• إعلانات المنتدى

    • Gamiela

      ضيوفنا الكرام   21 يون, 2017

      اعلان هام - فتح جميع منتديات المكتبة للزوار دون الحاجة للعضوية http://www.sudanesesongs.net/ قمنا اليوم بفتح المكتبة لجميع الزوار لتنزيل جميع الأغاني التي جمعتها المكتبة عبر السنين ...
      كان الحلم ان يأتي هذا اليوم في حياة الصديق الراحل المقيم عادل خليفة ...
      خطفه منا القدر ... و لكنا الان نوفي بالوعد ...
      الان و دون الحاجة للتسجيل او العضوية ...
      يمكن لجميع الزوار الاستمتاع بمواد المكتبة الغنائية و التي تصل في حجمها الى اكثر من 500 جيجا بايت
      فقط اضغط على الرابط للوصول للمكتبة ...
      ثم ابحث عن جيل فنانك المفضل و تابع الحرف الابجدي ... بعدها ستصل الى جميع المواد متاحة دون الحاجة للاشتراك ... للتنبيه ... فقط أعضاء المكتبة الذين يمكنهم ( رفع ) المواد للمكتبة و مازال باب العضوية متاح لكل من يريد رفد المكتبة بمواد جديدة .. و كل عام و جميع اهل السودان بخير و عافية   عن إدارة و مشرفي و أعضاء مكتبة الأغنية السودانية يحيى قباني المشرف العام http://www.sudanesesongs.net/

almamour

المجموعة الخاصة
  • مجموع المشاركات

    560
  • تاريخ التسجيل

  • آخر زيارة

كل منشورات العضو almamour

  1. وداع احبابى الشعراء نودعك الكريم الما. بتضيعلو. وداعه ورجلك فى النعيم والعافيه يطول باعه لو كان بالمراض واصله النفس طماعه كل البيك يزول ويقولو ساكت اشاعه الشاعر السر ود الماحي..صالون ودالمامور2 ****** ***** استاذي الجميل حاز الخصال السمحه بي رقة وادب لمس الكبير للسبحه الخلاني اكتب واسوي فوقو المدحه صالونو الجميل وازهار ربيع منفتحه ديل عايده ورجاء ديمه النفوس منشرحه وفيك فيصل عجب زايد عبيرك نفحه وبي مروه و وئام كاملة اناقة اللوحه وبي كل الحضور ازدانت اجمل دوحه الشاعر اسعدسعيدسليمان الحسدوكا ياود البكفى ضيوفو.. عزرائيل يقطرو وينقطع شرشوفو.. الموت والجحيم بى عينو داعى يشوفو.. والحسد االحبيب يقطع مبينو عوفو.. ...... الناس تتعظ تدعى وتنم بالعافى.. والدعاء لى الاخو ذى ركبت العنافى.. راسو الديمه بخبر فى دروب وسفافى.. والحاسدك يموت ذى موتت القذافى.. ...... ببعتلك تحايا وبالوداد مكنيه.. والعافيه التطلك غير شناف لاجنيه.. من مدن الخواجات تبقى ميه الميه.. وحاسدك قلبو من نيرانو يصبح شيه.. من الشاعر ود الديم لى استاذو ود المامور مع كل التحايا بالصحه والعافيه ****** ****** من منير احمد سليمان الي استاذي مصطفي المامور اليك اهدي ...... في ليلة اتلمو الحبائب لوداعك يا قمرنا .... انشا اللة يا مامورنا طايب ما انت ياك فرحة عمرنا ... اتلفو حولك زي سحائب وزي خريف حاضن مطرنا ... هما اهلك والقرايب يتمنو ليك بالعافية تهنا.... قالو لي حازم رحالك ناوي لارض الضباب فيك جريح غير لحالك وفي عينيك شوي عزاب ربي يديك الفي بالك ولينا ترجع بالشباب وليك نغني غناوي فالك ونعزف العود والرباب وفي ليلة اتلمو الحبائب لوداعك يا قمرنا .... قلبك المليان سماحة لينا يا مامورنا واااحة فيك عقل زايد رجاحة وبسمة منك لينا راحة للجمال نفرد مساحة ونحن نهواك بصراحة وفي ليلة اتلمو الحبائب لوداعك يا قمرنا ... انشا اللة يا مامورنا طايب وانت ياك فرحة عمرنا ... منيراحمد سليمان اهداء لاستاذي المامور الاحد 5/7/2015 ******* ****** خطوة في الخاطر تعدي و تنكتب في الروح سلام غيمة بتظلل طريقك وبدر في ساعة تمام حس عواطفنا المعاكَ يسوقنا في دربك لزام تتبع الايام و تمضي و نرجو ربنا فيك مرام تعود عوافي وكل طيبه يازول جميل صافي وهمام الشاعر مجذوب هلالي… استاذي ود المأمور ***** ****** صباح الخير عليكم الف سلامه الغالي ود المامور كفاره ياسيدي الالم كفاره من كتر الوجع انشاء الله ما تضوق الالم وانشاء الله يتألم عدوك الشاعره نجلاء البوادي ******* **** تمشي سالم وتجي غانم وتفرح بيك كل القبيلة ياابو ابتسامة جميلة تشتاقك الصوالين والفل والورد والرياحين نجيك نبارك سلامة العودة من بعد العافية بي مودة يجوك كل الصحاب ياشاعر الام انت ويييين يختاك النم انت يافارس الفراس الليله يوم فرحك وابشر ياسيد الكلم ياامير الناس تشهد عليك صوالين ملمومة بي محبتك من كل أطياف الناس زنت للفرح والليلة تب بكتب فيك قصيد تمشي وتجينا بعون الله ودعانا ليك بي بركة الصايمين ويس اهدأ للغالي الشاعر مصطفي ودالمامور من كامل يعقوب ******* الی اخی وصديقی واستاذی ودالمامور زيك انت اصله مافی انت ياسيد القوافی نظمك الرائع بهرنی وحرك الجوای خافی كل كلمة منك انت بتشفی للانسان تعافی شلت من سنار حضارة وشلت من امدر نضارة انت للسودان اشارة..... ونلت فی الشعر الامارة انت ياعشقی الخرافی وكل كلمة وانت مافی بتحكی عنك وتروی فنك ودایما تقول....صباح الزهور مصطقی ودالمامور مااصله زيك انت مافی انت ياسيد القوافی السر عثمان فنان وملحن وشاعر ورئيس المنتدي ******* للأمير ود المامور يا مطر الخريف بالخير تفيض ايديكا تغمر بالحنان احباب بيشهدوا ليكا ناس السر وفادني وتيتاوي كيف حابيكا وناس الهام وخالدة كبرو في عينيكا وسمية وصفاء وهلالي مغرم بيكا وود الماحي داك ليل والنهار طاريكا ولو عملونا تيم بنفوز علي المابيكا في منتدانا ديمة زينة حاضر وماضي في منتدانا زينة حاضر وماضي في ساعة الخلاف انت الحكيم والقاضي ما بغلبك كلام تصلح دوام وتراضي قولي القلتو فيك بختو اول وبادي يا لزم التقيلة الطبعو راسي وهادي يا ضو القبيلة وبرقها العبادي يا أروع مهندس شايفاه ديمة قصادي أنظمي يا سمية قولا حسين وجميل مأمورنا المهذب مافي ليهو مثيل مهندم مبتسم قلوبنا ليهو تميل يفرح بيك يشيلك في عيونو عديل لو فكرت جيتو أن شالله نص الليل الشاعره خالده عبدالرحمن ******* ****** سيرتك سيرت فارس امتطي جواده وهو علي ظهره لا كلا ولا ملأ انما مواصل مسيره مره يركض ومره يسرع والناتج تجوال كثير ومره ببلاد ومناظر خلابه وناس كتار تجمل هذا في موسوعه شعريه اذهلت كل من اطلع عليها بدقت التعبير وجمال المنظر وحلاوة الكلام السر عثمان شهلى شاعر وملحن وفنان واعلامى ****** ****** مسيرة وسيرة حافلة بالابداع والتميز .