اخر نصوص الاستاذ مدني النخلي اسف الكلام الف اسف وتاني اسف لو يفيد اسف الكﻻم هسه في كامل قوايا وعقلي في وعيو التمام كلما سطرتو قاصر كان محاوله من مشاعر اﻻ ما قدر المقام كنت مفتكر القوافي جل ماعندي وهديتو لو اسطرو احترام اكتشفت كاني بحلم او اقيد شمع المعاني الما هزم ليل الضﻻم كلمه ما بتفش غبينه او تحرر ناس سجينه او تحلق في الهجاير ترمي ضلها زي غمام وايه يفيد ضل الكﻻم كلمه ما عبرت مجاهل شايله مويه وكسره ناشفه للجياع الفي الخيام كلمه ما منعت حرابه او بقت نجمة ضهابا مابتقرب بل تباعد وما بتجيب فجر السﻻم معنى ما رافع اشاره او يلل بالبشاره او يزيح زمن الحقاره او يهد حصن اللئام يبقي ما معني الكﻻم زي دجل تبقى الكتابه لو سقط فكر الدراما وانحنت للطاغيه قامه والغناوي الضجه زيفا من صقر صبحت حمامه غيبت شميس الجساره ونوخت في ليل ضﻻما اصلو ما عرفت مقاما او سقت عطش اليتامى مابتغير واقع ارعن حتى لو قامت قيامه كلمه ما شالت همومكم مابتعمد سيدا شاعر او تطيب ليها خاطر او يدفق غيما ماطر عابره حارارت الغﻻبه واقفه عز الخوف تدافر ما بتشبع طفل ناحل في الزمان الجوعو كافر يبقي ما معنى التباكي والهيام في سرد شاعر لو وصف حسن الحبيبه في حرف ضواي وباهر او يهود ليلو ساهر تنتهي القصص الحميمه وفي الغرام ينفض سامر اﻻ وحدو الببقي شاهر برقو في ليل المنابر الكﻻم الدغري ظاهر يطعن الجوع بي بساله ويفهر ازمان الجهاله يرفع الوعي النضالي صوت يجلجل صدحو عالي يعزف النغم المثالي يرفض اوهام التعالي ياكﻻم مطره وعفا يمشي عز ويمتد وفاء راح زبد زيفو الجفا عاد زمن وعدو الصفا عزا ناسك وانصفا يﻻ يا قلم اﻻماني من غناء اﻻحﻻم كفى وابقى اسف وتاني اسف لو يفيد اسف الكﻻم ......مدني النخلي..
