• إعلانات المنتدى

    • Gamiela

      ضيوفنا الكرام   21 يون, 2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/

tariqballa

عضو موثق
  • مجموع المشاركات

    306
  • تاريخ التسجيل

  • آخر زيارة

عدد الأعضاء التى تقوم بمتابعتك : 3

نظرة عامة على : tariqballa

  • رتــبـة الـعـضـو :
    عضو موثق
  1. الروائع ماغريبة على أبو الليل والله ومشكور أبو الليل على الرائعة دي ومشكور أخوي عمرو على الإهداء ... ياعمرو ... أنحنا الخوف موش من الصيف أنحنا الخوف من الموية الزيادة البتقتل الورد ياوردة ... وماتخاف أنا إلا أموت لكن أفوت دي مابتحصل أنشاء الله مادام عارف عنوانك في مصر وبيتكم .. يعني سيك سيك معلق فيك ... مشكور أخوي عمرو وأخونا أبو الليل ... وفي أنتظار الزيادة الروائع ماغريبة على أبو الليل والله ومشكور أبو الليل على الرائعة دي ومشكور أخوي عمرو على الإهداء ... ياعمرو ... أنحنا الخوف موش من الصيف أنحنا الخوف من الموية الزيادة البتقتل الورد ياوردة ... وماتخاف أنا إلا أموت لكن أفوت دي مابتحصل أنشاء الله مادام عارف عنوانك في مصر وبيتكم .. يعني سيك سيك معلق فيك ... مشكور أخوي عمرو وأخونا أبو الليل ... وفي أنتظار الزيادة
  2. أخونا قراية الجرايد مع الأغنية دي مابتجي شكلها داقة ليك في وتر حساس الله يعينك غايتو ... كدي شوف التكملة دي ويفتينا فيها أخونا عبد المجيد والكنق عمرو ... على كل حال شكلك بديع غضبك جميل زي بسمتك حكم الغرام بي تذللي وحكم الغرام بى تذللك الابتسام والإنسجام والحسن لك والإشتياق والإحتراق والوجد لي عجبا تكون قاسي ووديع شكلك بديع غضبك جميل زي بسمتك ----------------------------------- نظرت عيونك لمحنتي وسحر الجمال في بهجتك خايف خدودك تنجرح من نظرتي خايف فؤادي يذوب حنان من نظرتك جرت وجفيت وجفاك فريد يا آية المعنى الرفيع ----------------------------------- كيف الخلاص يا دنيتي ما بين صدودك وجبرتك أراك قريب لكن بعيد عن رؤيتي من بعد ما أوقعتني في فتنتك جرت وجفيت وجفاك مريع يا آية المعنى البديع
  3. أخونا محمد ... سلامات ياراجل ... تشكراتنا على المرور وإبداء الرأي بس زي مابيقولوا الجود بالموجود ومافي طريقة للإعادة لأنو التسجيل واحد .. ولوعندك الأغنية دي ياريت تنزلها بدل الهنا دي أذا أنت شايف أنو التسجيل ردي وانا شايفو كويس جداً وسامعو بصورة واضحة جداً على الأقل نعرف تسجيلك كيف ..... تسلم تاني
  4. أول حاجة بشكر في أخونا جعفر أنو فتح الموضوع الرائع ده ... الحقيبة وما أدراك ما الحقيبة ... هل هي مجرد حقيبة توجد داخلها إسطوانات تحمل وتشغل في برنامج إذاعي " سبب تسميتها الرائج " أم هي حقيبة ملأ بالروائع من أمثال روائع عمر البنا وعتيق وعبد الرحمن الريح وشيخ الشعراء وأميرهم إبراهيم العبادي وسيد عبد العزيز وعبيد عبد الرحمن ومحمد عبد الله الأمي وود الرضي و و و و .. إذا ذكرت فترة أغاني الحقيبة بجوار الأغاني الأخرى تبقى الحقيبة هي الألمع " وإذا حضر الماء بُطل التيمم " .. أغاني الحقيبة تحتوي على مفردات قلما نجدها في أشعار وأغاني الرواد .. وحيث أنه لاتوجد مايسمى بأغاني شبابية بل هو ترديد لأغاني