منهل من الحب والتفانی والاخلاص للوطن وللناس .قلب ملئ بالاحساس.وزول حساس مازلت اخي مصطفى بحر من العطاء تركت بصمه جميله وواضحة المعالم وذات تاثير نفسي وروحي وتراث ادبي رائع يثري الساحه اﻻدبيه ما زلت نبضا في الحروف والقلوب جمعت هذه القلوب الوضيئه من حولك بالحب واﻻحترام والتقدير وتشجيع الشباب من المبدعين كنت ومازلت شمعه تنير حياتنا بابتسامة اﻻمل الوضيئ الذي يهدهد اعماقنا ونحن نسعد بسماع صوتك الندي في تراتيل الحروف بشتى ضروبها فلم تترك بابا اﻻ وطرقته باهازيجك الجميله ﻻ عجب ان يلتف حولك الشيب والشباب فانت في عنفوان الصبا وانت في رزانه العمر المشيب وانت بسمة في حياة الكثيرين ﻻ يهم كثيرا ان تكرمك الدوله فقد اكرمك الله بحب الملايين وهذا لعمري ارفع واجمل من وشاح تتقلده في صدرك تتسع لك صدور الناس وتحترم حروفك وتتداول ترانيمك وهذا يدل على حب الله لك الذى حبب فيك خلقه ويدل ايضا علي تقدير الناس ل اشعارك بشفافيتها وصدقها وجمالها وفوق كل هذا وذاك نبل اخلاقك واحتوائك لقلوب المعجبين وفقك الله ومتعك بالصحه والعافيه اخي الحبيب انا نقطه في بحر صالونك العامر بالحب واﻻبداع الشاعره سميه اﻻقرع ****** كتب بدر الدين عبدالقادر في صالون 2 لك الود والاحترام يارقيق المشاعر والاحساس ربنا يحفظك من كل سوء ويجعل الحب الكبير في قلبك وانت تحمل في ثناياك حب كل ام ولدت وربت وانتا تتحفها حبا معبرا ولحنا شجيا في قصائدك التي عبق ريح عطرها كل بيت سوداني انك انسان عظيم وكبير في كل عمل تقصده يخرج للناس بطعم ودالمامور احبوك عشاق شعرك حتي الثماله لتواضعك وادبك الجم يقفون لك منبهرين وفرحين ومندهشين لحلو حديثك ان كان شعرا او نثرا او كلام حفظك الله وراعاك واطال عمرك يا فارس الكلمه الرصينه تسلم ويسلموا غواليك ورحم الله البطن الجابتك واسكنها الله فسيح جناته مع الشهداء الصديقين البطن الجابتك ورحم الله الاب الرباك ورعاك وعلمك وغرس الحب الكبير في قلبك انت مناره اضاءت الطريق لكثيرا من عشاقك انت البسمه الحلوه التي ترتسم في وجه كل الناس كل الناس بدرالدين الفادنى ****** الحسدوكا ياود البكفى ضيوفو.. عزرائيل يقطرو وينقطع شرشوفو.. الموت والجحيم بى عينو داعى يشوفو.. والحسد االحبيب يقطع مبينو عوفو.. ...... الناس تتعظ تدعى وتنم بالعافى.. والدعاء لى الاخو ذى ركبت العنافى.. راسو الديمه بخبر فى دروب وسفافى.. والحاسدك يموت ذى موتت القذافى.. ...... ببعتلك تحايا وبالوداد مكنيه.. والعافيه التطلك غير شناف لاجنيه.. من مدن الخواجات تبقى ميه الميه.. وحاسدك قلبو من نيرانو يصبح شيه.. من الشاعر ود الديم لى استاذو ود المامور مع كل التحايا بالصحه والعافيه ****** ****** من منير احمد سليمان الي استاذي مصطفي المامور اليك اهدي ...... في ليلة اتلمو الحبائب لوداعك يا قمرنا .... انشا اللة يا مامورنا طايب ما انت ياك فرحة عمرنا ... اتلفو حولك زي سحائب وزي خريف حاضن مطرنا ... هما اهلك والقرايب يتمنو ليك بالعافية تهنا.... قالو لي حازم رحالك ناوي لارض الضباب فيك جريح غير لحالك وفي عينيك شوي عزاب ربي يديك الفي بالك ولينا ترجع بالشباب وليك نغني غناوي فالك ونعزف العود والرباب وفي ليلة اتلمو الحبائب لوداعك يا قمرنا .... قلبك المليان سماحة لينا يا مامورنا واااحة فيك عقل زايد رجاحة وبسمة منك لينا راحة للجمال نفرد مساحة ونحن نهواك بصراحة وفي ليلة اتلمو الحبائب لوداعك يا قمرنا ... انشا اللة يا مامورنا طايب وانت ياك فرحة عمرنا ... منيراحمد سليمان اهداء لاستاذي المامور الاحد 5/7/2015 ******* ****** خطوة في الخاطر تعدي و تنكتب في الروح سلام غيمة بتظلل طريقك وبدر في ساعة تمام حس عواطفنا المعاكَ يسوقنا في دربك لزام تتبع الايام و تمضي و نرجو ربنا فيك مرام تعود عوافي وكل طيبه يازول جميل صافي وهمام الشاعر مجذوب هلالي… استاذي ود المأمور ***** ****** صباح الخير عليكم الف سلامه الغالي ود المامور كفاره ياسيدي الالم كفاره من كتر الوجع انشاء الله ما تضوق الالم وانشاء الله يتألم عدوك الشاعره نجلاء البوادي ******* **** تمشي سالم وتجي غانم وتفرح بيك كل القبيلة ياابو ابتسامة جميلة تشتاقك الصوالين والفل والورد والرياحين نجيك نبارك سلامة العودة من بعد العافية بي مودة يجوك كل الصحاب ياشاعر الام انت ويييين يختاك النم انت يافارس الفراس الليله يوم فرحك وابشر ياسيد الكلم ياامير الناس تشهد عليك صوالين ملمومة بي محبتك من كل أطياف الناس زنت للفرح والليلة تب بكتب فيك قصيد تمشي وتجينا بعون الله ودعانا ليك بي بركة الصايمين ويس اهدأ للغالي الشاعر مصطفي ودالمامور من كامل يعقوب ******* الی اخی وصديقی واستاذی ودالمامور زيك انت اصله مافی انت ياسيد القوافی نظمك الرائع بهرنی وحرك الجوای خافی كل كلمة منك انت بتشفی للانسان تعافی شلت من سنار حضارة وشلت من امدر نضارة انت للسودان اشارة..... ونلت فی الشعر الامارة انت ياعشقی الخرافی وكل كلمة وانت مافی بتحكی عنك وتروی فنك ودایما تقول....صباح الزهور مصطقی ودالمامور مااصله زيك انت مافی انت ياسيد القوافی السر عثمان فنان وملحن وشاعر ورئيس المنتدي *******
  2. نهتم بالبئه كلمات مصطفى ودالمامور الحان حمدى ابراهيم اداء الفنانه عشه موسى نهتم بالبئه..عشه موسى.mp3
  3. تعليم الرحَّلْ كلمات مصطفى ودالمامور الحان محمد ابراهيم عباس(جبار) اداء ماهر عبدالرحمن تعليم الرحل..ماهر عبدالرحمن.mp3
  4. حبابك كردفان كلمات مصطفى ودالمامور الحان واداء خالد عبدالله بصريات حبابك كردفان ..خالد بصريات.mp3
