• إعلانات المنتدى

    • Gamiela

      ضيوفنا الكرام   21 يون, 2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/

real_madrid_5

عضو موثق
  • مجموع المشاركات

    10
  • تاريخ التسجيل

  • آخر زيارة

نظرة عامة على : real_madrid_5

  • رتــبـة الـعـضـو :
    عضو مشارك
  • تاريـخ الـمـيلاد : 21 ماي, 1987

Profile Information

  • Gender
    Male
  • Location
    Sudan
  1. الدهباية.. كل الود على الدراسة المتكاملة للقامة حميد.. أقف عاجزاً عن التعبير.. تناول في منتهى الجمال.. سرد لا يخلو من المتعة.. لا فض فوك..
  2. مشاوير المحبة كلمات الشاعرعماد الدين إبراهيم ----------------- يا مشاوير المحبة الكلمة تقلت والخطيــــــــوات الندية الغيمة الشالت...دمعة مرة غــــــــرَ قت أناتا أرواحنا الوفية الصدق أصبح في عيون الناس مظنة الصدق أصبح فينا كلمات هامشية والحقيقة بقت مخافة وانزوت في عمق أعماقنا الخفية يا مشاوير ضيعيني جدِدي الذاد للمشاوير الشقية توهي النور و بدِديهو خلي إظلامك يغيب كل لحظة فرحة فيا تبكي إحساسي الحنـيِــــــــن فتِريـني و دردِريـــني وأصلي ليك أنا ماني هيِــــــن كل نهاية تكون بداية كل وجعة تفرهد الإحساس جوايا وابقى عايش للعُوينات الوفية وابقى عايش عمري للصادقيـــن هدية
  3. إنت ياوافي الصفات ياصافي نوم العافي يالقمر المغطي الحلة بي ضيو وسمرنا قوافي يا لحني البديتو معاكي قبلو الدنيا كانت مافي نوم العافي لامن خيل همومي تعدي وتصحي عوافي تلقي الدنيا لسع تدي ما الزمن الجديد الجاي بي طل الأماني مندي والريح المعانده الموجه ما بتقدر تصد مجدافي نوم العافي يا سر الغنا الجواني يامعنى السماح والطيبة والنفس الدوام غنياني ماالأمل الملازم الإلفة لمن تسري في وألحاني والشوق المحدد دربو عازم إنو بكره يوافي إنتي لاقي المعنى قبال الغنيوة تلاقي وفجي النسمة وأنزلي بي طريف الساقي وأوعه تغيري لما تعرفي حتى القيفة من عشاقي لو ما الليلة بكرة بجيكي شايل حلمي فوق أكتافي صحي الماضي والشوق المعاك غنيتو وأحلم هاني بي إنك مناك لقيتو باكر تلقى يازاهي المعاك بديتو وألقاك في عيون الغنوة زي لحن الصباح الدافي
  4. باكر نفتش فيهو رايح زي شليل.. باكر نتبن في الضلام.. كايسنو في الليل الطويل.. *** باكرنا يا رايح تعال يا بكرة طال الإنتظار بالرغم من إنك محال نحن الجبال والإحتمال *** نرجاك منتظرين ظهورك يا شحوح قاعدين نفتش فيك زي مليم يروح نلقاك في الروح الطموح لا تلوي هاماتنا الجموح *** يا ربي باكر في القمر ولا باكر.. جوة في جوف السحابة مع المطر يا طالع القمرة جيب لي معاك باكر باكرا يصور لي لون الفيافي زهر لون الهويد والصي زي الجروف اخدر باكرا صباح الخير يطرد ليالي الشر *** لكنو رغم مرارة الأيام والأمل الضليل من جوة احساسنا الجميل باكرنا نيل.. يطفح يدفق زي سبيل باكرنا نيل.. والجزايل في الصعيد الخدرة واللون السمح باكرنا نيل.. ويغازل العصفور قنيدلات القمح باكرنا نيل.. والبرازات تاني ترجع والوجوه الطيبة تتضحك وتنطرح باكرنا نيل.. وانا وانتو من قيساب نكيل وهناك في ضو القمر شفع يكوركو لقو الشليل
