• إعلانات المنتدى

    • Gamiela

      ضيوفنا الكرام   21 يون, 2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/
عبد المنعم عثمان خليفة

الأستاذ بهاء الدين في حفل ذكرى مصطفى سيدأحمد "أبوظبي"

عدد ردود الموضوع : 16

اقامت الجالية السودانية بالإمارات في النادي الإجتماعي الثقافي السوداني بأبوظبي حفل ذكرى "15" للراحل المقيم مصطفى سيد أحمد وقد تغنى ا|لأستاذ بهاء الدين سليمان في الحفل بعدد من أغاني مصطفى وقد اثبت الرائع بهاء الدين بأنه يمتلك صوتا هو الأكثر تطابقا لصوت الراحل ويستطع اداء اغاني مصطفى بكل اتقان وروعة دون تكلف او إجهاد وكان حضورا في الحفل الأستاذ الشاعر صلاح الدين حاج سعيد والأستاذ الشاعر د. عز الدين هلالي لا يفوتني ان اتقدم بالشكر للجنة المنظمة لهذه الإحتفالية والمتمثلة الدكتور إسماعيل الفحيل و الدكتور عز الدين هلالي والأستاذ آدم موسى والأستاذ سيداحمد العراقي والأستاذ سامي طه والأستاذ السر احمد علي والأستاذ محمد المهدي عبد الوهاب والذين ساهموا بمالهم ووقتهم الغالي في سبيل احياء هذه الليلة وكذلك الشكر موصول لأعضاء الفرقة الموسيقة بقيادة الأستاذ بهاء الدين سليمان وقد ظل هؤولاء لأكثر من ثلاثة اشهر وهم يتمرونون على أداء أغاني مصطفى سيد احمد بكل محبة وتعاون فالتحية لهم جميعا كما الشكر موصول للسيد عيسى آدم رئيس الجالية السودانية بالإمارات لما قدمه من عون ومساندة

 

الأغنية الأولى "يا مطر عز الحريق"

Ya Ma6r Ezal7reeg.wmv

شارك هذه المشاركة


الرابط الخاص بالمشاركة
مشاركة المحتوى على مواقع أخرى

يا سلام على روعتك وابداعك يا أستاذ بهاء.

 

أدائك الجميل وحضورك المسرحى أدو الى التجاوب الجميل من الحضور

 

ربنا اديك ألف عافية ويمتعك ويمتع العزيز منعم كما متعتونا

 

والشكر موصول لكل من ساهم فى اقامة وانجاح هذا الحفل

شارك هذه المشاركة


الرابط الخاص بالمشاركة
مشاركة المحتوى على مواقع أخرى

روعة ومجهود واضح في التنظيم بقدر اهمية الحدث .... روعة في الاداء من الصديق العزيز بهاء الدين سليمان .. ودي غير مستغربة طبعا ... فهو بحق يجيد اغاني الراحل مصطفي ... تسجيل واضح وجودة عالية... التحية للجالية السودانية بالامارات .. والتحية للجنة المنظمة وجالية ابوظبي المستضيفة...والتحية لمنعم الذي رصد وسجل .

والتحية الخاصة جدا لبهاء ...وفخر لنا ان يكون فنان مرهف مثلك واحد منا اهل المكتبة...اطربتني الاغنية واسعدتني وشوقتني للقادم .. يا منعم وووووين الباقي .. الحقنا بالتسجيل الكامل .

شارك هذه المشاركة


الرابط الخاص بالمشاركة
مشاركة المحتوى على مواقع أخرى

الأغنية الثانية

 

كل ما تباعد بينا عوارض كل ما هواك يا طيبة مكنِّى

Tayba.wmv

شارك هذه المشاركة


الرابط الخاص بالمشاركة
مشاركة المحتوى على مواقع أخرى

الأخ ماجد مبارك ... تسلم كتير على الاشادة ... ليتنى أستطيع دوما أن أقدم ما يليق بصورة مصطفى وفى نفس الوقت أريد أن أبحث عن بهاء الدين ... انه مدرسة نتعلم منها الكثير الكثير وستظل مدرسته باقية يتناولها جيل بعد جيل ... كيف لا وهو قد عاش من أجلهم ومات من أجلهم

 

 

 

 

الأخت جميلة ... سلامات ومشتاقين ...

