• إعلانات المنتدى

    • Gamiela

      ضيوفنا الكرام   21 يون, 2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/
Dr: Milani

"سنتين غِياب"

عدد ردود الموضوع : 5

سنتين غياب

 

يا روح قليبي


و فرحتُه..

 

لليلي غايبة بسمتُه..

و أنا و الدليب


"طيرنا المهاجر"


"من بعيد فوق الغمام"


راجين كمان لي أوبتُه..


قالولي راح


تِحتَ التراب


و أنا وا شريري


وقف هناك


مُستني يا "أول غرام"


لي رجعتُه..


"صُدفة" القبيل


لمتني فيك


يا "نسمة"


من "شعبًا تسامى"


و رقتُه ..


أنا يا "هدية" من الشمال


ل"وطنّا"


لسة على أمل


لي "أسعد الأيام"


تزيح "حزناً قديم"


طالت "أماسي غربتُه" ..


سنتين غياب


وا حرّي يا "حُزن الجروف"


كيِفن "بسيماتِك" يَجَن


بعد الفُراق و لوعتُه ..


أحيّ من "قطر الندى"


المِفارق "حدق العيون"


من غير يفسر غيبتُه ..


و الله "حبيناك من قلوبنا"


يا "الحِبَيّب"


يا المشيت سافَر بعيد


شايل معاك


"حنيّة" "وطني"


و بهجتُه ..


سنتين غياب ..


خليتني كيِفن


من غير وصيّة


يا "أعز الناس"


عليّ ..


قولة "أقابلِك" حتى


ما رسلتها ليّ ..


أنا يا "أمير الحُسنِ"


وِكتينَ "الدموع دايماً"


ما فارقوا لي عينيّ

 

أصرُخ "يا بلد رايح"


"من غير ميعاد"


"حبيبَ القلب"


غايب عن عُيوني


و عن إيديّ ..


أحيّ "يا ثوار أكتوبر"


راح اللي ما نِسى


يحكي ليكم

و يحكي ليّ ..


عن "راية أكتوبر"


يوم "أصبح الصبح"


الفتيّ ..


"جمالَ الدُنيا"


خِرب وراك


"بسمة الزنبق"


راحت معاك


"مسافة السكة"


تِعبَت بلاك


يا "نور العين"


يوم "قِسى قلبَك عليَ" ..


و خليتني براي


مافي حُضناً


دافي ليّ ..

 

زي "سوات العاصفة

 

بي ساق الشتيل النيّ"..


أحيّ "يا المبارَك شيخَ الظَهَر"


ناداك


و ماناديت عليّ ..


"بعد إيه"


يا "زمن الغُربة و الإرتحال"

 

جيت

 

تداوي جروحي كيّ ..


أنا يا "فرحة"


غابَت


"بيني بينك و الأيام"


حكاية


حُب وردي


حُزن وردي


جُرح وردي


لا بقيت من بعده

عايشة


لا وجودي صِبِحلو


معنى


بعدِ ما "دارت الأيام"

وشيها عن وشيّ ..


سنتين غياب ..


و أنا في إنتظارَك

 

يا "نهر العسل"

أكان يوماً جميل


بي "يقظة شعب"


ما "قدام بندقيّة"


نحكي "قصة حُب"


"وردة صبيّة"


لا هي شافت


ليل قيود ..


لا خطر بي بالها

عسكر لا حدود ..


كُل مُناها


"زفة عروس"


"شمس الشموس"


تضاهي حُسن

"عصفورة"


حامت


بين نخيل "عبري و واو"


قبل يوم تُبنى السدود ..


سنتين غياب ..


و أنا ياني ذاتي


الإفتقدتَك من زمن

"عُرس الفدا" ..


أبكي و أنوح


راجيالي كم و كم


"عريساً للحمى" ..


"وا أسفايَ"


يا حِليلَك


و إنتَ مافي


ماكا جافي


حتى في الأحلام


تجيني

عشان تقوللي


"يا راجياني"


"وسط الدايرة"

إنتِ

أبقي دايماً


زي ما كُنتِ


"صباحِك نور"


تغنيلي


و تصبرني


"حنبنيهو"


و بجي اليوم الصباحاتو


"سنبلاية"

 

زيك إنتِ ..


سنتين غياب ..

و ياني ياني


شايلالَك "الود"


و حافظة دوام


لي سِكتُه ..

و ما بيجي


يوماً من غير تمُر


كلُّ ثانية


بَي صورتُه ..

هيبة و جلال


صوتَ الوتر


طنبورنا داك

جاني قايل


"بناديها"


يا "جميلة و مستحيلة"


أبقي إنتِ


علي "الوصيّة"


أبقي "يا أول غرام"

من غير "سؤال"


بي كُل "سلامة نيّة"


و أنا الرديتلو


وا شرّي


ده "المستحيل"


أكان يوم يجي


و أنسى

 

أكان يخون القليب


"لو بهمسة"


يا روحي "سافر بالسلامة"


و يوماً قريب


ماهو البعيد


بلقاك أنا

و أحكيلَك

 

عن "السنين الفاتوا من عمر الهوى"


جوّة


"فؤادي الحِنّين"


الما جفى


يا إنتَ يا كُل الجمال


يا إنتَ يا كُلّ المُنى

و أرجع أقول


سنتين غياب


يا روح قليبي و فرحتُه


لليلي غايبة بسمتُه ..

 

 

ميلاني

18 فبراير 2014

شارك هذه المشاركة


الرابط الخاص بالمشاركة
مشاركة المحتوى على مواقع أخرى

ياأعز الناس حليلك وأنت حاضن العود تغني

وقلبى سارح فى الغناوى الطالعة منك وشايلة منى

 

 

 

جميل يادكتورة الق المفردات وجزيل التعبير واستدعاء الاغانى

 

 

 

 

 

 

تحياتى

شارك هذه المشاركة


الرابط الخاص بالمشاركة
مشاركة المحتوى على مواقع أخرى

ياأعز الناس حليلك وأنت حاضن العود تغني

وقلبى سارح فى الغناوى الطالعة منك وشايلة منى

 

 

 

جميل يادكتورة الق المفردات وجزيل التعبير واستدعاء الاغانى

 

 

 

 

 

 

تحياتى

 

سيّدي العزيز ..

 

أشكر تفضلك بالمرور على سُرادق حُزني .. و ما أنعمته عليّ من مواساة ..

 

 

تحيّاتي الورديّة ..

شارك هذه المشاركة


الرابط الخاص بالمشاركة
مشاركة المحتوى على مواقع أخرى

شكراً جزيلاً على المفردات الجميلة يادكتورة لكن الليل أطبق والصبح لم يصبح وسكتت شهرزاد عن الكلام ولم تفصح

شارك هذه المشاركة


الرابط الخاص بالمشاركة
مشاركة المحتوى على مواقع أخرى

شكراً جزيلاً على المفردات الجميلة يادكتورة لكن الليل أطبق والصبح لم يصبح وسكتت شهرزاد عن الكلام ولم تفصح

 

مرحبا بك ..

 

و شكرا على مرورك و كلماتك..

 

 

تحيّاتي ..

شارك هذه المشاركة


الرابط الخاص بالمشاركة
مشاركة المحتوى على مواقع أخرى

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .


سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.


سجل دخولك الان