  5. عاشق رماهو الحب ... في دايرة الحرمان قال من غرامك تبت ... صد وكفاهو الكان عد الليالي غلب ... شاف المآسي عيان دماع وسيلا يكب ... بيها البحر غرقان في سماهو مافي سحب ... بيها الأفق إزدان يا حليل وكت بتصب ... وتخدر الوديان *** الدنيا قالت كر ... من حالو دا الشقيان وشقاهو جنسو كتر ... ما شافو قبلو انسان طش وسنينو تمر ... لا مأوى لا عنوان لا ضوى ليلو بدر ... لا شاف صباح عقبان لكن حلف ما يتر ... جاييكي مهما كان جاييكي لايك المر ... من سكة الأحزان كان انكتبلو عمر ... طاريكي مو قنعان طاري الليالي الغر ... الفيها كان فرحان صابر وراكي صبر ... منو الصبر عجزان يا تكون نهايتو قبر ... يا تملي كل حنان ويا تضمي بالاحضان
  6. اتلملمنا كم عتالي وكم سواق وكمين عامل حالن ضاق والإيجار والسمسار وجمر العيشة الكيف حراق اتلملمنا مسيحي ومسلم أبيض واسود اتخاوينا علي الإطلاق لا في سياسة ولا في نفاق لا في مكابسة لا في خناق كلنا لي كلنا نشتاق همنا واحد كان الضل حزبنا واحد هو الأرزاق وكنا نفتش عن رقراق لو في زقاق قمنا مشينا محل الموت بالعين ينشاف ويومي طعيمو المر ينضاق لا في مدارس لا اسواق لا مستشفى ولا كفتيريا لا في حدايق للعشاق صي في صي الدنيا هجيري وديمة حصاها مولع باق صن الراس من الصنايي حف اقدامنا جري الساساق حتى الشدر الفي الخيران معلم الله من الأوراق وكل الدنيا حمير ونياق كان الحي افراق افراق وبدا يتلملم سمو القرية أو العشوائي وفي ناس تانية تقول اشلاق وما قايلين يوم الحيكومة تجي بيناتنا تسوي فراق وفجأة يزن في القرية قرار ازالة ازالة ولا فد دار ازالة ازالة نحنا بكينا ولا هماهم ونحنا شكينا ولا هماهم واحتجينا ولا هماهم جاب العسكر والكراكة وقال دا قرار وكل العسكر كان درابة وكان كرتونة وكان شوالة وفجأة تكون القرية دمار اتشردنا مع الحجار اتبهدلنا مع الأمطار الفي كرّقة والفي غار الفي ضلو مضاري جناهو الفي بطنو مولع نار اتقسمنا الوجع الواحد واتفرقنا علي الجحار كلاب وصغار بس ضاقو لي شن وليش سبقو المطر والسيل اصلو الحصل حاصل جابولنا ناس الديش طفلا طبيعتو هبيش جمرا لقالو عويش بيتا ضرا الكرتون ضلو السعف والخيش واسوبو مجرى السيل خلونا من غير ريش كل الوقف يهتف سوولو دق العيش ما مشكلة المجروح الرضرضو الدقيش الضاع بلا مأوى المات كمان معليش كلب الحكومة الضال الما بدور حريش أرض الله قالو اضيق من فيها زيي فيها يعيش ما الزيي في عرفو يمكن يكون مافيش يا ربي هل يمكن احاسب جناي في الطيش اما في العطش والجوع والهملة والطرطيش مليون مربع ميل ما نلقى فيها قبر مليون مربع ميل كل اليشوفنا يجر قدر السياسة المر دايما نلوكو صبر يا الله نحنا من اين من ارضك الميري الماها حق غيري يمين بنمرق بيش يا ناس دي قسمة ربنا ولا الغشيم القام بنا استغفر الله العظيم قدامنا يقلعنو حقنا يا لجنة يا مسمار طينا ضرب خازوق يا لجنة يا تجار يا كوم سماسرة وسوق بعتو الأرض روق روق بعتو الشرف والزوق شلتو السما المطبوق ناسين قدرة الفوق اكبر من المخلوق