  5. الزول الجميل كلمات مصطفى ودالمامور الحان بلال عبدالله اداء أمجد السراج الزول الجميل..امجد السراج.mp3
  6. عروسنا كلمات مصطفى ودالمامور الحان بلال عبدالله اداء أميره بدرالدين عروسنا ..اميره بدر الدين.mp3
  7. أغنيات ودالمامور الفنانون حسب عدد الاغانى... الفنانه اريج الربيع..عشره اغنيات الفنان فضل ايوب.. خمسه اغنيات الفنان رائد ميرغنى..اربعه اغنيات الفنان اديب الامام..خمسه اغنيات انصاف فتحى..خمسه اغنيات سيف حسان..اربعه اغنيات فهد يحيي..اربعه اغنيات غاندى السيد..اربعه اغنيات رنده مصباح..اربعه اغنيات عفراء عبدالرضى.. خمسه اغنيات امنيه ابراهيم..اربعه اغنيات شهير محمد الحسن..ثلاثه اغنيات سيف الفاضل..ثلاثه اغنيات نجدى نديم..ثلاثه اغنيات فدوه فريد..اغنيتين سليمان ابوعلامه..ثلاثه اغنيات صفاء الجنيد...ثلاثه اغنيات هاجر محمود..اربعه اغنيات ناهد محجوب.. اغنيتين رفيعه ابراهيم..ثلاثه اغنيات ايهاب جعفر..ثلاثه اغنيات هاجر جعفر.. ثلاثه اغنيات الخطيب الشفيع.. اغنيتين رامى عمر..ثلاثه اغنيات محمد بشرى.. ثلاثه اغنيات محمد كحالى.. ثلاثه اغنيات مياده قمر الدين..اغنيتين عبير نادر خضر.. ثلاثه اغنيات رمان موسى.. اغنيتين ثلاثى القمارى.. اغنيتين يس وخنساء عبدالله..خمسه اغنيات حنفى سالم.. اغنيتين عمر البرنس.. اغنيتين منار صديق..ثلاثه اغنيات فتحى السمرى..ثلاثه اغنيات مكارم بشير..اغنيه واحده نبويه الملاك.. اغنيه واحده حياة محجوب..ثلاثه اغانى شذى عبدالله.. اغنيه واحده عمر خليل.. اغنيه واحده محمد الفاتح زولو.. اغنيه واحده محمد الفاتح البلوله.. اغنيه واحده محمد الجوهرى.. اغنيه واحده اميره بدر الدين.. اغنيه واحده امجد السراج .. اغنيه واحده محمد حسن حاج الخضر.. اغنيه واحده عاصم هاشم.. اغنيه واحده المرحوم هاشم ميرغنى.. اغنيه واحده حسن الاهليه.. اغنيه واحده ابراهيم الامير.. اغنيه واحده نسرين هندى..اغنيتين محمد الباك.. اغنيه واحده احمد عصملى.. اغنيه واحده اميمه يحيى.. اغنيه واحده افراح عصام.. اغنيه واحده ابوبكر سيد احمد.. اغنيه واحده نصرالدين السمانى.. اغنيتين حسن شرف الدين.. اغنيه واحده بابكر قريب.. اغنيه واحده تيسير كباشى.. اغنيه واحده محمد حمام.. اغنيه واحده طلال السر.. اغنيه واحده عبدالولى على..اغنيتين ضياء الدين السر..اغنيه واحده عبدالحفيظ كايرو.. اغنيه واحده ساره عبدالقادر.. اغنيه واحده حبو الجيلى.. اغنيه واحده محمد عبدالجليل.. اغنيه واحده هبه الجاك.. اغنيه واحده مناهل حامد.. اغنيه واحده مجاهد يحيى.. اغنيه واحده ماهر عبدالرحمن.. اغنيه واحده خالد عبدالله بصريات.. اغنيه واحده
  8. ا السيره الذاتيه والابداعيه للشاعر مصطفي ود المأمور.. اعداد سحر صالح (شجن ) بورتسودان السيره الذاتيه:- · الاسم مصطفي عبد الماجد إبراهيم . اسم الشهره مصطفى ودالمامور · 24-2-1952 ولد بسنار المدينة وتلقي فيها مراحل تعليمه العام الأولى و المتوسط و الثانوي · تخرج في جامعة الإسكندرية ( كلية العلوم الزراعية ) في العام 1978. · عمل مهندساً زراعياً بوزارة الزراعة في الفترة من 78- 1979. · هاجر إلي المملكة العربية السعودية و عمل بها في ذات التخصص من عام 1980 وحتى العام 1985 أستقر بالوطن وعمل فى القطاع الزراعى الخاص و أسس أعمال ود المأمور الزراعية في العام 1985.حتي تقاعده للمعاش 2015 ناشط فى عدة منظمات طوعيه.. 1-الجمعيه السودانيه لحماية المستهلك..(امين المال) 2-عضو مجلس أمناء بيت الحكمه السودانى 3-عضو مجلس امناءةجمعية مستشفى سرطان الاطفال 4-عضو غرفة الخدمات الزراعيه امانة العلاقات الثقافيه والاجتماعيه اتحاد اصحاب العمل 5-مستشار بالمجلس الاعلى للبئه والترقيه الحضريه ولاية الخرطوم 6-عضو مجلس الزهور احد مجالس ..النهضه الزراعيه 7-عضو دائرة الاعلام فى الشركه الوقفيه الوطنيه 8-عضو مجلس منظمة الفنان عثمان حسين الثقافيه 9- ناشط من أصدقاء مستشفى العنايه بالثدى 10-عضو ( سابق ) فى مجلس جمعية فلاحة البساتين السودانيه 11-عضو (سابق ) منظمة سنار للتواصل والتنميه والتعمير 12-عضو مجلس اداره (سابق) مدرسة الخرطوم العالمية الاعداديه KIPS 13-معد ومقدم برامج ثقافيه وزراعيه فى بعض القنوات التلفزيونيه والاذاعيه متزوج من الدكتورة مني إسماعيل و أب للمرحوم أحمد و للأبناء وضاح و خديجة و شمس الضحي السكن الحالى الخرطوم المعموره السيره الابداعيه: *صدر له ديوان نبض الحروف 1976 طبعه طلابيه اصدرها اتحاد الطلاب السودانين باسكندريه واعيدت طباعته نفس العام من دار جامعة الخرطوم للنشر *صدر له ديوان ودالمامور 2003 من مطبعة السودان للعمله *صدر له ديوان الكترونى مسموع ومكتوب عام 2003 ويعتبر من أوائل الدواوين الالكترونيه *ينشر أعماله الادبيه لاكثر من 35 ألف مشارك عبر 7 صفحات فى الفيس بوك.. * له مكتبات ادبيه فى ثمانيه مواقع الكترونيه باسم الشاعر مصطفى ودالمامور *كما ينشر اعماله الادبيه عبر 120 قروب في الواتساب *مؤسس لثمانيه صوالين ثقافيه فى الواتساب تضم قرابة 1000من الاعضاء المهتمين بالفن والادب والاعلام.. قامت هذه الصوالين بتاسيس منتدى ودالمامور الثقافى الذى يقدم نشاطه نصف شهرى الانتاج الادبي والفني:- 1-نظم أكثر من مائه قصيده طويله فى مواضيع مختلفه اهتم فيها بالقضايا الاجتماعيه 2-نظم 900 من شعر الرباعيات مؤلف ل170 أغنيه غناها 70 فنان وفنانه من الشباب كما تغنى له من الكبار المرحوم هاشم ميرغنى معد ومقدم برنامج السبت أخضر اذاعة البيت السودانى إف .إم 100 معد ومقدم برنامج بيتك بستان التلفزيون القومى معد ومقدم برنامج حروف وزهور اذاعة البيت السودانى إف. إم 100 معد ومقدم برنامج دندنات الاذاعه الطبيه إف.إم 99,3 معد ومقدم برنامج صباح الزهور ..الاذاعه الطبيه معد ومقدم برنامج سمح الكلام..الاذاعه الطبيه قدم عدد من المشاركات التلفزيونيه والاذاعيه سهرات وبرامج قصيره مشارك في عدد مقدر من المنتديات الثقافيه داخل وخارج السودان
