• إعلانات المنتدى

    • Gamiela

      ضيوفنا الكرام   21 يون, 2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/

الوسيلة محمد

المجموعة الخاصة
  • مجموع المشاركات

    71
  • تاريخ التسجيل

  • آخر زيارة

نظرة عامة على : الوسيلة محمد

  • رتــبـة الـعـضـو :
    الشاعر الجميل

Profile Information

  • Gender
    Male
  1. عادل فراقك ليس عادل لا اعتراض على حكم الإله رغم ان الحزن فينا يستبيح القلب يسحقها المفاصل في خاطري ضحكاتك العذبة كرقرقة المناهل نتبادل الكلمات في ود صدوق غير هازل يا صاحب القلب الكبير رسمتها فينا الجمائل عبر الهواتف التقينا والصوت واصل عمدتنا أخوانك والحب جازل رحمات ربك تُسجى على الجسد المناضل يا ربي ارحمه وأكرم نزله واخلفه عيشا في المنازل ثم الصلاة على النبي محمد مارف غضن في الخمائل .
  2. حميّيد فقد الليلة زااد جرح الوطن عم الحزن فارق عيونا المرهقة طيف الوسن حمّيد مسافر ومرتحل والدنيا غارت في وهن واااا لوعة العشم الوقف راجي الحروف تحزم رسن راجي القلوب تكتب حروفنا البصعبن راجي النخيلات البهشن بالتمر تتهادى بالخير يبشرن حمّيد فقد وحقيقة اكبر من فقد حمّيد علي وتر الغنا كاتب حروفنا البدهشن شايل هموم شعب أصيل وملازم الارض الوطن حمّيد فراقك جد مخيف والنور معاك فارق حرن.
  3. خصام الوردة منو البقدر علي خصام القمر في الليل منو البقدر على حسرة ...مشاعر الوردة لما يجور عليها السيل منو الناكر وداد النسمة لما تعود مشبعة من جروف النيل منو البقدر يخاصمك انتي يا كنداكة ست الجيل وحاتك الا بس الشوق ممكن قدحه فايض الكيل وحاتك الا بس الحب بنادي عليك غنا وتهليل ويارمز الجمال والحب تقول مرسومة بي ازميل وجد راسمة العفاف الوان وجد لابسة الجمال اكليل .
  4. عند التقاء القمم يكون موعدنا بزوغ أروع الاعمال الغالية هند لم يخلف حرفك موعد ابداع ولا كلت حدائقك ان تمنح أروع الازهار ولكن حين يغني مبيوع كلماتك يكون نصيبنا ثمالة من رحيق اللحن والكلمات لك التحية ودائما في ازدهار
  5. أختي جميلة لك امتناني والشكر واثمن مشاعرك النبيلة تجاه تلك المسكينة لك الود والتحية
  6. وجع النفوس وجع يكسرها النفوس حطام الم يمزقها الجلود سهام صرخات انثى لم تجد في كل محفل شعبنا الا الكلام تتلوى من الم السياط والنصل في عنق الحمام والسوط عربد في ضفائر ليلها وبعنقها والظهر والابهام صرخت تنادي امها بين الزحام لا ناصر كف السياط ولا ارعوى معنى الكلام والذل حاضر يرتدي عجز الشعوب ينافق الحكام كانت جريمتها ارتداء بنطالها و الصيف يوغل في المسام قبح لكم يا شرطة الظلم الظلام قبح لدولة ظلمنا قبح وعار لا سلام ويطل نافع يرتدي القبح البغيض "هي إمرأة لا تنتمي للاحترام " قبح لك عار عليك ماذا يكون الاحترام جلاادك العربيد يذبحها وتاتي لتكمل الموت الكلام من اين انجبت البلاد عار السنين وكيف غادرها انتقام بل كيف يصمت شعبنا وهو الذي قد علم الدنيا معاني الاحتشام أختاه اني استقيل من الرجولة والشهامة والوئام إني انا المسئول عنك عن حر صوتك في العظام عار على نفسي احتضارك تحت سوط الموت لا يشفي النفوس سوى انتقام ماذا اقول وكيف انشد منك قهوة صبحي المجلود والدنيا خصام بل كيف لي أن أحتسي منك الغرام وكيف ألمح وجهك الوضاء يشرق في ابتسام . الخميس 9 ديسمبر 2010م
  7. ما اجمل الالحان عندك جرس مموسق ومعاني فريدة سلمت اخي عكاشة ولك التحية على هذه الكلمات الرائعة لا عدمناك
  8. يا شاعر المدى والعنفوان سلمت يداك واليراع يطيب