  7. يلا معاي نرسم شوقك لوحة ريد لي أجمل ريدة يلا معاي نرسم ريدك مسدار حب لي أحلى قصيدة يلا معايا.. غيرك ما متخيل روحي في يوم تفرح وتبقى سعيدة وما اتصورت الدنيا بدونك رغم خيالي وإنو بعيدة وما بتألم لي أقداري وللأقسام ال الله بريدا بس في روحي وروحي فداكي ما بستغرب تبقى وحيدة اقسم بالخلاكي أماني للآمال القلبي بريدا انتي الروح للروح الغيرك ديمة حزينة ونارا شديدة انتي هناها وكل مناها انتي نعيما وفرحة عيدا انتي الحسن الخلا حياتي نسعد بيهو وتروي نشيدا فتشي في عالم مجنونك كان تلقيلك ليهو مريدة تلقي براك في دربو أغاني وفي أعماق وجدانو فريدة يوم تلقيها الروحا كريمة طبعها في اخلاقا حميدة رغم عزيمتو الما بتتغير زيدي علي ادراكو عقيدة غردي فوق اغصانك غني رددي لحنك يا غرّيدة اطربي هم الدنيا الحالم ديمة علي آلامي يزيدا خلي العين ترتاح لو مرة ارقد انوم احلمبو غميدة وأعرفي انك في دنيايا ياكي سجوني التحكم قيدا
  8. حقك علي .. واللوم علي .. طالب السماح والمعذرة .. صفيلي قلبك بالرضا .. والعفو عند المقدرة ** لما الحزن فاض بي ودفق .. والهم طواني واعترى غير قصد اني جنيت عليك .. ولساني زلّ وافترى غامرني احساس بالندم .. مسخ حياتي وكدرا في جوفي زي سماً زعاف.. بي غفلة يكتل بالضرا *** الغنية مارقي من الضلوع .. أوزن ربابتي واطنبرة ملياني بالاسف العميق .. عذب ضميري وفي سرى عينيا اكتحلت أسى .. سهراني جافاها الكرى دمعاتة تتجمد تقيف.. حد شوفها ما فات محجرا يا المني شان خاطر وفاك أردع هواجسي وأزجرا واتحاشا فيك لغو الكلام .. دايما خواطرك اجبرا *** ما البيني والبينك .. متل حن السحاب الممطرة البينا والبين الودي ..ما عمرها انفصمت عرى رضياني ينشف ريقها من طول الرحيل والدردرة من دمعها النخلة ارتوت ..واتمطقت طعم الترى رضياني تفني وتنعدم مطعونة وسط الخاصرة تتلوى تتحرقص برق .. شق البوادي ونورة *** يا روحي قمرية هواك .. أنا لي تقاتي بدودرا ولفتها ومديتلها بي كفي ...عيشة وسكره لو وشوش الريح في الغصون بدد آمالها ونفرا بي ريشة ريشة وبالصبر ..بابنيلة عشها في الضرة *** بحق من خلق الجمال .. ورسم المحاسن صورا انا رائي فيك نقا الوجود ...قدامي انت المنضرة سواك الله مليكة فوق عرش القليب متحكرة ختاك بين درر العفاف ..تتلالي في التاج جوهرة *** انا ما بنتقص حنك علي .. لا يوم مشاعرك بنكره حفظ الجميل والامتنان .. طبع النفوس الخيرة اصلو المشاعر ما بتدوم ..لو عايشي بالغش والكرا والريد دروب ما ب يتمشن .. لو خطوة الزول لا ورا ** خطواتي لا قدام عليك .. ما اتعبها السير فترا عجلاني لو تقدر تطير ليك .. كل ما الشوق تاورة لو تاني يوم اغلط عليك .. بي كلمة جارحي مؤثرة إن شاء الله ..يا نور العيون .. انا جرحي لا طاب لا برا إن شاء الله .. يا نور العيون .. أنا جرحي لا طاب لا برا
  9. الاخ احمد شكرا على المجهود المقدر بس حبيت انبهك انو الاغنية بغنيها طارق العوض وما عبد القيوم زي ما انت كاتب
  10. الاخ السمندل يا ريت لو تنزل الاغنية مرة تانية لانو دي ما كاملة
