• Announcements

    • Gamiela

      ضيوفنا الكرام   06/21/2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/
Sign in to follow this  
Followers 0
woodi

رسالة الى أمي جميلة

3 posts in this topic

أمي العزيزة ..

لقيت الناس بيقيسوها بشهاداتها . قلت النضرب عباب اليم و ابقى زول يرفع راسك .. غتست شديد في بحر الخواجة و قلت الليلة يا أنا يا موجك العالي يا ود جون .. و ابشرك, الخواجة لقاني زول صبور قام فرد لي العلم ألوان و أداني حترب كتاب كان جادعه في المخزن , لكين لأنه لقاني خريج محرابك القدسي سقاني حروف العلم بالكاس.

قضيت سنيني براي ..كان زمهرير و كان قلاية زي جبل أحد الواقف لما الخلق خلوه و جروا منه للغنايم , يوم نفخني البرد اتزكرتك و حسيت الدفى و لمن الحر و الرماضة حرقوني وصاياك لي هبن نسيم بارد. شقاي أصلي ما شكيته غير للمولى ولا يوم قلت لزول انا الليلة ما اتغديت ولا يوم عشا الجيران طرق بابي . و صاحبي الوحيد بقى كتاب عيان غلافه مقطوع و رايحات منه كم صفحة في علم الغيب ,انا و هو كنا أعمى و مكسر هو يقودني و أنا أسوقه من محاضرة لمحاضرة , مش انتي زمان علمتيني ما أجفى البيعلمني ؟ انا أبيت أنزل كلمتك اXXX !

فاتن فينا كم رمضان و براك عارفة شهر الصوم هو الديمة حاسب لي السنوات, من يومه جدول العم سام داك بيودر لي العدد . المهم بعد ستة رمضانات بقيت أكتب الروشتة براي و اعالج الخواجة زاتو و كتابه المشلول سندت بيهو الباب ,و بقيت مشهور و اسمي كتبوا قدامه الدكتور .. و برضو أبيت أرجع ! لقيت Dr شوية عليك و قلت أعلي قيمتك أكتر مع انه حدود السما عليك شوية يا أمي .

أها بعد رمضان السابع بقيت جراح أغبي الناس و أجيبهم مارقين من جحر المرض الخبيث باذن رب القدرة . قبل العملية كلمة بسم الله العلمتيني ليها زمان قبل تاكليني لقيمات المدرسة اصلو ما نسيتها , وعلمتها للممرضات المعاي الما بيعرفوا الله و يوم سرحت في ذكراك و نسيتها زكروني ليها و في سري قعدت ادعي ليك بالخير يالعلمتيني خير الدنيا.

هسي رجعت للحلة تاني و جبت معاي كتابي المقطع عازمه عندي فطور رمضان , هو زمان كان بيأكلني في ليالي الجوع , ابيت اخلي ليهو في رقبتي أي دين, لكن ما لقيتك و أبيت اسأل مالك في راس الشارع ما رجيتيني ! مع اني كنت متأمل ريحة قميصي براها بتجيبك.

 

ابنك

Woodi

Share this post


Link to post
Share on other sites

جيدا جيت ولدي الحنين ... بقيت جراح ... مبروك علي الجراحة ولدي ... من يومك تداوي بكلمتك واسة كمان ربنا جعل ليك تداوي بعلمك ... يعلم الله فرحت بيك في ايام ما فيها فرحة ... رفعت راسنا يا دكتور ... وان شاءالله ابد ما تفارق احضان اهلك وحبانك

Share this post


Link to post
Share on other sites

قام دكتوري الزمان اداني الكتاب داك مات!! بعد ورثني الكتاب السندت بيهو الباب . هو مات و الباب زاته مات و هجرته لبابا تاني في حلة اليزابيث الوارثة من غردون كدوسه... لكن شلت الكتاب معاي . انتي مش علمتيني البينسى قديمه ضل؟ قلت ان كبرت مهما كبرت ما بفوت الباب ! اتخيلي رجعت ليهو بلد البرد و فطيت لي كم يوم دفء في بيت الملكة , و العيانين و الدكاترة أبات الأضنين الزرق بيغتوا لبعض...

المهم مشيت, و حات أمومتك شلت الكتاب داك معاي ختيته فوق مثواه الأخير,,,,,,,,,,انتي قايلة بناته ما بكن ؟!

 

قلت ليهن في دارنا حتة ولدوني و وشوشني العبير بيقولوا الكريم ان خدمته ملكته... و ان بقيت المستشار الجراح ما بنسى تيرابي ولا بنسى أمي ...

 

و انتي براك عارفة وكت سيرتك يجيبوها !! بعد قشيت عبرتهن اتذكرتك و جريت بيجاي جاري... ان شاء الله طيبة ؟

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!


Register a new account

Sign in

Already have an account? Sign in here.


Sign In Now
Sign in to follow this  
Followers 0