  9. السيره الذاتيه والابداعيه للشاعر مصطفي ود المأمور.. اعداد سحر صالح (شجن ) بورتسودان السيره الذاتيه:- · الاسم مصطفي عبد الماجد إبراهيم . اسم الشهره مصطفى ودالمامور · 24-2-1952 ولد بسنار المدينة وتلقي فيها مراحل تعليمه العام الأولى و المتوسط و الثانوي · تخرج في جامعة الإسكندرية ( كلية العلوم الزراعية ) في العام 1978. · عمل مهندساً زراعياً بوزارة الزراعة في الفترة من 78- 1979. · هاجر إلي المملكة العربية السعودية و عمل بها في ذات التخصص من عام 1980 وحتى العام 1985 أستقر بالوطن وعمل فى القطاع الزراعى الخاص و أسس أعمال ود المأمور الزراعية في العام 1985.حتي تقاعده للمعاش 2015 ناشط فى عدة منظمات طوعيه.. 1-الجمعيه السودانيه لحماية المستهلك..(امين المال) 2-عضو مجلس أمناء بيت الحكمه السودانى 3-عضو مجلس امناءةجمعية مستشفى سرطان الاطفال 4-عضو غرفة الخدمات الزراعيه امانة العلاقات الثقافيه والاجتماعيه اتحاد اصحاب العمل 5-مستشار بالمجلس الاعلى للبئه والترقيه الحضريه ولاية الخرطوم 6-عضو مجلس الزهور احد مجالس ..النهضه الزراعيه 7-عضو دائرة الاعلام فى الشركه الوقفيه الوطنيه 8-عضو مجلس منظمة الفنان عثمان حسين الثقافيه 9- ناشط من أصدقاء مستشفى العنايه بالثدى 10-عضو ( سابق ) فى مجلس جمعية فلاحة البساتين السودانيه 11-عضو (سابق ) منظمة سنار للتواصل والتنميه والتعمير 12-عضو مجلس اداره (سابق) مدرسة الخرطوم العالمية الاعداديه KIPS 13-معد ومقدم برامج ثقافيه وزراعيه فى بعض القنوات التلفزيونيه والاذاعيه متزوج من الدكتورة مني إسماعيل و أب للمرحوم أحمد و للأبناء وضاح و خديجة و شمس الضحي السكن الحالى الخرطوم المعموره السيره الابداعيه: *صدر له ديوان نبض الحروف 1976 طبعه طلابيه اصدرها اتحاد الطلاب السودانين باسكندريه واعيدت طباعته نفس العام من دار جامعة الخرطوم للنشر *صدر له ديوان ودالمامور 2003 من مطبعة السودان للعمله *صدر له ديوان الكترونى مسموع ومكتوب عام 2003 ويعتبر من أوائل الدواوين الالكترونيه *ينشر أعماله الادبيه لاكثر من 35 ألف مشارك عبر 7 صفحات فى الفيس بوك.. * له مكتبات ادبيه فى ثمانيه مواقع الكترونيه باسم الشاعر مصطفى ودالمامور *كما ينشر اعماله الادبيه عبر 120 قروب في الواتساب *مؤسس لثمانيه صوالين ثقافيه فى الواتساب تضم قرابة 1000من الاعضاء المهتمين بالفن والادب والاعلام.. قامت هذه الصوالين بتاسيس منتدى ودالمامور الثقافى الذى يقدم نشاطه نصف شهرى الانتاج الادبي والفني:- 1-نظم أكثر من مائه قصيده طويله فى مواضيع مختلفه اهتم فيها بالقضايا الاجتماعيه 2-نظم 900 من شعر الرباعيات مؤلف ل 160 أغنيه غناها 60 فنان وفنانه من الشباب كما تغنى له من الكبار المرحوم هاشم ميرغنى معد ومقدم برنامج السبت أخضر اذاعة البيت السودانى إف .إم 100 معد ومقدم برنامج بيتك بستان التلفزيون القومى معد ومقدم برنامج حروف وزهور اذاعة البيت السودانى إف. إم 100 معد ومقدم برنامج دندنات الاذاعه الطبيه إف.إم 99,3 معد ومقدم برنامج صباح الزهور ..الاذاعه الطبيه معد ومقدم برنامج سمح الكلام..الاذاعه الطبيه قدم عدد من المشاركات التلفزيونيه والاذاعيه سهرات وبرامج قصيره مشارك في عدد مقدر من المنتديات الثقافيه داخل وخارج السودان
  10. عريسنا ..الفنانه اميره بدر الدين.mp3 اغنية عريسنا كلمات مصطفى ودالمامور الحان بلال عبدالله اداء اميره بدر الدين
  11. انتى رهيبه..عاصم هاشم.mp3 انتى رهيبه مصطفى ودالمامور الحان بلال عبدالله اداء عاصم هاشم لمَّا تْمُرِى علينا... بْنَفْرَحْ فَرْحَةْ زُولْ ..قَدَّرْنَا وجَانَا واحْلَى غُنَاى غَنيتُو عَشَانَا مشاعِر مَارْدَه .. لارادتنا ولاخَالاَّنَا بَرَاءَةْ طِفْلَه تَسُرَنَا تَشْرَحْ *** ثِمَارهَا اليَانْعَه نَجِيِضَه بِتَطْرَحْ ثِمَارْ جَوافه ومنقه..رهيبه بت شخصيه سَمَاحْ ومهيبه بت مكتمله مُحًالًه تْعِيِبَه وعيبَه الفِيِهَا سهاما بِتَجْرَحْ *** ليه الناس بتشوفِكْ تَسْرَحْ؟ بت ربوها قيم واصاله رباية العم والجِد وخَوالَه حَلاَتْ البتْ ولْدُوها حِتَالَه والاماتْ بى صغيرها بتفرح وانتى رهيبه مصطفى ودالمامور 3
  12. ..منار صديق .فكوهو الحصار .mp3
  13. مبروووك.mp3 مبروووك هديه للناجحين كلمات مصطفى ودالمامور الحان محمد عبدالجليل اداء امنيه ابراهيم ومحمد عبدالجليل
  14. طلة حبيب..هاجر مجمود.mp3 طلة حبيب كلمات مصطفى ودالمامور الحان اريج الربيع اداء هاجر محمود
  15. مابندم عليك ..هاجر محمود.mp3 مابندم علبك كلمات مصطفى ودالمامور الحان اريج الربيع اداء هاجر محمود
  16. الوفى ..هاجر محمود.mp3 الوفى كلمات مصطفى ودالمامور الحان اريج الربيع اداء هاجر محمود
  17. مالانك انتى امى ..هاجر محمود.mp3 مالانك انتى امى كلمات مصطفى ودالمامور الحان نزار الحميدى اداء هاجر محمود
  18. اغنية الحاصل حَصَلْ -أول نجوم الغد رامى عمر الحَاصِلْ حَصَلْ كلمات: مصطفى ودالمامور الحان: سليمان عطيه غناء: رامى عمر يا الساكنه اهداب المُقَلْ أنا انْسَى كيف؟ لى زول مَطَعَّمْ باالعَسَلْ أنا انسى كيف؟ وزولِى السحاب لَمَّى ونزَلْ نا انسى كيف؟ فرحة غريب اليوم وَصَلْ أنا اانسى كيف> فَرْحَانْ شَدِيِدْ بى جَيَتِّكْ والليله جَايِكْ بى مَهَلْ مِنْ شِدَّةْ الشُوقْ العَلَىّْ أَنَا قُلْتَ يِمْكِنْ مَاأصَلْ وهَسَّه جِيِتِكْ زَىّْ زّمّانْ..مازَىِّ والحَاصِلْ حَصَلْ لِسَّه نَايْرَاتْ الخُدُودْ والحَزَّه فى الجِيِدْ والخُصَلْ مِنْ زمانْ خَتُوكِى لَىّْ مِنْ كُنَّا فى سَغَرَه وجَهَلْ ولِعِبْنَا قِدَّامْ الفَرِيِقْ .وسِبَاقْنَا حَدُودْنَا الجَبَلْ نَجَارَىَ فى المَطَرْ الشَدِيِدْ خَايِفْ عليكى من البَلَلْ< والليله اخْدِكْ لىّْ عروسْ عِنْدَ أَمَى فى وَسْطَ الأَهَلْ فى الحِلَّه اِتْلَمُّوا الكبارْ واِتْلَمْلَمُوا النَاسْ فِى السَهَلْ وُبْقِيِتِى لَىْ رَسْمِى العَروس عَقَدُولْنَا والتَمُر اِنْبَهَلْ سيرتْنَا نُقَارَه وحَصِيِنْ وحُصَانِكْ الابْرَقْ صَهَلْ أَسْعَدْنِى عِرْسِكْ يالعَروسْ واسْعَدْ مَعَاى بَاقِى الاَهَل نَدْرَاً عَلَىّْ أَفْضَلْ مَعَاكْ عَصَايَه تَسْنِدْ فِى الكَهَلْ مَعِيِشْتِكْ انْتِى عَلَىّْ بَرَاىّْ بَسْ جِيِبِى لَىّْ كُومْ الْجَهَلْ مصطفى ودالمامور اغنية الحاصل حَصَلْ -أول نجوم الغد رامى عمر.mp3
