• Announcements

    • Gamiela

      ضيوفنا الكرام   06/21/2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/

عمر قسم السيد ود العمدة

المجموعة الخاصة
  • Content count

    301
  • Joined

  • Last visited

About عمر قسم السيد ود العمدة

  • Rank
    الشاعر الأستاذ

Contact Methods

  • ICQ
    0

Recent Profile Visitors

36,761 profile views
  1. كلمات عمر قسم السيد ود العمدة عضو اتحاد شعراء الاغنية السودانية بشوف زمنك بى جارى وانت الدوام مفارق مسارى باكر الايام تبين ليك الحقيقة عشت دنياك فى زحمة حوارى 00000 اديتك مشاعرى انت مابى دارى مابتسمع كلامى ياالديمة متوارى ياالشايف كل الناس حوليك تمجد وانت رايع ياكنارى 00000 ماعارفو الزمن ساعات قليلة والفات من سنيننا نقول حليلة اصلو كل المشاعر ديمة خداعة وقلوبنا دوام بى الريد وحيلة 00000 مااظن ماضينا البينا يرجع ذكرياتو الفينا ديمة بتوجع انا الخلاص وصلت معاك النهاية وماباقى الا ايدينا بتودع 00000
  2. جانى طيفك 00000 صحانى هجعة ليل ادهش رقة مشاعرى بى زحمة الاحلام 00000000000 فضلت فيك أتامل ضوت لى قناديلك وعيونى تتجافى المنام 00000000000 مدهوش غلبنى افيق سارح فى جمال عينيك فجرت ينابع الهوى نسيمك هابى لى نسام 00000000000 فايتنى وين 00000 انت لى اجمل اللحظات حروف تتشابى ليك كلمات تبدد من قلبى كل اوهام 00000000000 سيبنى بيك احلم متوهم السعادة طيوف انا الخادعت ليك نفسى لمتين ترجع لى ماضيك واقول ليك 00000 لو اتبادلنا نحن السلام 00000000000
  3. كلمات عمر قسم السيد ود العمدة عضو اتحاد شعراء الاغنية السودانية مفتونة كل أشواقى بيك لو يوم مشاعرك تحس بى بعيشو هواك ديمة سراب والأشواق تشيل اللوم على 00000000000000 افرش زهورى مخضرة واحة لما ربيعك يفرهد الأحساس محنة يهب نسيمك بى العطر فواح تزهو حياتى تعيش فى جنة 00000000000000 لو فى يوم أتلاقت النظرات تسرح مشاعرى فى جمال عينيك اشوف كل الدنيا احلى صباح ياالغاريك جمالك تاية ماعليك 00000000000000 ادينى من عمرك لحظة حنان تتغنى السعادة ديمة بى البسمات بتعزف ألحانى همسات هوايا حروف تتشابى منسابة من كلمات 00000000000000 حولك بتطوف بواسم الأحلام أنا الراجيك توفى بى الميعاد أقول ألقاك أمنى بيك الروح بقضى طول الليل هموم وسهاد 00000000000000 عمر قسم االسيد ود العمدة شاعر غنائى / السودان
  4. كلمات عمر قسم السيد ود العمدة عضو اتحاد شعراء الاغنية السودانية تقودنى خطواتى تسابق سويعات الأزمنه تبعد عنى كل المسافات وحتى الأمكنه مسافر ليلها طويل وعزمى الما ونه أملى لقياك وأعزف ألحانك دندنه هدهدت أشواقى وحلمى كان الهنا أنت دنياى ونجمك يرشح بالسنا فؤحت ازهارى شذاها يعطر سوسنه تهل بواسم أيامى لو طيفك منى دنا وسدته أحلامى وخائف أكون الضائع أنا أبنى أحلامى وأطلالى تشيد مسكنه سريعة لحظاتى وأنا عايش كم سنه لو جاد زمانك كل سعادتى باقات المنى انت شوقى وحرمانى وتطلعاتى الممكنه مواصل تعب مشوارى أقاسى أيام الضنا 0000000000000000000000 اهداء خاص كل احبتى اعضاء مكتبة الاغنية السودانية القصيدة غير ملحنة عمر قسم السيد ود العمدة شاعر غنائى / السودان
  5. كلمات عمر قسم السيد ود العمدة عضو اتحاد شعراء الاغنية السودانية بترجى ايقاع سويعاتى وزمانى الفات أقابلك صدفة نتلاقى دون ميعاد أقول يازمن وقف أدينى لحظة حنان أنا المذهول قبال تحين ساعة الميلاد 00000000000000000000 ألملم فى خطاى بواصل سكة المشوار صعيب وصلك جمال الروعة فيك همسات أناجيك وأديم سماك داكن الظلمة حنين الغربة دوام موحى لى الغنوات 00000000000000000000 أسافر فى مدن عينيك سرابا ضياع تتلاشى بواسم الاحلام لما أفيق أشوف ماضيك يرجع لهيف الشوق أنا الغرقان وبحرك انت مضيق 00000000000000000000 أشيل أنة الأهات زفير وشهيق بتضيع منى حروفى كلام قوافيك متناثرة نص الليل أنا الشايف هواك لى أوهام 00000000000000000000 اهداء خاص / كل احبتى اعضاء مكتبة الاغنية السودانية القصيدة غير ملحنة عمر قسم السيد ود العمدة شاعر غنائى / السودان
  6. صوت الرباب 0000000000 كلمات عمر قسم السيد ود العمدة عضو اتحاد شعراء الاغنية السودانية مذهولة القوافى حروف سكت صداح صوت الرباب كم غنيت وابدعت يامسكون صوتك البلبل حالى الرضاب صيحاتك نغم مدهوشة مشاعر لما تغرد فوق هامات السحاب تنعاك كل همسات القلوب عاشت تردد الأهة فيك عذاب فراق الدنيا قدر محتوم كنت عزيز بتجمع لمة الاحباب عم الكون حزنك المظلم اتوشحت احزانو أعمار الشباب فراقك أليم انت يامعشوق لما أسودت الفرحة يامرحاب حزنت الطير فى سماها متباكية وماعرفت الأسباب راجنك ياكريم وسعت رحمتك تنال المنزلة من أوسع الأبواب 00000000000000000000000000 انا لله وانا الية راجعون لك الرحمة والمغفرة يافنان الشباب الراحل المقيم / محمود عبد العزير عمر قسم السيد ود العمدة شاعر غنائى / السودان
  7. نظرة سماح 00000000 كلمات عمر قسم السيد ود العمدة عضو اتحاد شعراء الاغنية السودانية لو مرة تجود لينا يازمان بزين الكون جمالك الوضاح ياالفيك تاهت نظرات العيون لو نورك هل لينا صباح ياالهمت كل القوافى حروف دوام هيمانة بى حسنك اللماح 0000000000000000000000000 تسافر ليك لهفة الاشواق مناها فى دوحتك ترتاح تهاجر ليك طول السنين مشاعر بى كل الحنين تنداح لو مر نسيمك انعش الخفقات بتتشابى ليك رقة الارواح 0000000000000000000000000 ماتطول لينا ايام الغياب ماتخلينا نتوة فى هواك سواح دنيانا من غيرك مابتطيب يوم نشوفك كل الهموم تنزاح ماطيبت فى يوم خواطرنا دوام راجنك تدينا نظرة سماح 0000000000000000000000000 اهداء خاص / كل احبتى اعضاء مكتبة الاغنية السودانية القصيدة غير ملحنة عمر قسم السيد ود العمدة شاعر غنائى / السودان