• إعلانات المنتدى

    • Gamiela

      ضيوفنا الكرام   21 يون, 2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/

محمود مصطفى محمود

المجموعة الخاصة
  • مجموع المشاركات

    37
  • تاريخ التسجيل

  • آخر زيارة

كل منشورات العضو محمود مصطفى محمود

  1. كلمات : عصام عيسى رجب ما هو خاطرك هو الكسر في الليل غُنايا وما هو خوفك، لما وعد الريح طفا الما بيني بينك، هو الغرس في جوف ضياي ليْ العتمة راية إنتي صوتك ليْ الحقيقة ونور وجيهك هو الرسم ليْ الناس حديقة لوّن الفرح – الدواخل ودسَّ في الإيدين حكاية ليْ السحابة الغصب عن جُرح التباريح في رحيلك بلَّلتْ ليْ الوحشة ريقهْا أيّوه عارف إنتي عينيك ليْ المشاوير – النهاية ============= في الحقيقة دا جزء من النص.. الواحد زاتو ما عارف يجيب ليهو حيل من وين..يباري بيهو النصوص الغليدة دي.. إنا لله غايتو.. استحملونا حبة بالله.. I Know.mp3
  2. عييييك... البركة فيكم يا أهل.. ..
  3. الأخ بابكر.. تحياتي واحترامي أذكر أننا كنا جلوساً على نجيلة الخزف في كلية الفنون الجميلة والتطبيقية بينما كان الراحل الباقي فينا جمالاً مصطفى سيد أحمد جلوساً على كرسي متواضع يقدم روائع الأغنيات والألحان في "جلسة استماع" خاصة ..وكانت حاجة جديدة الأيام ديك.. أها لما غنى مصطفى "أرحل"... والله كان تحليقاً أكثر منه غناءً.. وحالتي أنا كانت بكاءً وجنوناً أكثر منها طرباً وإعجاباً.. رحم الله مصطفى .. وأطال عمر وردي فنظرته في مصطفى لم تخيب.. شكراً لك وأنت تتحفنا بهذه الرائعة.. لك الود..
  4. قوووووووووووووووووووووون..بلياردو عديل يا رفيق.. حبابك..
  5. الحفلة بتاعة تمبس أنا كنت فيها بتاع كمنجة بدون مايك.. اعتبرتها تمرين لشخص متهجم الأيام دي على الكمنجة هذه الآلة العجيبة.. وكانت لمة سمحة طبعا.. كما يظهر من الصور.. نجي لأنصاص التون بتاعتك دي: أنا كنت منتظر أي اتصال حسب آخر لقاء معاك عبر الماسنجر.. وكان المفروض نكون الليلة عاملين حفلتنا.. لكن هسي ما فات شي.. خلي ناس أماسي يتحركوا معانا شوية يا أستاذ.. أنا بروفة واحدة أو بالكتير خالص بروفتين بيكفوني إن شاء الله.. عملنا اتصالات مع الشعراء "ناس جدة" عبد العال السيد..والطيب برير..وعصام عيسى طبعا بقى من ناس جدة..وقبلهم جميعاً الدكتور بشرى الفاضل.. قصائد..مرثيات..مناقشة لتجربة مصطفى..نماذج غنائية من عطائه الجميل.. وكان الله يحب المحسنين.. البيك راقد هبطرش.. بس عايزين لينا دينمو يقطع اليوم ويحدد الرسوم.. كن بخير..
  6. أستاذنا يوسف أبو هديل إيميل الأستاذ عصام رجب هو essamrajab2003@yahoo.com أرجو لكما لقاءً جميلاً كجمالكما.. كجمالكما دي أصعب كلمة كتبها..أريتها تكون صاح.. مودتي واحتراماتي