  19. ما خليتنا نتم الحصه مصطفى ودالمامور فى ذكرى استاذى المرحوم نورالدين محمد عمر..استاذ اللغه الانجليزيه سنار الثانويه ****** ******** لاَ خَليتْنَا نَتِمْ الحِصَّه .. ولاَ خليتْنَا نْقُومْ نَبْرَاكَا حليل تَدْريِسَكْ لينَا ولُغَتَكْ تَسْلَمْ لُغَتَكْ والقَرَّاكَا أَسْرَعْتَ مَشِيِكْ تَوَّرْتَ نَفَسْنَا وعَارْفُو نَفَسْنَا ضَعِيِفْ فى خُطَاكَا ولَمَّا وَصَلْتَ المِيِسْ الاَخِرْ أَكِيِدْ الفُوزْ بالحيلْ سَرَّاكَا بَرَاكَا سعيد بى فُوزَكْ وَمِيِسَكْ وكل الدنيا عليك تِتْبَاكَا انت اِخْتِرْتَ تْسَافْرَ الأَوَّلْ ومَاتْرِجيتْ مَغَرُوضْ وَصَّاكَا مشيتْ بى هدوء هَادِى و مُطَمِّنْ وسِبْتَ الدنيا تَضِجْ بى وَرَاكَا وسِبْتَ السِيِرَه العَامْرَه وُزَاهْيَه وسِبْتَ عِيَالْ رَبَّكْ أَداكَا يالْرَبيتْ الْبَرَّه وجُوَّه زَىّْ مَاابوُكْ بالْجَدْ رَبَّاكَا لِسَّه النَاسْ فِى سِيِرْتَكْ وُأَدَبَكْ لِسَّه النَاسْ تَنْضُمْ طَارْيَاكَا وين أَشْعَارَكْ ؟وينَا قَصَايْدَكْ؟ وين الحُبْ والفَنْ وُغُنَاكَا ؟ وين ضحكَاتَكْ وينْ وَنَسَاتَكْ ماخَليتْنَا نَتِمُّو حُجَاكَا وينْ أَحْلاَمَكْ وينْ أَفْكَارَكْ وينْ الثَاقِبْ فِيِكْ وُرُؤَاكَا رحيِلَكْ تَرَكْ الفَجْوَه كبيره وأَكِيِدْ (معتَزْ ) حَيْسَدْ بى وَرَاكَا والمِتْلَكْ لِسَّه عليه شويَّه قَدَرْ الموتْ استَعْجَلْ وُجَاكَا (نورالدين) فى سندس اخَدَر مُحَاطْ بى زهور وثِمار تِتْاكَا؟ تَرْشُفْ فيها العَسَلْ الأَبيضْ فِى أَكْوابْ ذَهبيه وِعَاكَا كيف يانور خليت ست (نور) وين الحِنْ والحبْ ووفَاكَا؟ لو مَا الموتْ مكتوب ومقَدَّرْ كان (ست نور) تلقاها معاكا سِتْ البيتْ سَادَّاهَا فَرَقْتَكْ اِلاَّ فَرَقْتَكْ مَاهْلَه وَرَاكَا لى (سنار) كان فَقْدَكْ مُفْجِعْ والخزان بالْصَاقْعَه اِتْاكَا لَمَّا يموتْ فى بَلَدْنَا مُعَلِّمْ يومْ الشُومْ الأَسْوَدْ دَاكَا فِى (سنار) بِنْجِلْ أُسْتَاذْنَا كيف مانْجِلْ والفُوقْ جَلاَّكَا يارب أَغْفِرْ وارْحَمْ وُسَامِحْ (نورالدين) هُوْ مُعَلِّمْ وُجَاكَا جَاكَا فقِيِرْ لى عَطْفَكْ وفَضْلَكْ رَحْمَاكْ ياربْ نُطْفَه وسَوَّاكَا مصطفى ودالمامور
  20. أغنية الطبيبه كلمات مصطفى ودالمامور الحان بلال عبدالله غناء الفنان حسن شرف الدين.mp3 الطبيبه كلمات مصطفى ودالمامور الحان بلال عبدالله غناء الفنان حسن شرف الدين نَفْسَ الطَبِيِبَه..العَالْمَه الاديِبَه ..تَجِيِكْ بى اِنْشِرَاحْ تَصْرُفْ دَوَاوِى..وتَبْسُمْ تَدَاوِّى .عِلاَجْ كُلُّو صَاحْ تَسَّلِمْ عليكَا..وتَبْسُمْ تَجِيِكَا .. سُؤَالَه المُبَاحْ أَكْبَرْ مصِيِبَه..تَعَالْجَكْ طَبِيِبَه ..وتَمْرَضْ نُوَاحْ مِسَاهِرْ نَبَطْشِى..ومُرَاقِبْ لِطَشِّى ..دَه ْسَاحْرَ طَبِيِبْ مَسَكْ نَبْضِى قَاسُو.ورَكَّزْ حَوَاسُو.مَعَاى من قَرِيِبْ ليُونَة ايِدَها ضُقْنَا..ويوم أَدَّتْنَا حُقْنَه..زَىّْ طَعَمْ الْزَبِيِبْ بِكْتِبْ حِتَّه حِتَّه..ويِرْسُمْ فى الروشِتَّه..والْخَطْ العجِيِبْ طَيْبَه وْعَدِيِلَه..وْكَتَلَتْ قَتِيِلا..غَنَّاىّْ ومَاتْ شَدَرِكْ خَمِيِلَه..تَشَهِّى المَقِيِلَه..تِحْتَ النَبَاتْ مَنْقَه وظَلِيِلَه.الوَارِفْ ضِليِلَه..و فْلاَنَه جَاتْ زِيِنَه وْطَويِلَه..الْمَعَدُومْ مَثِيِلَه..وثِمَارَا حَاتْ
  21. رفاقتي مصطفي ود المأمور لندن /الى اصدقائى المخلصين الذين وقفوا بجانبى ودعوا مخلصين لبصرى اكتب لهم من قاع عينى هذه الابيات وحمدا وشكرا لله الذى اظهر فى عيونى قدرته جلَّ وعلى علوا كبيرا وصلى الله على سيدى ونور بصرى وقرة عينى السراج المنير والنبى الاخيرصلى الله عليه وسلم *** رفاقْتِى مصطفي ود المأمور بعد عملية العيون ياالحميد حَامْدَكْ زِياده بي قصيد مِنْ جُوَّه قلبى ومِنْ عَقُلْ طَايْعَ الاراده والحَمُدْ عَدَّيتْ وزِدْتُّو غلبني أحصي كُتُرْ عِدَادَه **** رَبْ سَقَاني عَسَلْ مَصَفَّي بي لبن تَرْيَانْ جُمَادَه وفي خَدَارْ نِعَمُو إنْبَطَحْتَ حِدَاىّْ نَهَرْ أَخَمِجْ خُواده و أزيد صلاتي علي مَحَمَّدْ اِسْمُو بَسْ شُفْعَه وسَعَادَه صَلَاتِي ليه وقوف و قاعِد و الجُنُوبْ جَافَتْ رُقَادَه أَصَلَّيْ و إتْزَوَّدْ لِسَفَرِي مَا السَفَرْ محتاج زُوَادَه من حَجَرْ كان كبدي قَاسِيْ دَه النَبي الرَطَّبْ كُبَاده والرحيم سُبْحَانُه حَانِي أَحَنَّ مِنْ أُمْ في مِهَادَه شَكيتْلُو كيف ؟وعيونى ضِعْفَتْ مع ذنوبى ورَاَنْ فُؤَادَه يابصير ابصارى ضعفت والضعيف قِبِلْ الأراده ياكريم مغروض فى فضلك تشفى عينى تفِكْ حِدَادَه ***** وبي وسيط نبي الله وافدو اكيد حَيكْرِمْ للوِفَاده كل مخلوق طالبو فَضْلُو للبَحَرْ طَلَبْ الزياده كيف يِضِنْ و اضعف عبيدو بالدموع لى رَبُّو نادى مااشتكا لي غيرو هَمُّو ولا إِعْتَرض حُكْمَ الإراده واسمك النور السألتُو كافى يجلى العين سواده و الغني شوف سِرْ خزاينو يِمْنَحَكْ وهي في زيَادَه مَاسَألتُو المَالْ ودُنيَا و لا حكم فيهو السياده بل سألتو يداوي بَصَرِي او بصيره تشوف عُوَادَه ***** يا البصير أَنِعْم بِضَيَّكْ و العيون أُوْقِدْ زِنَادَه و أشوف بديع صُنْعَكْ وفَنَّكْ ده التأمُلْ ماعباده انت علمت القوافى وانت مانح لى مِدَادَه خليتنا نعشق لى زهورك كان تجمع كان فُرَادَه وكل زهره أريجها يِنْضَحْ يوم تفوح تَدْلِقْ مِدَادَها والجمال فى كل صنعك يابديع حَدَّ الاجاده ولو اشيد بيك ياالاهى ماأصلْ عُشْرَ الاشاده احمدك ياربى اكتر من نجوم يصعب عِدَادَه احمدك ياربى اكتر من رمال