الحقيبة وأشعار الرواد فإن كل حديثي سوف يتركز على أغاني الحقيبة والرواد وإني أشدد على أنه في أغاني الحقيبة حتى الحروف تتموسق لتشكل لنا مفردات قل أن نجدها في أي فترة أخرى وتنمي عن حسن إطلاع وسعة مدارك شعراء هذه الفترة برغم عدم أو قلة تعليم بعض الشعراء وأمثلة على ذلك ذكر البسفور للشاعر سيد عبد العزيز ... في صباح النور عليك يازهور .. فريد حسنك ودلك موفور وأنا دمعي يجري مجرى البسفور تزيد في عناد ودلال ونفور وبرضي أقول ذنبك مغفور وتقول لي " كلام ياعوض دكام ". مايهمنا هنا أن شعر أغاني الحقيبة يعتمد إعتماداً كبيراً على الوصف والتشبيه ومثال على ذلك ماذكر الشاعر سيد عبد العزيز أيضاً في فريع الطيب .. يافريع الطيب والثمر ياأم جبيناً فاضح القمر كيف أنسى الحسن العمر في محيك دارة القمر وليل ديس يمطر خمـــــر والغصن أتنى وخمر وكذلك التدين .... الليل به النساك تتأمل الأفلاك يا ليل الليل به العشاق تتذوق الأخلاق تتناجى بالأرواح ولشدة ما ترتاح ما دايرة تاني صباح الليل الليل ما بنومو لأني أنا حارس نجومو وإيضاً لسيد عبد العزيز يا أم جمالاً يشفى السقيم مريضك كيفن دواه فى صراط الحب مستقيم قلبى لكن كلت قواه يا أم جمالأً يشفى السقيم طال عذابو الليكن غوى حق نبينا وموسى الكليم فر عقلى وشالو الهواء وكذلك ود الرضي أحرموني ولاتحرموني سنة الإسلام السلام ... وحتى الرياضيات والحساب والمحاسبة والمالية وردت في الحقيبة في مليح الزي لسيد عبد العزيز تعال حاسب راجع الدفاتر يامثال اللى عرضه ساتر لأجلك كم راعيت خاطر لأجلك كم خضت المخاطر وراك بالمال والروح أخاطر فترت معاك يالطرفه فاتر يعني من الأخر ياشباب ونبطل اللغة العربية الفصحى كل الغناء أساسه الحقيبة وحتى الرواد ظهروا بأغاني الحقيبة وأول من غير النهج من الرق إلى الأوركسترا ورائد التجديد الأستاذ / إبراهيم الكاشف .. والشاعر سيد عبد العزيز ومحمد بشير عتيق وغيرهم من الأفذاذ . يعني بإختصار شديد نقدر نقول أنه الحقيبة " بما أنه الحديث عنها الأن لنوثقها " هي أوردة وشرايين وقلب الغناء السوداني وبغيرها الغناء السوداني زي الزول الماشي بيت العزاء بالجلابية ومالابس معاها طاقية ولاعمة " أعذرونا على التشبيه ده " بعدين الناس كانت بتغني علشان الغناء موش علشان العدادات زي هسه وكان في منافسة شديدة ... وبمناسبة المنافسة دي .. يحكي أن أغنية غصباً عنك يلفت نظرك بعد أن أنتهى منها الشاعر سيد عبد العزيز وأجازها من لجنة النصوص سلمها لأبراهيم الكاشف علشان يديها لأحمد المصطفى يلحنه ويغنيها .. فإبراهيم الكاشف لقى الأغنية سمحة على طول لحنه وغناها ولمن جاهو الشاعر سيد عبد العزيز قال ليهو الأغنية دي مفروض يغنيها أحمد المصطفى انا ماراضي أنك تغنيها " بمزاح " قال ليهو رضيت وله أبيت أنا خلاص غنيتها """ منقول من ديوان الشاعر سيد عبد العزيز """ أها في منافسة أكتر من دي ... غير الأغاني البتظهر وليدة اللحظة وتتلحن وتتغنى في نفس الحفلة . نجي للأغنية الشبابية " أن صح القول " " مع أنو الحقيبة لسه ماخلصت منها " أنا ماخبير في الأغاني السودانية وزي زي كمية من الناس بتحب تنطرب وما أنكر أنه في بعض الشباب لمن يغنوا