• Announcements

    • Gamiela

      ضيوفنا الكرام   06/21/2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/

aligashy

عضو موثق
  • Content count

    20
  • Joined

  • Last visited

1 Follower

About aligashy

  • Rank
    عضو موثق
  1. شكراً محمد بشير .. البقية لا بد آتية ..
  2. منتهى الإبداع .. شكراً جزيلاً شامى و تحياتى لعبد العظيم منصور و بدرى الياس فى غربتهما الطويلة و هما يلامسان شغاف القلب .. يلامسان الروح
  3. و كلمة تبحث عن مخارج نحنا ما قادرين نقولا .. رحم الله الخالدى .. متدفق الإحساس .. رقيق الشعور .. جميل الصوت و المعنى شكراً السيد ماجد
  4. لاحن بروق النو كلمات الشيخ: أحمد أبو كساوى لَاحَنْ بروق النَّـوْ طرنَّـنـا المريود .. من شرق النَّبى نِعمَ الحدُولو القُود .. بِسم الله فى المقصود بالواحد المعبود .. رب العباد موجود عنهو الفنا مبعُود غايث الدواب و الدود قولاً صحيح مأكُود سُـنّة و كتاب شهود .. ثنيت بالمحمود الفاق آباء و جدود .. سِيد آدم ، نوح ، و هود محمّد المحمود أدعج ، ناير الخدود .. يوم أم سنام تقود فى تاجو نحنا قعود .. البـابُو مُو مسدود حَـوْلـُو اليتامى قعود .. زاهد الدنيا أم قدود قال ماها دار خلود الوادى الكان مرضوض يجيبو فى الوقود دندح ثمارو يقود شوفوهو يا جحود كيتيناً لليهود .. دَقُّـو النحاس بالعود جو أسيادى كالأسود .. صِدِّيق حبيب .. مريود راكب على مشدود شايل سَنِين محدود جاب رُووسمْ فى القيود و أبْ جهلِ صار مطرود أبو حفصة الباقى راس يرضى يوم الكُباس .. سَلْ سيفو الخشمو أمواس ياخد الدِّرعِ و الراس فَدْ نقرة الزول خلاص كم ذَلْ فى اولاد الناس جاب العُزاز رُخاص .. يا مرحبا الأرباب التالى للكتاب .. راكب على القلَّاب الشايل السكَّاب لى تِقِطِّعْ الرقاب أدَّاهم الخراب إن سوَّى للكلاب جاب الكبار شِيَّاب يا مرحبا الكرّار الفارس المالو عُبار .. راكب على بو غيار شايل ذى الفقار الخشمو يبق النار ميمونو فد مشوار الفين فى الكُفّار الغِضريف مع الهبّار أدَّاهم الغبار .. السِّتة الفى العدد يات من جا يسد القد .. الواحد كالأسد قول طلحة والزبير سعيد مع سعد عبد الرحمنِ لى سيفو سَلْ ، جرَّد أبوعبيدة قالو سد أخلاهم من البلد .. يا النور قُوم شِد القُود قُوماك على المريود .. مائتين لى زادنا ما فيهن من قَعُود مِيّة لركوبنا صُهباً ، نضاف ، جلود و نسوق الفُقرا جُملة اليكون مريود قِدَّام القافلة فوق أم مناسماً سُود درويشنا ينوِّح .. يحاكى للمفرود والعاشق دمعو يتسايل بالخدود قال أحمد البليد أب كساوى ليك مريد .. منسوباً للرشيد قُول شيخنا عوض الجيد جُملة اليكون مريد من السافل للصعيد يوم العذاب شديد ماسك الرِّكاب باللِّيد .. صلّيت على المريود تسليمى مالو حدود .. ما صبَّ المطرِ ما كرَّنْ الرعود ما قام نباتاً فوق العزاز و الفود عدَّ الحيوان أُم روح و الجَمود تبقى ذخيرة .. ترقد معاى شهود بى جاهَا ننجَى من العفن و الدود .. لاحن بروق النو .mp3
  5. الأخ عبد المجيد .. بعد سنين طويلة نعقِّب على نص الأغنية ببعض التعديل .. لك التقدير ليــالى المصــير كلمات الشاعر: حسين بازرعة لحن و اداء الأستاذ: عثمان حسين يا ليالى المصير قولى لخلّنا أوراق الخريف ثارت حولنا .. يا ليالى الرجاء عودى علَّنا إنْ لاح الضياء يبدو ظلّنا .. فى عرض السماء .. فى دنيا المنى بس إنت و أنا .. يا ليالى المنى هل مافاتَ عاد ؟؟ هل أحبابنا على عهد الوداد ؟؟ هل أنت وأنا سواءٌ فى السهاد ؟؟ سواءٌ كلّنا ..؟ يا ليالى الأمل قولى لخلّنا البدر اكتمل والدنيا سنَى .. لا الجرح إندمل ولا قطفك دنا هناك إنت فى هناء وأنا هنا فى الضّنَى ..