واكتر زياده احمدك ياربى اكتر من بحور عندك مداده وحمدى ليك من جوه قلبى عشان وهبت العين ضماده والنزيف الكان مغَشِّى قاعْ عيونى وزادْ تَمَادَى كله زال بى دُعَايَا ليهو والدعاء مُخَّ العباده لمَّا شُفْتَ الدنيا ضَلْمَه وشان أشوفْ الرُؤْيَا كَادَه شفت بى نعمة الاهى مانعم طب أو عياده احمدك ياربى قادر توهب الناس السعاده خلى لى اصحابى جنبى مُتَكَّأ وللرَاسْ وِسَادَه ديل امان مطمور خزانتى ياكريم أمْنَع نفاده زَرَعْتَّ اصحاب شان حصادى والزِرُوعْ اتَتْ حَصَادَه ديل صحابى بريت دروبهم وكانو لى نِعْمَ القياده وخلى ليا بناتى جنبى خديجه ياربي وبناتا هِنْ عيونى ونِنْ سَوَادَه وامانه ليك بنتى (السغيره) تَوَفِقَا تجيب الشهاده لىّْ عيوني نور (شمس الضحى) بنتى الحنينه القلبى رَادَه والوحيد خليهو ليا فى المصايب واشتداده ياكريم نِعَمَكْ عَلَيَّا كل يوم زايدات زياده مصطفي ودالمامور ******** كلام ...عجيييب ..وكلمات فيها توسل وترجي لرب العباد ...كلمات يتقشعر لها البدن وادعية لله بقلب مؤمن ..بان الله هو الشافي المعافي ...تزودة بزوادة التقوى ..وحمدت وشكرت .. ياكريم نعمك عليا كل يوم زايدات زيادة تعبير بليغ ..وشكر ممدود لرب العباد ... الحمدلله ..الذي وهبك الصحة والعافية ..وزودك بالتقوى ..وفرج همك ...وفعلا السفر محتاج زواده لك التحية والتقدير ...وانت تمدنا بنصيحة غالية ...كيف نتزود لكل سفر ... وفقك الله ومزيدا من الابداع .. ود وتقدير الاعلاميه علويه ابراهيم صالون 7 ******* رفاقتی قصيدة تحمل اجمل المعانی الايمانية والجمالية قصيدة تستحق ان نقف عندها .تبدا بالحمد.وتجمع بين العاطفة والتدبر فقد جمغت القلب والعقل تعدد نعم الله وفضائله.ثم فيها الدعاء والرجاء مع الامتثال دون سخط .بل الثقة فی رحمة الاه وكرمه وهی قمة الايمان.ولاتقنطوا من رحمة الله .هی قصيدة صادقة معبرة تحس بكل حرف فيها .لله درك يامصطفی.ياحبيبی متعك الله بالصحة الدائمة والتی ليس بعدها سقم او الم الاستاذ السر عثمان رئيس منتدي ودالمامور الثقافي ****** استاذ مصطفي الرجل الذي ابدع في كل ضروب الشعر ..قمة الايمانيات بالله وقمة التذلل في دعاء الخالق وهذا مايحبة ويكون سببا في اجابة الدعاء...وقمة القناعة والرضي بالمقسوم .. ودعاء لم يقتصر علي الشفاء وﻻن دعوة المريض قريبة للرحمن شملت الدعاء للابناء والاصدقاء .نردد معك اااللهم امييين.ولك دوام العافية ايها الرجل الذي فاق حد التصور تحياتي واحترامي عفاف عبدالرازق صالون 7 ******* لك التحية الشاعر ود المامور انت حقاً شاعر بقامة وطن الحقيقة استمتعت بقصيدة رفاقتي ففيها الكثير من الحمد وزيادة وما اروعك حبيبنا انت تعد وتحصي العدد او بلغة دارجية عد واغلط ما اروعك وانت تجافي الرقاد لتزيد في حمدو وما اروعك وانت شايل الزواده هي الحمد والشكر والصلاة علي الرسول وتزيد وتبالغ في عدو ما اروعك وانت تتامل في خلقو ونعمو اسأل الاله يزيدك في حمدو بعد زيادة ويخلي ليك نونات عيونك فلزات اكبادك بتك السفيرة وشمس الضحي وكمان وحيدك يخليه يسندك ويبقي ليك ركازة وكمان نحنا دعواتنا تبقالك قدامك ووراك بخفظك ربي ولينا يجيبك غانم يافارس الفراس كامل يعقوب ..موسيقار وملحن المسئول الفني للمنتدي ****** السلام عليكم ورحمة الله .. الاستاذ مصطفى مدرسة تأتينا في كل لحظة بعلم رائع وفائدة عظيمة .. قصيدة سفر محتاج زوادة هي رائعة من روائعه المتجددة دائما ودرس ايماني تدبري يعلمنا معنى اللجؤ الى الله بيقين وايمان ورضى لن يستطيع تجسيده بهذا الترتيب والتنسيق والجمال سوى من يتقن جيدا الامساك بناصية الحروف وتوجيهها حيث يشاء وبكل ابداع وكانه يعزف سيمفونية بكامل ادواتها .. استاذنا ومعلمنا ووالدنا الكبير مصطفى استميحك عذرا بأن سمحت لنفسي ان اعلق على زهرة من حديقة ابداعاتك لكن جمال القصيدة وروعة سردك وآداءك دفعاني لا اراديا ان اكتب كلماتي هذه .. ادامك الله ووفقك دائما وزادك من علمه نورا وفي الدنيا سرورا .. منال عبدالكريم صالون 5 ****** افاده حول قصيدة رفاقتي الحبيب الغالي الراقي المهذب صاحب الكلمات العذبة الف حمدا لله علي سلامتكم . معليش كنا برا الشبكة مع انك جوه قلوبنا . وياريت الشبكة تبقي قوية مثل محبتنا ليك كان الأمور بقت 200% . مع حبي وتقديري. توفيق اسماعيل صالون 7 ****** من بلد الرسول بهدي السلام والشوق للغالي الأصم سيد الادب....... والزوق ابو المأمور اخوي الرايو ...مو ممحوق إن بطل الكتف في الراس نشيلك..فوق آب رثوة البتكرم في المجاعة ..ضيوفك كم فارسا مدرع. جسفنو .....سيوفك يا التلب المتل مطر السواري... كفوفك تتباشر صقور الجو قدر ما ...تشوفك الف سلامة يا البيك القلوب ...تنسر وجودك نور المدن الكبار..... والبر يا ضل الضعاف ساعة الهجير.... والحر تتعافه وتطيب إن شاء الله م تشوف شر وألف حمدالله على السلامة استاذي مصطفي المأمور حذيفه سليمان صالون3 ******** افاده حول قصيدة رفاقتي ربنا يخليهم ليك استاذ مصطفى ويوفقهم وربنا ينور طريقك ويمدك بالعافية والصحة الدائمة يارب وما تشوف شر يارب دعواتنا ليك دائما أيها الشاعر والاب الروحى كم من معجب ومحب لك فى هذا السودان كلهم أحبو فيك الطيبة والروح الجميلة و المعشر الحسن وكرمك و عطفك ميزات وطبائع ولدت بها وتربيت عليها قلت فى زماننا هذا ونادرا ما تجتمع فى شخص واحد فأنت حباك الله بنعمة كبيرة محبة الناس لك دليل محبة الله متعك الله بوافر الصحة ومذيدا من الإبداع والالق تحياتى هيام عكود صالون 7 ******* افاده حول قصيدة رفاقتي الحمد لله الذی من عليك بالشفاء..قصيدة تحمل الصدق كله لوحة ابتهالية عميقة جدا .ومن غيرالله الذی يهب ويغنی...قصيدة تصور الخالة والمعاتاة والثقة فی الله وتتحدث عن الحب بمعناه الكبير الاصدقاء والابناء.هی قصيدة معبرة جدا.والله لقد دمعت عينای .وبالمناسبة لايحس المعاناة الا من زاقها او مازال يعانی..الحمد لله ياقانة .