دائما ما تقفين معى بكل صدق وتتمنين الخير لى ... تحياتى للسبلوقة

 

 

 

الأخ عبد المنعم ( الهندسة العليا )

 

الشكر كل الشكر على الاهتمام والمتابعة ... مجهود جبار ... جودة عالية ... توثيق معتبر ... الا أنك صاحب البيت ... أشكر لك وقوفك معى ومع الفرقة

شارك هذه المشاركة


الرابط الخاص بالمشاركة
مشاركة المحتوى على مواقع أخرى

الأغنية الثالثة

قمر الزمان

وكتبت ليك لا بيني بينك ريده لا قصة غرام

اخترت ليك اجمل حروف واصدق فواصل نادره في لغة الكلام

لا قصدي الهو معاك بي كلمات غنى

لا حروفي ليك مرجيحه من شعر الغمام

وكتبت ليك والله يا قمر الزمان

شان جيتي بي زمن المحنه

وشفت في عينيك حس اهلي القدام

وكتبت ليك وانا جاي من زمن الشقا

مرسوم على وش الثواني مظللا

تتمدد الساعات سنين

تتفتح الاحزان غريبه ومذهله

واشتاق افتش نسمه في الزمن العذاب

وايامي من كتر الاسى وكتر العزوف والاغتراب

صارت حروف مترهله

كلمات اسيفه ومهمله

وكتبت ليك وكتبت ليك

ووقفت ليك لامن لقيتك جاي في قلب الطريق

ولمحت فيك راحة المشاوير البعيده

ولفحة النسمه الحنينه الجاية من جوف المضيق

حسيت عجايب الدنيا اتلمت

بقت جاياني من عصر سحيق

عينيك حس اطفال بنادو القمره للغايب يعود

وجبينك الضواي حجا حبوبه في الزمن السعيد

يا قمره اقلبي السنسني الحمره شوفي ابوي جا وله ما جا

وانا في قساوه الزمن الموحش المكهرب بالحريق

انا حيلتي ايه انا حيلتي ايه قول لي يا قمر الزمان

غير اتكي واحلم معاك واحضن اماسي الصحو والامل البريق

قولي لي يا قمر الزمان انا حيلتي ايه قولي لي يا قمر الزمان

Gammar Alzamman.wmv

شارك هذه المشاركة


الرابط الخاص بالمشاركة
مشاركة المحتوى على مواقع أخرى

الأغنية الرابعة

حاجة فيك

حاجه فيــــــــــــــــــــــــك للشاعر:: هاشـــــــــــــــــــم صديق

 

 

حاجه فيــــــــــــــــــــــــــــــــــك

تقطع نفس خيل القصائد

تشده اجراس المعابد

توهتني .. تعبتني .. جننتني

جننت حرف الكلام

وبرضو ادتني السلام

 

حاجه في شرف المداين

وفي غرف كل السفاين

جوه في عمق المناجم والعيون

 

حاجه زي ما تكون محلق في العواصف

فجأة تهبط في السكون

حاجة زي نقر الاصابع

لما ترتاح للموسيقي

حاجه زي اخبار تناغم من جريدة

حاجه زي وتر الموانئ

لما يصدح لي سفينة

حاجه فيـــــــــــــك لا بتبتـــــــــــــــــــــدئ

لا بتنتـــــــــــــــــــــــــهي

خلتني ارجع للقلم

واتحدي بالحرف الالم

واضحك مع الزمن العريض

وانسف متاريس الطريق

واعرف متين ابقي المطر

وافهم متين اصبـــــــــــــــح حــــــــــــــــــــــــــــــــــــــــريق

 

وحــــــــــــــــــــــــــــــــاجه فيـــــــــــــــــــــــــــــــــــــــــــــك

 

7ajah Feek.wmv

شارك هذه المشاركة


الرابط الخاص بالمشاركة
مشاركة المحتوى على مواقع أخرى

الأغنية الخامسة

الحزن النبيل

 

