• إعلانات المنتدى

    • Gamiela

      ضيوفنا الكرام   21 يون, 2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/

حسين عبدالوهاب عبدالكريم

المجموعة الخاصة
  • مجموع المشاركات

    200
  • تاريخ التسجيل

  • آخر زيارة

عدد الأعضاء التى تقوم بمتابعتك : 2

نظرة عامة على : حسين عبدالوهاب عبدالكريم

  • رتــبـة الـعـضـو :
    الشاعر

Profile Information

  • Gender
    Male
  1. اسفي على غض الصبا واوانه قد فات ودع في مدى ريعانه رؤيا تسوء العين تنزل دمعها الم يهد القلب من أركانه ساءت لنا الدنيا وباتت مرة لما رأيت الغض في جثمانه فقدوا المساند والصديق بكذبهم لما اهانوا القطر في انسانه كم ام تنادي يا لفلذة كبدها لتراه بين الجمع في اكفانه كم ذا تأمل حين يكبر ابنها يعلو إذا حق المنى في شأنه فإذا بها تلقاه ميتا ساجيا مزق نياط القلب فرط حنانه أرداه نذل بأن منه قذارة في وجهه أو كفه ولسانه لم ير الجمع الكثيف مسالما فانقض مثل الثور في هيجانه ربي يعوض فيه غض شبابه يجزيه رب الناس عالي جنانه من اين جاءوا والطبايع خشنة لا تشبه السوداني في انسانه ضربوا الشباب تشفيا من حقدهم واهانوا عزة مجده ومكانه داسوا الكرامة واستباحوا حرمة هانوا بها السودان في سكانه حرقوا الخيام وكم بها من شيبه وشبابه وحسانه اسفا تراهم مثل عود اسود قد صار مثل الفحم من نيرانه تلك المناظر تستفز مشاهد تسري كمثل السم في ابدانه الله يصرفهم ويحفظ اهلنا في ظل عيش هانيا وامانه
  2. الاساس القمت فيهو روضه كم فايح عبيره جنة فيها الحسن كامل خلدت ابداع وسيرة كيف لا تبدع حروفي وجوه في الاحساس مسيرة بيها صالح ارسى كلمة كان لامدرمان سفيره وثلة من اقمار توالت لسه لا زالت منيره بالشعر قالت روائع لسه ترزم بي هديره كانت اول روعة تطرب فينا باقية هي الاخيرة شكلت وجدانا اروت للشعور بي كل خيرة فيها للعبادي مسرح اجزل الاشعار وفيره وجاء ود الرضي شعرو كالسحب جادت مطيره والخليل بي شعرو دافق كالبحر وكت الدميره وليك يا البنا التحايا باهي تجلس في سريره غردت لعبيد بلابل غنى سيد بي نظيره شوف عتيق جدد اغاني جدل الريح حريره ووصف البطران طبيعة هو بالجد كان اميره وجدول الامي ساكب لسه نسمع في خريره اجمل الالحان توالت للرقيص او كان لسيرة وللطرب اصوات تعالت ليها كم اذان اسيره يا سرور ارسيت بدايع ليها كم وارد غديره وحفله في ادرمان كرومه بالطرب باتت سهيره لحن اجمل اغنياتنا كم وكيف كانت كتيره وروعة يا برهان تغني صوتك الاشجان يثيره وانت يا شمبات ولادك رمية او كسرات خطيره بيها رقصو في السباته كالحمام بارز صديره بانه تتثنى بقوامه وجديه تعجب من ضميره ادت الشبال عريسنا وفاحت الخمرة وضريره وليك يا عصفور سمعنا اجمل الالحان نضيره وكم عطا و محمود برقة لينا اطربوا للسريره ومرغني المامون واحمد بيهم الالحان شهيرة للحقيبة وبادي سادن ليهو في الحانه غيره ربي يرحم ويجزي كلا يجزل الخيرات وفيره يجزي كل من لينا اطرب وكل ساير في مسيره
  3. اعذريني ولي سامحي فيك تيمني الغرام وانو حبك غصب عني فيني يملك كل زمام ما بايدي كوني اعشق ليك لو القى الملام غايتو بكتم ريدي عنك وامشي في دنيا الهيام الا تفضحني عيوني وايدي يوم تهدي السلام والجمال الفيك بشوفو كل شي فيه تام العيون الواسعة فيك وروعة الخد وابتسام ووجهك الناير وفمك وفارع الطول في الفوام النظره واللفتة ودلال والنونه فوق خدك وسام في قلبي ريدك بس صباك قال لي وصلك لي حرام بهواك ما برجو الوصال بستنى طيفك في المنام او في للخيال لو لي جيت عندي ذلك هو المرام