حقيبة بنطرب ليهم بس كمان الحق يقال .. كثير من الشباب أتجهوا لتغيير أو تعديل لحن وطريقة أداء أغنية الحقيبة بالداهية الأسمو الأورغن وذلك للتطريب برغم أنها ماتحتاج تطريب يعني يكفي أغنية عتيق " من جمالو " من جمالو يورينا أسحار وأنا من شعري أهديه أزهار ... لحدي مايختمه بـ تومي وحيدي باعث ريدي موحي قصيدي قيثاري ونغم ترديدي فني وإحتكار تجديدي قربو في يسار بعدو في ودار برضو لي في مدحو إكثار لم أزل أرعاه صاحي نايم قايم أين ما سار .... ياسلااااااااااااااااااام عليك ياعتيق وياسلام عليك أكتر ياخلف الله حمد وأنت بتأديها ... أها في تطريب أكتر من كده ما أظن ياناس وعلشان أنا ماقدرت أوزعها على بيوت متسقة كتبتها ليكم على سطور وفي كل الحالات الواحد بينطرب علشان كده بنقول للشباب مافي داعي للتعديل غنوها بطريقته دي زاته والناس بتتأمل في المعاني .. بس الإيقاع السريع اللازم الجياة السودانية يمكن يكون هو السبب الرئيسي لكل الهرجلة الحاصلة دي " على ما أظن " وللحديث بقية ....
  5. هههههههههههههههههههههههههههههههههههه تسلم يارايع يا أبو الروائع ياوضاح وعودة قوية كلها كده ... غايتو كسرت لي الفراملة الماسك بيها ود المهدي لكن ياما في الجراب ياحاوي ... تسلم على الأغنية الرائعة من شخصك الرائع .. ورمضان كريم وتصوم وتفطر على خير ...
  6. كلمات الشاعر محمد علي عبد الله الأمي .. _________.2.mp3
  7. هههههههههههههههههههههههههههههههههههه من دقنو وأفتلو ..... وأشـرقـت في وجهــك ابتـسامـة الصِّبـا فأزهــرت ديـارنـا وأورقــت ربـوعنـا والله دي عندو فيها حق .... بس ماشاء الله أوصاف في السلك ربنا يديه العافية ويحفظوا ليكم ....
  8. ود أختي تسلم على المرور والتعليق العسل زي سيدو ... أما الفوق ده فكان زمان زي مابتقول أم كلثوم .... ماعليك في الحساب ياسمندل بس أنتي أدينا رقم الفيزا كارد والرقم السري وبنخلصوا مابين الخيرين حساب ولطالما عطرتينا بالروائع وقد أتى دورنا لنرد بعضها ...
  9. رائعة عثمان الشفيع بصوت خوجلي عثمان ................. بنفتش ليك في حاجة حلوة ومالقينا غير دي تذكرك بالسودان وناسو ...
  10. باشاكااااااااا وباشاكااااااااااااا ... أنا لهسه برقص ... تسلمي أختنا سمندل على الإهداء الرائع ده ...
  11. بين شفايفك إبتسامة وزي قمر ضو في حياتي ... وكل بسمة بتزيد شجوووووووووني والله ياود أختي ماقصرت تب ... بس خدمة صغيرة كده ... لوعرفت لي الزول ده بيعمل حاجاتو الغريبة البيلبسه دي وين أكون ممنونك ....
  12. مافي أي كلام ... بس شوفي لينا جزيرة قريبة منكم علشان نكون في أرض محايدة
  13. أها ياعمرو ماعندك كلام تاني ... العشاء في فرح أنشاء الله في القريب العاجل ... تقل الجيب يا أحمد ماتقوم بعدين تودينا الدمياطي وله الشرنوبي ... فرح وبس وسلم لي على بندق ...
  14. كلااااااااااااااااااااااااااام ياعوض دكام ....
  15. وضاح .. ود أختي التانية ... أنت تأمر بس وصدقني الأغنية دي والتانية الأنت عاوزه ( أنا مابقطف زهورك ) وصلوا السعودية بطيارات أكتر من الأنا ركبتها السنة دي .. متأسف جداً على التأخير ونعوضه ليك في الجاية .. والشكر لود المهدي العزيز