  7. منعم يا هندسة يا عليا.. هسي الاسعد منو بالله؟؟ غايتو ما بزيدك فوق كلام أبو محمد.. لكن ياخ لقاء الأحباب في حتة زي دي براهو كده ما "صدقة جارية".. تقول لي ما عارف شنو؟؟ المهم ما تقوم "تكوع" بيها براك.. ناس أختنا جميلة والتيم المعاكم ما تنسوهم من فضل تلك الصدقة.. إنت شخص جميل جداً وكلامك تاج على الرؤوس.. شكراً لكم وأنتم تجعلون كل هذا ممكناً.. تحياتي وتقديري وقدامك الخير والتوفيق والسعادة إن شاء الله..
  8. أستاذنا ودخرينا صلاح سري أبو محمد.. لكن الهمسة ما عندك... الموصلي والله خلعني جنس خلعة في الدنيا دي... هي جية نصاح؟؟ لا واللذيذة شنو؟؟ قال بيستأذن قال.. إنا لله غايتو.. افتقدناك في حفلة بورداب جدة .. والجايات أكتر إن شاء الله.. كن دائماً بخير .. أيها الفرح "المقيم".. تحياتي لك والأسرة
  9. الحبيب أبو هديل.. كلماتك دي هسي براها كده أجمل لحن.. يعلم الله كم أشعر بالفخر والسعادة وأنت تخاطبني بتواضع العلماء.. لله درك أيها الفنان الجميل.. بالمناسبة .. عصام عيسى منتظر إشارة منك بس بالإيميل.. قلت ليهو: ما تفوتك "بركات" الموصلي دي.. قعد يضحك وقال لي : بس يجيني الإيميل.. وممكن تناقشوا معاهم بعلمكم وخبرتكم أي "سمكرات" يحتاجها النص مودتي وإعزازي وتحياتي لك ولأسرتك الجميلة..
  10. الأستاذ عصام عيسى رجب يمكن التواصل معه عن طريق الإيميل essamrajab2003@yahoo.com ومبدئياً كده أكاد أكون متأكد إنه ما حيكون عنده مانع.. شكراً مجدداً وأمنيات سندسيات بمزيد من النجاح والتوفيق
  11. الأستاذ الموسيقار العظيم يوسف الموصلي.. دا كلام دا يا حبيبنا؟؟ إنت تقلع قلع يا حبيب.. قال تهدينا قال.. تحت أمرك اللحن وسيد اللحن..تأمر أمر يا كبير.. ويا له من شرف.. يمكنكم طبعا الشورة مع عصام رجب صاحب الكلام.. أما اللحن ،، هدا طرفي منه...
  12. في مداخلة عادية ..وفي معرض مباركته لمشروع لحن "مطر إيديك" للرائع عصام عيسى رجب.. رديت عليه شاكراً وشاحداً "والله يا أستاذ فاروق أنا من زمان نفسي أغني ليك حاجة".. فقال لي بالحرف الواحد : خير البر شنو؟؟ عاجله فاروق الحبيب قال: لإنك في (القِبَلْ) مُشْرعْ أمانو يطمِّن الواردات.. صبابات الهوى المترع ضفاف النيل غنا الجايات.. (سبايط) من جدايل الموج يونِّسْ وحشة (الباقات) يبِلْ عطش السنين المُرْ يفيض ويعُمْ منافي الذات.. نسيمك يا صباح مطَّرْ ملا الساحات نِدا التُمْتُمْ سماح بالنعمة بتبطَّر يفِتْ عزم الظروف الصُّمْ حلاة نتقابل الاتنين.. صباح ممدود كما نيلين على شهقة قفا الخرطوم علي الوجع الرجع مهزوم ====== بعفوية شديدة تم تناول الكلام السمح دا.. وصقعك صقعك صقعك نزلت ليكم فيهو القاسمو الله.. غايتو أنا وفاروق أخوي متكيفييييييين... التاني والتالت ما بعرفو... هاكم: منافي الذات.. تتربى في عزكم إن شاء الله manafiworkshop1.mp3
  13. للاستماع..المناقشة..إبداء وجهات النظر..تقديم النصح والعون الفني..التوزيع والغناء زاتو.. على طريقة الكبسولة بتاعة موسيقارنا وأستاذ الاجيال يوسف الموصلي.."على قدر الشوق"... مطر إيديك.. كان الوكِت إنتي.. والجو مطر إيديك.. والدنيا كم شباك فاتحين على عينيك.. زرتك براي في السر جاهرني بيك الريد.. دنقرت من صوتك خايف عليك لو جوك.. القلب هو القلب.. راكز وشادي الحيل.. لكن.. ضاع الكلام في الليل.. Matar Eidaik.mp3
