• Announcements

    • Gamiela

      ضيوفنا الكرام   06/21/2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/
Sign in to follow this  
Followers 0
محمد عوض السيد

عبد اللطيف احمد ادريس " يا ذا القدر رفقاً " اوركسترا

8 posts in this topic

كلمات : محمد البشير عتيق

الحان وغناء : عبدالحميد يوسف

اداء : عبداللطيف احمد ادريس

..

الاغنية لعمنا النصري
ورايك في التسجيل شنو مقارنة مع تسجيلك لاغنية سحر الحب :D

..

يا ذا القدر رفقا.mp3

Share this post


Link to post
Share on other sites

مولانا
جزيل الشكر والهدية مقبولة ونطمع في المزيد , تسجيل جيد ونقي
وشكرا مرة ثانية لأهتمامك بالتوثيق للفنان عبد اللطيف احمد ادريس
وهو فنان متمكن ومن الجيل الاول لرواد الاغنية ولكن الكثيرين لا يعرفونه

لان أغانيه لاتبث من الأذاعة منذ فترة طويلة

وغايتو جدت بى الكثير من الدرر :rolleyes: وطبعا أنت غواص ماهر في صيدها
فتش جماعة باب شريف وبني مالك .

Share this post


Link to post
Share on other sites

تسلم كتيرعمنا النصري

الاغنية دي سجلتها من برنامج زمان النغم باذاعة البيت السوداني

وموعود بي كاسيت للفنان عبداللطيف كان يصدق في وعده بتاع الاستريو غايتو

وياريت كمان تدينا من جراب الحاوي بتاعك :rolleyes:

مع ودي
واحترامي

Share this post


Link to post
Share on other sites

لك التحايا والتقدير يامولانا على المجهود المقدر ياريت نبذة تعريفية عن الفنان عبد اللطيف احمد ادريس والفترة الزمنية الغنا فيها

انا من المتابعين جدا جدا للاغنية السودانية واول مرة استمع للمطرب الجميل عبداللطيف مع انو من الرواد

عليك الله يامولانا بتجيب الكنوز دى من وين وياريت فى مطربين جميلين منسين نسمع ليهم تسجيلات فى المكتبة

امثال الصديق الاستاذ خالد محمد احمد وهو من اربجى ومقيم الان بالسودان بقرية السريحة وهو اكتر فنان غنى للشاعر عبدالرحمن الريح

وله تسجيلات عديدة بالاذاعة السودانية اذكر منها حبيت ملاك من حبى ليك اهديت الروح فداك-احبك الغرام قسمة- يامدلل سيب دلالك دة

اكرر لك شكرى وامتنانى يادفعة على المجهود الرائع فى توثيق الاغنية السودانية حفظك الله ومتعك بالصحة والعافية

ودى وامتنانى

النذير السر

Share this post


Link to post
Share on other sites

تسلم اخي النذير السر

استمعت منذ فترة طويلة للفنان خالد محمد احمد بقرية اربجي زاتها ولم اكن اعرفه حقيقة الي ان قام بتنبيهي احد الاصدقاء
ولكن صاحب الكاسيت لم يدعني اخذه ولو ليوم لاقوم بنسخه منه ..

ولم احظي الي تاريخ اليوم بالعثور علي اي تسجيل له
ولكن حتماً الاذاعة سوف تبث ليه بعض الاغاني وساكون لها بالمرصاد ..

واظنه يقيم في قرية مركركا قرب ابوقوته

واما عن السيرة الذاتية سوف اجتهد فيها قريباً ان شاءالله
وبرضو عمك النصري وبقية كوامر المنتدي مابقصروا :D


مع ودي
واحترامي

Share this post


Link to post
Share on other sites

عبد اللطيف احمد ادريس من جيل المبدعين من أبناء توتي وشمبات الهجرة قدم الكثير من الاغاني الجميلة متعه الله بالصحة والعافية

Share this post


Link to post
Share on other sites

تسلم اخي ودنقد

وليته كان عندك المزيد من سيرة الفنان عبدللطيف احمد ادريس ؟


مع ودي
واحترامي

Share this post


Link to post
Share on other sites

الاسم: عبد اللطيف احمد ادريس الداير (الراوي)

تاريخ ومكان الميلاد: خمسينيات القرن الماضي – جزيرة توتي
الحالة الاجتماعية: متزوج وله خمسة ابناء
رقم الهاتف: 012884086

المراحل الدراسية:
خلوة الفكي محي الدين بجزيرة توتي
الكُتاب – مدرسة شمبات الغربية

المهنة:
فني برادة و مدرب في معهد القرش الصناعي – امدرمان، والآن يقوم بالنشاط الطلابي

الموهبة:
ظهرت موهبته في المدارس الاولية حيث قام بتلحين الاناشيد وترديدها في ذلك الوقت، وقد شجعه والده على الغناء، وقد كان معجبا بالفنان/ التوم حسن والفنان/ رمضان حسن والفنان/ محمد عثمان وردي وفناني الحقيبة واولاد شمبات واولاد الموردة والحقيبة عامة.
وقد كشف موهبته الفريق الفنان/ جعفر فضل المولى التوم وذلك عندما كان يغني في حلة حمد ببحري وهو الذي مهد له طريق الاذاعة السودانية، والتي كان مديرها انذاك الاستاذ/ خاطر ابوبكر ونائبه محمد صالح فهمي وكان ذلك عام 1963، وقد عرفه الفريق الشاعر الفنان/ جعفر فضل المولى بالملحن القدير السني الضوي، وكذلك الاستاذ علاء الدين حمزة والملحن ابن شمبات عبدالعزيز عبدالله الامين والملحن سيف عبدالقادر.

وقد تغنى الفنان لكل من الشاعر والفنان/ عبدالرحمن الريح والشاعر/ اسماعيل حسن والشاعر سيف الدسوقي والشاعر/ مبارك المغربي و الشاعرالكبير/ محمد بشير عتيق و الشاعر مصطفى/ بطران والشاعر/ احمد محمد الشيخ الجاغريو والشاعر/ محجوب سراج والشاعر/ محمد دسوقي ابراهيم ومن شعراء توتي بر محمد نور في اغنية سجع الحمام والامين احمد عبدالرحيم (بريد الشوق).

الاغاني المسجلة بالاذاعة:
أحد عشر اغنية:
أحلى شباب – لمحجوب سراج – تلحين السني الضوي
شاغل فكري حبك – عتيق 
ميل وعرض للشاعر خليل فرح
ليل السعادة لبطران – مثال على ذلك كلمة وداع للشاعر عبد القيوم ابراهيم مالك
وتوقفت مسيرته الغنائية بسبب الاغتراب بالمملكة العربية السعودية وعندما عاد من الغربة وجد ان الاحوال قد تغيرت ووجد التجاهل من اجهزة الاعلام.. ولديه الان اعمال جديدة من كلمات والحان في طريقها الى اجهزة الاعلام.
وهو عضو في اتحاد الفنانين السودانيين.
منقول من الفيس بوك

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!


Register a new account

Sign in

Already have an account? Sign in here.


Sign In Now
Sign in to follow this  
Followers 0