  11. اسفاي يا نجوى اسفاي علي الافراح رحلت بلا ايذان خلتني للاتراح آه تاني آه وآه لو كان يفيد الآح ما كنت خات في البال يوم يتكسر لي جناح والرحلة يا نجوى ترجع بلا ارباح يا حليلك يا نجوى وياحليل عمرنا الراح ياحليل قعادنا زمان جم نيلنا زي سواح راكبنو قارب الريد والريح معانا صلاح فجأة الرعود هدرت هبت علينا رياح عصفت مريكب الريد قلبت ضحكنا نواح لا مني لا منك حكم الارادة أطاح بي ريدنا والاحلام قمح عهودنا قماح يا نجوى بعدك كيف من تاني اعيش مرتاح لي فرحة الشبان في قلبي مافي براح دنياي بعدك وين وين تاني اشوف لي صباح في دنية التايهين بعدك بكون سواح يا نجوى ما ظنيت حزني العلي ينزاح وين يمة وعدك لي أنا يوم كنت في الرحراح بي القرمصيص اقدل في الدارة زادني رواح والليلة بدنو تراي لابس سوادو وشاح بس يمة كان بدري توفيني بالايضاح قبال اقع في ريد نجوى الملانة سماح وقبال تصيبني سهام من لحظها الجراح ياحليلي انا الهيثم اليوم كسحت كساح مت وشبعت في الموت بس فاقد الصياح صح قالو للصابرين انو الصبر مفتاح لكني باب قلبي سورتو بالألواح قدر الرضعتو زمان ياريتو لو كان شاح في جوف سم هاري خلاني اموت ارتاح الشي المعذبني والزاد قليبي جراح الجاهل ما بيفرز الغلطة من الصاح
  12. ابراهيم ابنعوف عبد الرحيم البركل احلى مافي الكون عيونك +++ واحلى ما في الكون سروحها يوم تغيب تسلب رويحتي +++ ويوم تعيد لي روحي روحها فيهن اتغرب وأسافر +++ نفسي تقبل بي نزوحها ألقى جنة شوقي فيهن +++ الحنان مشتول في سوحها داير اعيش فيهن وأفارق +++ دنيا كان شاقيني نوحها وأنسى ايامي العصيبة +++ كل آهاتها وجروحها في عيونك كون بحالو +++ فيهو أسرار ما بلوحها كل ما اتمعنت فيها +++ فيها اشواق بابل بروحها وأفضل اتضرع أمامك +++ رافع اليد اللحوحة أملي يرقص فوق سوادن +++ زي بريق ياخد لو لوحة فيها كم شاهدت واحة +++ الرموش ضالاها دوحة وفيها كل الدنيا ترقص +++ بالطرب ناسياها روحة صورة ماأحلاها صورة +++ من جنان الخلد لوحة ياهو دا الخلاني أحلف +++ مافي زي عينيك صبوحة بالفرح أيامي لمن +++ بالفرح كانت شحوحة كيف يقولو اخير تسيبن +++ الله خلقو دي ما نصوحة هن سعادتي وهن شقاي +++ هن أمان روحي الطموعة كان غلطت استغفر الله +++ باقي عقلي اخد لو روحة
  13. محمد عثمان ابو شعب ميرغني النجار ست الجـمال والله يا ست الجمال انا ماني باكي علي ضياع امل فيك ولا حتي نادب حظي ساعه جابني ليك ما خلاص قنع قلبي القبيل ميال عليك يقنتو يا ست الجمال علمتو ما يشتاق يشيل الشوق يجيك ومع اني يا ست الجمال عارف جمالك في الجمال طاغي ورهيب وعارف مشاويرك طوال لو ما ني عاشق كان مشيها علي صعيب وما شفتي قلبي وحالو كيف من وقده الشوق اللهيب وصبرا يطول يبقي زل والنوح كمان من متلي عيب وانا قلبي يا ست الجمال طيراً سماهو افق رحيب رحال وما اتعود شمس تشرق عليهو محل تغيب وين قولك القلتيهو لي انو الزواج قسمة ونصيب داير الرجوع وما بيامنك قلبي الجروحو بدت تطيب انسيهو يا ست الجمال الماضي فات والجاي غيب لوميني اه لوميني اه لو ميني اه لوميني ما انتي