• إعلانات المنتدى

    • Gamiela

      ضيوفنا الكرام   21 يون, 2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/
بابكر الصادق يوسف

أبوعركي البخيت وضًاح المُحيًا تسجيل منصفون

عدد ردود الموضوع : 4

مناسبة أغنية الجميل السادة حسب رواية إبن شاعرالأغنية أسامة عوض جبريل :

* ما هي مناسبة أغنية «الجميل السادة»؟

ـ يوم جاي من الشغل في الحارة الرابعة لمح حسناء قال ليها سلام، لانو كان ما لابس نظيف ما ردت عليه، قام كتب الاغنية دي لابوعركي البخيت.

«الجميل السادة وضاح المحيا، التفت يوم شفته، ما قبلان تحية.. من دلالو ولا مالو» ومن الطرائف أن صديقه ابو قطاطي قال ليه «مالو؟.. انت ما عارف مالو؟ اتخيل الحبيب يلتفت ويلقاك في وشو عاوز يرد ليك التحية؟». ويوم شاف الراحل ثوب واحدة في حي العمدة فكتب: شفت التوب وما لاقاني اجمل منو.. دا حالتو التوب سيد التوب يكون كيفنو» برضو لابوعركي البخيت.

 

@ الجميل السادة @:كلمات عوض جبريل

 

الجميل السادة

وضاح المحيا

التفت يوم شفتو

ماقبلان تحية

من دلالو ولا مالو

خلا نيران قلبى حيه

ابتسامة الزول بتنبع من شعورو

كيف تزعل لو تعبر عن سرورو

والبقابلك بيتسم ليك من ضميرو

لو سمحت تجاملو بمجرد تحية

كان أملى تفرحنى منك ابتسامة

وابتسامتك حلوة بتزيدك وسامة

العيون تتلاقى ويتم انسجامها

وكل واحد بيحلم بلحظات هنيه

وضًاح المُحيًا أبوعركي البخيت.mp3

شارك هذه المشاركة


الرابط الخاص بالمشاركة
مشاركة المحتوى على مواقع أخرى

العيون تتلاقى و يتم إنسجامها ...

 

 

ياخى والله ابوعركى ده خساره فينا ...

 

تسجيلك مدرسة ...بس ما بقدر انت عارف ... :)

وضًاح المُحيًا أبوعركي البخيت.mp3

شارك هذه المشاركة


الرابط الخاص بالمشاركة
مشاركة المحتوى على مواقع أخرى

سعيد بمرورك وبتعديلاتك يا أستاذنا قباني؛الله يعدله عليك وين ماقبلته...

شارك هذه المشاركة


الرابط الخاص بالمشاركة
مشاركة المحتوى على مواقع أخرى

ذكر لي الصديق الراحل عوض جبريل وكنا نمر بجوار إحدى المنازل بمدينة أم درمان إن هذا المنزل هو المنزل الذي كانت تسكنه ملهمة (الجميل السادة وضاح المحيا) فسألته هل لا تزال تسكن هنا؟ فأجابني أنه علم أنها قد أحرقت نفسها وانتحرت.. رحم الله مبدعنا المميز الأستاذ عوض جبريل وأسكنه فسيح جناته..

شارك هذه المشاركة


الرابط الخاص بالمشاركة
مشاركة المحتوى على مواقع أخرى

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .


سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.


سجل دخولك الان