الحزن النبيل

وبقيت أغني عليك

غناوي الحسرة والأسف الطويل

وعشان أجيب ليك الفرح

رضيان مشيت للمستحيل

ومعاك لي آخر المدى

فتينى يا هجعة مواعيدي القبيل

بعتيني لي حضن الأسى

وسبتيني للحزن النبيل

ومشيت معاك كل الخطاوى الممكنة

وبقدر عليها وبعرفها

أوفيت وما قصرت في حقك

ولا كان عرفه غيرك أصادفها

وقدر هواك يجيبني ليك

جمع قلوبنا وولفها

وكتين بقيتي معاي في أعماقي

في أعماق مشاعري المرهفة

لا منك ابتدت الظروف

لا بيك انتهت الأماني المترفه

ندمان أنا

ابداً وحاتك

عمري ما شلت الندم

ما اصلو حال الدنيا

تسرق منيه في لحظة عشم

وأنا عندي ليك كان الفرح

رغم احتمالي أساك

يا جرح الألم

كان خوفي منك

جاي من لهفة خطاك

على المواعيد الوهم

اهو نحن في الأخر سوا

باعنا الهوى

ماشين على سكة عدم

 

 

 

Alhozon Alnabeel.wmv

شارك هذه المشاركة


الرابط الخاص بالمشاركة
مشاركة المحتوى على مواقع أخرى

"حاجة فيك" يا بهاء يا متعة

الهندسة العليا منعم، دايما مبدع

وحتى تزيد المتعة، إليكم الملفات الصوتية للأغانى

 

Ya Ma6r Ezal7reeg.mp3

Tayba.mp3

Gammar Alzamman.mp3

Alhozon Alnabeel.mp3

7ajah Feek.mp3

شارك هذه المشاركة


الرابط الخاص بالمشاركة
مشاركة المحتوى على مواقع أخرى

استاذ بها روعة والله واداء عالي تستحق التصفيق وصوت الفنان الراحل المقيم في قلوبنا صوت رنان اول مرة اقدر اسمع اغانيهو عند فنان تاني بهذا المطابقة الفريدة فالتحية لك استاذ بهاء الدين سليمان

والتحية للهندسة العليا الفديو في قمة الروعة كانو كنت قاعد معاكم مشاءالله سلمت يمناك وتحية لاستاذنا دكتور ماجد مبارك علي التحويل السريع

تقبلو مروري

شارك هذه المشاركة


الرابط الخاص بالمشاركة
مشاركة المحتوى على مواقع أخرى

شكرا يا أستذ معاوية على مرورك العطر وقلمك الراقى

تحياتى

شارك هذه المشاركة


الرابط الخاص بالمشاركة
مشاركة المحتوى على مواقع أخرى

الأغنية السادسة

والله نحنّ مع الطيور

والله نحنّ مع الطيور..

 

الما بتعرف ليها خرطة

 

ولا فى إيدا جواز سفر

 

نمشى فى كل المدائن

 

نبنى عشنا بالغناوى

 

.. وننثر الأفراح .. درر

 

والربيع يسكن جوارنا

 

والسنابل تملا دارنا

 

والرياحين .. والمطر

 

*********

 

والحبيبة تغنى لينا

 

لا هموم تسكن دروبنا

 

.. ولا يلاقينا الخطر

 

*********

 

إلاّ باكر يا حليوة

 

لمـّا أولادنا السمر

 

يبقوا أفراحنا البنمسح بيها .. أحزان الزمن

 

نمشى فى كل الدروب الواسعة .. ديك

 

والرواكيب الصغيرة .. تبقى أكبر من مدن

 

إيدى فى إيدك نغنى

 

والله نحنّ .. مع الطيور

 

الما بتعرف ليها خرطة

 

ولا فى إيدا جواز سفر

Al6yoor.wmv

شارك هذه المشاركة


الرابط الخاص بالمشاركة
مشاركة المحتوى على مواقع أخرى

التحيه لكل المبدعين في هذا البوست الانيق بوجودكم قبل ايام شاهدت اعادة للتابين في قناة النيل الازرق وحقيقة استمتعت ايما استمتاع بالاداء الراقي للاستاذ بهاءالدين حقيقة اخي بهاء كان جليا التزامك الموسيقي واحساسك العميق بالكلمات والاروع التزامك الصوتي والحركي الذي ميز الراحل المقيم وزاد الحفل رونقا تفاعل الجمهور الوفي للراحل المقيم والحضور الانيق ايضا لاصدقاء ورفقاء درب الراحل ربنا يديهم العافيه ويديك العافيه علي ما قدمتو يا فنان باشمهندس منعم حقيقه عاجزين عن الشكر وعفوا الرد متاخر لانني شاهدت الحفل قبل ايام

شارك هذه المشاركة


الرابط الخاص بالمشاركة
مشاركة المحتوى على مواقع أخرى

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .


سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.


سجل دخولك الان