  14. الله الله الله.. ربنا يديمك لنا يا موصلي يا كبير.. كدي النقوم أشوف لي برواز للكلام دا.. تسلم يا أبو هديل..
  15. ما همانا جميلة معانا.. وكتاحة وبوري للسماء.. ههههههههههههههههههه
  16. عيييييييييييييك... معاك لحدي المرة العاشرة... لكن عصام أظنه والله أعلم عنده عضوية..أو كما قال.. غايتو يا جميلة..تشجيعك كعب كلو كلو.. ههههههههههههه شكراً ليك والله جيتك دي بالدنيا
  17. فاروق .. أيها السند الوفير.. ياخي مية مرة قلنا حمرة الخجل دي ما عندنا ليها "جضوم" زاتو.. إلا غايتو أكان تحريش منك ساكت.. إن شاء الله ما أعدمك يا فاروق ياخ.. أنا أكان فيني عمار..غايتو إنت سبب رئيسي.. والله يجازوا (من) كانوا السبب.. محبتي التي لن تستطيع لها قِبّلا... محمود
  18. نظرة يا موصلي... يلا يا صلاح سري ياخ.. جميلة يا ستهم... حمسي لينا الناس شوية .. البضاعة دي مضروبة وأنا قاشر بيها على الفاضي ولا شنو؟؟ الله يستر غايتو
  19. حمداً لله على سلامة عامر الجوهري الفنان الإنسان السوداني الجميل.. وربنا يتم عليه نعمته .. آمين يا رب..
  20. إزييييييييييكم كلللللللللكم ... كيفكم كدا؟؟ أها.. في حتة أصنقر؟؟ حتى لو مافي حتة .. حوشكم السمح دا ماني فايتو تب... إن شاء الله الواحد يتكل في الضل ساي.. مرحباً بكم جميعاً أيها المبدعون.. محمود مصطفى محمود جدة
  21. بلادي أنا.. حبابك دا كلام دا؟؟؟ نحن البجينا ما بنديهو قطعة.. نحن بنديك مربع عديل.. تابع معانا..
  22. جميلة ستنا.. المشروع بعد كدا تقدري تقولي طلع من إيدنا وبقى مشروعكم إنتو... الصبر دا نشيلوا ليكم كيف مع فارق التوقيت الكتير دا..؟؟ كوني بخير يا ستهم..
  23. سيد البيت منو هسي بالله؟؟؟ إنت سيد المخطط السكني دا.. يعني أنا فاتح فيهو ورشة صغيرونة.. طوالي عايز تعملني مسئول منها؟؟ المكان دا يا حاج فيهو ناس تقال خلاص.. والموصلي البيصحى الساعة تلاتة صباحاً وطوالي يلحن دا.. ما معاهو هظار.. الله يستر بس... شايفك مستعمل سلاح ممنوع..."تسجيل صوتي"... عديل كدا يا فاروق؟؟ وأزمانك كمان؟؟ حبابك والله...
  24. أيواااااااااااا... وأنا حالتي دي عامل فيها يعني الولد حريف وداسي منك الشغلانة ونظام عايز أعملها ليك مفاجأة.. أكسجين إنت ياخي؟؟ تتواجد بكل جمال حيثما تحتاجك الحياة؟؟ أنا ما بكشح بالمطرة.. بشرط إنت ما تكشح بالجمال الكتير بتاعك دا.. (عشان ما يسحروك ليا) الله يجمل أبو أهلك زاتو يا فاروق ياخ..
  25. أبو محمد...لا لا عليك الله.. لو قصدك التسجيل بتاع حفلة بورداب جدة داك... جلي الفكرة نوهائي... تسجيل بموبايل نوكيا من سماعة الساوند؟؟ صاح هو توثيق... لكن هنا بيجيب لينا الهواء..الناس دي هنا حاجاتهم كلها هاي كواليتي... ممكن أرفع ليك حتة منه .. وبرضو على مسئوليتك.. اتفقنا؟؟