  9. لو غابت شموس عينيك بفتش ليها في روحي وبلقى مساربك ايات ومرهم ود علي جروحي واحمّل ريدي للكلمات اقول يا حروفي بس بوحي ويا زهرات حدائق الحب تعالي وعطري دوحي * * * شموسك انتي مابتغيب ومابرجع قمرنا هلال اشيلك في قليبي منى وفي كل الخطاوي وصال واضمّخ بي عبير حبك حياتي وارسم الامال وبحلف بي حياة حبك بختك في الضمير والبال يعود فرح الليالي يهل نغني الريد فرح تربال عشق طين الجروف ولهان لابعرف ظنون لا سؤال يقسّم للوجوه بسمات وفي كل الشفاه موال يعم الخير علي دربو يفيض عمًّ النخيل ورمال.
  10. متدفق كالبحر جميل كبستان عامر بالزهر والثمر خيَر كالمطر انه الشاعر الجميل الاستاذ / حسين عبد الوهاب فالف مرحبا بك بيننا وبك تزدهي القوافي وتتباهي الحروف فانت من أجمل الشعراء فاصلة ومقطع ومعنى حاضر البديهة واسع الموهبة اصيل المًلكة طيب السجية فالف اهل ومرحبا يا حسين . تحيتي وودادي
  11. ماذا أقول ماذا أقول فقد سلبتي لساني وانداح عشقك في السهاد رماني عيناك توردني الهلاك مليكتي واعود اهتف بل احوذ معاني واظل ارقب طيف ذكر ى لم تعد الا لتوقظ فيّ حب ثاني والقلب موعده الغرام فما ارعوى .. يابى الخضوع لسطوة الاحزان وتسرب العشق الغرام الى النهى وانداح في نفسي يهز كياني وانا الغرام خبير كل فعاله والعشق عشقي والزمان زماني ومليكتي تحكي البدور وضاءة والقد مثل الرمح راع جناني اهديك حرفي لا افوز بغيره والحرف عندي ناضحي وسناني أنا ما حييت فأنت لي سعدي حبور لدنيتي تهدي الحياة لساعدي وبناني .
  12. مرة أتذكر مرة أتذكر اننا كنا حبايبك واكتر وكنت بتسأل وما صدقنا تجى وتتنكر ما عودتنا تجى لى ديارنا وما تغشانا وانت الكنت تكوس شوفتنا وكل الدنيا تسيبها عشانا نسمع عنّك ومن الناس نعرف أخبارك ونجهل إنّك ونحن الكنا خزاين أسرارك ما لايمنّك لكن حارة علينا الجفوة أهو عاذرنّك أصله اللوم بتجيبه الهفوة كنت منانا وكنت تجيب يوماتى السيرة وتجى تنسانا وحتى الذكرى تشوفها كتيرة ؟
  13. حكم الظروف معقول أكون ناسيك أنا؟ هى الدنيا غيرك ممكنة؟ حاكمانا والله الظروف بى ريدنا لاعبة الهودنة نتلاقى ينحبس الكلام تحكى العيون حال الضنى معقول أكون ناسيك أنا؟ عارفنا ما بنقدر بلاك والروح لقت فيك مسكنا والباقى من نفس الحنان ياهو البحرك قلبنا معقول اكون ناسيك انا؟ تلعب على وتر الفراق وعارف غرامك همنا وعارفنا مشغولين عليك والريدة جارية فى دمنا معقول اكون ناسيك انا؟ الأصل فى ريدنا الوفا والعفة روحنا وديدنا قلل من اللوم يا جميل الجفوة ما من طبعنا معقول اكون ناسيك انا ؟
  14. انت ما قدرو الهوى الجياش الشمخ قدره انت ما قدره قلبى يوم لاقاك دق ليك صدره كم تحدى الكون وتوجك بدره وقدمك للناس مفخرة عمره وانت ما قدره وانت ما هماك مارعيت عذره ما توقع يوم تسعى لى هجره وتستبيح سره وترضى بي غدره وانت ما قدره ياما فاخر بيك ياوسام نصره وكان مناه هواك يبقى تاج عصره وزين اللحظات فى انتظار فجره وانت ما قدره علموك الناس كيف تهب جمره قلبك المغرور انكشف امره وقلبى ما ببكيك لو كمل صبره وانت ما قدره ..
  15. أمانى الدنيا زيك أبداً ما لاقانى وما اتعشمت تطلى زمانى وتحفرى اسمك فى وجدانى تعالى نعيش العمر 00 جسارة لو تابعنا الناس و أفكارها نكون ضيعنا عمرنا خسارة ونبكى عليه ونتحسر تانى خايفة من الأيام 00 و أقدارها وعاملة حسابك من ادوارها سيبى الدنيا تدور محتارة ونحن نعيش العمر تهانى شيلى سماحك ويلا تعالى نشد صهوات الأمل الغالى نهشم سور الجفوة العالى وما فى إنسان فى الدنيا يعانى جيتى من الآمال منشرحة و شايلة معاكى سنين الفرحة وانا بتأمل أخدت السرحة و اتمنيت ما الدنيا امانى اتمنيتك تبقى معايا وطبل الفرحة يدق جوايا وبين السحب الماشة و جاية القى عيونك تتلقانى و أتمنيت ما الدنيا أمانى ..