  4. قلبي مشتاق لي بلادي ونسمة الصبح العليله ولي دياري وكل اهلي ولي ضحاها ولي مقيله وللاصيل والليل ونيلها ولي مناظره الجميله لي نسيم شمبات يعرج من بساتينه ونخيله لي ثرى الخرطوم وبحري وليك يا امدر الاصيله قدله يا مولاي حافي مثلما قد رام خليله لي براحا ولي مراحا وقلبي يسعد حين اجبله لي سماحه وهي واحه دبمه بالتحنان ظليلة شوقي زايد ليها ديمه وعمري ضامر لي غيله والشجون كم بي تعصف تمرق الدمعات هميله ذكريات بالشوق طافت وينه راحت يا حليله بيها ملت روحي غربه واضحت الليلات طويله فيها ايه حققت الا في البعاد قد ضقت ويله قلبي مليان بي هواها وروحي هانت في سبيلة وليهو كم بتمنى ارجع الا ما باليد حيله
  5. خائف استسلم لحبك وعارفو وصلك مستحيل لكني كيف اقهر هواي ومن قلبي لي حبك اشيل ما انت نبضو الفي جواي وجاري في دمي البسيل خليني بس اعشق واهيم لو ما لي في قلبك سبيل يكفيني طيفك بالوصال أو في الخيال وصلك انيل يا ساحرة طرفي حين اراك في كل شي شايفك جميل خليك بس تعلم هواي ما شرط انك لي تميل ما اصلو حبك يا مناي لو كان دريت صادق نبيل بعشق جمال فاق الخيال لكن هواي ما فيهو قيل في حبي ليك لاقيت هناي رغم السهر ما ضقت ويل احساسي فرهد بي هواك واتشد بي رؤياك حيل
  6. والله مشتاق للاحبة وربي يقسم لي معاد شوقي يحرق في فوادي وفيه عذبني البعاد اوحشوا بالجد روحي وفاتو سابو لي سهاد لما فاتو وغابو عني يومي اتوشح سواد وشوقي طفلا باكي يصرخ ليهو ما اتحقق مراد مثلي والف للاحبة وكم لقيت منهم وداد وطبعي غير الناس حنين وما بيحمل للبعاد هم وحي الشعر بيهم وحرفي يرجع للعناد مين بحرك حسي يدهش وليهو يسلس للقياد غايتو شوف الشوق بحرك وتلقى وحي الشعر جاد بس شعور بالشوق ولوعة وحرف فيهو الحزن ساد ليت يسمعني الاحبة وليت عهد الوصل عاد
  7. اصلو الريده في قلبك لكل ازاهر البستان وقلبك طبعو ان يعشق جمالا زان كل حسان وحسك والشعور بكاي وذلك فطرة الانسان وكيف تشعر بانك حي وقلبك ما بيصير ولهان ولا بتعشق عيون ناعسه ولا بتعشق جمال فتان ولا سحرك ثغر باسم ونونة خدها الريان وجيدا كالغزال اغيد وشعرا في الكتيف هدلان جمال الغيد بولع نار ويلهب داخل الوجدان كمنظر ساحر خلاب بيعزف في جواك الحان تحب الحسن والمرعى ملي بي ظبية الجديان بقدس حسنها الباهر واخاف ينحط او ينهان
  8. احسبها من تسجيلات اسطونات الاذاعة ... وكان في الكورس الثنائي الفنان ابراهيم شمبات وعلى ابو الجود
  9. الجمال الشفتو عندك يدهش الروح والعقول وشوقي لي لحظة لقاك ليهو كيف اوصف واقول والعيون البيها شفتك ليها كل احساس عذول قلبي حاسد لي عيوني هو يعشق.. وفيك تجول لي جمال حسنك تعاين وقلبي للنيران ينول هي تستمتع بحسنك وقلبي يخفق حين تصول مالي حبك لي فوادي لو دريت عرضا وطول وانت سادر في بعادي وللوصال كيفن يطول ليت يجمع بينا لحظة وما يفرق بينا زول
  10. كانت هنا ... كانت هنا يا فرحة الروح باللقا الجو تشبع بالجمال لمن تاذن بالتقا الزهر فتح والورود كل الاماكن عبقه لبس الوجود اجمل وشاح في اليوم داك يوم اللقا كانت هنا.. كانت هنا تسقي العواطف من رحيق اما الفواد البعشقة صفق ودور بانتشاء هوم وحلق وارتقى ادتني احساس بالوجود وشعور بينبض بالثقة وعيوني تاهت في العيون واحلامي شوفه محققة وكفي في ايدك تتوه يحضن اصابعك وطقطقه نظرة عيونك وابتسام حرك دواخلي ودغدغه كانت هنا ... كانت هنا ومعاي غنت بالغرام واحساسي ضم وعانقه لحظة سعادة واحتفال تمسح تزيل مني الشقا يا فرحة الوعد الجميل يا ريتو لو كان قد بقى