  6. يا جلاّبة كلمات : السِّر عثمان الطيِّب أداء: محمَّد جبارة يا جلاّبة الله .. يا جلاّبة الله .. الله يا جلاَّبة الله .. يا جلاّبة جيداً جيتو .. ما شفتو لى زول يا أخوانى ساعة للرِّحال شدّيتو .. جيداً جيتو .. قُولو لِى .. ما شفتوهو لَىْ زولى .. مستينهو لا حُولى .. قاعد راجى ، ضاع عمرى .. لو بى حالى كان يدرى .. كان صدَّالى من بدرى .. ما شفتوهو لَىْ بالمرّة .. فى عُش فاضى .. فوق راس تمرة .. طار جوز قمرى منِّو و فَرَّ .. ما شفتوهو لَىْ يا اخوانى فى حِسْ طار وِلاد الماحى .. فى دمع الحجيج ينجارَى بلَّ الدّارة سال صبّاحى .. ما شفتوهو لَىْ يا أخوانى فى همس الحبيب و حبيبتو ساعة فى القمر يتلاقو .. مِن كُتر الغرام و الريدة لا عِند الصباح ما فاقو .. ما شفتوهو لَىْ يا أخوانى فى حُزن القرير وأفراحو .. فى دمع المسافرين بالعتامير راحو .. رَوِّحو فى البلاد .. تُوهو .. صُدُّو .. وتانى كوسوهو .. يمكن لىَّ تلقوهو .. عرِّجو وأمشو لى عبقر .. وأسألو ملهمى الأكبر .. شِق ايش زولى قام سافر .. يمكن تلقو مِندسِّى .. بين الروح .. وسط نفسى .. فى مستقبلى و أمسِى .. يمكن تلقو فى جنّة .. طنبوراً حنين رَنَّ .. حِسْ زغريته فى حِنَّة .. فى خُدرة شَدر غابة .. فُرهد زهرة جذَّابة .. عانقت الربيع دَابة .. فى مزمار مع الراعى .. بين أنفاسو أوجاعى زادت .. َكَبَّ دمَّاعى .. فى بيُّوضة .. بين رِيما .. جَمْ عُربان ، وسط خيمة .. مِنْشَرْ فوقا ضُل غيمة .. كان فى رعدة كان فى غيم نزل نقناقو .. فوق نُوَّار بِريسيم .. رَشَّ .. بَلَّ أشواقو .. كوسو معايا يا جلاّبة ممكون قلبى .. شابَا و شابَا .. داير أعرف بكان محبوبى .. إنْ بِقَى فى التُراب زى لُوبِى .. جيبو عروقو سوُوهِن وِسادتى و تُوبِى .. يمكن تلقو يا اخوانى .. فى آهاتى و احزانى .. عايش جُوَّه وجدانى .. فى آهاتى .. فى نَمِّى .. يجرى و ينزل بين دمِّى .. فى روعة حنان ضُمى .. بى دوبو الوحيح والانى .. ما شفتوهو لى يا اخوانى .. فى صوت السواقى النايحة .. فى شوق القواديس التقالد الموية غادية و رايحة .. يا جلاّبة دِلونى .. ساكتين ليش .. دحين دِلُّونى .. فى بلد الحبيب دَلُّونى .. وإنْ بِقى ما لقيتُو اخوانى .. الله كمان يكون فى عونى ..
  7. الدرب الزّمان كلمات: السر عثمان الطيب أداء: محمّد جبارة الدرب الزمان سوّيتو ساساقَََه إن كان مرّة أشوفا حبيبتى نتلاقى .. أمشى انا والدموع فى عينى رقراقَه وين الصبر القليل .. واللهِ ما حاقَه .. طَوّلْ مشتهيك و رويحتى مشتاقه ده الريد الكتير وداها ليك ساقَا .. ساعة أوصل هناكا ، عيونى تاواقَه داير اشوفك إنتى ، أبلبِل أشواقَه .. دار أغشَى البيوت .. خلق الله نقناقَه والله بى قُولَا الكتير لى جرحى فتَّاقَه ..
  8. الهديل كلمات : محمّد سعيد دفع الله أداء: محمّد جبارة أبديهو الهديل كَدِى غنِّى ليَّا حتى ان كان قليل يبرِد عليَّا يجف دمعى البسيل و تنوم عينيَّا .. يا قمريّة ما شفتيهو حالى حالى البىَّ يغنيك عن سؤالى زولاً زى مطوِّل شايفو سالى واللَّه زاد البَىْ ، بدل يرحم شويَّة .. اللّه .. لا تبكى و تنوحى كفاك أنينى تفتِّقى لَىْ جروحى مع حنينى أنا الفارقت روحى .. قضيت سنينى والله أريتنى أنا كان مرادى أنا بى إيديَّا .. أنا الختيتو فى داخل فؤادى أنا الضّاريتو من كل الأعادى أنا الغذِّيتو ، يشرب من وِدادى والله آه يا ريتو خفَّف لِى الأذيَّة .. والله ما راعَى النحول الفى عضايا تقول صدَّقلُو قُول ، كذَّب هوايا خلاص لمَّالو زول تانى و سِوايا أنا البُكا و الذهول صار لىْ سجيَّة .. آه و أواه قمريّة غنِّى معاكِ قليبى تاه ، بس لا تضِنِّى أنا القاسيت أذاه ، أهديكى فنِّى لا تزيدى لَىْ جرحى العَليَّا ..
  9. الجلا و كربكان .. عطارد والزهرة .. بابور البحر وسفر تلك الأيام .. يا زمان هل من عودة هل ؟؟
  10. محمد النصرى - أم الحسنأم الحسن.mp3
  11. مميَّز كالعادة .. أشكرك يا شامى ..
  12. نقى .. عميق ..و جميل . يا شامى لو تلقى لينا (ما قايلو يوم بجمعنا .. بعد الزمان فرّقنا) بصوت عبد العظيم ، و قد أشتهر بها صديق أحمد كما هو معلوم ..
  13. موجودة عندى فى كاسيت نضيف شديد و معها كوكبة من النوادر .. بإذن الله يتحول لmp3 و ينزل فى الموقع
  14. أوعا يا قلبى تنسى .. شكراً عصام محمد نور .. شكراً اللّهم أجعل وردى فى برد رحمتك و جزيل كرمك و لطف قربك