• إعلانات المنتدى

    • Gamiela

      ضيوفنا الكرام   21 يون, 2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/
tallalfaisal

قصيدة "لهفة و أمل "

عدد ردود الموضوع : 3

محاولة منى عسى ان تكون جيدة

لهفة و أمل

مُستني عودتَك يا زمن

 

وِكتين رياح الليل تداعِب فى الخُصَل

مُستني عودتَك

 

والنُجوم بتضوي لى زولاً ضِهِب

 

كاس الدَرِب داير يَصَل

 

و الناس بتسأل عن زمان تاه واختفى

 

فى عَتمة الليل البهيم

 

إيه الحَصَل .. ؟

 

كان الجواب

 

مخطوط سراب شايله الظروف

 

من دون حُروف

 

من دون جُمَل

 

و بقيت وحيد

 

مُتوسد الليل والسُكون راجى القطار

 

رغم المطر

وسط الرياح

 

عزّ البرد

 

دافيانى بس جمرات لهيب الانتظار ..

 

مُستني عودتَك يا زمن بى كل ترقُب وانتباه

 

خايفَك تجي

 

و تمشى و تفوت

 

من غير حوار

 

راجيكَ بي لهفة وأمل إمكن تَحِن

 

و تمسح دموعى البللّت

 

قُضبان مسارَك وفينى

تقتل أي نار ..

 

 

إلا الزمن قاسى وعنيد

 

فى حُكمو لي

 

سافر بعيد

 

من غير وداع

 

من غير دموع فى رحلتو

 

وأنا راجي بي لهفة وأمل

 

عطف الزمن

 

لى فى اللُقا و فى أوبتو

 

جانى الكنار

 

خلّى الصُدُوح

 

مُترقب الزمن الرحل

 

قاعد معايَ على الرصيف

 

حزنان يغالب دمعتو

 

خلِّي الجفا و طول الغياب بس يا زمن

 

و أرجع تعال شوف المكان

 

كيفِن وحيد فى غربتو ..

 

 

كُلّ الحصل

 

إنو الزمن رفض الرُضُوخ لي مُنيتي

و أدمن معاي قصص الأسى

 

و عمق الجِراح

 

حتى الصدى المنو

 

من جُوّاى نَزَح

 

من باحة النَفِس المُوشحَة بالأمانى

 

و مني راح

 

و فضلتَ مُستني العشم

 

قاعد هناك على الرصيف

 

أفَلَ النَجِم

 

رَحَلَ الكنار

 

و اتمددّت شَمس الصباح

 

ورجعتَ شايل للعشم

 

امكن يحِن

 

و يعوض الفات و اندثر

 

و يطلب يقول دايرَ السَماح

 

 

 

 

محاولة شعرية

طلال 1997

شارك هذه المشاركة


الرابط الخاص بالمشاركة
مشاركة المحتوى على مواقع أخرى

سيّدي العزيز ..

 

إن كانت هذه القصيدة "محاولة" فكيف بما سيأتي؟ ..

 

إننّي أتطلعُ للتمتع بالمزيد .. عاجلاً ..

 

تحيّاتي ..

شارك هذه المشاركة


الرابط الخاص بالمشاركة
مشاركة المحتوى على مواقع أخرى

تحياتى دكتورة

وشكرا جميلاً على المرور

شارك هذه المشاركة


الرابط الخاص بالمشاركة
مشاركة المحتوى على مواقع أخرى

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .


سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.


سجل دخولك الان