  11. صـــلاة الله ذي الملك على من ضــاء للحلك محمد خـــير خلق الله ومن في الحب ممتلكـي صــــلاة منك توصلها لمن في البيت ذي الشبك بعـــد الانس والجــــن وما قـــــد دار في فلك عظيم الخلـــق يوصفه كتاب جــــل عن شكك ونـــــــورٌ ربي ارسله بهاءً حــــل في السكك نبــــــي دام يعبــــــده وكم قد زاد في النسك وما في عنقــــه ذنب وتطهــــيرا من المَلك وجيه عند ذي العرش كريم ذلـــكم محكـــي امين قوله صــــــدق وعطـــر منه كالمسك وفاق الرســــل قاطبة مقامــــا ساميا وزكي يؤم الرســــل يقدمهم بجـــاه الله ممتلـــــك ويعـــرج يومها ولهاً لذات البرج والحبـك وربي فيهــــــا اكرمه منالا ليــــس في درك وعـــــاد الخير يحمله ورد الخــلق عن هلك عليه انـــزل القــــرآن ويافـــــك عنه من افك وتسمــــو منه بالايمان نفـــــوس فيه كم تبكي واخرجها من الظلمات لها بالحكمـــــة يزكي صـــــلاة الله ثم سلام عليك تدوم يا مكـــــي وال البيت والاصحاب ومن قد دار في السلك ازاحوا الروح بالايمان من الشيطـــان والشرَك عليه اكثري الصلوات يا نفسي ربي يامرك عليه صلى في القران إلــه الكون والملك فمن قد نال ذا التكريم له في الرسل مشترك حســــين ربي تكرمه تزيح الكرب عن فلكي وامـــي خاصة وابي من الاثـــام في فكــك وغـــــفران ورحمات تعم بالخــــير والبرك وزوجي ربي يحفظها بطيب العيش يمتِعَـــك يفرج همـــك اجــــرا على صـــبر ملازمك واهلــــي ثم اخــواني يعــــمُ برحمةٍ معـــك
  12. غايتو شفنا الحسن عندك امرو باين في اختلاف كالعطور احساس وريحه ونكهة بانت في خلاف في وجيهك نورو ساطع وكلما ننظر اضاف وفي عيونك شكل اخر روعة تزخر بالالاف سحر يأسر لي قلوبنا فينا كم مزق شغاف لم تسرح او تفكر او تهيم عنا انصراف تبقى زي منظر خرافي ليهو مين من قبل شاف في قوامك كل حته ليها في حسنك هتاف زفة من الوان محاسن ضاجة حولك في التفاف في كلامك في ابتسامك رفرف الحسن وطاف في خطاويك البتمشي حسن ياسر باحتراف في عيون الشاف جمالك وصفو لي حسنك مجاف شافو روعه وكان في بكرة غير ما ينظر وشاف
  13. الصحيح .. والمؤكد ...هذه الاغنية .. للثنائي عوض وابراهيم شمبات وهي من تسجيلات الاذاعة على الاسطوانات الالمونيوم ولاحظ ان الشيال واحد هو بابكر حمد .. ويرجع ابراهيم مرات ويشيل معاه .. وعازف الكمان هو النقر .- عببد الله حامد النقر وسجلت في الخمسينات
  14. وحـي الهــامــي لو شفتو الهامي المدلل فيها حسن الكون تنزل سحر يملك كل شعورك وحسن مهما قلت مذهل لي توحي بي جماله وتعطي بالالهام وتجزل الا تبخل بي وصاله وكم علي عز وتدلل فيها اكتب ما بيفيها حرفي مهما كنت ابذل هي وحيي وكل شعري فيها بالكلمات تغزل في خدوده وفي ابتسامه وفي طريف نعسان واكحل في وجيهه وفي قوامه وفي شعر كالليل مسدل في بهاها وفي شذاها لما يوم بنشوفه تقدل في غرامي وفي اشتياقي وفي شعوري البيها مقفل قلتو ايه البدر ليها والجمال باهر مكمل شفتو صورة حسن رائع وحسك المشدوه تزلزل بهرة منك تضوي فينا وما رأيت من ذاك أجمل ادهشت لي من يرآها وشفت كل الناس بتسأل اصلو مثلك لا مثيله ولو تغوص تبحث بقوقل النفوس من حسن تسحر والعقول من ذاك تذهل تبقى صورتك لوحة خالدة في غضون الدهر تنقل فيك يحـلف من رآك زي ملاك للدنيا منزل تحكي للأجيال مشاهد للجمال الفيـك تمثل بيك تخلد روعة نادرة تاني لا توجد وتحصل
  15. الشاف جمالك .. ارتعب راجيهو في حبك تعب ما اصلو من شافك بهيم بدخل غرامك في العصب بتملك الروح والفؤاد يصبح موله بالغصب تسبيه بي نجل العيون الليك ربك قد وهب ما آية من ايات جمال او روعة حسنها قد خلب لومرة لعيونه بتشوف يرميك نيزك او شهب والخد اندي من الورود والفم احمر ملتهب ده الحسن بس اقدر اقول دغدغ مشاعرك في القلب ويديك احساس بي مكان للجنه يمكن ينتسب كالسحر او طيف من خيال او حلم.. او يمكن كذب بس حاجة تمتع فيك روح خلت شعورك في طرب