الحمد لله غلی السلامة السر عثمان ..رئيس المنتدى صالون 2 ******* افاده حول قصيدة رفاقتي قصيدة رفاقتي رائعه استاذنا صبر ثم ثناء وحمد للمولي عز وجل دمت بخير ودام يراعك الشاعره رحاب كمال ****** افاده حول قصيدة رفاقتي سلمك الله و سلم لك الرفقة و تقبل حمدك و شكرك و صلاتك على حبيبنا النبي صلى الله عليه و على آله و سلم الشاعر عبدالقادر الكتيابي ****** ألف حمد الله على سلامتك ونحن إفتقدناك لما غبت ونحن غيرك ماعرفنا إنت وحدك لينا طبت ولانا غير عينيك شفنا إفتقدناك زي مزارع من عطش راجية السحابة زي ربيع غابت فصولو ونحن ماراضيين غيابا إفتقدناك إبتسامة فرحت قلب الغلابة وإلا مرحب لما جيتا وجبت أفراحنا وسعدنا بيك نورت المداين وتاني لي أحلامنا عدنا ألف مرحب بي قدومك ياهنانا وياسعدنا عودا حميدا لأرض الوطن أستاذنا أنيق الحرف مهذب الكلمة ودالمأمور الشاعر انس عبدالصمد صالون 3 *****
  22. حنين الى مصر مصطفى عبدالماجد المامور انى أقول كما رأيت القاهرة والمرء يسكب في الجمال مشاعره سأصوغ عن مصر الحبيبة نغمة فى جرس حرف من حروف عاطره يا مصر يا قلب العروبة كلها ستظلى فى قلب العروبة عامره فيك الحسين وأم هاشم قربة بيت النبوة من رحاب طاهرة كل البلاد حمت بِوَاقِي سُتْرَة والأزهر المبرور عندك ساترة أم المفاخر في الدنا أم النهي أم التجارب والعقول النائرة منذ الحضارة والحضارة أمها تنشئ وتخلق بالعقول الماهرة ولدت كنوز الشعر منذ شبابها وتظل تنجب كل يوم شاعرة يا مصرُ اني افْتَديِكِ بمهجتي والنفس ترخص يوم تعلن صافرة الشاعر المفتونُ ذَوَّبَ بوحهه في حب من يهوى وهام مسافرة من هام لا يبدي الغرام وأنني في حب مصر على الدوام مجاهرة كل يفاخر بالحبيب وحُبِّه وأناالمتيم لا اكون مفاخره؟؟ نيلها الفياض ألْهَبَ مهجتي وعلى الضفاف لكم مشيت مساهره فى روضها الفواح اعشق زهرة خد البنفسج في خدود زاهرة ياليت شعري أن تكون منيتي أو بين من أهوي أعيش مجاورة وأظل أقرأ من عيون حبيبتي شتى المعارف من ضروبٍ وافرة وأظل اركض للقريض وبيته وتظل نفسي في سمو شاعرة وأظل أنهل من معين أحبتي وأعود للسودان جدُّ مفاخرة وأحدث الأجيال عن أيامنا تلك الجميلة في ربوع القاهرة بين الجنان المزهرات فضائلا بين الرياض اليانعات العامرة للبيض أو للسمر يصفو لونها ولكم سعدنا بالسمَار سوامرة وتعايش الأديان فيها قد سمى كل يصلى ربه أو ذاكره سأظل يا أمي الرءوم مواصلا فإن انقطعت فإن حظي عاثرة لا لن أعفر في خدودك خصلة لا لن أبالي في حماكَ مَخَاطِرَة سأظل أذكركم وأذكر ودكم في كل يوم اسعفتني الذاكرة سنظل في السودان نذكر فضلكم سنظل خلفكم عيوناً ساهرة سنظل في الوادي المقدم خلفكم نحمي الديار من الذئاب الماكرة ونظل نحفظ للجوار حقوقه نعمَ الجوارُ همٌ ونعمَ مجاورة ان السياسة ان تسوس بحكمة ويعيش شعبك في رخاءٍ وافرة ياشعب وادي النيل إنا أخوةٌ عمر الزمان ومن عهود غابرة ما بيننا نيلٌ عظيمٌ واحدٌ فمياهو تصفو وحيناً عاكرة ولو السياسة عكرت من صفوه ياليتنا نقوى نشد أواصرة مهما السياسة باعدت ما بيننا سنزيد قرباً أو نزيد مصاهره كيف السبيل إلى الكنانة غايتي بالبر أو بالبحر أو بالطائرة أنا نتوق الوصل فيما بيننا من دون قيد أو شروط جائرة احبابنا أخواننا دمتم لنا في مقبل الأيام أو في الحاضرة لا فرق بين جنوبكم وشمالنا فالنيل يروي كل أرض طاهرة مصطفى عبدالماجد المامور 1974
  23. نويت الجيَّه باذن الله.. السبت 7-11 الساعه 11 بالقطريه ****** الله .. لى مريِضْ نَزَعُوهُو ليلْ منْ وَطَنُو الله.. في صَقِيِعْ والحُمَى تَنْتَحْ بَدَنُو الله .. زُولْ يِفَارقْ دَنْدَنَاتُو وشَجَنُو مااظِنْ غيرْ وَطِنْ دَافِى ..يِخَفِفْ حَزَنُو **** السبت القريِبْ انشاءالله نَاوِى الجَيَّه حِدَاشَرْ بالتَمَامْ وبْتَنْزِلْ (القطريه) مُشْتَاقْ لى الأَهَل يوم جلستهم اسريَّه واصحابى القُدَامْ امانه ما عُشَرِيَّه **** ذواقين قصيد ..بى شعرى دِيِمَه حَفِيَّه منحونى القريض موضوع ورُوحْ وقَفِيَّه مشتاق للبلد.. كل الجمال الفِيَّه و مشتاق للْبِقَتْ مِنْ نَفْسِى ذاتَا خفيه وكُلْ ما اقول وازيد من شعرى مامْكَفِيَّه واجمل ماانْكَتَبْ فِى شِغرى ملهمه هِىَّه ***** مشتاق للبلد رغم الصعوبه الفيَّه مامهم الكهارب قاطعه والحنفيَّه محتَاجْ لى مشَاعِر صَادْقَه حَانيه دَفِيَّه مشتاق للْشَمِشْ اللى عُضَامْنَا شَفِيَّه **** مشتاق للتواصل أَزُور ويِجُونِى عَليَّا وقهوتنا المظَبَطَّه هبهان مقليه ويجينى (ابواللمين) بى قافيتو المَرْويَّه ويجوك أَهَلْ الصوالين ميَّه تَعَقِبْ مِيَّه نَوْصًلْ بى سلام وكرامه لحمه وشَيَّه دعواتكم مصطفى ودالمامور
  24. يابلد صَحْصِحْ شويه مصطفى ودالمأمور جَمَاْل الريِفْ جَمَالاً زَيُّه ما لاقيِتْ .. ولا تْحَكَّيتْ جَمَالْ الريفْ .. لو جابولو زول وَصَّافْ يِعَدَّدْ حُسْنُه للما شَافْ مُحَالْ لي حُسْنُه تاني يِضِيفْ ***** في عِصَّيْر نَسَامُّة رَاضْعَه دَعَاشَه مِن ثَدْيَّ الخريف والنسايم هَابَّه فيها يِجِيِبَا رَقْرَاقْ الصَريِفْ والغيم علي شَمْسَ العِصَّيْر بُرْقُعْ خِمَارْ .. مرسوم علي الوجه النضير ألوانه طيف .. أحمر خفيف .. َعَاكِسْ علي مويه الجداول والخدار نَاِضرْ وريف .. والسَعِيَّه الراجعه شِبْعَتْ في الرَعِيَّهْ راتعه لُوبَا وعيشه ريف والقُطُنْ لوزاتُو ناعمه خديدا أمْلَسْ من قطيف والقَمِحْ سِيقانو مَايْلَه سنابلُه إصْفَّرتْ وشايله مايله ما قَادِرْ تقيف بالريح تَمِيلْ في إنسجام وتعود وتَرْجَعْ واقفه سيف زي الدراويش في التَجَلَّي يدوبو في ذِكْرَ اللطيف ***** فَالِقْ الحَبْ والنَوَّى بي قُدْرَتُو الزَرِعْ إِسْتَوىَ من جودو أداهو الِروَىَ خَصَّاهُو مَطَرَاً ليهُو زِيِفْ.. مُزْنَةْ كريم من السماء الْمَرْعَى بيهَا روي و نَمَا شَابِكْ كثيف .. حَالْنَا كَانْ زَاهِى وْمِخَدِّرْ نَاسْ بِتَزْرَعْ وُنَاسْ تَصَّدِرْ وكَانْ بَلَدْ بالْحيلْ وَلِيِفْ ومِنْ سُوَاتْنَا الله ضَوَقْنَا المَزَلَّه مِنْ أَرِضْ مِعْطَاءَه سَلَّه زاخره فاكهه خضار وغَلَّه بِقِيِنَا نَدْعَمْ فِى الرَغِيِفْ والْ الله بِكْرِمُو بالْمَعَّزَه ما أظن بِتْهِمُو هزَّه ولا بِكُونْ هَلْكَانْ ضعيف .. حَتَّى اِنْ فَسَدَتْ حَكُومَه الله قَادِرْ يِتِمُّو يُومه والوَطَنْ يِرْجَعْ شَفِيِفْ يا كريم حامدنو فضلك يا كريم ضقناهو عدلك نِحْنَا ماخَايْفِيِنْ ضَيَاعْنَا وكل تَكَلْنَا على اللطيفْ *** ياوطنْ أَبْشِرْ وبُكْرَه .... كُلُّ شَىْ بِرْجَعْ نَضِيِفْ بُكْرَه تِخْضَّرْ المَزَارِعْ ويِبْقَى أَحْسَنَّا المُزَارِعْ وتانى نَنشدْ للخَريِفْ (هلاَّ الخريفُ هلاَّ اهلا به وسهلاَّ) الله رَزَّاقْ لَوْ عَدَلْنَا ولو ظلمنا اكيد حيخلف ناسْ بَدَلْنَا وبعرف ينزع ملكو كيف نعمو ادانَا المَوَارِد وكل واحِدْ طَاشِّى شَارِدْ لا ركز لا داير يقِيِفْ يَا بَلَدْ مَحَّنَا حَالِكْ تُبْ جَنَاكْ السَفَّه مَالِكْ والفَسَادْ أَصْبَحْ مُخِيِفْ الدون مواهب في المكاتب والْبِعَمِرُوا فِى الرَصِيِفْ يابلد اعدل شويه كلنا اولادك خويه لافينا واطي ولاشريف يَابَلَدْ طول رقادك بالله قوم والمزن جادك تاني دايرنك ْتَقِيفْ الكلام الحَارْ بِبَكِّى مش ْ أَخير مِنْ بُكْرَه تَشْكِى تَكُوسْ علىْ مَنْفَى ورصيِفْ فى بلدنا ..نبنى مستقبل سَعَدْنَا شفنا نِحْنَا وَكِتْ مَرَقْنَا لقيِنَا كل الْبَرَّه زِيِفْ مصطفى ودالمامور
  25. القلب اتقطع استديو.mp3 [ إهداء إلي أخي الدكتور زهير حسن بابكررجل مبدع بحق وشاطر بذكاء كان اول السودان فى اللغة الانجليزيه وسابع السودان فى الشهاده السودانيه ..بعثته جامعة الخرطوم لفرنسا لتحضير الدكتوراه وعاد استاذ فى الجامعه ومن ثم مدير لدار نشر جامعة الخرطوم يعد بروفسر على المك ..وفى عهده طبع عدد من دواوين المبدعين فى السودان.. طلعت من القصيدة اغنيتين زهير الروح لحن نزار الحميدى وغناء اريج الربيع واغنية الخدور لذات الملحن وغناء فضل ايوب[/size][/color][/font] القلب اتقطع يوم نطراك القلب يتقطع براهو قليبنا سقيم و موجع مين للقدر النازل بمنع? ه حال الدنيا تفرق و تجمع و بكره قريب الغائب برجع *** شوف البلد الماهل و أوسع ضاق ( بزهير ) و أنا جوه قبرني عشت معاي ود بلدي و سني و في منفاك عجزت لأني محال للقدر النازل أمنع *** زهير الروح يوم قمت مودع جمال الناس روحتو معاكا زهور الدوح ذبلت طارياكا (تمارا) تنوح لليوم تتباكا وحتي اليوم عينيها بتدمع *** ات ما الزول البمرق و يقنع انت رحيق و خلاصة فني و شانك أنت الناس بتغني ( زهير ) العود الوترو يوني و برضو (كمان ) محزون و موجع *** يوم ما تعود أهديك مربع أنظمو ليك و يتشرف فني أنوي النم و حروفك يجني أنثرو شعري ( ونادر ) يغني و يلحنو ليك البيت و المطلع *** شعري الفيك ما بزيدك و يرفع لأنك أصلاً سامق و عالي و قولي الفيك كان دُرْ أقوالي طبيعي الدر في العين بيلالي و غيرك مين الدر البلمع *** حتجينا بتين يا صافي المنبع انت كريم ود بيت و مطبع ( ود النعمه ) البِحَضَرْ وبِدْفَع خلي الناس من خيرك تشبع هم فقدوك أيتامن و رضع *** أخوك ( ياكمير ) في قلوبنا تربع و في السودان أمثالو شويه وقيمة أخوك ما خافيه عليا أنشاء الله يعود و قريب الجيه و يضوي البلد الضلمه و يسطع *** و لما تعود ياود يا مجدع أجي في البيت ( وجمال ) مستني و أقابل ( سيف ) الملهم و فني و أجي فرحان ( للفاتح ) أهني و ألاقي ( مهير ) و أمال و يجني و أشوف ( نفوس ) بمقاما الأرفع *** زهير الوارث ( أبوه ) مشبع جرأه ووارثو عقل متجلي محال العين تختاهو تخلي أصلو العين المابتصلي من السهم النابل أسرع *** متين يا الغالي تجينا و ترجع و بيكا يعود الزمن الأنضر و تنسي الزمن العشتو مكدر و مهما اليوم لو طال أو قصر بكره حتشرق شمسو و تطلع *** عود ( يازهير ) و الناس تتجمع الحبان قاصدين محياكا و ماني براي دي الناس حاباكا فراش ( سنار ) لاميهو ضياكا بخت سنار الفيها ترعرع *** ( يا سنار ) الام المرضع كم أنجبتي نجوم تتساما من السلطنه سادو قداما لحدي زهير مبدع و علاما و غيره كتير في سماك يترصع *** عود ( يازهير ) بي سرعه و ألكع كل الناس مشتاقه لقاكا و انت الفتَّ و شوقنا معاكا رغم الحال الما بغباكا دي برضو بلدنا و أصل المنبع ( زهير ) في سمانا النجم البلمع و قمره التمّ موهج فينا أول دفعتو لما قرينا و سابع العشره الشرفو لينا لما أذاعو العشره اللُمَّع *** و في فشفاشنا النفس البطلع و باقي الشوف الفي عينينا ونن العين الغالي علينا ( زهير ) للروح بلسم يشفينا ( زهير ) الزهره شذاها تَضَوَّعْ *** ( زهير ) الروح لا تهم لا تجزع كل العُسُر الضقتو و أزاكا قدرو يسر مكتوب برجاكا و بكره تسوح في سموك و علاكا دي حكمة ربك يخفض و يرفع *** تعال يازول ياذوق يا أروع و أجي ألقاك في نعيم متهني و الاقي معاك اللحظو طعني و الاقي حسان بي وراك ماطرني و الاقي الكان لي حنو بنطمع *** حليلو زمنا الفاتنا و ودع و عندي غزال بسعدني هواهو معاك ( يا زهير ) اليوم بطراهو و كان محبوبي قليل تلقاهو لأنو حبيبي غزال و مَلَّوعْ *** كان في مشيهو يميل و يتْجَدَّعْ لما أشوفو و أقولو غناهو يغتي و شيهو و باهي ضياهو حلاتو حبيبي و ما أحلاهو وجّع قلبي العرس و ودع *** و حتي اليوم في صحراء و بلقع شوف الزمن الجاف و قساهو هسيَّ حبيبي هناك تلقاهو نفسي هواي مكتول بهواهو و زي كمان مشتاق لي هسع *** الخدور يوم مقلتو تدمع يخلي دموعي تزاري معاهو حبيبي تقيل كاتم لهواهو أريت الدنيا تشيلني معاهو و بعد الفرقه تلمنا تجمع *** الخدور ربوه مطبع رزانه و روقه و طبعه براهو جمال و كمال ربك أداهو رغم سنين الفرقه معاهو شفتو الليله وزايد أروع *** ( زهير ) رجعتني زمني الأروع و مافكرت بلاك أطراهو لأنك عندي الزمن و هناهو و عندي مثال الخل و وفاهو و أريت الزمن الصادق يرجع قصيدة القلب اتقطع صوت الاذاعه.mp3