الغدرتي وقلبك اختار زول سواي وخطواتك اختارن درب عكس المشنو قبيل معاي ولو مرة اضناني المسير بركز عليك صبري وغناي وبعد الحصل والله يا ست الجمال من شوقي ليك حاضن الصبر ونيران هواك ايام طوال دربك مشيتو بلا امل ولقيت وصول اخرك محال وحملتة الام فرقتك الفوق حدود الاحتمال صديت لسان الحال يقول ياغافل الاحلام ضلال واحترته كيف كنا يا ست الجمال ماشين وقلبك شاغلو غير لو جيتك القاكي السراب وتجيني تلقيني الغدير غلطان انا انا غلطان انا غلطان انا السكنتك اعماقي البعدية ووهبتك الحب الكبير غداره يا ست الجمال مغرورة يا ست الجمال غدارة عزت نفسي اكبر من جمالك بي كتير
  14. ما لقينا بيت رحاب شريف / محمد النصري ما قلت لي رغم الظروف **** حأسكنك جوة الحروف وسكنت في حرف البكى **** لون عيوني ضباب وخوف تاوقت مابين الرموش **** سدت ملامح الوجعة شوف ورجعت تاني اقول كفاي **** غير الحرق ما عندي جوف مالقينا بيت،،، مالقينا بيت،،، مالقينا بيت لو حتى من الطينة طوف لا حتى حتة نسوره ومن حولها ندور نطوف ونلبي لامن ننكفي وفي وشنا نعيد الوقوف مالقينا بيت،،، مالقينا بيت،،، مالقينا بيت يسترنا من عين القدر ما الدنيا ضاقت بالبشر فتشنا جحر النملة قصينا الاتر لمن دخلنا علي النمل قالينا خشو بلا زعل قرصنا ما قاصد هو شر **** عبر عن الفرح الغمر وبي قلبو لمن شافنا قال **** معقولة يتواضع بشر ويسيب في بيوت الدنيا **** يزهد في ترابها وفي البحر ويخلي كل مفاتنا **** وآمالها واحلام العمر ويعيش مع النمل البكد في **** الصخرة شان حبة امل جحرا مضلم مافي نور **** لا حتى طاقة ولا قمر لاموية لا جدول يكب **** لما الخريف يتكي المطر مالقينا بيت،،، مالقينا بيت،،، مالقينا غير جحرا تبيت النملة فيهو وسكنا ما دافعين ايجار لما النمل ما هان عليهو تلقانا واقعين في الأرض ويدوسنا في سكة مشيهو وقال لينا في الصيف اسكنو ولما الشتا يزور الديار نفرح معاكم بي مجيهو مالقينا بيت،،، مالقينا بيت،،، ما لقينا بيت نتكل عليو كل الهموم مالقينا غير ناسا تنوم شان تصحى تاني عشان تنوم واحلامنا ما بتقدر تقوم كيفن بتتقطر مطر قبال تكون اصلا غيوم مالقينا بيت،،، مالقينا بيت،،، يا دنيا دست في حشاها مساحتا نكرت ولد انسانا قالت ماخلق آدم زمان من طينتا يا زايلة زالت من قليبا محنتا لا نحنا شاحدين حنها لا حتى دايرين سكنتا باكر على الجنة بنعيش والدنيا تعرف غلطتا
  15. ارحل يا حمام شيل اشواقي وارجوك لا تغيب وصل كل مشاعري وريدي لي دار الحبيب ************* ارحل يا حمام قول ليهو اصبر يا جميل لو مالت على الدنيا عنك ما بميل كيف انسى البلد والخدرة والنيل والنخيل والوجه السحرني جمالو والطرف الكحيل ************* مشتاق لي نجيمة تضوي لي قلبي الطريق وللبسمة التفيض حنية من ثغرو الرقيق تهت انا في ديار الغربة لا زاد لا رفيق وما كان يا زمان ترميني بي ما لا اطيق ************** ما فارقني طيفك لحظة في ليلي البهيم وياما الشوق برجع سيدو لي دارو القديم لا بد الزمان يجمعنا والحال يستقيم وانسى ايام شقاي والقاك وارتع في النعيم*************