحاله كيف ؟ قال ليهو نص فى الميه
والمره والعيال؟راقدين ملاريا ستيه
وت خبرك شنو؟خبر العليهو جنيه
على عجل الحديد وانسرقت الماهيه
من ودالمامور للشاعر محمد الامين محمد الحسن

قَالُّو الحَالَه كيف؟قَالْ ليهُو قَاسْيَه عَلَيَّا
الْمَرَه والعِيَالْ؟ نَفْسَ المُصِيِبَه البَيَّا
وِتْ خَبَرَكْ شِنُو؟ مِنْ مُدَّه فِى الْظَبْطِيَّه
( لىْ حِيِنْ السَدَادْ ) مَاسْكِنِّىْ بَسْ فِى مِيَّه
ودالمامور


من الشاعر محمد الامين محمد الحسن لودالمامور

البصل اللمس هامل رخيس شايفنو
رجع الليله لى حالو وغباهو وجنو
ديل اللشتروا بالهمله كترو منو
دسو وخزنو ومرقوهو قالب فنو


من ودالمامور للشاعر محمد الامين محمد الحسن

شِنْ طَعَمْ البَصَلْ الزيِتُو مَالاَقِنُّو
مَلُو بيهُو المَخَازِنْ وقَالُو حَبَّه يِصِنُّو
اِتْرَفَعْ السِعِرْ.. والدَوْلَه تَسْكُتْ عَنُّو
لاَ تْحَارْبَ الجَشَعْ؟؟ لاَ تْشِيِلْ جَمَارِكْ مِنُّو

ودالمامور


من الشاعر محمد الامين محمد الحسن لود المامور

البندوره والباميه البقت تدلع
الزيت واللحم النارو قامت ولع
الصبر العلى الصابرين كمل واتشلع
والكرم البلاقى الضيف غتس ماقلع

من ودالمامور للشاعر محمد الامين محمد الحسن

مِنْ لُوكْ الصَبُرْ جَاهِلْنَا شَيَّبْ وْصَلَّعْ
النَارْ والْغَلاء حَرَقْ المَواهِى وْبَلَّعْ
والتَاجْرَ الْبِخَزِّنْ مَصَّ زيتْنَا وْطَلَّعْ
مَعْزُورْ الْمَرَقْ عَرْيَانْ وُطَقَّعْ وُفَلَّعْ

ودالمامور


من الشاعر محمد الامين محمد الحسن لودالمامور

البى جنيه صبح بى عشره فى يومين
والبى عشره فات الميه حاضره ودين
يااهل الحكم نحنا بنجيب من وين؟
ومن سيد البقاله بقينا خجلانين


من ودالمامور للشاعر محمد الامين محمد الحسن
عَشَرَه جنيه أَمِسْ جَابُوهَا ليمونْتينْ
خَمْسَه جنيه رَغِيِفْ مَايِمْلُو حَتَّى العينْ
بالجُوعْ والغَلاء قَرَّبْنَا نَاكْلَ الطِيِنْ
تَخَيَّلْ نَاسْنَا ديلْ لَوْ غَفْلَه حَكَمُو الصين
ودالمامور

من الشاعر محمد الامين محمد الحسن لودالمامور

قال ناكل سمك بالصاج ومن عوضيه
قالو طلب فى محلو بالماهيه
قالو خلاص نشوف جيهة محل الشيه
قالو اخير قبيل..هى دى للوحم ملقيه
قالو نقوم نكوس كبد المسارى النيه
قالو وحات ابوى درب العبيد ود ريا
ياخى الفول ده مالو اب قدرتن متكيه

من ودالمامور للشاعر محمد الامين محمد الحسن

مُتْفَايِلْ أَخُوىْ والنَاسْ نِسُوهَا الشَيَّه
ثَوْرَاتْ الجِيَاعْ حَرَقَتْ مَحَلْ
عَوضِيَّه
لاَكُوهُو الْصَبُرْ رَبَ الضِعَافْ يِرْخِيِه
أَوْ بِىْ (كُنْ ) هُوْ قَادِرْ كَالْسِحَابْ يِطْوِيَه

ودالمامور
من الشاعر محمد الامين محمد الحسن لودالمامور

ترى حالنا انكشف وبقينا للناس ايه
خلى التنكشف اجسامنا نمشى عرايا
نمرق فى تظاهره كل زول فى ملايه
نبكى وننعرط عووووك ياجماعه كفايه
من ودالمامور للشاعر محمد الامين محمد الحسن

الْحَالْ اِنْكَشَفْ والْهِجْرَه صِبْحَتْ غَايَه
الْحَالْ الْبِقَى مَقْدُورْ وُكَعَبَه الْجَايَه
لاَ ووووبْ حَنَنَتْ حُكَّامْ ..وُرَفْعَ الرَايَّه
شَبَابْنَا الجَاىِّ بِقْدَرْ .. غَايْتُو نِحنَا كِفَايَه
ودالمامور



من الشاعر محمد الامين محمد الحسن
لودالمامور






فى جيهة جوبا قلبو انقسط بالُوعَه


من حس الرصاص والناس تَجِرْ مفزوعه


سأل تمساح مُقِيِمْ مالا الحراب مرفوعه


ديل سلفا ومشار بينن فتن مزروعه





من ودالمامور للشاعر محمد الامين محمد
الحسن






عَمَلُوا الاِنْفِصَالْ كَانْ اِنْتِخَابْ بالطُوعَه


وَجَعْنَا الاِحْتِرَابْ أَنَّ المَرَضْ والْجُوعَه


ليه جَابُو السِلاَحْ ..تَمَنْ الْطِلَقْ
مَدْفُوعَه



(ياسِلْفَا
ومَشَارْ) الاَفْ حَرَامْ مَصْرُوعَه



ودالمامور








من الشاعر محمد الامين محمد الحسن لود
المامور






أخدلو ترسيه ووقفه التقول ندمان


بقت الرجعه حاره وقلبو زاد ضربان


لولح راسو شق الموج وصل ملكان


لقى شلكه ونويره الماتو موت الضان





من ودالمامور للشاعر محمد الامين محمد
الحسن






(ياسلفا ومشار) الموتْ عليكُمْ هَانْ


كِتَالاً فُوقْ بَعَضْ .. مَاعْرِفْنَا
يَاتُو الخَانْ؟



كَمْلتُوا الشُعُوبْ.. يَاتُوا
البِتَحْكُوا نَانْ؟



مَاتَجُوا انتُو تانِى .. نَوَحِّدْ
السودان






ودالمامور

شارك هذه المشاركة


الرابط الخاص بالمشاركة
مشاركة المحتوى على مواقع أخرى

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .


سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.


سجل دخولك الان